လံာ်စီၤနဃ့မယၤ 2:5 - Sgaw Karen Common Bible

⁵ ဒီးယစံးဘၣ်စီၤပၤဖးဒိၣ် “မ့ၢ်ဘၣ်စီၤပၤဖးဒိၣ်အသး, ဒီးသးအိၣ်ဟ့ၣ်တၢ်လၢယဃ့န့ၣ်, ပျဲယလဲၤဆူကီၢ်ယူဒၤ, ဆူဝ့ၢ်လၢယမိၢ်ပၢ်ဖံဖုလၢပျၢၤတဖၣ်ဘၣ်တၢ်ခူၣ်လီၤအီၤဒ်သိး ယသူၣ်ထီၣ်ကဒါက့ၤအီၤကသ့အဂီၢ်တက့ၢ်.”

လံာ်စီၤနဃ့မယၤ 2:5 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 14:22

စီၤယိၤအာ်ထိၣ်လီၤပှီၤအသးဆူဟီၣ်ခိၣ်လိၤလၢစီၤဒၤဝံးအမဲာ် ညါလၢတၢ်ယူးယီၣ်အပူၤဒီးစံးဝဲဒၣ်, “နဲဒၣ်, တၢ်ဒိၣ်ကစၢ်စီၤပၤဧၢ, ကစၢ်ယွၤဆိၣ်ဂ့ၤနၤလီၤ. ခဲကနံၣ်အံၤ, ယသ့ၣ်ညါယဲလၢယဘၣ်ဘျုးဘၣ်ဖှိၣ်လၢနမဲာ်ညါန့ၣ်လီၤ. အဂ့ၢ်ဒ်အံၤ, နဟ့ၣ်လီၤယၤတၢ်လၢယဃ့ ကညးအီၤန့ၣ်လီၤ.”

လံာ်စီၤဧ့စြၤ 5:17

ဒီးခဲကနံၣ်အံၤ, မ့ၢ်ဘၣ်ကစၢ်စီၤပၤဖးဒိၣ်အသးဒီး, မ်ပှၤကွၢ်တၢ်တမံၤလၢစီၤပၤအတၢ်ကွဲးနီၣ်တဖၣ်လၢကီၢ်ဘၤဘူၤ လိၣ်အပူၤဒ်သိးတၢ်ကထံၣ်န့ၢ်မ့ၢ်စီၤပၤဖးဒိၣ်ကိရ့ၣ်ဟ့ၣ်လီၤ တ့ၢ်အကလုၢ်ဧါ, တဟ့ၣ်လီၤတ့ၢ်ဘၣ်လဲၣ်လၢတၢ်ကသူၣ်ထီၣ်ကဒါက့ၤဝ့ၢ်ယရူၤရှလ့ၣ် အတၢ်လုၢ်ဟံၣ်, ဝံၤဒီးဘိးဘၣ်သ့ၣ်ညါက့ၤပှၤလၢနတၢ်ဘၣ်နသးလၢတၢ်ဂ့ၢ်အံၤ အဂီၢ်မ့ၢ်ဒ်လဲၣ်န့ၣ်တက့ၢ်.”

လံာ်စီၤနဃ့မယၤ 2:4

ဒီးစီၤပၤဖးဒိၣ်သံကွၢ်ယၤ “နသးလီတၢ်မနုၤလဲၣ်.” ယဘါထုကဖၣ်တၢ်ဆူကစၢ်ယွၤလၢအအိၣ်လၢမူခိၣ်လီၤ.

လံာ်စီၤနဃ့မယၤ 2:6

ဒီးစီၤပၤဖးဒိၣ်ဃုာ်ဒီးနီၢ်ပၤမုၣ်လၢအဆ့ၣ်နီၤလၢအကပၤဘၣ် အသးလီၤ. ဒီးသံကွၢ်ယၤ, “နကလဲၤအခါဖဲလဲၣ်.” ဒီးယသ့ၣ်ဆၢဖးကတီၢ်လၢအဂီၢ်လီၤ.

လံာ်နီၢ်အ့ၤစတၢ် 1:19

မ့ၢ်ဘၣ်, စီၤပၤအသးဒီး, မ်တၢ်ရၤလီၤစီၤပၤအတၢ်မၤလိာ်လၢနီၢ်ပၤမုၣ် ဝးၡတံၤအသုတပာ်ဖျါထီၣ်လၢၤအသးနီတစုလၢစီၤပၤအမဲာ်ညါ ဘၣ်တဂ့ၤန့ၣ်တက့ၢ်. တၢ်မၤလိာ်အံၤကဘၣ်တၢ်ကွဲးနီၣ်အီၤလၢကီၢ်ပၤရၣ်ဒီးကီၢ်မၤဒဲ အတၢ်သိၣ်တၢ်သီတဖၣ်အပူၤဒ်သိးတၢ်လဲ လိာ်ကွံာ်အီၤသုတသ့နီတဘျီတဂ့ၤလီၤ. အန့ၣ်ဒီးဟ့ၣ်လီၤကွံာ်အနီၢ် ပၤမုၣ်အလီၢ်အံၤဆူပိာ်မုၣ်လၢအဂ့ၤဒိၣ်န့ၢ်အီၤတဂၤအအိၣ်န့ၣ်တက့ၢ်.

