လံာ်စီၤနဃ့မယၤ 4:4 - Sgaw Karen Common Bible

⁴ ဒီးယဘါထုကဖၣ်ယဲ “ကစၢ်ယွၤဧၢ, ကနၣ်လၢ်တက့ၢ်. အဂ့ၢ်ဒ်အံၤ, ပဘၣ်တၢ်မၤတရီတပါပှၤလီၤ. မ်အတၢ်ကတိၤဒုၣ်ဒွဲၣ်လီၤဘၣ်က့ၤလၢအခိၣ်ဒၣ်ဝဲအလိၤန့ၣ်တ က့ၢ်. မ်ကယဲၢ်တၢ်လၢအအိၣ်ဒီးအီၤဘၣ်တၢ်ဂုာ်န့ၢ်ဒီးမ်အဘၣ်တၢ်စိာ် ကွံာ်အီၤဆူပှၤဂၤအထံအကီၢ်ဒ်ပှၤဘၣ်တၢ်ဖီၣ်န့ၢ်အီၤအသိးန့ၣ်တ က့ၢ်.

လံာ်စီၤနဃ့မယၤ 4:4 Iomraidhean Croise

လံာ်စီၤနဃ့မယၤ 5:9

တုၤနုၤတစုယစံးဘၣ်အဝဲသ့ၣ် “တၢ်လၢသုမၤန့ၣ်မ့ၢ်တၢ်လၢအကမၣ် လီၤ. သုကဘၣ်ပာ်ကဲကစၢ်ယွၤဒီးမၤတၢ်လၢအဘၣ်န့ၣ်လီၤ. ဒီးသုတဘၣ်ဟ့ၣ်ပဒုၣ်ပဒါတဖၣ်, ပှၤကလုာ်ဂၤတဖၣ်လၢတၢ်ဂ့ၢ်လၢ ကနံၤဘၣ်ဖၣ်လဲပှၤန့ၣ်ဘၣ်.

စံးထီၣ်ပတြၢၤ 79:12

ယွၤဧၢ, ပှၤလၢပဃၢၤ, ပှၤကတိၤဒုၣ်ဒွဲၣ်တၢ်သ့ၣ်တဖၣ်န့ၣ်ဟ့ၣ်ကၣ်အီၤနွံစးလၢ အသးနါပှၢ်အပူၤ, လၢအကတိၤဒုၣ်ဒွဲၣ်နၤအဃိန့ၣ်တက့ၢ်.

တၢ်ကတိၤဒိ. 3:34

အဝဲဒုၣ်ဒွဲၣ်ပှၤဒုၣ်ဒွဲၣ်တၢ်တဖၣ်ဒီးဒုးနဲၣ်ဖျါထီၣ်အဘျုး အဖှိၣ်လၢပှၤဆီၣ်လီၤအသးတဖၣ်န့ၣ်လီၤ.

လံာ်သးသယုၢ်တၢ် 1:22

အုၣ်နသးထီဒါအဝဲသ့ၣ်လၢကယဲၢ်အတၢ်တတီတလိၤတဖၣ် အဃိတက့ၢ်. စံၣ်ညီၣ်အဝဲသ့ၣ်ဒ်နစံၣ်ညီၣ်တ့ၢ်ယၤလၢယတၢ်ဒဲးဘးတဖၣ်အဃိန့ၣ် တက့ၢ်. ယကအုကစွါလၢယတၢ်နးတၢ်ဖှီၣ်အပူၤဒီးယသးဆိးက့ဝဲလီၤ.”

လံာ်ဟိၤၡ့ 12:14

ကီၢ်အံၣ်စရ့လးအပှၤဂီၢ်မုၢ်ထိၣ်ဂဲၤထီၣ်ယွၤ အတၢ်သးထီၣ်နးနးကလဲာ်လီၤ. အဝဲသ့ၣ်ကြၢးဒီးတၢ်သံလၢအဝဲသ့ၣ်အတၢ်ကမၣ်တဖၣ်အဃိလီၤ. ယွၤကစံၣ်ညီၣ်အဝဲသ့ၣ်လၢတၢ်ဒုၣ်ဒွဲၣ်လၢအဝဲသ့ၣ် ဟဲစိာ်အီၤလၢအလိၤအဃိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:26

စီၤဒၤဝံးသံကွၢ်ပှၤတဖၣ်လၢအအိၣ်ဘူးဒီးအီၤ, “ပှၤတဂၤလၢအမၤသံပှၤဖလ့ၡသးဖိတဂၤန့ၣ်ဒီးမၤသဘျ့ထီၣ် ပှၤအံၣ်စရ့လးဖိလၢတၢ်ဒုၣ်ဒွဲၣ်အံၤန့ၣ်ကမၤန့ၢ်တၢ်မနုၤ လဲၣ်. ဝံၤဒီးပှၤဖလ့ၡသးဖိလၢအတစူၢ်တနာ်ယွၤဒီးထီဒါကစၢ်ယွၤလၢ အမူဝဲတဂၤအသုးမုၢ်န့ၣ်မ့ၢ်မတၤတဂၤလဲၣ်.”