လံာ်စီၤနဃ့မယၤ 13:3 - Sgaw Karen Common Bible

³ တုၤကီၢ်အံၣ်စရ့လးအပှၤဂီၢ်မုၢ်နၢ်ဟူတၢ်သိၣ်တၢ်သီ အံၤဘၣ်တၢ်ဖးထီၣ်အီၤန့ၣ်, အဝဲသ့ၣ်နီၣ်ထီၣ်ကွံာ်ကယဲၢ်ပှၤတခီ ဘီမုၢ်ခဲလၢာ်လၢအတၢ်ကရၢကရိအပူၤန့ၣ်လီၤ.

လံာ်စီၤနဃ့မယၤ 13:3 Iomraidhean Croise

လံာ်စီၤဧ့စြၤ 10:11

ဒီးခဲကနံၣ်အံၤ, တဲလီၤကျဲၤလီၤသုတၢ်ဒဲးဘးတဖၣ်ဆူယွၤ, သုမိၢ်ပၢ်ဖံဖုလၢပျၢၤတဖၣ်အကစၢ်ယွၤအအိၣ်ဒီးမၤတၢ်လၢအဘၣ် အသးန့ၣ်တက့ၢ်. မၤလီၤဖးလိာ်သုသးဒီးပှၤတခီဘီမုၢ်ဖိ တဖၣ်လၢအအိၣ်အဆိးလၢပထံပကီၢ်အပူၤဒီးတၢၤကွံာ်သုမါပှၤတခီ ဘီမုၢ်ဖိတဖၣ်တက့ၢ်.”

လံာ်စီၤဧ့စြၤ 9:2

ပှၤယူဒၤဖိပိာ်ခွါတဖၣ်ဆီဟံၣ်ဆီဃီဒီးပှၤတခီဘီမုၢ်ဖိ ပိာ်မုၣ်တဖၣ်, ဒီးလၢတၢ်န့ၣ်အဃိကစၢ်ယွၤအပှၤဂီၢ်မုၢ်လၢ အစီဆှံတဖၣ်အံၤဘၣ်တၢ်မၤသံၣ်သူမီၣ်ကျၣ်အီၤန့ၣ်လီၤ. ပှၤခိၣ်ပှၤနၢ်တဖၣ်ဒီးပဒိၣ်ပပှၢ်တဖၣ်န့ၣ်မ့ၢ်ပှၤမၤကမၣ်တၢ်အဒိၣ် ကတၢၢ်တဖၣ်န့ၣ်လီၤ.

လံာ်စီၤနဃ့မယၤ 10:28

ပဝဲဒၣ်ကီၢ်အံၣ်စရ့လးအပှၤဂီၢ်မုၢ်, ပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်, ပှၤခိးတၢ်လုၢ်ဟံၣ်တဖၣ်, ပှၤသးဝံၣ်တၢ်လၢတၢ်လုၢ်ဟံၣ်တဖၣ်, ပှၤမၤတၢ်လၢတၢ်လုၢ်ဟံၣ်တ ဖၣ်, ဒီးကယဲၢ်ပှၤအဂၤလၢအဒိကနၣ်ကစၢ်ယွၤအတၢ်သိၣ်တၢ်သီ လၢပှၤယူဒၤဖိအဂီၢ်လၢအထုးဖးအသးဒီးပှၤတခီဘီမုၢ်ဖိလၢ အအိၣ်လၢပကီၢ်ပူၤတဖၣ်, ပဝဲဒၣ်ဃုာ်ဒီးပမါတဖၣ်ဒီးကယဲၢ်ပဖိ တဖၣ်လၢအသးပှၢ်တုၤအနၢ်ပၢၢ်တၢ်သ့လံ,

လံာ်စီၤနဃ့မယၤ 9:2

ဒီးအဝဲသ့ၣ်မၤလီၤဖးအသးဒီးပှၤတခီဘီမုၢ်ဖိတဖၣ်န့ၣ်လီၤ. ဒီးအဝဲသ့ၣ်ကူသိးဝဲထၢၣ်တၢ်ကံးညာ်ဒီးဖှံအခိၣ်လၢဟီၣ်ခိၣ် အကမူၣ်ဒ်အမ့ၢ်တၢ်သူၣ်အုးသးအုးအတၢ်ပနီၣ်န့ၣ်လီၤ. ဒီးအဝဲသ့ၣ်ဂဲၤဆၢထၢၣ်ဒီးတဲလီၤကျဲၤလီၤတၢ်ဒဲးဘးတဖၣ်လၢ အဝဲသ့ၣ်ဒီးအမိၢ်ပၢ်ဖံဖုလၢပျၢၤတဖၣ်မၤတ့ၢ်ဝဲန့ၣ်လီၤ.