လံာ်နီၢ်အ့ၤစတၢ် 7:3

နီၢ်ပၤမုၣ်အ့ၤစတၢ်စံးဆၢဝဲ, “မ့ၢ်ဘၣ်တၢ်ဒိၣ်ကစၢ်စီၤပၤအသးလၢကဟ့ၣ်ယၤယတၢ်ဃ့ဝံသးစူၤ အံၤန့ၣ်ဒီးယတၢ်အဲၣ်ဒိးမ့ၢ်ယကအိၣ်မူဘၣ်ဒံး, ဒီးယပှၤဂီၢ်မုၢ်ကအိၣ်မူဘၣ်ဒံးန့ၣ်လီၤ.

လံာ်နီၢ်အ့ၤစတၢ် 8:5

“မ့ၢ်ဘၣ်တၢ်ဒိၣ်ကစၢ်စီၤပၤအသး, ဒီးနမ့ၢ်သူၣ်အိၣ်သးအိၣ်ယၤ, ဒီးမ့ၢ်ဂ့ၤဝဲလၢနမဲာ်ဒီး, ဝံသးစူၤရၤလီၤလံာ်ဘိးဘၣ်သ့ၣ်ညါတဘ့ၣ်လၢကဘိး ကဒါက့ၤစီၤဟၤမၣ်အတၢ်မၤလိာ်တဖၣ်လၢတၢ်ရၤလီၤ တ့ၢ်လံအီၤန့ၣ်တက့ၢ်. တၢ်မၤလိာ်တဖၣ်န့ၣ်ဘၣ်တၢ်ရၤလီၤတ့ၢ် အီၤလၢပှၤအကၤကးဖိအစၢၤအသွဲၣ်စီၤဟးမဒၤသၤအဖိခွါ, ဒ်သိးတၢ်ကမၤဟးဂီၤကွံာ်ပှၤယူဒၤဖိလၢဘီမုၢ်အပူၤခဲလၢာ်န့ၣ်လီၤ.

တၢ်ကတိၤဒိ. 3:4

နမ့ၢ်မၤတၢ်အံၤဒီး, ကစၢ်ယွၤဒီးပှၤကညီကသးမုာ်သးခုလၢနဃိ လီၤ.

လံာ်ဒၤနံးယ့လး 9:25

ပာ်သူၣ်ပာ်သးတၢ်ဂ့ၢ်အံၤဒီးနၢ်ပၢၢ်အီၤတက့ၢ်. စးထီၣ်လၢတၢ်ဟ့ၣ် လီၤတၢ်ကလုၢ်လၢဝ့ၢ်ယရူၤၡလ့ၣ်ကဘၣ်တၢ်သူၣ်ထီၣ်ဘှီထီၣ်အီၤ အကတီၢ်တုၤလီၤလၢပှၤခိၣ်ပှၤနၢ်လၢကစၢ်ယွၤဃုထၢအီၤတဂၤဟဲဝဲန့ၣ်, တၢ်ဆၢကတီၢ်ကပူၤကွံာ်နွံနံၣ်နွံဘျီန့ၣ်လီၤ. ဝ့ၢ်ယရူၤၡလ့ၣ်ကဘၣ်တၢ်သူၣ်ထီၣ်ဘှီထီၣ် ကဒါက့ၤအီၤဃုာ်ဒီးကျဲမုၢ်ကျဲဘိတဖၣ်, ဝ့ၢ်ခိၣ်ဒူအဒိၣ်အကျၢၤဒီးကအိၣ်ခၢၣ်သ နၢၣ်ဃုဆံခံနံၣ်အဘျီနွံဘျီန့ၣ်လီၤ. ဘၣ်ဆၣ်ဒီးအဝဲအံၤကမ့ၢ်တၢ်ကိၢ်တၢ်ဂီၤအကတီၢ်န့ၣ်လီၤ.

လံာ်မးသဲ 23:27

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုမၤသုသးလီၤဂာ်ဒီးတၢ်သွၣ်ခိၣ်ပူၤလၢအဘၣ်တၢ်ဖှူဝါထီၣ် အီၤလီၤ. လၢအချၢတခီဖျါဃံလၤ, ဘၣ်ဆၣ်အအိပူၤတခီပှဲၤဒီးပှၤသံအဃံအကွဲဒီးတၢ်အစိၣ် အတၢ်အုၣ်တၢ်ကျၣ်တဖၣ်လီၤ.

လံာ်နီၢ်ရူၤသး 2:13

တုၤနုၤတစု, နီၢ်ရူၤသးစံးဆၢဝဲဒၣ်, “ယကစၢ်ဧၢ, နမ့ၢ်ပှၤလၢအမၤဘျုးမၤဖှိၣ်ယၤဒိၣ်မးလီၤ. အဂ့ၢ်ဒ်အံၤ, ယမ့တမ့ၢ်ဘၣ်ဒ်ပှၤဒ်သိးဒီးနကုၢ်ပိာ်မုၣ်အကျါတဂၤ ဘၣ်ဆၣ်နမၤသးမုာ်ယၤလၢနတၢ်ကတိၤတၢ်မုာ်မုာ်ခုၣ်ခုၣ် တဖၣ်န့ၣ်လီၤ.”