လံာ်စီၤနဃ့မယၤ 4:10 - Sgaw Karen Common Bible

¹⁰ ဒီးပှၤယူဒၤဖိအိၣ်ဒီးတၢ်သးဝံၣ်လၢအသးဝံၣ်ဝဲ, “ပလီၤဘှံးလၢပတၢ်ဝံတၢ်ယိးအဃိလံဒီး ပအိၣ်ဒီးလၢၢ်အက့အခီတဖၣ်လၢပကဘၣ် စိာ်ကွံာ်အီၤလီၤ. တနံၤအံၤပသူၣ်ထီၣ်ဝ့ၢ်ခိၣ်ဒူကသ့ဒ်လဲၣ်.”

လံာ်စီၤနဃ့မယၤ 4:10 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 2:18

အဝဲပာ်လီၤပှၤနွံကလး ဂၤလၢအဝဲသ့ၣ်အကျါဒ်သိးကဆှၢထီၣ်ဆှၢ လီၤတၢ်ပီးတၢ်လီတဖၣ်, ဒီးပှၤ ဃိးကလး ဂၤလၢကကူးတဲာ်လၢၢ်တဖၣ်လၢကစၢၢ်တဖၣ်အလိၤဒီး ဃုထၢပာ်လီၤပှၤသုးကျဲၤကွၢ်ထွဲတၢ် သၢကထိဃုကယၤ ဂၤ, လၢတၢ်မၤကဘၣ်တၢ်မၤအီၤသပှၢ်ကတၢၢ်အဂီၢ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:13

ပှၤလ့ၤဝံဖိအဂၤတဖၣ်မ့ၢ်ပှၤအခိၣ်လၢတၢ်ဆှၢထီၣ်ဆှၢလီၤတၢ် ပီးတၢ်လီတဖၣ်, ဒီးတၢ်ကွၢ်ထွဲပၢဆှၢပှၤမၤတၢ်ဖိတဖၣ်လၢတၢ်မၤအကလုာ်ကလုာ် အဂီၢ်ဒီးတနီၤပၢၤဃးတၢ်ကွဲးနီၣ်ကွဲးဃါတဖၣ်ဒီးမၤတၢ်ဒ်ပှၤ ပၢၤတၢ်တဖၣ်အသိးန့ၣ်လီၤ.

လံာ်စီၤနဃ့မယၤ 4:11

ပဒုၣ်ပဒါတဖၣ်ဆိကမိၣ်ဝဲဒၣ်လၢပတထံၣ်အဝဲသ့ၣ်မ့ၢ်ဂ့ၤ, ပတသ့ၣ်ညါလၢတၢ်မၤအသးတုၤလၢအဝဲသ့ၣ်ကအိၣ်လၢပလိၤ, ဒီးမၤသံပှၤ, ဒီးမၤကတၢၢ်ကွံာ်ပတၢ်မၤမ့ၢ်ဂ့ၤန့ၣ်ဘၣ်လီၤ.

လံာ်စီၤနဃ့မယၤ 4:2

ဒီးလၢအတံၤသကိးသ့ၣ်တဖၣ်, ဒီးၡၤမရံအပှၤသုးဖိသ့ၣ်တဖၣ် အမဲာ်ညါန့ၣ်စံးဝဲ, “ပှၤယူဒၤဖိလၢအတဂိာ်တသီၣ်တၢ်သ့ၣ်တဖၣ်အံၤမ့ၢ်အဆိကမိၣ်ဝဲ လၢအမၤတၢ်မနူၤန့ၣ်လဲၣ်. မ့ၢ်အဝဲသ့ၣ်အဲၣ်ဒိးသူၣ်ထီၣ်ကဒါက့ၤဝ့ၢ်န့ၣ်ဧါ. မ့ၢ်အဆိကမိၣ်ဝဲဒၣ်လၢခီဖျိအတၢ်လုၢ်ထီၣ်ပာ်ထီၣ်တၢ်န့ၣ်မၤတၢ် လၢတနံၤဃီအတီၢ်ပူၤကဝံၤန့ၣ်ဧါ. မ့ၢ်အမၤကဲထီၣ်လၢၢ်လၢတၢ်တဂိာ်တသီၣ်လၢမ့ၣ်အူအီၣ်အီၤအကျါ န့ၣ်ကသ့စ့ၢ်ကီးဧါ.”

