လံာ်စီၤနဃ့မယၤ 13:28 - Sgaw Karen Common Bible

²⁸ စီၤယဟိယဒါမ့ၢ်ပှၤလုၢ်တၢ်အခိၣ်အဒိၣ်ကတၢၢ်စီၤအ့လယၤၡံာ်အဖိ ခွါ, ဘၣ်ဆၣ်, စီၤယဟိယဒါအဖိခွါတဖၣ်အကျါတဂၤဒိးတ့ဒိးဖျီအသး ဒီးစီၤစၤနဘလးလၢဝ့ၢ်ဃိရၣ်တခီအဖိမုၣ်အဃိယဟီထီၣ် ကွံာ်စီၤယဟိယဒါလၢဝ့ၢ်ယရူၤရှလ့ၣ်န့ၣ်လီၤ.

လံာ်စီၤနဃ့မယၤ 13:28 Iomraidhean Croise

လံာ်စီၤဧ့စြၤ 10:8

မ့ၢ်ပှၤဂီၢ်မုၢ်အခိၣ်အနၢ်တဖၣ်အတၢ်ဟ့ၣ်လီၤအကလုၢ်န့ၣ်လီၤ. ဒီးလၢသၢသီအတီၢ်ပူၤပှၤတဂၤဂ့ၤတဂၤဂ့ၤဟဲမ့ၢ်တတုၤဘၣ်ဒီး ကယဲၢ်အတၢ်စုလီၢ်ခီၣ်ခိၣ်ခဲလၢာ်ကဘၣ်တၢ်ဟံးန့ၢ်ကွံာ်အီၤဒီး အနီၢ်ကစၢ်ဒၣ်ဝဲအတၢ်ခွဲးတၢ်ယာ်ဒ်တၢ်အိၣ်မူကရူၢ်ကရၢဖိ တဂၤကလီၤမၢ်ကွံာ်ဝဲန့ၣ်လီၤ.

လံာ်စီၤနဃ့မယၤ 12:10

ဒီးစီၤယိၤၡူထီၣ်ဖိစီၤယိယၤကံၣ်, စီၤယိယၤကံၣ်ထီၣ်ဖိ စီၤအ့လယၤၡံာ်, စီၤအ့လယၤၡံာ်ထီၣ်ဖိစီၤယိယဒၤန့ၣ်လီၤ.

လံာ်စီၤနဃ့မယၤ 12:22

လၢပှၤလုၢ်တၢ်အခိၣ်အဒိၣ်ကတၢၢ်တဖၣ်လၢအမ့ၢ်စီၤအ့လယၡံာ်, စီၤယိယဒၤ, စီၤယိဃၤနၣ်ဒီးစီၤယးဒူၤအမုၢ်နံၤတဖၣ်အပူၤ န့ၣ်ပှၤလုၢ်တၢ်အခိၣ်ဒီးပှၤလ့ၤဝံဖိအဟံၣ်ဒူၣ်ဃီထၢအခိၣ်အနၢ် တဖၣ်အတၢ်ကွဲးနီၣ်တခါဘၣ်တၢ်ပာ်အီၤန့ၣ်လီၤ. တၢ်ကွဲးနီၣ်အံၤဝံၤဝဲဖဲစီၤဒၤရယါဝ့ၣ်မ့ၢ်ကီၢ်ပၤရၣ်အစီၤ ပၤဖးဒိၣ်အခါန့ၣ်လီၤ.

လံာ်စီၤနဃ့မယၤ 13:25

ယသိၣ်ဃီၣ်ပှၤပိာ်ခွါတဖၣ်န့ၣ်ဆါဆါကလဲာ်, ဒီးဆိၣ်အၢအဝဲသ့ၣ်, တီၢ်အဝဲသ့ၣ်ဒီးထဲးကွံာ်အဝဲသ့ၣ်အခိၣ်သူန့ၣ်လီၤ. ဝံၤဒီးယမၢအဝဲသ့ၣ်မၤတၢ်ဆိၣ်တမံၤလၢကစၢ်ယွၤအမံၤအပူၤလၢ အဝဲသ့ၣ်မ့ၢ်ဂ့ၤ, အဖိတဖၣ်မ့ၢ်ဂ့ၤ, တဒိးတ့ဃုာ်ဖျီဃုာ်ကဒီးအသးဒီးပှၤတခီဘီမုၢ်ဖိတဖၣ်ဘၣ်န့ၣ်လီၤ.

