လံာ်စီၤနဃ့မယၤ 2:3 - Sgaw Karen Common Bible

³ ဒီးယစံးဆၢစီၤပၤ, “မ်ယစီၤပၤဖးဒိၣ်မူဝဲလီၤထူလီၤယိာ်တက့ၢ်. ဝ့ၢ်တဖျၢၣ်လၢယမိၢ်ပၢ်ဖံဖုလၢပျၢၤတဖၣ်ဘၣ်တၢ်ခူၣ်လီၤတ့ၢ်အီၤ အံၤအိၣ်လၢတၢ်ဟးဂူာ်ဟးဂီၤအပူၤဒီးအပဲတရီတဖၣ်ဘၣ်တၢ်မၤဟး ဂီၤကွံာ်အီၤလၢမ့ၣ်အူန့ၣ်, ယမဲာ်တလီၤသပှၢ်ဘၣ်န့ၣ်ယအိၣ်ကသ့ဒ်လဲၣ်.”

လံာ်စီၤနဃ့မယၤ 2:3 Iomraidhean Croise

လံာ်စီၤပၤအခီၣ်ထံးတဘ့ၣ် 1:31

နီၢ်ဘၤသၡ့ဘၤသကူးလီၤအသးဒီးစံးဝဲ, “မ်ယကစၢ်စီၤပၤမူဝဲလီၤစိၤလီၤထီန့ၣ်တက့ၢ်.”

လံာ်စီၤပၤခံဘ့ၣ်တဘ့ၣ် 25:8

လၢကီၢ်ဘၤဘူၤလိၣ်အစီၤပၤနဘူၤကးန့စၢ်, အနံၣ်တဆံခွံနံၣ်တနံၣ်လါယဲၢ်လါတလါထီၣ်နွံသီတသီ အနံၤန့ၣ်, စီၤပၤအပှၤဟ့ၣ်ကူၣ်တၢ်ဒီးအသုးမုၢ်အသုးခိၣ်ကျၢၢ် စီၤနဘူစၢ်ရဒၣ်လဲၤနုာ်လီၤဝဲဆူဝ့ၢ်ယရူၡလ့ၣ်အပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 21:20

စီၤယဟိရၣ်ကဲထီၣ်စီၤပၤဖဲအသးအိၣ်သၢဆံခံနံၣ်ဒီးပၢတ့ၢ် တၢ်လၢဝ့ၢ်ယရူၤၡလ့အပူၤဃိးနံၣ်န့ၣ်လီၤ. ဖဲအဝဲဒၣ်သံန့ၣ်ပှၤလၢအသူၣ်အုးသးအုးတအိၣ်ဘၣ်နီတဂၤဘၣ်. အဝဲသ့ၣ်ခူၣ်လီၤကွံာ်အီၤလၢစီၤဒၤဝံးအဝ့ၢ်ပူၤ, ဘၣ်ဆၣ်ဒီးတမ့ၢ်ဘၣ်လၢစီၤပၤအတၢ်သွၣ်ခိၣ်တဖၣ်အပူၤန့ၣ်ဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 28:27

စီၤပၤအၤဃးသံဝဲ, ဒီးဘၣ်တၢ်ခူၣ်လီၤကွံာ်အီၤလၢဝ့ၢ်ယရူၤ ၡလ့ၣ်အပူၤ, ဘၣ်ဆၣ်တမ့ၢ်ဘၣ်လၢစီၤပၤအတၢ်သွၣ်ခိၣ်တဖၣ်န့ၣ်ဘၣ်. အဖိခွါစီၤဃံးစကံယၤကဲထီၣ်စီၤပၤလၢအလီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:33

စီၤဃံးစကံယၤသံဝဲဒီးဘၣ်တၢ်ခူၣ်လီၤကွံာ်အီၤလၢစီၤပၤ အတၢ်သွၣ်ခိၣ်တဖၣ်အတၢ်လီၢ်လၢထးခီတတီၤန့ၣ်လီၤ. ကယဲၢ်ကီၢ်ယူဒၤဒီးဝ့ၢ်ယရူၤရှလ့ၣ်အပှၤဂီၢ်မုၢ်ဟ့ၣ်ထီၣ်အတၢ်ယူး ယီၣ်အီၤဒိၣ်ဒိၣ်မုၢ်မုၢ်ဖဲအဝဲသံန့ၣ်လီၤ. အဝဲအဖိခွါစီၤမနၤၡ့ၤကဲထီၣ်စီၤပၤလၢအလီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:19

အဝဲဒွဲၣ်အူထီၣ်ကွံာ်ယွၤအတၢ်လုၢ်ဟံၣ်, ဒီးဝ့ၢ်, ဃုာ်ဒီးအနီတဖၣ်ဒီးတၢ်ထူးတၢ်တီၤတဖၣ်ဒီးမၤလီၤပှီၢ်ကွံာ် ဝ့ၢ်ခိၣ်ဒူန့ၣ်လီၤ.

