လံာ်စီၤနဃ့မယၤ 3:15 - Sgaw Karen Common Bible

¹⁵ ဒီးစီၤကိးလဃိစ့ၤအဖိခွါစီၤၡၤလူၣ်လၢအမ့ၢ်ပှၤပၢၤမံး စပၤကီၢ်ဆၣ်ဘှီက့ၤဝဲပဲတရီထံထီၣ်ပၢၢ်န့ၣ်လီၤ. အဝဲမၤထီၣ်တၢ်ခိၣ်ဒုးလၢပဲတြီအကျဲအဂီၢ်ဒီးပာ်ဝဲတြဲၤ တဖၣ်, အနီၣ်ဝံာ်စဲတဖၣ်ဒီးအနီၣ်ဘိတဖၣ်လၢအလီၢ်ဒၣ်ဝဲန့ၣ်လီၤ. ဒီးဖဲနိၣ်ၡံလိၤန့ၣ်ဘှီထီၣ်ဝဲတၢ်ဒူၣ်လၢစီၤပၤအတၤသၣ် လီၢ်အဃၢၤတုၤလီၤလၢဃီလၢအလဲၤလီၤဆူစီၤဒၤဝံးအဝ့ၢ်ပူၤ န့ၣ်လီၤ.

လံာ်စီၤနဃ့မယၤ 3:15 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 5:9

ဖဲအမၤန့ၢ်တိာ်န့ၣ်ဝံၤဒီး, စီၤဒၤဝံးအိၣ်ဆိးဝဲလၢအပူၤ ဒီးယုၢ်န့ၢ်အမံၤလၢ, “စီၤဒၤဝံးအဝ့ၢ်” န့ၣ်လီၤ. အဝဲသူၣ်ထီၣ်ဝ့ၢ်ဝးတရံးတၢ်လီၢ်န့ၣ်, စးထီၣ်လၢတၢ်လီၢ်လၢဟီၣ်ခိၣ်ဘၣ်တၢ်မၤပှဲၤအီၤ, လၢအအိၣ်ဝဲဖဲတၢ်လူၢ်အမုၢ်ထီၣ်တခီန့ၣ်လီၤ.

လံာ်စီၤပၤခံဘ့ၣ်တဘ့ၣ် 25:4

ဝ့ၢ်ခိၣ်ဒူတဖၣ်ဘၣ်တၢ်ဘၢၣ်ဖျိကွံာ်အီၤန့ၣ်လီၤ. ပှၤဘၤဘူၤလိၣ်ဖိတဖၣ်ကဝီၤဝ့ၢ်ဒၣ်လဲာ်န့ၣ်, ကယဲၢ်ပှၤသုးဖိ ခဲလၢာ်ဃ့ၢ်ပူၤဖျဲးကွံာ်ဝဲဒၣ်လၢမုၢ်နၤအခါန့ၣ်လီၤ. အဝဲသ့ၣ်ဟးထီၣ်ကွံာ်လၢစီၤပၤအတၤသၣ်လီၢ်အကျဲ, လဲၤခီဖျိဝဲကျဲစၢၤလၢအဒုးစဲဘူးတၢ်ဒူၣ်ခံခါဒီးဃ့ၢ် ပူၤဖျဲးကွံာ်ဝဲဒၣ်ဆူယၢ်ဒ့ၣ်အတၢ်တြီၤပူၤတခီန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:30

ပှၤလၢအမၤတံာ်တၢၤကံဃိၣ်အထံထီၣ်ပၢၢ်ဒီးဒုးယွၤတရံးထံ ကျိၤဒ်သိးကယွၤလီၤခီဖျိထံပီၤတပီၤဆူတၢ်လီၢ်တတီၤလၢဝ့ၢ် ယရူၤရှလ့ၣ်အခိၣ်ဒူတဖၣ်အသးကံၢ်ပူၤန့ၣ်, မ့ၢ်စီၤပၤဃံးစကံယၤလီၤ. ကယဲၢ်တၢ်လၢစီၤဃံးစကံယၤမၤဝဲတမံၤလၢ်လၢ်န့ၣ်ကဲထီၣ်လိၣ်ထီၣ် ဝဲ

လံာ်စီၤနဃ့မယၤ 12:37

ဖဲပဲထံထီၣ်ပၢၢ်အတြဲၤန့ၣ်အဝဲသ့ၣ်လဲၤထီၣ်ဃီလၢအဆှၢအဝဲ သ့ၣ်ဆူစီၤဒၤဝံးအဝ့ၢ်ဒီးခီဃီၤဝဲစီၤဒၤဝံးအနီဝံၤဟဲက့ၤကဒါ က့ၤဆူတြဲၤထံလၢအအိၣ်လၢဝ့ၢ်အမုၢ်ထီၣ်တကပၤန့ၣ်လီၤ.

