လံာ်စီၤနဃ့မယၤ 13:25 - Sgaw Karen Common Bible

²⁵ ယသိၣ်ဃီၣ်ပှၤပိာ်ခွါတဖၣ်န့ၣ်ဆါဆါကလဲာ်, ဒီးဆိၣ်အၢအဝဲသ့ၣ်, တီၢ်အဝဲသ့ၣ်ဒီးထဲးကွံာ်အဝဲသ့ၣ်အခိၣ်သူန့ၣ်လီၤ. ဝံၤဒီးယမၢအဝဲသ့ၣ်မၤတၢ်ဆိၣ်တမံၤလၢကစၢ်ယွၤအမံၤအပူၤလၢ အဝဲသ့ၣ်မ့ၢ်ဂ့ၤ, အဖိတဖၣ်မ့ၢ်ဂ့ၤ, တဒိးတ့ဃုာ်ဖျီဃုာ်ကဒီးအသးဒီးပှၤတခီဘီမုၢ်ဖိတဖၣ်ဘၣ်န့ၣ်လီၤ.

လံာ်စီၤနဃ့မယၤ 13:25 Iomraidhean Croise

လံာ်စီၤပၤခံဘ့ၣ်တဘ့ၣ် 2:24

စီၤအလံၤၡါဃၣ်တရံးအသးဒီးကွၢ်ဒီးဆိၣ်အၢအီၤလၢယွၤအမံၤ အပူၤန့ၣ်လီၤ. တုၤနုၤတစု, တၤသူမိၢ်ခံဒုဟဲထီၣ်လၢသ့ၣ်ပှၢ်အကျါဒီးအ့ၣ် ဖှီလီၤကလဲကွံာ်ဖိသၣ်ပိာ်ခွါလွံၢ်ဆံခံဂၤန့ၣ်လီၤ.

လံာ်စီၤဧ့စြၤ 10:5

လၢတၢ်န့ၣ်အဃိ, စီၤဧ့စြၤစးထီၣ်မၤဝဲခီဖျိ, ဒုးဆိၣ်ပှၤလုၢ်တၢ်အခိၣ်အပှၤခိၣ်ပှၤနၢ်တဖၣ်, ပှၤလ့ၤဝံဖိတဖၣ်ဒီးပှၤဂီၢ်မုၢ်အဂၤအတၢ်ဆိၣ်တမံၤလၢအဝဲသ့ၣ် ကမၤတၢ်ဒ်စီၤၡကါနယၤဟ့ၣ်ကူၣ်ဆှၢထီၣ်ဝဲန့ၣ်လီၤ.

လံာ်စီၤဧ့စြၤ 7:26

ပှၤတဂၤလၢ်လၢ်မ့ၢ်တစူၢ်ဘၣ်နကစၢ်ယွၤအတၢ်ဘူၣ်တၢ်ဘါ အတၢ်သိၣ်တၢ်သီတဖၣ်မ့ၢ်ဂ့ၤ, ထံကီၢ်အတၢ်သိၣ်တၢ်သီတဖၣ်မ့ၢ်ဂ့ၤန့ၣ်, အဝဲကဘၣ်တၢ်စံၣ်ညီၣ်အီၤဘၣ်ဆၢဘၣ်ကတီၢ်ခီဖျိတၢ်မၤသံ, မ့တမ့ၢ်တၢ်နီၣ်ထီၣ်ဟီထီၣ်ကွံာ်အီၤ, မ့တမ့ၢ်ဟံးန့ၢ်ကွံာ်အတၢ်စုလီၢ်ခီၣ်ခိၣ်, မ့တမ့ၢ်တၢ်ဒၢနုာ်အီၤဆူဃိာ်ပူၤန့ၣ်လီၤ.”

လံာ်စီၤနဃ့မယၤ 13:11

ဒီးယသိၣ်က့ၤသီက့ၤပဒိၣ်ပပှၢ်တဖၣ်ဆါဆါကလဲာ်မ့ၢ်လၢအပျဲ ယွၤအတၢ်လုၢ်ဟံၣ်ဘၣ်တၢ်လဲၤကပာ်ကွံာ်အီၤအဃိန့ၣ်လီၤ. ဒီးယကိးကဒါက့ၤပှၤလ့ၤဝံဖိတဖၣ်ဒီးပှၤသးဝံၣ်တၢ်ဖိသ့ၣ် တဖၣ်ဆူယွၤအတၢ်လုၢ်ဟံၣ်ဒီးပာ်ကဒီးအီၤလၢကမၤက့ၤတၢ်န့ၣ်လီၤ.

လံာ်စီၤနဃ့မယၤ 13:17

ယသိၣ်ဃီၣ်ပှၤယူဒၤဖိအခိၣ်အနၢ်တဖၣ်ဆါဆါကလဲာ်ဒီးတဲဘၣ်အဝဲ သ့ၣ်, “ကွၢ်တၢ်အၢတၢ်သီလၢသုမၤန့ၣ်တက့ၢ်. သုမၤဘၣ်အၢမုၢ်အိၣ်ဘှံးအနံၤန့ၣ်လီၤ.

လံာ်စီၤနဃ့မယၤ 13:24

အဝဲသ့ၣ်အဖိတဝာ်န့ၣ်ကတိၤပှၤအၤစဒိးအကျိာ်မ့တမ့ၢ်ကျိာ်အဂၤ ဒီးတသ့ၣ်ညါကတိၤက့ၤပကျိာ်လၢၤဘၣ်န့ၣ်လီၤ.

