လံာ်စီၤနဃ့မယၤ 4:7 - Sgaw Karen Common Bible

⁷ ဒီးတုၤစီၤစၤနဘၤလး, စီၤတိၤဘံယၤ, ပှၤဧ့ရ့းဖိ, ဒီးပှၤအၤစဒိးဖိသ့ၣ်တဖၣ်နၢ်ဟူဝဲဒၣ်လၢပအိၣ်ဒီးပတၢ်မၤအတၢ် လဲၤထီၣ်လဲၤထီလၢတၢ်ဘှီထီၣ်ကဒါက့ၤဝ့ၢ်ယရူၤၡလ့ၣ်အခိၣ်ဒူ ဒီးတၢ်ဘၢၣ်ဖျိအိၣ်လၢဝ့ၢ်ခိၣ်ဒူဘၣ်တၢ်ကးတံၢ်အီၤန့ၣ်အဝဲ သ့ၣ်အသးထီၣ်ဝဲဒိၣ်ဒိၣ်ကလဲာ်န့ၣ်လီၤ.

လံာ်စီၤနဃ့မယၤ 4:7 Iomraidhean Croise

လံာ်တၢ်ကဲထီၣ်အခီၣ်ထံး 3:15

ယကမၤတုၤနၤဒီးပိာ်မုၣ်သးဟ့လိာ်သး, ဒီးအချံအသၣ်ဒီးနချံ နသၣ်န့ၣ်ကမ့ၢ်ဒုၣ်ဒါထီဘိန့ၣ်လီၤ. ပိာ်မုၣ်အချံအသၣ်ကမၤသဘှံးနခိၣ်ဒီးနချံနသၣ်ကဖျးအဝဲသ့ၣ် အခီၣ်နၢၣ်ခံလီၤ.”

လံာ်စီၤပၤခံဘ့ၣ်တဘ့ၣ် 24:2

ယွၤမၢလီၤသုးဖိအဖုတဖၣ်လၢအမ့ၢ်, ပှၤဘၤဘူၤလိၣ်ဖိ, ပှၤစူၤရံဖိ, ပှၤမိၤအးဖိဒီးပှၤဧၣ်မိၣ်ဖိထီဒါစီၤယဟိၤယါ ကံၣ်လၢတၢ်ကမၤဟးဂီၤကွံာ်ကီၢ်ယူဒၤအဂီၢ်, ဒ်ယွၤစံးတ့ၢ်ခီဖျိအခ့အပှၤဝံတဖၣ်, လၢကမၤဝဲအသိးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:1

တၢ်န့ၣ်တဖၣ်အလီၢ်ခံတယံာ်ဘၣ်န့ၣ်, ကီၢ်မိၤအးဒီးကီၢ်ဧၤမိၣ် အသုးမုၢ်တဖၣ်ပာ်ဖှိၣ်ဃုာ်သကိးအသးဒီးအဝဲသ့ၣ်အသိၣ်အမှံၤတဖၣ် လၢအမ့ၢ်ပှၤမူနးဖိတဖၣ်ဒီးဟဲထီၣ်ဒုးကီၢ်ယူဒၤန့ၣ်လီၤ.

လံာ်စီၤဧ့စြၤ 5:8

ကစၢ်စီၤပၤဖးဒိၣ်ကြၢးသ့ၣ်ညါဝဲလၢပလဲၤတ့ၢ်ဆူကီၢ်ယူဒၤ ဒီးထံၣ်ဘၣ်လၢတၢ်ဒိၣ်ကစၢ်ယွၤအတၢ်လုၢ်ဟံၣ်ဘၣ်တၢ်သူၣ်ထီၣ်ကဒါ က့ၤအီၤလၢလၢၢ်ကိၢ်လိၢ်ဖးဒိၣ်တဖၣ်, အိၣ်ဒီးသ့ၣ်ကျိၤတဖၣ်ဘၣ်တၢ်ထီထီၣ်အီၤလၢတၢ်ဒူၣ်အလိၤလံ. တၢ်ဖံးတၢ်မၤအံၤဘၣ်တၢ်မၤအီၤလီၤတံၢ်လီၤဆဲးဒီးလဲၤထီၣ်ဆူ ညါကွ့ၢ်ကွ့ၢ်လံန့ၣ်လီၤ.

လံာ်စီၤနဃ့မယၤ 2:10

ဒီးတုၤပှၤဃိရၣ်ဖိစီၤစၤနဘၤလး, ပှၤဧၣ်မိၣ်ဖိအပဒိၣ်စီၤ တိၤဘံယၤနၢ်ဟူဝဲဒၣ်လၢပှၤတဂၤဟဲဝဲဒၣ်လၢပှၤအံၣ်စရ့လးဖိ အတၢ်ဂ့ၤအဂီၢ်န့ၣ်အဝဲသ့ၣ်အသူၣ်ဒိၣ်အသးဖျိးဒိၣ်မးန့ၣ်လီၤ.

