လံာ်စီၤနဃ့မယၤ 2:6 - Sgaw Karen Common Bible

⁶ ဒီးစီၤပၤဖးဒိၣ်ဃုာ်ဒီးနီၢ်ပၤမုၣ်လၢအဆ့ၣ်နီၤလၢအကပၤဘၣ် အသးလီၤ. ဒီးသံကွၢ်ယၤ, “နကလဲၤအခါဖဲလဲၣ်.” ဒီးယသ့ၣ်ဆၢဖးကတီၢ်လၢအဂီၢ်လီၤ.

လံာ်စီၤနဃ့မယၤ 2:6 Iomraidhean Croise

လံာ်စီၤနဃ့မယၤ 1:11

ဒီးခဲကနံၣ်အံၤဒိကနၣ်လၢ်ယတၢ်ထုကဖၣ်ဒီးကယဲၢ်နခ့နပှၤခဲလၢာ် လၢအသးအိၣ်ပာ်ထီၣ်ထီနၤအတၢ်ထုကဖၣ်န့ၣ်တက့ၢ်. တနံၤအံၤဟ့ၣ်လၢ်ယၤတၢ်မၤနၢၤဒီးမၢစီၤပၤသးကညီၤယၤတက့ၢ်. ဒီးလၢမုၢ်နံၤတဖၣ်အံၤန့ၣ်ယမ့ၢ်ပှၤစိာ်စီၤပၤဖးဒိၣ်အလီခီအီတၢ်န့ၣ်လီၤ.

လံာ်စီၤနဃ့မယၤ 13:6

ဖဲတၢ်အံၤမၤအသးအခါန့ၣ်ယတအိၣ်ဘၣ်လၢဝ့ၢ်ယရူၤရှလ့ၣ်အပူၤဘၣ်, မ့ၢ်လၢဖဲစီၤပၤအၢ်တၤၡါၡတၤကီၢ်ဘၤဘူၤလိၣ်အစီၤပၤသၢဆံ ခံနံၣ်တနံၣ်န့ၣ်ယဘၣ်လဲၤကဒါက့ၤဒီးပာ်ဖျါတၢ်ဆူအအိၣ်အဃိ န့ၣ်လီၤ. တစိၢ်ဖိဝံၤအလီၢ်ခံန့ၣ်ယဒိးန့ၢ်ဘၣ်အဝဲအတၢ်ပျဲ,

လံာ်စီၤနဃ့မယၤ 2:4

ဒီးစီၤပၤဖးဒိၣ်သံကွၢ်ယၤ “နသးလီတၢ်မနုၤလဲၣ်.” ယဘါထုကဖၣ်တၢ်ဆူကစၢ်ယွၤလၢအအိၣ်လၢမူခိၣ်လီၤ.

လံာ်စီၤနဃ့မယၤ 2:5

ဒီးယစံးဘၣ်စီၤပၤဖးဒိၣ် “မ့ၢ်ဘၣ်စီၤပၤဖးဒိၣ်အသး, ဒီးသးအိၣ်ဟ့ၣ်တၢ်လၢယဃ့န့ၣ်, ပျဲယလဲၤဆူကီၢ်ယူဒၤ, ဆူဝ့ၢ်လၢယမိၢ်ပၢ်ဖံဖုလၢပျၢၤတဖၣ်ဘၣ်တၢ်ခူၣ်လီၤအီၤဒ်သိး ယသူၣ်ထီၣ်ကဒါက့ၤအီၤကသ့အဂီၢ်တက့ၢ်.”

