လံာ်စီၤနဃ့မယၤ 2:1 - Sgaw Karen Common Bible

¹ ဒီးလၢစီၤပၤဖးဒိၣ်အၢ်တၤၡါၡတၤအနံၣ်ပှဲၤထီၣ်ခံဆံနံၣ် တနံၣ်လါနံစၣ်အပူၤ, မုၢ်တနံၤဖဲစီၤပၤအီၣ်တၢ်အကတီၢ်န့ၣ်ယဟဲစိာ်န့ၢ်အီၤစပံးထံလီၤ. အဝဲတထံၣ်ဝဲယမဲာ်လီၤသပှၢ်တ့ၢ်ဒ်သိးအံၤနီတဘျီဘၣ်.

လံာ်စီၤနဃ့မယၤ 2:1 Iomraidhean Croise

လံာ်တၢ်ကဲထီၣ်အခီၣ်ထံး 40:11

ဒ်ယစိာ်စီၤပၤအလီခီအသိးန့ၣ်, ယဒဲးန့ၢ်စပံးသၣ်တဖၣ်ဒီးစံၢ် နုာ်အထံဆူလီခီပူၤဒီးဟ့ၣ်စီၤပၤလီၤ.”

လံာ်တၢ်ကဲထီၣ်အခီၣ်ထံး 40:21

အဝဲပာ်က့ၤပှၤကွၢ်ထွဲစပံးထံလၢအလီၢ်လၢညါ,

လံာ်စီၤဧ့စြၤ 4:7

မၤကဒီးလၢကီၢ်ပၤရၣ်အစီၤပၤဖးဒိၣ်စီၤအၢ်တၤၡါၡတၤအစိၤ န့ၣ်, စီၤဘံးၡလၣ်, စီၤမံးသြၤဒး, စီၤတၤဘ့လးဒီးပှၤမၤသဃဲၤတၢ် ဒီးအဝဲသ့ၣ်တဖၣ်ကွဲးလံာ်ပရၢတဘ့ၣ်ဆူစီၤပၤဖးဒိၣ်အအိၣ်န့ၣ် လီၤ. လံာ်ပရၢအံၤဘၣ်တၢ်ကွဲးအီၤလၢပှၤအရၣ်ဖိအကျိာ်ဒီးကဘၣ်တၢ်တဲ ကျိာ်ထံက့ၤအီၤဖဲတၢ်ဖးအီၤန့ၣ်လီၤ.

လံာ်စီၤဧ့စြၤ 7:1

တဘျုးနံၣ်ဝံၤအလီၢ်ခံ, ဖဲကီၢ်ပၤရၣ်အစီၤပၤဖးဒိၣ်စီၤအၢ်တၤ ၡါၡတၤကဲစီၤပၤအကတီၢ်န့ၣ်, ပှၤအမံၤစီၤဧ့စြၤအိၣ်ဝဲတဂၤန့ၣ်လီၤ. အဝဲဒွးကဒါက့ၤအမိၢ်ပၢ်ဖံဖုလၢပျၢၤအတၢ်လီၤစၢၤစးထီၣ်လၢ ပှၤလုၢ်တၢ်အခိၣ်အဒိၣ်ကတၢၢ်စီၤအၤဟရိၣ်ဒ်လာ်အံၤလီၤ. စီၤဧ့စြၤမ့ၢ်စီၤစရါယၤအဖိခွါ, စီၤဧစၤရယၤအဖိခွါ, စီၤဃံးစကံယၤအဖိခွါ,

လံာ်စီၤနဃ့မယၤ 1:1

ဒီးအအံၤမ့ၢ်စီၤဃကါလယၤအဖိခွါစီၤနဃ့မယၤအတၢ်ကတိၤတဖၣ်န့ၣ်လီၤ. ဒီးလၢကီၢ်ပၤရၣ်အစီၤပၤဖးဒိၣ်အၢ်တၤၡါၡတၤပၢတၢ်ပှဲၤထီၣ် အနံၣ်ခံဆံ, လါကံးစလ့ၤအပူၤန့ၣ်, ယအိၣ်လၢဝ့ၢ်ၡူၡၣ်လၢအမ့ၢ်ဝ့ၢ်ခိၣ်အပူၤ န့ၣ်လီၤ.