လံာ်စီၤနဃ့မယၤ 2:19

ဒီးတုၤစီၤစၤနဘၤလး, စီၤတိၤဘံယၤဒီးပှၤဧ့ရ့းဖိစီၤ က့ၤၡ့ၣ်နၢ်ဟူဝဲတၢ်လၢပသုးကျဲၤလၢပကမၤအီၤန့ၣ်အဝဲသ့ၣ်နံၤ ဘၣ်ပှၤဒီးစံးဝဲ, “တၢ်လၢသုကမၤန့ၣ်သုဆိကမိၣ်လၢအမ့ၢ်တၢ်မနုၤလဲၣ်. မ့ၢ်သုကပူထီၣ်ထီဒါစီၤပၤဖးဒိၣ်န့ၣ်ဧါ.”

လံာ်စီၤနဃ့မယၤ 4:1

ဒီးတုၤစီၤစၤနဘၤလးနၢ်ဟူဝဲဒၣ်လၢပဝဲပှၤယူဒၤဖိတဖၣ်ပစး ထီၣ်ဘှီကဒါက့ၤဝ့ၢ်ခိၣ်ဒူန့ၣ်အသးထီၣ်ဝဲဒီးစးထီၣ်နံၤဘၣ် ဖၣ်လဲပှၤန့ၣ်လီၤ.

လံာ်စီၤနဃ့မယၤ 4:6

ဒီးပဘှီဝ့ၢ်ခိၣ်ဒူဒီးဝံၤဝဲတုၤအကစီၤထီၣ်အဖးဖီမ့ၢ်လၢ ပှၤဂီၢ်မုၢ်တဖၣ်အိၣ်ဒီးတၢ်သးဆူၣ်လၢကမၤတၢ်အဂီၢ်အဃိန့ၣ်လီၤ.

လံာ်စီၤနဃ့မယၤ 4:8

ဒီးလၢတၢ်န့ၣ်အဃိအဝဲသ့ၣ်ခဲလၢာ်ကူၣ်ဝဲဒၣ်လၢကဟဲထီဒါဝ့ၢ် ယရူၤရှလ့ၣ်ဒီးဒုးအိၣ်ထီၣ်တၢ်သဘံၣ်ဘုၣ်န့ၣ်လီၤ.

လံာ်စီၤနဃ့မယၤ 6:16

ဒီးတုၤပဒုၣ်ပဒါလၢအအိၣ်ဝးတရံးပှၤလၢအမ့ၢ်ပှၤကလုာ်တဖၣ်နၢ် ဟူတၢ်အံၤန့ၣ်အဝဲသ့ၣ်ထံၣ်သ့ၣ်ညါလီၤက့ၤအသးလၢအမဲာ်သၣ် တအိၣ်လၢၤဘၣ်, ဒီးပှၤခဲလၢာ်သ့ၣ်ညါဝဲဒၣ်လၢတၢ်မၤအံၤဝံၤဝဲဒၣ်လၢ ကစၢ်ယွၤအတၢ်မၤစၢၤအဃိန့ၣ်လီၤ.

လံာ်ယံးရမံယၤ 25:20

ကီၢ်အဲၤကူပတူးအစီၤပၤ, အပဒိၣ်ပပှၢ်တဖၣ်ဒီး အခိၣ်အနၢ်တဖၣ်, ဒီးပှၤအဲၤကူပတူးဖိခဲလၢာ်, ပှၤတခီဘီမုၢ်ဖိတဖၣ်လၢ အအိၣ်လၢ ကီၢ်အဲၤကူပတူးအပူၤ ကီၢ်ဧူးစးအစီၤပၤခဲလၢာ်, စီၤပၤခဲလၢာ်လၢ ကီၢ်ဖလ့ၡသးအဝ့ၢ်တဖၣ်လၢ အမ့ၢ်ဝဲ အၤၡကလိၣ်, ဂါစၤဒီးဧ့ကြိၣ်အပူၤ, ဒီးဝ့ၢ်အၤစဒိးအပှၤအိၣ် လီၤတဲာ်တဖၣ်.

