လံာ်စီၤနဃ့မယၤ 2:13 - Sgaw Karen Common Bible

¹³ ဒီးယဟးထီၣ်လၢမုၢ်နၤလၢကစၢၢ်ကဆူးအပဲတရီလၢမုၢ်နုာ်ဆူ ကလံၤထံးပယိၤအထံထီၣ်ပၢၢ်ဒီးဆူတၢ်အ့ၣ်အပဲတရီန့ၣ်လီၤ. ဒီးဖဲယလဲၤတၢ်အကတီၢ်န့ၣ်ယကွၢ်ဝ့ၢ်အခိၣ်ဒူလၢအလီၤပှီၢ်သ့ၣ် တဖၣ်ဒီးဝ့ၢ်အပဲတရီတဖၣ်လၢအဘၣ်တၢ်ဆူးထီၣ်ကွံာ် အီၤလၢမ့ၣ်အူန့ၣ်လီၤ.

လံာ်စီၤနဃ့မယၤ 2:13 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 26:9

စီၤဧူးစံယါမၤဂၢၢ်ထီၣ်ကျၢၤထီၣ်ဝ့ၢ်ယရူၤၡလ့ၣ်အတိာ်ဧိၤတာ် ဧိၤတဖၣ်ခီဖျိသူၣ်ထီၣ်ဘှီထီၣ်ပှၤပၢၤတၢ်အလီၢ်တဖၣ်ဖဲတၢ်အနၢၣ် အတြဲၤ, ဖဲကစၢၢ်ကဆူးအတြဲၤဖးဒိၣ်, ဒီးဖဲတၢ်အခိၣ်ဒူ အသနၢၣ်န့ၣ်လီၤ.

လံာ်စီၤနဃ့မယၤ 1:3

ဒီးအဝဲသ့ၣ်တဲဘၣ်ယၤလၢပှၤလၢအိၣ်လီၤတဲာ်ဒီးဟဲက့ၤတုၤဆူ အထံဧိၤကီၢ်ဧိၤဒၣ်ဝဲန့ၣ်အိၣ်လၢတၢ်ကီတၢ်ခဲနးမးအပူၤဒီး ပှၤတခီဘီမုၢ်ဖိလၢအအိၣ်ဘူးတဖၣ်န့ၣ်ကွၢ်တလီၤအဝဲသ့ၣ်န့ၣ် လီၤ. အဝဲသ့ၣ်တဲဘၣ်စ့ၢ်ကီးယၤလၢဝ့ၢ်ယရူၤၡလ့ၣ်အဝ့ၢ်ခိၣ်ဒူတဖၣ် န့ၣ်စးထီၣ်လၢအဘၣ်တၢ်ဒွဲၣ်ကွံာ်အီၤန့ၣ်တဘၣ်တၢ်ဘှီထီၣ်က့ၤ ဒံးအီၤဘၣ်န့ၣ်လီၤ.

လံာ်စီၤနဃ့မယၤ 12:31

ယကိးဖှိၣ်ကီၢ်ယူဒၤအခိၣ်အနၢ်တဖၣ်လၢဝ့ၢ်ခိၣ်ဒူအလိၤ, ဒီးပာ်လီၤအဝဲသ့ၣ်လၢပှၤကွၢ်ထွဲပှၤကမျၢၢ်ဖးဒိၣ်ခံဖုလၢ ကဟးဝးတရံးဝ့ၢ်ဒီးစံးဘျုးစံးဖှိၣ်ကစၢ်ယွၤန့ၣ်လီၤ. ပှၤအခီၣ်ထံးတဖုလဲၤဝဲဆူစုထွဲတခီလၢဝ့ၢ်ခိၣ်ဒူအဖီခိၣ် ဆူတၢ်အ့ၣ်အတြဲၤန့ၣ်လီၤ.