လံာ်စီၤနဃ့မယၤ 1:11

ဒီးခဲကနံၣ်အံၤဒိကနၣ်လၢ်ယတၢ်ထုကဖၣ်ဒီးကယဲၢ်နခ့နပှၤခဲလၢာ် လၢအသးအိၣ်ပာ်ထီၣ်ထီနၤအတၢ်ထုကဖၣ်န့ၣ်တက့ၢ်. တနံၤအံၤဟ့ၣ်လၢ်ယၤတၢ်မၤနၢၤဒီးမၢစီၤပၤသးကညီၤယၤတက့ၢ်. ဒီးလၢမုၢ်နံၤတဖၣ်အံၤန့ၣ်ယမ့ၢ်ပှၤစိာ်စီၤပၤဖးဒိၣ်အလီခီအီတၢ်န့ၣ်လီၤ.

လံာ်နီၢ်အ့ၤစတၢ် 3:7

လၢစီၤပၤအဃၤၡဝ့ရိၣ်ပၢတၢ်တဆံခံနံၣ်တနံၣ်, လါအခီၣ် ထံးတလါလၢအမ့ၢ်လါနံစၣ်အပူၤန့ၣ်, စီၤဟၤမၣ်ဟ့ၣ်လီၤ အကလုၢ်လၢတၢ်ကတ့ၢ်လီၤတၢ်ဖးတဖၣ်လၢအဘၣ်တၢ်ကိး အီၤလၢပူရးဒ်သိးကထံၣ်န့ၢ်နံၤသီဒီးလါအကြၢးကတၢၢ် လၢကမၤဝဲအတၢ်ကူၣ်ခူသူၣ်အဂီၢ်န့ၣ်လီၤ. ဒီးတၢ်ဖးလီၤဘၣ်ဝဲလၢလါတဆံခံလါတလါလၢအမ့ၢ်လါ အးဒၢ်ထီၣ်တဆံသၢနံၤတနံၤန့ၣ်လီၤ.

လံာ်ဒၤနံးယ့လး 9:25

ပာ်သူၣ်ပာ်သးတၢ်ဂ့ၢ်အံၤဒီးနၢ်ပၢၢ်အီၤတက့ၢ်. စးထီၣ်လၢတၢ်ဟ့ၣ် လီၤတၢ်ကလုၢ်လၢဝ့ၢ်ယရူၤၡလ့ၣ်ကဘၣ်တၢ်သူၣ်ထီၣ်ဘှီထီၣ်အီၤ အကတီၢ်တုၤလီၤလၢပှၤခိၣ်ပှၤနၢ်လၢကစၢ်ယွၤဃုထၢအီၤတဂၤဟဲဝဲန့ၣ်, တၢ်ဆၢကတီၢ်ကပူၤကွံာ်နွံနံၣ်နွံဘျီန့ၣ်လီၤ. ဝ့ၢ်ယရူၤၡလ့ၣ်ကဘၣ်တၢ်သူၣ်ထီၣ်ဘှီထီၣ် ကဒါက့ၤအီၤဃုာ်ဒီးကျဲမုၢ်ကျဲဘိတဖၣ်, ဝ့ၢ်ခိၣ်ဒူအဒိၣ်အကျၢၤဒီးကအိၣ်ခၢၣ်သ နၢၣ်ဃုဆံခံနံၣ်အဘျီနွံဘျီန့ၣ်လီၤ. ဘၣ်ဆၣ်ဒီးအဝဲအံၤကမ့ၢ်တၢ်ကိၢ်တၢ်ဂီၤအကတီၢ်န့ၣ်လီၤ.