လံာ်စီၤနဃ့မယၤ 2:14

ဒီးယအိၣ်လၢဝ့ၢ်အမုၢ်ထီၣ်တကပၤ, ဒီးယလဲၤဆူကလံၤစိးဆူ ထံထီၣ်ပၢၤအပဲတရီဒီးစီၤပၤအနိၣ်န့ၣ်လီၤ. ကသ့ၣ်ယီၤလၢယဒိးအီၤတဒုန့ၣ်ကလဲၤတၢ်ဆူညါအဂီၢ်ကျဲ တအိၣ်ဘၣ်.

လံာ်စီၤနဃ့မယၤ 2:17

တုၤနုၤတစုယစံးဘၣ်အဝဲသ့ၣ် “သုထံၣ်တၢ်ကိၢ်တၢ်ဂီၤလၢပအိၣ်လၢ အပူၤလီၤ. အဂ့ၢ်ဒ်အံၤ, ဝ့ၢ်ယရူၤၡလ့ၣ်ဟးဂီၤလံ. ဒီးအပဲတရီတဖၣ်ဘၣ်တၢ်ဆူးထီၣ်ကွံာ်အီၤလၢမ့ၣ်အူလံ. ဟဲဘှီထီၣ်ကဒါက့ၤဝ့ၢ်ယရူၤၡလ့ၣ်အခိၣ်ဒူဒ်သိးပသုတကဲ လၢၤတၢ်ဒုၣ်ဒွဲၣ်အလီၢ်တဂ့ၤန့ၣ်တက့ၢ်.”

လံာ်စီၤနဃ့မယၤ 3:12

ဒီးစီၤဟးလိဃ့ၣ်အဖိခွါစီၤၡၤလူၣ်လၢအမ့ၢ်ပှၤပၢၤဝ့ၢ်ယရူၤ ၡလ့ၣ်ကီၢ်ဆၣ်အတဝာ်ဘှီဝဲလၢခံတပတီၢ်န့ၣ်လီၤ. (အဖိမုၣ်တဖၣ်မၤစၢၤအီၤလၢတၢ်ဘှီထီၣ်န့ၣ်လီၤ.)

လံာ်စီၤနဃ့မယၤ 3:14

ဒီးစီၤရ့ကးအဖိခွါစီၤမၤလကံယၤလၢအမ့ၢ်ပှၤပၢၤဘ့ၤသဟး ကၤရ့ၣ်အကီၢ်ဆၣ်ဘှီက့ၤဝဲပဲတရီတၢ်အ့ၣ်န့ၣ်လီၤ. အဝဲပာ်က့ၤဝဲပဲတရီလၢအလီၢ်ဒၣ်ဝဲ, ပဲတရီအနီၣ်ဝံာ်စဲတဖၣ် ဒီးအနီၣ်ဘိတဖၣ်လၢတၢ်ကးတံၢ်တြဲၤအဂီၢ်န့ၣ်လီၤ.

လံာ်စီၤနဃ့မယၤ 3:19

ဒီးစီၤယ့ၤၡူအဖိခွါစီၤဧ့စ့ၢ်လၢအမ့ၢ်မံးစပၤအပဒိၣ်ဖး ဒိၣ်ဘှီဝဲလၢခံတပတီၢ်အိၣ်သဃဲၤဒီးတၢ်လဲၤထီၣ်ဆူပှၤသုးဖိ အစုကဝဲၤအဟံၣ်တုၤလီၤလၢဝ့ၢ်ခိၣ်ဒူအသနၢၣ်န့ၣ်လီၤ.