လံာ်စီၤနဃ့မယၤ 2:10

ဒီးတုၤပှၤဃိရၣ်ဖိစီၤစၤနဘၤလး, ပှၤဧၣ်မိၣ်ဖိအပဒိၣ်စီၤ တိၤဘံယၤနၢ်ဟူဝဲဒၣ်လၢပှၤတဂၤဟဲဝဲဒၣ်လၢပှၤအံၣ်စရ့လးဖိ အတၢ်ဂ့ၤအဂီၢ်န့ၣ်အဝဲသ့ၣ်အသူၣ်ဒိၣ်အသးဖျိးဒိၣ်မးန့ၣ်လီၤ.

လံာ်စီၤနဃ့မယၤ 2:19

ဒီးတုၤစီၤစၤနဘၤလး, စီၤတိၤဘံယၤဒီးပှၤဧ့ရ့းဖိစီၤ က့ၤၡ့ၣ်နၢ်ဟူဝဲတၢ်လၢပသုးကျဲၤလၢပကမၤအီၤန့ၣ်အဝဲသ့ၣ်နံၤ ဘၣ်ပှၤဒီးစံးဝဲ, “တၢ်လၢသုကမၤန့ၣ်သုဆိကမိၣ်လၢအမ့ၢ်တၢ်မနုၤလဲၣ်. မ့ၢ်သုကပူထီၣ်ထီဒါစီၤပၤဖးဒိၣ်န့ၣ်ဧါ.”

လံာ်စီၤနဃ့မယၤ 3:1

ဒီးအအံၤမ့ၢ်ဝဲဝ့ၢ်အခိၣ်ဒူဘၣ်တၢ်ဘှီထီၣ်က့ၤအီၤဒ်လဲၣ်အဂ့ၢ် န့ၣ်လီၤ. ပှၤလုၢ်တၢ်အခိၣ်အဒိၣ်ကတၢၢ်စီၤအ့လယၤၡံာ်ဒီးပှၤမၤသကိးတၢ် ဒီးအီၤပှၤလုၢ်တၢ်အခိၣ်တဖၣ်ဘှီထီၣ်ကဒါက့ၤပဲတရီသိဒီးပာ် စီဆှံဝဲ, ဒီးပာ်ဝဲပဲတရီလၢအလီၢ်ဒၣ်ဝဲန့ၣ်လီၤ. အဝဲသ့ၣ်ပာ်စီဆှံတ့ၢ်တၢ်ဒူၣ်စးထီၣ်ဆူတၢးထီမ့ၤအၤဒီးတုၤ လၢတၢးထီဃနၤန့လးန့ၣ်လီၤ.

လံာ်စီၤနဃ့မယၤ 4:1

ဒီးတုၤစီၤစၤနဘၤလးနၢ်ဟူဝဲဒၣ်လၢပဝဲပှၤယူဒၤဖိတဖၣ်ပစး ထီၣ်ဘှီကဒါက့ၤဝ့ၢ်ခိၣ်ဒူန့ၣ်အသးထီၣ်ဝဲဒီးစးထီၣ်နံၤဘၣ် ဖၣ်လဲပှၤန့ၣ်လီၤ.

စံးထီၣ်ပတြၢၤ 101:8

ယကမၤဟးဂီၤပှၤတတီတလိၤလၢ ပကီၢ်ပူၤတနံၤဘၣ်တနံၤ ဒီးဟီထီၣ်ကွံာ်ကယဲၢ်ပှၤမၤတၢ်အၢလၢ ယွၤအဝ့ၢ်ပူၤန့ၣ်လီၤ.

တၢ်ကတိၤဒိ. 20:26

စီၤပၤလၢအကူၣ်သ့တဂၤန့ၣ်ကဃုထံၣ်န့ၢ်မ့ၢ်မတၤတဂၤမၤကမၣ်တၢ် လဲၣ်ဒီးကစံၣ်ညီၣ်အီၤလၢတၢ်သးကညီၤတအိၣ်ဘၣ်အပူၤန့ၣ်လီၤ.

တၢ်ကတိၤဒိ. 20:8

စီၤပၤဆ့ၣ်နီၤဝဲလၢအစံၣ်ညီၣ်တၢ်အလီၢ်ပစိာ်ဒီးသ့ၣ်ညါတၢ်အၢ ဖဲအထံၣ်ဝဲန့ၣ်လီၤ.