လံာ်စီၤနဃ့မယၤ 2:10 - Sgaw Karen Common Bible

¹⁰ ဒီးတုၤပှၤဃိရၣ်ဖိစီၤစၤနဘၤလး, ပှၤဧၣ်မိၣ်ဖိအပဒိၣ်စီၤ တိၤဘံယၤနၢ်ဟူဝဲဒၣ်လၢပှၤတဂၤဟဲဝဲဒၣ်လၢပှၤအံၣ်စရ့လးဖိ အတၢ်ဂ့ၤအဂီၢ်န့ၣ်အဝဲသ့ၣ်အသူၣ်ဒိၣ်အသးဖျိးဒိၣ်မးန့ၣ်လီၤ.

လံာ်စီၤနဃ့မယၤ 2:10 Iomraidhean Croise

လံာ်စီၤနဃ့မယၤ 13:1

တုၤစီၤမိၤၡ့အတၢ်သိၣ်တၢ်သီဘၣ်တၢ်ဖးဖျါထီၣ်အီၤသီၣ်ဒိၣ် ဒိၣ်ဆူပှၤဂီၢ်မုၢ်အအိၣ်ဒီးတုၤဖဲတၢ်ကွဲးအသးတတီၤလၢအမ့ၢ် ဝဲပှၤဧၣ်မိၣ်ဖိမ့ၢ်ဂ့ၤ, ပှၤမိၤအးဖိမ့ၢ်ဂ့ၤတၢ်တဟ့ၣ်ဘၣ်အခွဲး လၢကပာ်ဖှိၣ်အသးဒီးကစၢ်ယွၤအပှၤဂီၢ်မုၢ်ဘၣ်န့ၣ်လီၤ.

လံာ်စီၤနဃ့မယၤ 13:28

စီၤယဟိယဒါမ့ၢ်ပှၤလုၢ်တၢ်အခိၣ်အဒိၣ်ကတၢၢ်စီၤအ့လယၤၡံာ်အဖိ ခွါ, ဘၣ်ဆၣ်, စီၤယဟိယဒါအဖိခွါတဖၣ်အကျါတဂၤဒိးတ့ဒိးဖျီအသး ဒီးစီၤစၤနဘလးလၢဝ့ၢ်ဃိရၣ်တခီအဖိမုၣ်အဃိယဟီထီၣ် ကွံာ်စီၤယဟိယဒါလၢဝ့ၢ်ယရူၤရှလ့ၣ်န့ၣ်လီၤ.

လံာ်စီၤနဃ့မယၤ 13:4

ပှၤလုၢ်တၢ်အခိၣ်စီၤဧ့လယၤၡံာ်လၢအမ့ၢ်ပှၤကွၢ်ထွဲတၢ်လုၢ်ဟံၣ် အတၢ်ပာ်ဖှိၣ်အဒၢးတဖၣ်န့ၣ်, မ့ၢ်တ့ၢ်ပှၤဒီတံၤဒီသကိးဒီးစီၤတိၤဘံယၤယံာ်မးလံန့ၣ်လီၤ.

လံာ်စီၤနဃ့မယၤ 2:19

ဒီးတုၤစီၤစၤနဘၤလး, စီၤတိၤဘံယၤဒီးပှၤဧ့ရ့းဖိစီၤ က့ၤၡ့ၣ်နၢ်ဟူဝဲတၢ်လၢပသုးကျဲၤလၢပကမၤအီၤန့ၣ်အဝဲသ့ၣ်နံၤ ဘၣ်ပှၤဒီးစံးဝဲ, “တၢ်လၢသုကမၤန့ၣ်သုဆိကမိၣ်လၢအမ့ၢ်တၢ်မနုၤလဲၣ်. မ့ၢ်သုကပူထီၣ်ထီဒါစီၤပၤဖးဒိၣ်န့ၣ်ဧါ.”

လံာ်စီၤနဃ့မယၤ 4:7

ဒီးတုၤစီၤစၤနဘၤလး, စီၤတိၤဘံယၤ, ပှၤဧ့ရ့းဖိ, ဒီးပှၤအၤစဒိးဖိသ့ၣ်တဖၣ်နၢ်ဟူဝဲဒၣ်လၢပအိၣ်ဒီးပတၢ်မၤအတၢ် လဲၤထီၣ်လဲၤထီလၢတၢ်ဘှီထီၣ်ကဒါက့ၤဝ့ၢ်ယရူၤၡလ့ၣ်အခိၣ်ဒူ ဒီးတၢ်ဘၢၣ်ဖျိအိၣ်လၢဝ့ၢ်ခိၣ်ဒူဘၣ်တၢ်ကးတံၢ်အီၤန့ၣ်အဝဲ သ့ၣ်အသးထီၣ်ဝဲဒိၣ်ဒိၣ်ကလဲာ်န့ၣ်လီၤ.