လံာ်စီၤနဃ့မယၤ 1:3

ဒီးအဝဲသ့ၣ်တဲဘၣ်ယၤလၢပှၤလၢအိၣ်လီၤတဲာ်ဒီးဟဲက့ၤတုၤဆူ အထံဧိၤကီၢ်ဧိၤဒၣ်ဝဲန့ၣ်အိၣ်လၢတၢ်ကီတၢ်ခဲနးမးအပူၤဒီး ပှၤတခီဘီမုၢ်ဖိလၢအအိၣ်ဘူးတဖၣ်န့ၣ်ကွၢ်တလီၤအဝဲသ့ၣ်န့ၣ် လီၤ. အဝဲသ့ၣ်တဲဘၣ်စ့ၢ်ကီးယၤလၢဝ့ၢ်ယရူၤၡလ့ၣ်အဝ့ၢ်ခိၣ်ဒူတဖၣ် န့ၣ်စးထီၣ်လၢအဘၣ်တၢ်ဒွဲၣ်ကွံာ်အီၤန့ၣ်တဘၣ်တၢ်ဘှီထီၣ်က့ၤ ဒံးအီၤဘၣ်န့ၣ်လီၤ.

လံာ်စီၤနဃ့မယၤ 2:13

ဒီးယဟးထီၣ်လၢမုၢ်နၤလၢကစၢၢ်ကဆူးအပဲတရီလၢမုၢ်နုာ်ဆူ ကလံၤထံးပယိၤအထံထီၣ်ပၢၢ်ဒီးဆူတၢ်အ့ၣ်အပဲတရီန့ၣ်လီၤ. ဒီးဖဲယလဲၤတၢ်အကတီၢ်န့ၣ်ယကွၢ်ဝ့ၢ်အခိၣ်ဒူလၢအလီၤပှီၢ်သ့ၣ် တဖၣ်ဒီးဝ့ၢ်အပဲတရီတဖၣ်လၢအဘၣ်တၢ်ဆူးထီၣ်ကွံာ် အီၤလၢမ့ၣ်အူန့ၣ်လီၤ.

လံာ်နီၢ်အ့ၤစတၢ် 8:6

တၢ်တတၢးတနါဒ်သိးအံၤမ့ၢ်တုၤအိၣ်ယပှၤဂီၢ်မုၢ်, ဒီးယဘူးယတံၢ်ဒၣ်ယဲတဖၣ်မ့ၢ်ဘၣ်တၢ်မၤသံအီၤန့ၣ်ဒီး, ယတူၢ်ယဲကသ့ဒ်လဲၣ်.”

စံးထီၣ်ပတြၢၤ 102:14

မ့ၢ်ဘၣ်တၢ်မၤဟးဂီၤကွံာ်အီၤဒၣ်လဲာ် နခ့နပှၤတဖၣ်အဲၣ်အီၤ, မ့ၢ်အိၣ်လၢတၢ်ဟးဂီၤအပူၤဒၣ်လဲာ် အဝဲသ့ၣ်သးကညီၤဘၣ်အီၤလီၤ.

စံးထီၣ်ပတြၢၤ 102:15

ဒီးပှၤကလုာ်တဖၣ်န့ၣ်ကပျံၤယွၤအမံၤ ဒီးကယဲၢ်ဟီၣ်ခိၣ်အစီၤပၤခဲလၢာ် ကပျံၤအလၤကပီၤလီၤ.

စံးထီၣ်ပတြၢၤ 137:6

ယမ့ၢ်တသ့ၣ်နီၣ်ထီၣ်က့ၤနၤဘၣ်ဒီး, ယမ့ၢ်တပာ်ကဲယရူၤရှလ့ၣ်လၢယတၢ်သးခု အဒိၣ်ကတၢၢ် န့ၣ်ဘၣ်ဒီး, မ်ယပျ့ၤစဲဘူးဒီးယခၣ်ခိၣ်တက့ၢ်.

စံးထီၣ်ပတြၢၤ 38:7

ယယီၢ်ဒ့ကိၢ်အူလၢတၢ်ဆါအဃိ ဒီးယအိၣ်လၢတၢ်ဆါနးနးကလဲာ်အပူၤလီၤ.

