လံာ်စီၤနဃ့မယၤ 4:21 - Sgaw Karen Common Bible

²¹ ဒီးလၢတၢ်န့ၣ်အဃိကိးမုၢ်နံၤဒဲးစးထီၣ်လၢမုၢ်ဂီၤတုၤလီၤ လၢမုၢ်ဟါဆၣ်သ့ၣ်တဖၣ်ဖျါထီၣ်ဝဲန့ၣ်, ပပှၤတဝာ်ကမၤတၢ်လၢဝ့ၢ်ခိၣ်ဒူအလိၤဒီးအဂၤတဝာ်ကခိးတၢ်အိၣ် ဒီးဘီန့ၣ်လီၤ.

လံာ်စီၤနဃ့မယၤ 4:21 Iomraidhean Croise

လံာ်စီၤနဃ့မယၤ 4:20

ဒီးသုမ့ၢ်နၢ်ဟူကွဲၤအသီၣ်န့ၣ်ဟဲပာ်ဖှိၣ်သုသးလၢယအိၣ်တ က့ၢ်. ပကစၢ်ယွၤကဒုးတၢ်လၢပဂီၢ်န့ၣ်လီၤ.”

လံာ်စီၤနဃ့မယၤ 4:22

ဒီးလၢအကတီၢ်အံၤန့ၣ်ယတဲဘၣ်ပှၤကွၢ်ထွဲတၢ်မၤသ့ၣ်တဖၣ်လၢအဝဲ သ့ၣ်ဒီးပှၤမၤစၢၤအဝဲသ့ၣ်ကအိၣ်လၢဝ့ၢ်ယရူၤၡလ့ၣ်လၢမုၢ်နၤဒ် သိးပကကွၢ်ထွဲဝ့ၢ်လၢမုၢ်နၤဒ်ပမၤတၢ်လၢမုၢ်ဆါအဆၢကတီၢ်အသိး န့ၣ်လီၤ.

1 ကရံၣ်သူး 15:10

ဘၣ်ဆၣ်ဒီးခီဖျိကစၢ်ယွၤအဘျုးန့ၣ်, ယမ့ၢ်တၢ်လၢယမ့ၢ်ဒီးတၢ်ဘျုးတၢ်ဖှိၣ်လၢအဝဲဒၣ်ဟ့ၣ်တ့ၢ်ယၤန့ၣ် တကဲတၢ်ကလီကလီဘၣ်. မ့မ့ၢ်ယဖံးမၤတ့ၢ်တၢ်ဆူၣ်န့ၢ်ပှၤတၢ်မၢဖိအဂၤတဖၣ်ခဲလၢာ်လီၤ. ဘၣ်ဆၣ်ဒီးတမ့ၢ်ယတၢ်မၤဒၣ်ယဲနီၢ်နီၢ်ဘၣ်, မ့မ့ၢ်တခီမ့ၢ်ဝဲယွၤအဘျုးအဖှိၣ်ဖံးမၤတၢ်ဒီးယၤလီၤ.

1 ကရံၣ်သူး 15:58

လၢတၢ်န့ၣ်အဃိ, ယဒီပုၢ်ဝဲၢ်သးဘိသ့ၣ်ဧၢ, အိၣ်ဆၢထၢၣ်ဂၢၢ်ဂၢၢ်ကျၢၤကျၢၤတက့ၢ်. လၢသုတၢ်မၤတၢ်လၢကစၢ်အဂီၢ်အပူၤန့ၣ်, မၤသုဝဲဆူၣ်ဆူၣ်ထီဘိတဘိယူၢ်ဃီတက့ၢ်. အဂ့ၢ်ဒ်အံၤ, သုသ့ၣ်ညါသုဝဲလၢကစၢ်အတၢ်ဖံးတၢ်မၤအပူၤ, သုတၢ်ဖံးတၢ်မၤလၢအဘျုးအဖှိၣ်တအိၣ်န့ၣ်, တအိၣ်ဝဲနီတမံၤဘၣ်န့ၣ်လီၤ.

ကလၤတံ 6:9

လၢတၢ်န့ၣ်အဃိ, မ်ပသုတလီၤဘှံးလီၤတီၤလၢပမၤဂ့ၤတၢ် အဃိတဂ့ၤ, အဂ့ၢ်ဒ်အံၤပမ့ၢ်တသးဟးဂီၤဘၣ်ဒီးတၢ်ဆၢကတီၢ် ကတုၤဝဲဖဲပကကူးဘၣ်က့ၤတၢ်လၢအဂ့ၤန့ၣ်လီၤ.

ကလီးစဲ 1:29

လၢတၢ်အံၤအဂီၢ်ယဂုာ်မၤယဲလၢာ်ဂံၢ်လၢာ်ဘါဒ်ခရံာ်မၤ ဆူၣ်ထီၣ်ယသးဒိၣ်ဒိၣ်ကလဲာ်အသိးန့ၣ်လီၤ.