လံာ်စီၤနဃ့မယၤ 3:3 - Sgaw Karen Common Bible

³ ဒီးစီၤဟးစနုၤအၤအဒူၣ်ထၢတဖၣ်ဘှီထီၣ်ဝဲပဲတရီညၣ်န့ၣ်လီၤ. အဝဲသ့ၣ်ပာ်လီၤကျိၤဒီးမၤထီၣ်တြဲၤလၢအလီၢ်ဒၣ်ဝဲ, ဒီးမၤဝဲနီၣ်ဝံာ်စဲတဖၣ်ဒီးနီၣ်ဘိတဖၣ်လၢကကးတံၢ်တြဲၤအဂီၢ် န့ၣ်လီၤ.

လံာ်စီၤနဃ့မယၤ 3:3 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 33:14

တၢ်မၤအသးအံၤဝံၤအလီၢ်ခံန့ၣ်, စီၤမနၤၡ့ၤမၤထီၣ်စီၤဒၤဝံး အဝ့ၢ်ခိၣ်ဒူလၢအချၢတတီၤလၢမုၢ်ထီၣ်တကပၤ, စးထီၣ်လၢကံဃိၣ်အထံထီၣ်ပၢၢ်တုၤလၢညၣ်အတြဲၤအကလံၤစိး, ဝ့ၢ်အလီၢ်ကဝီၤလၢတၢ်ကိးအီၤလၢဧိၤဖ့လးန့ၣ်လီၤ. အဝဲပာ်စ့ၢ်ကီးသုးမုၢ်တဖုအခိၣ်တဂၤလၢတၢ်ပၢဆှၢသုးဖိ တဖုအဂီၢ်, လၢကီၢ်ယူဒၤအဝ့ၢ်လၢအအိၣ်ဒီးတိာ်ဧိၤတာ်ဧိၤတဝ့ၢ် စုာ်စုာ်အပူၤန့ၣ်လီၤ.

လံာ်စီၤဧ့စြၤ 2:35

ပှၤစနါအၤဖိ, သၢကထိဃုကယၤသၢဆံ ဂၤ,

လံာ်စီၤနဃ့မယၤ 12:39

ဒီးဖဲန့ၣ်ပလဲၤခီဂာ်တြဲၤအ့ဖရဲၣ်, တြဲၤယၡၤနၤ, တြဲၤညၣ်တၢးထီဃနၤန့လးဒီးတၢးထီတကယၤဆူတြဲၤသိန့ၣ်လီၤ. ပတၢ်လဲၤန့ၣ်ကတၢၢ်ဝဲဖဲတြဲၤလၢအလဲၤဆူယွၤအတၢ်လုၢ်ဟံၣ် အကပၤန့ၣ်လီၤ.

လံာ်စီၤနဃ့မယၤ 2:8

ဒီးယဃ့စ့ၢ်ကီးစီၤပၤလၢကကွဲးန့ၢ်ယၤလံာ်ပရၢတဘ့ၣ်ဆူပှၤ ပၢၤစီၤပၤအသ့ၣ်ပှၢ်စီၤအၤစာ်အအိၣ်ဒီးမၢအီၤလၢအကဟ့ၣ်ယၤသ့ၣ် လၢယွၤအတၢ်လုၢ်ဟံၣ်အဃၢၤတိာ်လၢအဒီသဒၢအီၤအကျဲစၢၤတဖၣ်အထူၣ် အဂီၢ်, ဒီးလၢဝ့ၢ်အခိၣ်ဒူအဂီၢ်ဒီးလၢဟံၣ်လၢယကအိၣ်အဂီၢ်န့ၣ်လီၤ. ဒီးစီၤပၤဟ့ၣ်ယၤကယဲၢ်တၢ်လၢယဃ့ယဲခဲလၢာ်မ့ၢ်လၢကစၢ်ယွၤ အိၣ်ဒီးယၤအဃိန့ၣ်လီၤ.