လံာ်ယံးရမံယၤ 52:12

လၢကီၢ်ဘၤဘူၤလိၣ်အစီၤပၤ စီးနဘူၤကးန့စၢ် မၤတၢ်ပှဲၤထီၣ်တဆံနွံနံၣ်တနံၣ်, လါယဲၢ်လါတလါ, လါထီၣ်တဆံသီအနံၤန့ၣ်, စီၤနဘူစၢ်ရဒၣ်လၢအမ့ၢ် ပှၤဟ့ၣ်ကူၣ်စီၤပၤဒီး မ့ၢ်စ့ၢ်ကီးသုးမုၢ်အသုးခိၣ်ဖးဒိၣ်, ဟဲနုာ်လီၤဆူ ဝ့ၢ်ယရူၤၡလ့ၣ်အပူၤလီၤ.

လံာ်သးသယုၢ်တၢ် 2:9

ဝ့ၢ်အပဲတြီတဖၣ်ဒါလီၤအသးလီၤဘျၢကွံာ်လၢတၢ်လီၤပှီၢ်လီၤ ကလဲတဖၣ်အဖီလာ်ဒီးအနီၣ်ဘိတဖၣ်ဘၣ်တၢ်ဒိကၢ်လီၤကလဲကွံာ်အီၤ န့ၣ်လီၤ. စီၤပၤဒီးပှၤတူၢ်ဒိၣ်ကီၤဒိၣ်တဖၣ်န့ၣ်ခဲအံၤအိၣ်လၢတၢ်စိာ် မၢကဲကုၢ်အီၤအပူၤလီၤ. ပှၤယူဒၤဖိအတၢ်သိၣ်တၢ်သီန့ၣ်တဘၣ်တၢ်သိၣ်လိသီလိအီလၢၤဘၣ် ဒီးဝံတဖၣ်တန့ၢ်ဘၣ်တၢ်ထံၣ်လၢညါခီလၢယွၤအအိၣ်နီတမံၤလၢၤ ဘၣ်.

လံာ်ဒၤနံးယ့လး 2:4

ဒီးအဝဲသ့ၣ်စံးဆၢက့ၤစီၤပၤလၢပှၤအၤရၣ်ဖိအကျိာ်, “မ်စီၤပၤမူဝဲလီၤထူလီၤယိာ်တက့ၢ်. စံးဘၣ်ပှၤလၢနတၢ်မံ မီၢ်တက့ၢ်. ဒီးပကဖးဖျါထီၣ်အခီပညီလၢနဂီၢ်လီၤ.”

လံာ်ဒၤနံးယ့လး 3:9

အဝဲသ့ၣ်စံးဘၣ်စီၤပၤနဘူၤကးန့စၢ်, “မ်စီၤပၤမူဝဲလီၤထူလီၤယိာ်တက့ၢ်.

လံာ်ဒၤနံးယ့လး 5:10

စီၤပၤအမိၢ်နၢ်ဟူဘၣ်စီၤပၤဒီးအပဒိၣ်ပပှၢ်တဖၣ်အကလုၢ်သီၣ်သဲ သတးဒီးဟဲနုာ်ဃီၤဆူတၢ်အီၣ်တၢ်အီအမူးအဒၢးပူၤလီၤ. ဒီးပိာ်မုၣ်န့ၣ်စံးဝဲဒၣ်, “မ်စီၤပၤမူဝဲအထူအယိာ်တက့ၢ်. ပျဲနတၢ်ဆိကမိၣ်မၤပျံၤမၤဖုးနၤတဂ့ၤဒီးမ်နမဲာ်သၣ် အသုတလီၤဝါတဂ့ၤ.

လံာ်ဒၤနံးယ့လး 6:21

ဒီးစီၤဒၤနံးယ့လးစံးဆၢဝဲဒၣ်, “မ်နဲဒၣ်စီၤပၤမူဝဲ အစိၤစိၤအဃၣ်ဃၣ်တက့ၢ်.

လံာ်ဒၤနံးယ့လး 6:6

လၢတၢ်န့ၣ်အဃိအဝဲသ့ၣ်လဲၤဆူစီၤပၤအအိၣ်ဒီးစံး, “စီၤပၤဒၤရယါဝ့ၣ်ဧၢ, မ်နမူနဲလီၤထူလီၤယိာ်တက့ၢ်.

လံာ်တၢ်ဘူၣ်ထီၣ်ဘါထီၣ် 26:31

ဒီးယကမၤဟးဂီၤကွံာ်သုဝ့ၢ်တဖၣ်, သုတၢ်ဘူၣ်တၢ်ဘါအလီၢ်တဖၣ် ဒီးယတတူၢ်လိာ်သုတၢ်လုၢ်တၢ်ပာ်တဖၣ်န့ၣ်ဘၣ်.