လံာ်စီၤနဃ့မယၤ 6:1

ဒီးစီၤစၤနဘၤလး, စီၤတိၤဘံယၤ, ပှၤဧ့ရ့းဖိစီၤက့ၤၡ့ၣ်, ဒီးပဒုၣ်ပဒါလၢအအိၣ်လီၤတဲာ်သ့ၣ်တဖၣ်နၢ်ဟူဝဲဒၣ်လၢပသူၣ်ထီၣ် ဝ့ၢ်ခိၣ်ဒူဝံၤဝဲဒီးတၢ်လီၤဟိတအိၣ်ဘၣ်န့ၣ်လီၤ. ဘၣ်ဆၣ်ပတပာ်ထီၣ်ဒံးဘၣ်တြဲၤလၢကျဲလဲၤနုာ်အဂီၢ်ဒံးဘၣ်န့ၣ်လီၤ.

လံာ်စီၤနဃ့မယၤ 6:16

ဒီးတုၤပဒုၣ်ပဒါလၢအအိၣ်ဝးတရံးပှၤလၢအမ့ၢ်ပှၤကလုာ်တဖၣ်နၢ် ဟူတၢ်အံၤန့ၣ်အဝဲသ့ၣ်ထံၣ်သ့ၣ်ညါလီၤက့ၤအသးလၢအမဲာ်သၣ် တအိၣ်လၢၤဘၣ်, ဒီးပှၤခဲလၢာ်သ့ၣ်ညါဝဲဒၣ်လၢတၢ်မၤအံၤဝံၤဝဲဒၣ်လၢ ကစၢ်ယွၤအတၢ်မၤစၢၤအဃိန့ၣ်လီၤ.

လံာ်နီၢ်အ့ၤစတၢ် 10:3

ပှၤယူဒၤဖိစီၤမၢ်ဒကဲၤအိၣ်လၢလီၢ်လၤခံတီၤတတီၤဖဲ စီၤပၤအဃၤၡဝ့ရိၣ်အကစၢ်ဒၣ်ဝဲအဖီလာ်န့ၣ်လီၤ. အဝဲဘၣ်တၢ်ယူးယီၣ်တ့ၢ်ဒီးဘၣ်သူၣ်ဘၣ်သးတ့ၢ်အီၤလၢအပှၤယူဒၤ ဖိကဒဲကဒဲဒီးအီၤတဖၣ်လီၤ. အဝဲမၤတ့ၢ်တၢ်အဂ့ၤလၢအပှၤဂီၢ်မုၢ်အဂီၢ်ဒီးလၢကယဲၢ်အစၢၤ အသွဲၣ်တဖၣ်အတၢ်ဘံၣ်တၢ်ဘၢအဂီၢ်န့ၣ်လီၤ.

စံးထီၣ်ပတြၢၤ 112:10

ပှၤတတီတလိၤထံၣ်ဘၣ်ဝဲတၢ်အံၤဒီး အသးဒိၣ်ထီၣ်လီၤ. အ့ၣ်စဃံးအမဲဒီးပှံၢ်လီၤကွံာ်ဝဲဒၣ်န့ၣ်လီၤ. ပှၤတတီတလိၤအတၢ်ဆၢန့ၢ်ဘၣ်တဖၣ်န့ၣ် တုၤဝဲဆူတၢ်ဟးဂီၤလီၤထူလီၤယိာ်လီၤ.

တၢ်ကတိၤဒိ. 27:4

တၢ်သူၣ်ဒိၣ်သးဖျိးန့ၣ်အၢသီဒီးမၤဟးဂီၤတၢ်သ့လီၤ. ဘၣ်ဆၣ်ဒီးတုၤတၢ်ထိၣ်သတြီၤအီၤဒီးတၢ်သူၣ်က့ၣ်သးကါန့ၣ်, တမ့ၢ်တၢ်နီတမံၤလၢၤဘၣ်လီၤ.

တၢ်ကတိၤဒိ. 30:22

ကုၢ်တဂၤလၢအကဲထီၣ်စီၤပၤ, ပှၤအမၢးတဂၤလၢအအိၣ်ဒီးကယဲၢ်တၢ်လၢအအဲၣ်ဒိးအီၣ်ဝဲ,

လံာ်ပှၤစံၣ်တဲၤတဲလီၤတၢ် 10:7

ယထံၣ်ဘၣ်ကုၢ်တဖၣ်လၢကသ့ၣ်လိၤ, ဖဲပှၤတူၢ်ဒိၣ်ကီၤဒိၣ်တဖၣ်လဲၤ တၢ်လၢအခီၣ်ဒ်ကုၢ်အသိးအခါန့ၣ်လီၤ.

