လံာ်စီၤနဃ့မယၤ 4:2 - Sgaw Karen Common Bible

² ဒီးလၢအတံၤသကိးသ့ၣ်တဖၣ်, ဒီးၡၤမရံအပှၤသုးဖိသ့ၣ်တဖၣ် အမဲာ်ညါန့ၣ်စံးဝဲ, “ပှၤယူဒၤဖိလၢအတဂိာ်တသီၣ်တၢ်သ့ၣ်တဖၣ်အံၤမ့ၢ်အဆိကမိၣ်ဝဲ လၢအမၤတၢ်မနူၤန့ၣ်လဲၣ်. မ့ၢ်အဝဲသ့ၣ်အဲၣ်ဒိးသူၣ်ထီၣ်ကဒါက့ၤဝ့ၢ်န့ၣ်ဧါ. မ့ၢ်အဆိကမိၣ်ဝဲဒၣ်လၢခီဖျိအတၢ်လုၢ်ထီၣ်ပာ်ထီၣ်တၢ်န့ၣ်မၤတၢ် လၢတနံၤဃီအတီၢ်ပူၤကဝံၤန့ၣ်ဧါ. မ့ၢ်အမၤကဲထီၣ်လၢၢ်လၢတၢ်တဂိာ်တသီၣ်လၢမ့ၣ်အူအီၣ်အီၤအကျါ န့ၣ်ကသ့စ့ၢ်ကီးဧါ.”

လံာ်စီၤနဃ့မယၤ 4:2 Iomraidhean Croise

လံာ်စီၤဧ့စြၤ 4:4

တုၤနုၤတစုပှၤဂီၢ်မုၢ်လၢအအိၣ်တ့ၢ်လံလၢထံကီၢ်ပူၤတဖၣ်ကျဲး စၢးမၤသးဟးဂီၤဒီးမၤပျံၤမၤဖုးပှၤယူဒၤဖိတဖၣ်ဒီးမၤ တံာ်တာ်အဝဲသ့ၣ်လၢကဘှီထီၣ်တၢ်လုၢ်ဟံၣ်အဂီၢ်န့ၣ်လီၤ.

လံာ်စီၤနဃ့မယၤ 12:27

တုၤဝ့ၢ်ယရူၤၡလ့ၣ်အဝ့ၢ်ခိၣ်ဒူဘၣ်တၢ်ပာ်စီဆှံထီၣ်အီၤန့ၣ်ပှၤ လ့ၤဝံဖိတဖၣ်အံၤဘၣ်တၢ်ဟဲကိးအီၤလၢအအိၣ်ဝဲဆိးဝဲ အလီၢ်ဒ်သိးအဝဲသ့ၣ်ကမၤဃုာ်တၢ်လၢတၢ်ပာ်စီဆှံတၢ်လုၢ်ဟံၣ် အပူၤခီဖျိတၢ်သးဝံၣ်စံးဘျုးစံးဖှိၣ်တဖၣ်, လၢအအိၣ်ဒီးစှၢၣ်စှံးဒီးသီတူၢ်န့ၣ်လီၤ.

လံာ်စီၤနဃ့မယၤ 12:43

လၢမုၢ်တနံၤန့ၣ်တၢ်လုၢ်တၢ်ပာ်အါမးဘၣ်တၢ်လုၢ်ထီၣ်အီၤဒီးပှၤ ဂီၢ်မုၢ်ပှဲၤဝဲဒီးတၢ်သူၣ်ခုသးခုမ့ၢ်လၢကစၢ်ယွၤဒုးသးခုအဝဲသ့ၣ် ဒိၣ်မးအဃိန့ၣ်လီၤ. ပှၤပိာ်မုၣ်တဖၣ်, ပှၤဖိဒံဖိသၣ်တဖၣ်ပာ်ဖှိၣ်အသးလၢတၢ်မၤမူးအပူၤဒီးအဝဲသ့ၣ် ခဲလၢာ်အကလုၢ်အသီၣ်န့ၣ်ဘၣ်တၢ်နၢ်ဟူအီၤသ့ဝဲဖးယံၤဖးသံန့ၣ် လီၤ.

