လံာ်စီၤနဃ့မယၤ 3:26 - Sgaw Karen Common Bible

²⁶ (ဒီးတၢ်လီၢ်အံၤဘူးဒီးဝ့ၢ်လၢအဘၣ်တၢ်ကိးအီၤလၢဧိၤဖ့လး ဖဲပှၤမၤတၢ်လၢတၢ်လုၢ်ဟံၣ်တဖၣ်အိၣ်ဝဲဆိးဝဲအလီၢ်န့ၣ်လီၤ.)

လံာ်စီၤနဃ့မယၤ 3:26 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 9:2

ပှၤအဆိကတၢၢ်တဖုလၢအဟဲက့ၤကဒါက့ၤဆူအဝဲသ့ၣ်အတၢ်စုလီၢ်ခီၣ် ခိၣ်အိၣ်အဝ့ၢ်တဖၣ်အကျါန့ၣ်အိၣ်ဃုာ်ဒီးပှၤအံၣ်စရ့လးဖိပတီၢ်မုၢ်တဖၣ်, ပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်ဒီးတၢ်လုၢ်ဟံၣ်အပှၤမၤတၢ်ဖိသ့ၣ်တဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 27:3

ပှၤသူၣ်ထီၣ်ဘှီထီၣ်ယွၤအတၢ်လုၢ်ဟံၣ်အကလံၤစိးအတြဲၤဖးဒိၣ် န့ၣ်, မ့ၢ်ဝဲစီၤယိၤသၣ်ဒီးအဝဲမၤဂ့ၤထီၣ်လဲၢ်ထီၣ်ဝ့ၢ်အခိၣ်ဒူ လၢဝ့ၢ်ယရူၤၡလ့ၣ်အလီၢ်ကဝီၤလၢတၢ်ကီးအီၤလၢဧိၤဖ့လးန့ၣ် လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:14

တၢ်မၤအသးအံၤဝံၤအလီၢ်ခံန့ၣ်, စီၤမနၤၡ့ၤမၤထီၣ်စီၤဒၤဝံး အဝ့ၢ်ခိၣ်ဒူလၢအချၢတတီၤလၢမုၢ်ထီၣ်တကပၤ, စးထီၣ်လၢကံဃိၣ်အထံထီၣ်ပၢၢ်တုၤလၢညၣ်အတြဲၤအကလံၤစိး, ဝ့ၢ်အလီၢ်ကဝီၤလၢတၢ်ကိးအီၤလၢဧိၤဖ့လးန့ၣ်လီၤ. အဝဲပာ်စ့ၢ်ကီးသုးမုၢ်တဖုအခိၣ်တဂၤလၢတၢ်ပၢဆှၢသုးဖိ တဖုအဂီၢ်, လၢကီၢ်ယူဒၤအဝ့ၢ်လၢအအိၣ်ဒီးတိာ်ဧိၤတာ်ဧိၤတဝ့ၢ် စုာ်စုာ်အပူၤန့ၣ်လီၤ.

လံာ်စီၤနဃ့မယၤ 10:28

ပဝဲဒၣ်ကီၢ်အံၣ်စရ့လးအပှၤဂီၢ်မုၢ်, ပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်, ပှၤခိးတၢ်လုၢ်ဟံၣ်တဖၣ်, ပှၤသးဝံၣ်တၢ်လၢတၢ်လုၢ်ဟံၣ်တဖၣ်, ပှၤမၤတၢ်လၢတၢ်လုၢ်ဟံၣ်တ ဖၣ်, ဒီးကယဲၢ်ပှၤအဂၤလၢအဒိကနၣ်ကစၢ်ယွၤအတၢ်သိၣ်တၢ်သီ လၢပှၤယူဒၤဖိအဂီၢ်လၢအထုးဖးအသးဒီးပှၤတခီဘီမုၢ်ဖိလၢ အအိၣ်လၢပကီၢ်ပူၤတဖၣ်, ပဝဲဒၣ်ဃုာ်ဒီးပမါတဖၣ်ဒီးကယဲၢ်ပဖိ တဖၣ်လၢအသးပှၢ်တုၤအနၢ်ပၢၢ်တၢ်သ့လံ,

လံာ်စီၤနဃ့မယၤ 11:21

တၢ်လုၢ်ဟံၣ်အပှၤမၤတၢ်ဖိတဖၣ်လၢအမၤတၢ်လၢစီၤစံဃၤဒီးစီၤ ကံးၡပၤအတၢ်ပၢတၢ်ဆှၢအဖီလာ်န့ၣ်အိၣ်ဝဲဆိးဝဲလၢတၢ်လီၢ်လၢ ဝ့ၢ်ယရူၤၡလ့ၣ်အပူၤလၢအမ့ၢ်ဝဲဧိၤဖ့လးန့ၣ်လီၤ.