လံာ်စီၤနဃ့မယၤ 3:7

ဒီးပှၤကံးဘိၣ်ဖိစီၤမလၤတယၤ, ပှၤမ့ၤရိနိၤသးဖိစီၤယၤ ဒိၣ်, ပှၤကံးဘိၣ်ဒီးပှၤမံးစပၤဖိသ့ၣ်တဖၣ်မၤဝဲလၢခံတပတီၢ်တုၤ လီၤလၢဖရၤသးအမုၢ်နုာ်အပဒိၣ်ဖးဒိၣ်အိၣ်ဆိးအလီၢ်န့ၣ်လီၤ.

လံာ်စီၤနဃ့မယၤ 3:9

ဒီးစီၤဃူၢ်အဖိခွါစီၤရဖါယၤလၢအမ့ၢ်ပှၤပၢၤဝ့ၢ်ယရူၤၡလ့ၣ် ကီၢ်ဆၣ်တဝာ်ဘှီဝဲလၢခံတပတီၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 2:6

ယခူၣ်ကမါတဖၣ်လၢတၢ်ကဖှိၣ်န့ၢ်အဝဲသ့ၣ်လၢထံအဂီၢ်န့ၣ်လီၤ.

လံာ်ယံးရမံယၤ 40:6

ယလဲၤဒီးအိၣ်လၢစီၤကဒါလယၤအသကိးလၢဝ့ၢ်မံးစပၤအပူၤဒီး အိၣ်လၢပှၤဂီၢ်မုၢ်လၢအအိၣ်လီၤတဲာ်လၢကီၢ်ပူၤအကျါန့ၣ်လီၤ.

လံာ်လူၤကၣ် 13:4

ပှၤတဆံဃိးဂၤလၢအသံဝဲဖဲတၢးထီၡံလိၣ်လီၤပှီၢ်လၢအဖီခိၣ်, တခီလဲၣ်. မ့ၢ်သုဆိကမိၣ်လၢတၢ်မၤအသးတမံၤအံၤမ့ၢ်တၢ်အုၣ်အသးလၢ အဝဲသ့ၣ်အၢဝဲသီဝဲဒိၣ်န့ၢ်ပှၤအဂၤတဖၣ်လၢအအိၣ်ဆိးလၢဝ့ၢ် ယရူၤၡလ့ၣ်အပူၤန့ၣ်ဧါ.

လံာ်ယိၤဟၣ် 9:7

ဒီးစံးဘၣ်အီၤ, “လဲၤဒီးပျၢ်နမဲာ်လၢနိၣ်ၡံလိၤန့ၣ်တက့ၢ်.” (မံၤဝဲအံၤအခီပညီမ့ၢ်တၢ်မၢလီၤ) အန့ၣ်ဒီးပှၤတဂၤအံၤလဲၤဝဲဒီးပျၢ် အမဲာ်, ဒီးထံၣ်ထီၣ်က့ၤတၢ်ဒီးဟဲက့ၤဝဲလီၤ.

လံာ်ပှၤစံၣ်ညီၣ်ကွီၢ် 20:1

ဒီးအံၣ်စရ့လးအပှၤဂီၢ်မုၢ်လၢအအိၣ်လၢဒၣ်လၢကလံၤစိးတုၤလၢ ဘ့ၤၡဘၤလၢကလံၤထံး, ဒီးလၢကံးလဧးလၢမုၢ်ထီၣ်ခဲလၢာ်ပာ်ဖှိၣ်ထီၣ်အသးတဖုဃီလၢ ယွၤအမဲာ်ညါဖဲမံးစပၤန့ၣ်လီၤ.

လံာ်ပှၤစံၣ်ညီၣ်ကွီၢ် 20:3

ဒီးဖဲအကတီၢ်န့ၣ်ပှၤဘံၣ်ယၤမံၣ်ဖိတဖၣ်နၢ်ဟူဝဲလၢအံၣ်စရ့လးအဒူၣ်အဂၤခဲလၢာ် ပာ်ဖှိၣ်ထီၣ်အသးဖဲမံးစပၤန့ၣ်လီၤ. ပှၤအံၣ်စရ့လးဖိတဖၣ်သံကွၢ်ဝဲ, “တဲဘၣ်ပှၤလၢတၢ်မၤအၢမၤသီတမံၤအံၤမၤတ့ၢ်အသးဒ်လဲၣ်အဂ့ၢ်န့ၣ်တက့ၢ်.”