လံာ်စီၤနဃ့မယၤ 5:14

ဒီးဖဲယမ့ၢ်ကီၢ်ယူဒၤအပဒိၣ်ဖးဒိၣ်လၢတဆံခံနံၣ်အဆၢကတီၢ်, လၢစီၤပၤဖးဒိၣ်အၢ်တၤၡါၡတၤပၢတၢ်အနံၣ်ခံဆံတုၤလၢသၢဆံ ခံနံၣ်အတီၢ်ပူၤန့ၣ်ယၤမ့ၢ်ဂ့ၤယဘူးယတံၢ်သ့ၣ်တဖၣ်မ့ၢ်ဂ့ၤပတအီၣ် တၢ်အီၣ်လၢယမၤန့ၢ်အီၤပၢဝဲဒ်ပဒိၣ်ဖးဒိၣ်အသိးန့ၣ်ဘၣ်.

လံာ်ယၡါယၤ 58:12

သုပှၤဂီၢ်မုၢ်ကသူၣ်ထီၣ်ဘှီထီၣ်ကဒါက့ၤတၢ်လၢအအိၣ်ယံာ် တ့ၢ်လံလၢတၢ်ဟးဂီၤအပူၤတဖၣ်, သူၣ်ထီၣ်ဘှီထီၣ်ကဒါက့ၤ တၢ်လၢတၢ်အခီၣ်ထံးလီၢ်လံၤတဖၣ်အဖီခိၣ်န့ၣ်လီၤ. သုကဘၣ်တၢ်သ့ၣ်ညါသုဒ်, ပှၤဂီၢ်မုၢ်တဖုလၢအသူၣ်ထီၣ်ဘှီ ထီၣ်ကဒါက့ၤတၢ်အခိၣ်ဒူတဖၣ်ဒီးမၤထီၣ်ကဒါက့ၤဟံၣ်ဃီ လၢအဟးဂီၤတဖၣ်, အသိးန့ၣ်လီၤ.”

လံာ်ယၡါယၤ 61:4

အဝဲသ့ၣ်ကသူၣ်ထီၣ်ဘှီထီၣ်ကဒါက့ၤဝ့ၢ်တဖၣ်လၢအအိၣ်ယံာ် တ့ၢ်လံလၢတၢ်ဟးဂီၤအပူၤန့ၣ်လီၤ.

လံာ်ယၡါယၤ 65:24

တချုးဒံးဒၣ်လဲာ်လၢအဝဲသ့ၣ်ဘါထုကဖၣ်ဆူယအိၣ် ကတၢၢ်ဒံးဘၣ်န့ၣ်, ယကစံးဆၢအဝဲသ့ၣ်အတၢ်ထုက ဖၣ်တဖၣ်န့ၣ်လီၤ.

လံာ်ဒၤနံးယ့လး 9:25

ပာ်သူၣ်ပာ်သးတၢ်ဂ့ၢ်အံၤဒီးနၢ်ပၢၢ်အီၤတက့ၢ်. စးထီၣ်လၢတၢ်ဟ့ၣ် လီၤတၢ်ကလုၢ်လၢဝ့ၢ်ယရူၤၡလ့ၣ်ကဘၣ်တၢ်သူၣ်ထီၣ်ဘှီထီၣ်အီၤ အကတီၢ်တုၤလီၤလၢပှၤခိၣ်ပှၤနၢ်လၢကစၢ်ယွၤဃုထၢအီၤတဂၤဟဲဝဲန့ၣ်, တၢ်ဆၢကတီၢ်ကပူၤကွံာ်နွံနံၣ်နွံဘျီန့ၣ်လီၤ. ဝ့ၢ်ယရူၤၡလ့ၣ်ကဘၣ်တၢ်သူၣ်ထီၣ်ဘှီထီၣ် ကဒါက့ၤအီၤဃုာ်ဒီးကျဲမုၢ်ကျဲဘိတဖၣ်, ဝ့ၢ်ခိၣ်ဒူအဒိၣ်အကျၢၤဒီးကအိၣ်ခၢၣ်သ နၢၣ်ဃုဆံခံနံၣ်အဘျီနွံဘျီန့ၣ်လီၤ. ဘၣ်ဆၣ်ဒီးအဝဲအံၤကမ့ၢ်တၢ်ကိၢ်တၢ်ဂီၤအကတီၢ်န့ၣ်လီၤ.