လံာ်စီၤနဃ့မယၤ 12:37

ဖဲပဲထံထီၣ်ပၢၢ်အတြဲၤန့ၣ်အဝဲသ့ၣ်လဲၤထီၣ်ဃီလၢအဆှၢအဝဲ သ့ၣ်ဆူစီၤဒၤဝံးအဝ့ၢ်ဒီးခီဃီၤဝဲစီၤဒၤဝံးအနီဝံၤဟဲက့ၤကဒါ က့ၤဆူတြဲၤထံလၢအအိၣ်လၢဝ့ၢ်အမုၢ်ထီၣ်တကပၤန့ၣ်လီၤ.

လံာ်စီၤနဃ့မယၤ 3:27

ဒီးပှၤတကိၤဖိဘှီဝဲလၢခံတပတီၢ်ဒီးအအံၤမ့ၢ်အတၢ်ဘှီထီၣ် ခံခါတခါစးထီၣ်လၢပျိာ်ထီပၢၤဃးယွၤအတၢ်လုၢ်ဟံၣ်တုၤလီၤ လၢဝ့ၢ်ခိၣ်ဒူအိၣ်ဘူးဒီးဧိၤဖ့လးန့ၣ်လီၤ.

လံာ်စီၤနဃ့မယၤ 8:1

ဒီးတုၤလီၤလၢလါနွံလါတလါန့ၣ်ကီၢ်အံၣ်စရ့လးအပှၤဂီၢ်မုၢ် တဖၣ်ခဲလၢာ်သူၣ်လီၤဆီလီၤအတၢ်အိၣ်တၢ်ဆိးအလီၢ်လၢအဝ့ၢ်ဒၣ်ဝဲ တဖၣ်အပူၤန့ၣ်လီၤ. ဒီးလၢလါန့ၣ်ထီၣ်တသီအနံၤန့ၣ်အဝဲသ့ၣ်ခဲလၢာ်အိၣ်ဖှိၣ်ရိ ဖှိၣ်လၢဝ့ၢ်ယရူၤၡလ့ၣ်အပူၤ, ဖဲပဲတြီထံအမဲာ်ညါတၢ်လီၢ်လီၤ ပျီန့ၣ်လီၤ. ဒီးအဝဲသ့ၣ်တဲဘၣ်ပှၤလုၢ်တၢ်အခိၣ်ဒီးပှၤသ့ယူဒၤအတၢ်သိၣ်တၢ် သီလၢယွၤဟ့ၣ်လီၤပှၤအံၣ်စရ့လးဖိခီဖျိစီၤမိၤၡ့, လၢအမ့ၢ်စီၤဧ့စြၤဒ်သိးအကဟဲစိာ်ယူဒၤအတၢ်သိၣ်တၢ်သီ အလံာ်န့ၣ်လီၤ.

လံာ်စီၤနဃ့မယၤ 8:16

လၢတၢ်န့ၣ်အဃိပှၤဂီၢ်မုၢ်မၤန့ၢ်သ့ၣ်အဒ့တဖၣ်ဒီးမၤထီၣ်ဒဲ တဖၣ်လၢအဟံၣ်ခိၣ်တဖၣ်အခိၣ်ဒုးလိၤ, လၢအဂၢၤဒၣ်ဝဲအပူၤ, လၢတၢ်လုၢ်ဟံၣ်အဂၢၤပူၤဒီးလၢပဲတရီထံအဂၢၤဒီးအ့ဖရဲၣ်အပဲ တရီအဂၢၤပူၤတၢ်လီၢ်လီၤပျီန့ၣ်လီၤ.

လံာ်စီၤနဃ့မယၤ 8:3

ဒီးလၢတၢ်လီၢ်ပဲတရီထံအမဲာ်ညါန့ၣ်စီၤဧ့စြၤဖးန့ၢ်အဝဲ သ့ၣ်လၢယူဒၤအလံာ်တၢ်သိၣ်တၢ်သီစးထီၣ်လၢမုၢ်ဂီၤပၢၢ်လၢမုၢ် ထူၣ်ဒီးအဝဲသ့ၣ်ကနၣ်ဝဲလၢတၢ်သးစၢၢ်ဆၢအပူၤန့ၣ်လီၤ.

လံာ်ယၡါယၤ 32:14

နူၢ်ဧိၤစီၤဧိၤဒၣ်လဲာ်န့ၣ်ကဘၣ်တၢ်ပာ်တ့ၢ်ကွံာ်အီၤဒီးဝ့ၢ်ခိၣ်န့ၣ် ဘၣ်တၢ်လဲၤသဒၣ်ကွံာ်အီၤလၢာ်လၢာ်ဆ့ဆ့လီၤ. ဟံၣ်ဒီးတိာ်တဖၣ်လၢအဒီဒၣ်အိၣ်ပှိၤအဝဲသ့ၣ်ကအိၣ်လၢတၢ်ဟးဂီၤ အပူၤလီၤစိၤလီၤထီလီၤ. ကသ့ၣ်ယီၤမံၤတဖၣ်ကဟးဝ့ၤဝီၤဖဲန့ၣ်, ဒီးသိတဖၣ်ကထံၣ်န့ၢ်အတၢ်အီၣ်ဆၣ်အလီၢ်ဖဲန့ၣ်လီၤ.