လံာ်စီၤနဃ့မယၤ 2:12

ယတတဲပှၤနီတဂၤလၢတၢ်လၢကစၢ်ယွၤဟ့ၣ်ဂံၢ်ဟ့ၣ်ဘါ ယၤလၢယကမၤတၢ်လၢဝ့ၢ်ယရူၤၡလ့ၣ်အဂီၢ်န့ၣ်ဘၣ်. ဒီးလၢမုၢ်နၤဖးဖီမုၢ်အကတီၢ်န့ၣ်ယဂဲၤဆၢထၢၣ်ဒီးဟးထီၣ်ဆူ တၢ်ချၢဃုာ်ဒီးယတံၤသကိးတနီၤန့ၣ်လီၤ. ဒီးမ့တမ့ၢ်ဘၣ်လၢကသ့ၣ်ယီၤတဒုလၢယဒိးအီၤဘၣ်န့ၣ်ဆၣ်ဖိ ကီၢ်ဖိအဂုၤအဂၤတအိၣ်ဒီးယၤဘၣ်.

လံာ်စီၤနဃ့မယၤ 2:15

ဒီးယလဲၤထီၣ်လၢမုၢ်နၤဆူကစၢၢ်ကဆူးဒီးကွၢ်ဝ့ၢ်အခိၣ်ဒူန့ၣ် လီၤ. ဒီးယဃၣ်ကဒါက့ၤ, ဒီးဟဲက့ၤနုာ်လၢကစၢၢ်ကဆူးအပဲတရီ ဒီးဟဲက့ၤကဒါက့ၤန့ၣ်လီၤ.

လံာ်စီၤနဃ့မယၤ 2:17

တုၤနုၤတစုယစံးဘၣ်အဝဲသ့ၣ် “သုထံၣ်တၢ်ကိၢ်တၢ်ဂီၤလၢပအိၣ်လၢ အပူၤလီၤ. အဂ့ၢ်ဒ်အံၤ, ဝ့ၢ်ယရူၤၡလ့ၣ်ဟးဂီၤလံ. ဒီးအပဲတရီတဖၣ်ဘၣ်တၢ်ဆူးထီၣ်ကွံာ်အီၤလၢမ့ၣ်အူလံ. ဟဲဘှီထီၣ်ကဒါက့ၤဝ့ၢ်ယရူၤၡလ့ၣ်အခိၣ်ဒူဒ်သိးပသုတကဲ လၢၤတၢ်ဒုၣ်ဒွဲၣ်အလီၢ်တဂ့ၤန့ၣ်တက့ၢ်.”

လံာ်စီၤနဃ့မယၤ 2:3

ဒီးယစံးဆၢစီၤပၤ, “မ်ယစီၤပၤဖးဒိၣ်မူဝဲလီၤထူလီၤယိာ်တက့ၢ်. ဝ့ၢ်တဖျၢၣ်လၢယမိၢ်ပၢ်ဖံဖုလၢပျၢၤတဖၣ်ဘၣ်တၢ်ခူၣ်လီၤတ့ၢ်အီၤ အံၤအိၣ်လၢတၢ်ဟးဂူာ်ဟးဂီၤအပူၤဒီးအပဲတရီတဖၣ်ဘၣ်တၢ်မၤဟး ဂီၤကွံာ်အီၤလၢမ့ၣ်အူန့ၣ်, ယမဲာ်တလီၤသပှၢ်ဘၣ်န့ၣ်ယအိၣ်ကသ့ဒ်လဲၣ်.”

လံာ်ယံးရမံယၤ 5:10

ယဆှၢလီၤဒုၣ်ဒါတဖၣ်လၢကကျီလီၤကွံာ် ယပှၤဂီၢ်မုၢ်အစပံးအလီၢ်တဖၣ်, ဘၣ်ဆၣ်ဒီးတမ့ၢ်လၢကဘၣ်မၤဟးဂီၤကွံာ်ဝဲ လၢာ်လၢာ်ဆ့ဆ့ဘၣ်. ယကတဲဘၣ်အဝဲသ့ၣ်လၢကပဲာ်တဲာ်ကွံာ်အဒ့တဖၣ်, မ့ၢ်လၢဒ့တဖၣ်အံၤတမ့ၢ်ယတၢ်ဘၣ်အဃိလီၤ.