လံာ်စီၤနဃ့မယၤ 3:4

ဒီးစီၤမရ့မိးလၢအမ့ၢ်စီၤအူၤရံယၤအဖိခွါစီၤကိစးအလံၤ ဘှီထီၣ်ဝဲလၢခံတပတီၢ်န့ၣ်လီၤ. ဒီးစီၤမၡူလၣ်လၢအမ့ၢ်စီၤဘရ့ကံယၤအဖိခွါ, စီၤမၡ့ဘ့လးအလံၤဘှီထီၣ်ဝဲလၢခံတပတီၢ်န့ၣ်လီၤ. ဒီးစီၤဘနါအဖိခွါစီၤစၤဒိးဘှီထီၣ်ဝဲလၢခံတပတီၢ်န့ၣ်လီၤ.

လံာ်စီၤနဃ့မယၤ 3:6

ဒီးစီၤပၤစ့ၤအဖိခွါစီၤယဟိယဒါဒီးစီၤဘစိဒယၤအဖိခွါ စီၤမၡူလၣ်ဘှီက့ၤဝဲပဲတရီလီၢ်လံၤန့ၣ်လီၤ. ဒီးပာ်လီၤဝဲကျိၤတဖၣ်ဒီးပဲတရီ တဖၣ်လၢအလီၢ်ဒၣ်ဝဲ, ဒီးမၤဝဲတြဲၤအနီၣ်ဝံာ်စဲတဖၣ်ဒီးအနီၣ်ဘိတဖၣ်လၢတၢ် ကကးတံၢ်တြဲၤအဂီၢ်န့ၣ်လီၤ.

လံာ်စီၤနဃ့မယၤ 6:1

ဒီးစီၤစၤနဘၤလး, စီၤတိၤဘံယၤ, ပှၤဧ့ရ့းဖိစီၤက့ၤၡ့ၣ်, ဒီးပဒုၣ်ပဒါလၢအအိၣ်လီၤတဲာ်သ့ၣ်တဖၣ်နၢ်ဟူဝဲဒၣ်လၢပသူၣ်ထီၣ် ဝ့ၢ်ခိၣ်ဒူဝံၤဝဲဒီးတၢ်လီၤဟိတအိၣ်ဘၣ်န့ၣ်လီၤ. ဘၣ်ဆၣ်ပတပာ်ထီၣ်ဒံးဘၣ်တြဲၤလၢကျဲလဲၤနုာ်အဂီၢ်ဒံးဘၣ်န့ၣ်လီၤ.

လံာ်စီၤနဃ့မယၤ 7:1

ဒီးခဲကနံၣ်အံၤဝ့ၢ်ခိၣ်ဒူဘၣ်တၢ်ဘှီဝံၤတ့ၢ်လံအီၤဒီး, တြဲၤတဖၣ်ဘၣ်တၢ်ပာ်အီၤလၢအလီၢ်ဒၣ်ဝဲ, ပှၤခိးတၢ်လုၢ်ဟံၣ်တဖၣ်, ပှၤသးဝံၣ်တၢ်ဖိတဖၣ်, ဒီးပှၤလ့ၤဝံဖိတဖၣ်ဘၣ်တၢ်ဟ့ၣ်အီၤအမူ အဒါတဖၣ်န့ၣ်လီၤ.

လံာ်စီၤနဃ့မယၤ 7:38

ပှၤစနါအၤဖိ, သၢကထိခွံကယၤသၢဆံ ဂၤ

စံးထီၣ်ပတြၢၤ 147:13

အဂ့ၢ်ဒ်အံၤ, အဝဲမၤကျၢၤလံနတြဲၤအနီၣ်ဘိ, အဝဲဆိၣ်ဂ့ၤဆိၣ်ဝါနဖိနလံၤအိၣ်လၢနပူၤလီၤ.

လံာ်စဖါနယၤ 1:10

ဒီးယွၤစံးဝဲဒၣ်, “လၢမုၢ်နံၤအဝဲန့ၣ်တၢ်ကမၤအသးလၢတၢ်ကိးပသူထီၣ်ကသီၣ်ထီၣ် ဝဲလၢဝ့ၢ်ယရူၤၡလ့ၣ်အတြဲၤညၣ်န့ၣ်လီၤ. ဒီးသုကနၢ်ဟူတၢ်ဟီၣ်တၢ်ယၢၤလၢတၢ်လီၢ်အသီတတီၤလၢဝ့ၢ်အပူၤ ဒီးတၢ်လီၤပှီၢ်အသီၣ်ဖးဒိၣ်တမံၤလၢတၢ်လူၢ်ခိၣ်တဖၣ်အဒီခိၣ်န့ၣ်လီၤ.