လံာ်စီၤနဃ့မယၤ 4:10

ဒီးပှၤယူဒၤဖိအိၣ်ဒီးတၢ်သးဝံၣ်လၢအသးဝံၣ်ဝဲ, “ပလီၤဘှံးလၢပတၢ်ဝံတၢ်ယိးအဃိလံဒီး ပအိၣ်ဒီးလၢၢ်အက့အခီတဖၣ်လၢပကဘၣ် စိာ်ကွံာ်အီၤလီၤ. တနံၤအံၤပသူၣ်ထီၣ်ဝ့ၢ်ခိၣ်ဒူကသ့ဒ်လဲၣ်.”

လံာ်စီၤနဃ့မယၤ 6:15

ဒီးလၢတၢ်ဘှီက့ၤအတၢ်မၤယဲၢ်ဆံခံသီအလီၢ်ခံ လါအလူလးခံဆံယဲၢ်သီတသီအနံၤန့ၣ်ဝ့ၢ်ခိၣ်ဒူဝံၤဝဲဒၣ်လၢ လၢပှဲၤပှဲၤန့ၣ်လီၤ.

စံးထီၣ်ပတြၢၤ 83:4

အဝဲသ့ၣ်စံးဝဲ, “ဟဲ, မ်ပမၤဟးဂီၤအပှၤကလုာ်, ဒ်သိးအံၣ်စရ့လးကဘၣ်တၢ်သးပ့ၤနီၣ်ကွံာ်အီၤ လီၤစိၤန့ၣ်တက့ၢ်.”

လံာ်ယံးရမံယၤ 26:18

“ဖဲစီၤဃံးစကံယၤမ့ၢ် ကီၢ်ယူဒၤအစီၤပၤအဆၢကတီၢ်န့ၣ်, ပှၤမိရၤၡးဖိဝံ မံကၤတဲဘၣ်တ့ၢ် ပှၤဂီၢ်မုၢ်ခဲလၢာ်လၢယွၤသ့တၢ်လၢာ်စံးတ့ၢ်ဝဲဒ်အံၤ, ‘ဝ့ၢ်စံယိၣ်ကဘၣ်တၢ်ထဲၣ်အီၤဒ် စံာ်ပျီတဘ့ၣ်အသိး, ဝ့ၢ်ယရူၤၡလ့ၣ် ကကဲထီၣ်တၢ်ဟးဂီၤတဖၣ် အတၢ်ပူၣ်ထီၣ်အသး, ဒီးယွၤအတၢ်လုၢ်ဟံၣ် အတၢ်လူၢ်ကကဲထီၣ်ပှၢ်လၢ်ကျါတတီၤ န့ၣ်လီၤ.’

လံာ်ဒၤနံးယ့လး 9:25

ပာ်သူၣ်ပာ်သးတၢ်ဂ့ၢ်အံၤဒီးနၢ်ပၢၢ်အီၤတက့ၢ်. စးထီၣ်လၢတၢ်ဟ့ၣ် လီၤတၢ်ကလုၢ်လၢဝ့ၢ်ယရူၤၡလ့ၣ်ကဘၣ်တၢ်သူၣ်ထီၣ်ဘှီထီၣ်အီၤ အကတီၢ်တုၤလီၤလၢပှၤခိၣ်ပှၤနၢ်လၢကစၢ်ယွၤဃုထၢအီၤတဂၤဟဲဝဲန့ၣ်, တၢ်ဆၢကတီၢ်ကပူၤကွံာ်နွံနံၣ်နွံဘျီန့ၣ်လီၤ. ဝ့ၢ်ယရူၤၡလ့ၣ်ကဘၣ်တၢ်သူၣ်ထီၣ်ဘှီထီၣ် ကဒါက့ၤအီၤဃုာ်ဒီးကျဲမုၢ်ကျဲဘိတဖၣ်, ဝ့ၢ်ခိၣ်ဒူအဒိၣ်အကျၢၤဒီးကအိၣ်ခၢၣ်သ နၢၣ်ဃုဆံခံနံၣ်အဘျီနွံဘျီန့ၣ်လီၤ. ဘၣ်ဆၣ်ဒီးအဝဲအံၤကမ့ၢ်တၢ်ကိၢ်တၢ်ဂီၤအကတီၢ်န့ၣ်လီၤ.