လံာ်ယံးရမံယၤ 41:10

အန့ၣ်ဝံၤဒီး, စီၤပၤအဖိမုၣ်တဖၣ် ဃုာ်ဒီးဝ့ၢ်မံးစပၤအပှၤဂီၢ် မုၢ်လၢအအိၣ်လီၤတဲာ်ခဲလၢာ်, လၢသုးခိၣ်ဖးဒိၣ် စီၤနဘူစၢ်ရဒၣ်ပာ်ဝဲလၢစီၤကဒါလယၤအတၢ်ပၢဆှၢကဟုကယာ် အပူၤန့ၣ်, အဝဲဒုးကဲထီၣ်အဝဲသ့ၣ်ဆူ ပှၤဃိာ်ဖိတဖၣ်န့ၣ်လီၤ. စီၤယံးၡမၤအ့လးစိာ်မၢကဲကုၢ်အဝဲဆူ ပှၤဧၣ်မိၣ်ဖိအလီၢ်ကဝီၤ အကျဲတခီန့ၣ်လီၤ.

လံာ်ဧၤမိၣ် 1:13

ဒီးယွၤစံးဝဲဒၣ်, “ပှၤကီၢ်ဧၤမိၣ်ဖိတဖၣ်မၤတ့ၢ်လံတၢ်ဒဲးဘး တဘျီဝံၤတဘျီလံ. ဒီးလၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်န့ၣ်လီၤ. လၢအဝဲသ့ၣ်တၢ်ဒုးတၢ်ယၤတဖၣ်ဒ်သိးကမၤလဲၢ်ထီၣ်အကီၢ်အဃၢၤအဂီၢ် အပူၤန့ၣ်, ကွဲးသ့ၣ်ဖးဒၣ်လဲာ်ကီၢ်ကံးလဧးအပိာ်မုၣ်လၢအဒၢတဖၣ် အဟၢဖၢန့ၣ်လီၤ.

လံာ်ဧၤမိၣ် 1:8

ဒီးယကသုးကွံာ်ပှၤပၢၤဝ့ၢ်အၤစဒိာ် ဒီးဝ့ၢ်အၤၡကလိၣ်အပဒိၣ်တဖၣ်န့ၣ်လီၤ. ဒီးယကစံၣ်ညီၣ်ဝ့ၢ်ဧ့ကြိၣ်ဒီးကယဲၢ်ပှၤဖလ့ၡသးဖိတဖၣ်လၢအအိၣ် လီၤတဲာ်န့ၣ်ကသံလီၤ.”

လံာ်ဧၤမိၣ် 3:9

ဘိးဘၣ်သ့ၣ်ညါတၢ်ဆူပှၤအိၣ်လၢကီၢ်အဲၤကူပတူးဒီးဝ့ၢ် အၤစဒိာ်အနူၢ်အစီၤတဖၣ်အပူၤဒီးစံး, “ပာ်ဖှိၣ်ထီၣ်သုသးလၢကစၢၢ် ကလိတဖၣ်လၢအအိၣ်ဝးတရံးကီၢ်ၡၤမရံဒီးကွၢ်တၢ်တၢထီၣ်တၢလီၤ ဖးဒိၣ်လၢအပူၤဒီးတၢ်မၤအၢမၤနးတဖၣ်လၢအဘၣ်တၢ်မၤအီၤဖဲန့ၣ် တက့ၢ်.

မၤတၢ် 5:33

တုၤကီၣ်ကးတဖုနၢ်ဟူတၢ်အံၤဒီး, အသးဒိၣ်ထီၣ်နးနးကလဲာ်တုၤဒၣ်လဲာ်အဲၣ်ဒိးမၤသံကွံာ်ပှၤတၢ် မၢဖိတဖၣ်န့ၣ်လီၤ.

လံာ်လီၣ်ဖျါ 12:17

ပယိၤသူၣ်ဒိၣ်သးဖျိးပိာ်မုၣ်ဒီးဟးထီၣ်ဝဲဒ်သိးအကဒုး တၢ်ထီဒါအဝဲဒၣ်အစၢၤအသွဲၣ်အဂၤတဖၣ်, ကယဲၢ်ပှၤတဖၣ်လၢအဒိကနၣ်ကစၢ်ယွၤအတၢ်မၤလိာ်တဖၣ်ဒီး အသးတီဝဲလၢတၢ်အုၣ်အသးလၢယ့ၣ်ၡူးအဂ့ၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 11:2

စီၤနၤဃၣ်စံးဆၢဝဲဒၣ်, “ယကမၤတၢ်အၢၣ်လီၤအီလီၤတမံၤဒီး သုလၢတၢ်ဂ့ၢ်တမံၤအဖီခိၣ်လီၤ. ယကထုးထီၣ်ကွံာ်ပှၤကိးဂၤဒဲးအမဲာ်ချံလၢအထွဲတခီဒီး, ဒုးလီၤဘၣ်တၢ်မဲာ်ဆှးလၢကီၢ်အံၣ်စရ့လးဒီဘ့ၣ်အလိၤန့ၣ်လီၤ.”