စံးထီၣ်ပတြၢၤ 119:11

ယပာ်ဖှိၣ်နကလုၢ်နကထါလၢယသးကံၢ်ပူၤ ဒ်သိးယသုတမၤကမၣ်ဘၣ်နၤတဂ့ၤလီၤ.

စံးထီၣ်ပတြၢၤ 119:9

ပှၤဖိၣ်သၣ်ခွါကမၤကဆှီအကျဲဒ်လဲၣ်. မ့ၢ်အဘၣ်ပလီၢ်အသးဒ် နကလုၢ်ကထါအသိးန့ၣ်လီၤ.

လံာ်တၢ်ဟးထီၣ်ကွံာ် 12:38

ပှၤဂီၢ်မုၢ်အဂၤဂီၢ်မုၢ်ဂီၢ်ပၤ, သိတဖၣ်မဲာ်တဲးလဲးတဖၣ်, ဒီးဂီၤဖံးအါအါဂီၢ်ဂီၢ်လဲၤဃုာ်တၢ်ဒီးအဝဲသ့ၣ်စ့ၢ်ကီးလီၤ.

တၢ်ကတိၤဒိ. 6:23

အတၢ်သိၣ်က့ၤသီက့ၤတဖၣ်န့ၣ်, မ့ၢ်မ့ၣ်အူဒၢလၢအကပီၤထီၣ်ဝဲ, ဒီးအတၢ်ဘှီဘၣ်က့ၤသိၣ်လိနၤလၢနကအိၣ်မူဒ်လဲၣ်သ့ဝဲန့ၣ်လီၤ.

လံာ်တၢ်ဂံၢ် 11:4

ပှၤတခီဘီမုၢ်ဖိအိၣ်ဝဲတနီၤလၢအလဲၤဃုာ်တၢ်ဒီးပှၤအံၣ်စရ့ လးဖိတဖၣ်န့ၣ်လီၤ. အဝဲသ့ၣ်အသးအိၣ်အီၣ်ဘၣ်တၢ်ဖံးတၢ်ညၣ်ဒိၣ်ဒိၣ်ကလဲာ်ဒီးပှၤအံၣ် စရ့လးဖိတဖၣ်ဒၣ်လဲာ်စးထီၣ်ကဒူးကဒ့ၣ်ထီၣ်တၢ်ဒီးစံးဝဲဒၣ်, “မ့ၢ်မတၤကဒုးအီၣ်ပှၤလၢတၢ်ဖံးတၢ်ညၣ်လဲၣ်.

ရိမ့ၤ 3:20

မ့ၢ်အဂ့ၢ်ဒ်လဲၣ်န့ၣ်, ပှၤကညီတဘၣ်တၢ်ပာ်တီပာ်လိၤအီၤလၢ ကစၢ်ယွၤအမဲာ်ညါလၢအမၤထွဲတၢ်သိၣ်တၢ်သီအခံအဃိနီ တဂၤဘၣ်. မ့မ့ၢ်တၢ်လၢတၢ်သိၣ်တၢ်သီမၤဝဲန့ၣ်, မ့ၢ်တၢ်ဒုးသ့ၣ်ညါပှၤဟီၣ်ခိၣ်ဖိလၢအဝဲမၤတၢ်ဒဲးဘးလံန့ၣ်လီၤ.

ယၤကိာ် 1:27

တၢ်လၢပၢ်ကစၢ်ယွၤပာ်ဝဲလၢအမ့ၢ်တၢ်အကဆှီဒီးတၢ်ဘူၣ်တၢ် ဘါနီၢ်နီၢ်န့ၣ်မ့ၢ်ဝဲ, တၢ်အံးက့ၤကွၢ်က့ၤဖိၣ်ဃဲဒီးမုၣ်ကမဲတဖၣ်လၢ အတၢ်နးတၢ်ဖှီၣ်အပူၤဒီးတၢ်ပၢၤလီၤက့ၤပသးဒ်သိးပသုတဘၣ် တၢ်မၤဘၣ်အၢပှၤလၢဟီၣ်ခိၣ်အဃံၣ်အမူးတဖၣ်တဂ့ၤအဂီၢ် န့ၣ်လီၤ.