လံာ်စီၤနဃ့မယၤ 4:9

ဘၣ်ဆၣ်ပဘါထုကဖၣ်ဆူကစၢ်ယွၤဒီးပာ်လီၤပှၤလၢအခိးထီဒါအဝဲ သ့ၣ်လၢနံၤဒီးနၤန့ၣ်လီၤ.

လံာ်ယဃ့းစက့လး 29:18

အဝဲစံးဝဲဒၣ်, “ပှၤကညီလၢအသံသ့ဧၢ, ကီၢ်ဘၤဘူၤလိၣ်အစီၤပၤနဘူၤကး န့စၢ်ဒုးလံတၢ်ဒီးဝ့ၢ်ထါယၢၣ်လံန့ၣ်လီၤ. အဝဲမၢအပှၤသုးဖိတဖၣ် စိာ်တၢ်အဃၢတုၤဒၣ်အခိၣ်တဖၣ်လ့ၤဝဲဒီးအဖံဘၣ်ခိၣ်တဖၣ် တီၣ်ထီၣ်ဒီးသွဲးဝဲဘၣ်ဆၣ် စီၤပၤမ့ၢ်ဂ့ၤအဝဲအသုးမ့ၢ်မ့ၢ်ဂ့ၤ တမၤန့ၢ်တၢ်နီတမံၤလၢ အတၢ်မၤကိၢ်ကိၢ်ဂီၤဂီၤတဖၣ်အံၤအဃိဘၣ်.

လံာ်ဃးကဲ 1:2

ယွၤသ့တၢ်လၢာ်ကစၢ်စံးဘၣ်တ့ၢ်စီၤဃးကဲ, “ပှၤဂီၢ်မုၢ်အံၤ, စံးလၢတၢ်အံၤတမ့ၢ်တၢ်ဘၣ်ဆၢဘၣ်ကတီၢ်လၢတၢ်ကဘှီ ကဒါက့ၤတၢ်လုၢ်ဟံၣ်အဂီၢ်န့ၣ်ဘၣ်.”

လံာ်တၢ်ဂံၢ် 13:31

ဘၣ်ဆၣ်ဒီးပှၤတဖၣ်လၢအလဲၤဃုာ်တ့ၢ်တၢ်ဒီးစီၤကၤလ့းစံးဝဲ ဒၣ်, “တမ့ၢ်ဘၣ်. ပဂံၢ်ပဘါတလၢ, လၢပကလဲၤထီၣ်ဒုးအဝဲသ့ၣ်အဂီၢ်ဘၣ်. ပှၤအိၣ်ဖဲန့ၣ်တဖၣ်အဂံၢ်အဘါဆူၣ်ဒိၣ်န့ၢ်ပှၤတက့ၢ်လီၤ.”

လံာ်တၢ်ဂံၢ် 32:9

အဝဲသ့ၣ်လဲၤတ့ၢ်ဝဲယံၤတုၤလၢအ့ၡကိၤလးအတၢ်တြီၤပူၤဒီး ထံၣ်ဘၣ်တ့ၢ်ထံကီၢ်န့ၣ်, ဘၣ်ဆၣ်ဒီး, ဖဲအဝဲသ့ၣ်ဟဲက့ၤန့ၣ်အဝဲသ့ၣ်မၤဟးဂီၤပှၤဂီၢ် မုၢ်အသးလၢကလဲၤနုာ်လီၤဆူထံကီၢ်တဘ့ၣ်လၢယွၤဟ့ၣ်လီၤတ့ၢ် အဝဲသ့ၣ်အပူၤန့ၣ်လီၤ.