လံာ်ယၡါယၤ 15:5

ယသးကိးပသူထီၣ်လၢကီၢ်မိၤအးအဂီၢ်လီၤ. ပှၤဂီၢ်မုၢ်ဃ့ၢ်ထီၣ်ကွံာ်ဝဲတုၤလၢဝ့ၢ်စိၤဧၢ်, ဒီးဆူအဲးကလးၡဃ့ၡၣ်န့ၣ်လီၤ. တနီၤလဲၤထီၣ်ကျဲဆူဝ့ၢ်လူဃံးဒီး ဟီၣ်ဝဲယၢၤဝဲဖဲအလဲၤတၢ်အဖၢမုၢ်လီၤ. တနီၤဃ့ၢ်ထူၣ်ဖျဲးထီၣ် ဆူဝ့ၢ်ဃိရနဲၣ်, အိၣ်ဒီးတၢ်သူၣ်အုးသးအုးအသီၣ်ဖးဒိၣ်လီၤ.

လံာ်ယံးရမံယၤ 41:10

အန့ၣ်ဝံၤဒီး, စီၤပၤအဖိမုၣ်တဖၣ် ဃုာ်ဒီးဝ့ၢ်မံးစပၤအပှၤဂီၢ် မုၢ်လၢအအိၣ်လီၤတဲာ်ခဲလၢာ်, လၢသုးခိၣ်ဖးဒိၣ် စီၤနဘူစၢ်ရဒၣ်ပာ်ဝဲလၢစီၤကဒါလယၤအတၢ်ပၢဆှၢကဟုကယာ် အပူၤန့ၣ်, အဝဲဒုးကဲထီၣ်အဝဲသ့ၣ်ဆူ ပှၤဃိာ်ဖိတဖၣ်န့ၣ်လီၤ. စီၤယံးၡမၤအ့လးစိာ်မၢကဲကုၢ်အဝဲဆူ ပှၤဧၣ်မိၣ်ဖိအလီၢ်ကဝီၤ အကျဲတခီန့ၣ်လီၤ.

လံာ်ယံးရမံယၤ 48:34

ပှၤဂီၢ်မုၢ်လၢဝ့ၢ်ဃ့ၡဘိၣ်ဒီး ဝ့ၢ်အ့လဧၤလ့ၤကိးထီၣ်ဝဲဒီး အဝဲသ့ၣ် အတၢ်ကိးထီၣ်န့ၣ်ဘၣ်တၢ်နၢ်ဟူအီၤသ့ဝဲတုၤလၢ ဝ့ၢ်ယၤစ့ၢ်န့ၣ်လီၤ. တၢ်န့ၣ်ဘၣ်တၢ်နၢ်ဟူစ့ၢ်ကီးအီၤလၢ ပှၤဂီၢ်မုၢ်လၢဝ့ၢ်စိဧၢ်, ဒီးတၢ်န့ၣ်ဘၣ်တၢ်နၢ်ဟူအီၤယံၤဝဲ တုၤလၢ ဝ့ၢ်ဃိရနဲၣ်, ဒီးအဲကလးၡလ့ၡၤန့ၣ်လီၤ. ဝ့ၢ်နံးမရံအထံကျိတဖၣ်ဒၣ်လဲာ်လီၤသံးဝဲလီၤ.

လံာ်ယံးရမံယၤ 48:5

နၢ်ဟူအဝဲသ့ၣ် အတၢ်ဟီၣ်တၢ်ယၢၤအသီၣ်တဖၣ် လၢကျဲလဲၤထီၣ်ဆူ ဝ့ၢ်လူဃံး, ဒီးတၢ်ကိၢ်တၢ်ဂီၤအ အတၢ်ကိးပသူထီၣ်တဖၣ်လၢကျဲလဲၤလီၤဆူ ဝ့ၢ်ဃိရနဲၣ်န့ၣ်တက့ၢ်.

မၤတၢ် 4:2

အဝဲသ့ၣ်အသးဒိၣ်ထီၣ်မ့ၢ်လၢပှၤတၢ်မၢဖိခံဂၤန့ၣ်သိၣ် လီၤသီလီၤပှၤသ့ၣ်တဖၣ်လၢယ့ၣ်ၡူးဂဲၤဆၢထၢၣ်က့ၤလၢတၢ်သံ အဂ့ၢ်, ဒီးလၢကျဲဒ်အံၤဒုးနဲၣ်ဖျါထီၣ်ဝဲလၢပှၤသံတဖၣ် ကဂဲၤဆၢထၢၣ်သမူထီၣ်က့ၤအဂ့ၢ်အဃိန့ၣ်လီၤ.

မၤတၢ် 5:24

တုၤတၢ်လုၢ်ဟံၣ်အပှၤပၢၤတၢ်ဖိအခိၣ်တဂၤဒီးပှၤလုၢ်တၢ်အခိၣ် အဒိၣ်တဖၣ်နၢ်ဟူဘၣ်တၢ်ကစီၣ်အံၤဒီး, တၢ်မၤအသးဒီးတၢ်မၢဖိတဖၣ်ဒ်လဲၣ်ဒ်လဲၣ်န့ၣ်, ဆိကမိၣ်က့ၤဝဲလၢအဂ့ၢ်တသ့လၢၤဘၣ်လီၤ.