လံာ်စီၤနဃ့မယၤ 5:13

ဒီးယထုးထီၣ်ယကူယသိးလၢယကူအီၤလၢယယီၢ်ဒ့ဒီးတြုၤအီၤန့ၣ် လီၤ. ဒီးယစံး “အအံၤကစၢ်ယွၤကတြုၤသု ဒ်သိးအံၤလၢပှၤလၢအတပၢၤဃးအတၢ်အၢၣ်လီၤဘၣ်န့ၣ်လီၤ. ကစၢ်ယွၤကဟံးထီၣ်ကွံာ်သုဟံၣ်သုဃီတဖၣ်ဒီးကယဲၢ်တၢ်အိၣ်ဒီး သုခဲလၢာ်, ဒီးတပာ်တီၢ်န့ၢ်သုတၢ်နီတမံၤလၢၤဘၣ်န့ၣ်လီၤ.” ဒီးပှၤအိၣ်ဝဲဖဲန့ၣ်ခဲလၢာ်စံးဝဲ, “အၤမ့ၣ်” ဒီးစံးထီၣ်ပတြၢၤယွၤလီၤ. ဒီးပှၤခိၣ်ပှၤနၢ်တဖၣ်ပၢၤဃးအတၢ်အၢၣ်လီၤန့ၣ်လီၤ.

လံာ်စီၤနဃ့မယၤ 5:6

ဒီးတုၤယနၢ်ဟူအဝဲသ့ၣ်အတၢ်ပာ်ဒ့ၣ်ပာ်ကမၣ်သ့ၣ်တဖၣ်န့ၣ်ဒီး ယသးဒိၣ်ထီၣ်လီၤ.

စံးထီၣ်ပတြၢၤ 119:53

ဖဲပှၤတတီတလိၤလဲၤသဒၣ်နတၢ်သိၣ်တၢ်သီဒီး, ယသးကိၢ်ထီၣ်ဒိၣ်ဒိၣ်ကလဲာ်လီၤ.

စံးထီၣ်ပတြၢၤ 15:4

အဝဲသ့ၣ်တပာ်ကဲပှၤလၢယွၤညိကွံာ်အီၤတဖၣ်ဘၣ်, ဘၣ်ဆၣ်ယူးယီၣ်ပှၤတဖၣ်လၢအပျံၤယွၤန့ၣ်လီၤ. လၢအတၢ်ဆိၣ်လီၤအသးအပူၤ, တၢ်အၢမ့ၢ်ဘၣ်က့ၤအီၤဒၣ်လဲာ်, မၤဝဲဒ်အအၢၣ်လီၤဝဲအသိးန့ၣ်လီၤ.

လံာ်တၢ်ဟးထီၣ်ကွံာ် 34:16

ဒီးသုဖိခွါတဖၣ်ကဖျီဃုာ်အသးဒီးပှၤတခီဘီမုၢ်ဖိပိာ်မုၣ် တဖၣ်လၢအကမၢန့ၢ်ဆီၣ်ထွဲအဝဲသ့ၣ်ဆူတၢ်သူၣ်တတီသး တလိၤဒီးယၤဒီးဘူၣ်ထီၣ်ဘါထီၣ်အဝဲသ့ၣ်အပှၤတစူၢ် တနာ်တၢ်အယွၤတဖၣ်န့ၣ်လီၤ.

တၢ်ကတိၤဒိ. 28:4

နမ့ၢ်တပာ်ကဲတၢ်သိၣ်တၢ်သီဘၣ်ဒီး, နအိၣ်တကပၤဃီဒီးပှၤတတီ တလိၤတဖၣ်လီၤ. ဘၣ်ဆၣ်နမ့ၢ်ဒိကနၣ်တၢ်သိၣ်တၢ်သီဒီး, နမ့ၢ်ပှၤထီဒါအဝဲသ့ၣ်န့ၣ်လီၤ.

လံာ်ယၡါယၤ 50:6

ယဒီလီၤန့ၢ်ပှၤလၢအတီၢ်ယၤတဖၣ်လၢယချၢဃံလီၤ. ဖဲအဝဲသ့ၣ်ဒုၣ်ဒွဲၣ်ယၤမ့ၢ်ဂ့ၤ, ထဲးထီၣ်ကွံာ်ယခၣ်ဆူၣ်တဖၣ်မ့ၢ် ဂ့ၤ, ထူးပှဲာ်ယၤလၢယမဲာ်သၣ်ပူၤမ့ၢ်ဂ့ၤန့ၣ်, ယတတြီဘၣ်အဝဲသ့ၣ်ဘၣ်.

လံာ်သိၣ်လီၤသီလီၤတၢ် 6:13

ယူးယီၣ်ယွၤ, သုကစၢ်ယွၤ, ဘူၣ်ထီၣ်ဘါထီၣ်ထဲအဝဲဒၣ်ဧိၤ, ဒီးမၤသုတၢ်အၢၣ်လီၤတဖၣ်ထဲလၢအဝဲတဂၤဧိၤအမံၤအပူၤန့ၣ်တ က့ၢ်.

လံာ်သိၣ်လီၤသီလီၤတၢ် 7:3

ဒိးတ့ဒိးဖျီသုးသးဒီးအဝဲသ့ၣ်နီတဂၤတဂ့ၤ. ဒီးပျဲသုဖိတဖၣ်ဒိးတ့ဒိးဖျီအသးဒီးအဝဲသ့ၣ်နီတဂၤတဂ့ၤ.

လံာ်စီၤယိၤၡူ 23:12

သုမ့ၢ်ဃၣ်ကွံၢ်သုသးဒီးအိၣ်စဲဘူးဒီးပှၤကလုာ် လၢအအိၣ်လီၤတဲာ်လၢသုကျါတဖၣ်ဒီးဖျီလိာ်သုသးဒီးအဝဲသ့ၣ်န့ၣ်,