လံာ်ဃဘးကူာ် 3:2

ယွၤဧၢ, ယနၢ်ဟူတ့ၢ်လံတၢ်လၢနမၤတ့ၢ်ဝဲ, ဒီးယသးပှဲၤဒီးတၢ်ကမၢကမၣ်ဖးဒိၣ်လၢတၢ်ယူးယီၣ်ပာ်ကဲ အပူၤန့ၣ်လီၤ. ခဲကနံၣ်အံၤ, တၢ်မၤဖးဒိၣ်တဖၣ်လၢနညီနုၢ်မၤအီၤန့ၣ်, မၤကဒီးလၢပစိၤပကတီၢ်တဖၣ်အပူၤတက့ၢ်. ဖဲနသးဒိၣ်အခါဒၣ်လဲာ်, သူၣ်ကညီၤသးကညီၤဒံးတၢ်တက့ၢ်.

လံာ်စကၤရယၤ 12:8

ဖဲအဆၢကတီၢ်အဝဲန့ၣ်, ယွၤကဒီဒၣ်အိၣ်ပှိၤပှၤလၢအအိၣ်လၢဝ့ၢ်ယရူၤၡလ့ၣ်အပူၤ, ဒီးပှၤလၢအဂံၢ်စၢ်ဘါစၢ်ကတၢၢ်လၢအဝဲသ့ၣ်အကျါတဖၣ်ဒၣ်လဲာ် န့ၣ်ကကဲထီၣ်ပှၤလၢအဂံၢ်ဆူၣ်ဘါဆူၣ်ဒ်စီၤဒၤဝံးမ့ၢ်တ့ၢ်အသိး န့ၣ်လီၤ. ဒီးစီၤဒၤဝံးအစၢၤအသွဲၣ်တဖၣ်ကဆှၢအဝဲသ့ၣ်ဒ်ယွၤ အကလူးအသိး, ဒီးဒ်ကစၢ်ယွၤအနီၢ်ကစၢ်ဒၣ်ဝဲအသိးန့ၣ်လီၤ.

လံာ်စကၤရယၤ 4:10

အဝဲသ့ၣ်အသးဟးဂီၤဝဲမ့ၢ်လၢတၢ်လဲၤထီၣ်လဲၤထီမၤအသးထဲ တဆံးတက့ၢ်အဃိန့ၣ်လီၤ. ဘၣ်ဆၣ်ဒီးအဝဲသ့ၣ်ကထံၣ်ဘၣ်စီၤစရူၤဘၤ ဘ့လးဘှီထီၣ်ဒံးတၢ်လုၢ်ဟံၣ်န့ၣ်, ဒီးအဝဲသ့ၣ်ကသူၣ်ဖှံသးညီ ဝဲလီၤ. ကလူးန့ၣ်စံးဘၣ်ယၤ, “မ့ၣ်အူဒၢနွံဖျၢၣ်န့ၣ်မ့ၢ်ယွၤအမဲာ်ချံ နွံဖျၢၣ်လၢအထံၣ်တၢ်လၢဟီၣ်ခိၣ်ဒီဘ့ၣ်ညါန့ၣ်လီၤ.”

1 ကရံၣ်သူး 1:27

ကစၢ်ယွၤဃုထၢဝဲဒ်အတၢ်တိာ်ပာ်အိၣ်ဝဲအသိး, တၢ်လၢပှၤဟီၣ်ခိၣ်ဖိထံၣ် လၢအတအိၣ်ဒီးတၢ်သူၣ်ဆးသးဆးဒ်သိးအကမၤမဲာ်ဆှးပှၤကူၣ် ဘၣ်ကူၣ်သ့, ဒီးအဝဲဒၣ်ဃုထၢတၢ်လၢပှၤဟီၣ်ခိၣ်ဖိထံၣ်လၢ အဂံၢ်စၢ်ဘါစၢ်, ဒ်သိးအကမၤမဲာ်ဆှးပှၤဂံၢ်ဆူၣ်ဘါဆူၣ်အဂီၢ် န့ၣ်လီၤ.