လံာ်စီၤနဃ့မယၤ 13:23 - Sgaw Karen Common Bible

²³ လၢအကတီၢ်အဝဲန့ၣ်ယထံၣ်ဘၣ်စ့ၢ်ကီးပှၤယူဒၤဖိပိာ်ခွါအါဂၤ ဟံးန့ၢ်အမါလၢပိာ်မုၣ်တဖၣ်လၢကီၢ်အၤစဒိး, ကီၢ်ဧၣ်မိၣ်ဒီးကီၢ်မိၤအးန့ၣ်လီၤ.

လံာ်စီၤနဃ့မယၤ 13:23 Iomraidhean Croise

လံာ်စီၤပၤအခီၣ်ထံးတဘ့ၣ် 11:1

စီၤၡလိၤမိၤအဲၣ်တ့ၢ်ပှၤတခီဘီမုၢ်ဖိပိာ်မုၣ်အါဂၤန့ၣ်လီၤ. အဝဲဟံးန့ၢ်ကီၢ်အဲၤကူပတူးအစီၤပၤဖိမုၣ်တကးဒံးဘၣ်, အဝဲဒိးတ့ဒိးဖျီတ့ၢ်အသးဒီးပှၤဃ့ၤသးမုၣ်တဖၣ်, ဒီးပှၤပိာ်မုၣ်တဖၣ်လၢကီၢ်မိၤအး, ကီၢ်ဧၣ်မိၣ်, ကီၢ်အဒိၣ်ဒီးကီၢ်စံဒိၣ်န့ၣ်လီၤ.

လံာ်စီၤဧ့စြၤ 10:10

ပှၤလုၢ်တၢ်အခိၣ်စီၤဧ့စြၤဂဲၤဆၢထၢၣ်ဒီးကတိၤတၢ်ဒီးအဝဲသ့ၣ် န့ၣ်လီၤ. အဝဲစံးဝဲ, “သုမ့ၢ်တ့ၢ်ပှၤလၢအကလုၢ်တတီဒီးဒုးလီၤဘၣ်တၢ် ကမၣ်လၢကီၢ်အံၣ်စရ့လးအလိၤခီဖျိသုဆီဟံၣ်ဆီဃီ ဒီးပှၤတခီဘီမုၢ်ဖိပိာ်မုၣ်တဖၣ်န့ၣ်လီၤ.

လံာ်စီၤဧ့စြၤ 10:44

ကယဲၢ်ပှၤပိာ်ခွါတဖၣ်အံၤအိၣ်ဒီးအမါပှၤတခီဘီမုၢ်ဖိတဖၣ် လီၤ. အဝဲသ့ၣ်ပာ်မၢ်ကွံာ်အမါတဖၣ်ဒီးဆှၢဖျိးကွံာ်အဝဲသ့ၣ်ဒီးအဝဲ သ့ၣ်အဖိတဖၣ်န့ၣ်လီၤ.

လံာ်စီၤနဃ့မယၤ 10:30

ပတဒိးတ့ဃုာ်ဖျီဃုာ်ပသးဒီးပှၤတခီဘီမုၢ်ဖိလၢအအိၣ်လၢပထံ ကီၢ်အပူၤန့ၣ်ဘၣ်.

လံာ်စီၤနဃ့မယၤ 10:31

ပှၤတခီဘီမုၢ်ဖိတဖၣ်မ့ၢ်ဟဲစိာ်အဘုဧိၤဟုဧိၤမ့ၢ်ဂ့ၤ, ဒီးတၢ်တမံၤလၢ်လၢ်မ့ၢ်ဂ့ၤလၢကဆါန့ၢ်ပှၤလၢမုၢ်အိၣ်ဘှံးနံၤ မ့ၢ်ဂ့ၤ, မုၢ်နံၤစီဆှံအဂၤမ့ၢ်ဂ့ၤန့ၣ်ပတပှ့ၤလၢအအိၣ်ဘၣ်. နွံနံၣ်တဘျီကိးဘျီဒဲးန့ၣ်ပတသူၣ်တၢ်ဖျးတၢ်ဘၣ်. ဒီးပကပျၢ်ဒ့ၣ်ကမၣ်တဖၣ်ခဲလၢာ်န့ၣ်လီၤ.

လံာ်စီၤနဃ့မယၤ 13:1

တုၤစီၤမိၤၡ့အတၢ်သိၣ်တၢ်သီဘၣ်တၢ်ဖးဖျါထီၣ်အီၤသီၣ်ဒိၣ် ဒိၣ်ဆူပှၤဂီၢ်မုၢ်အအိၣ်ဒီးတုၤဖဲတၢ်ကွဲးအသးတတီၤလၢအမ့ၢ် ဝဲပှၤဧၣ်မိၣ်ဖိမ့ၢ်ဂ့ၤ, ပှၤမိၤအးဖိမ့ၢ်ဂ့ၤတၢ်တဟ့ၣ်ဘၣ်အခွဲး လၢကပာ်ဖှိၣ်အသးဒီးကစၢ်ယွၤအပှၤဂီၢ်မုၢ်ဘၣ်န့ၣ်လီၤ.

လံာ်စီၤနဃ့မယၤ 13:24

အဝဲသ့ၣ်အဖိတဝာ်န့ၣ်ကတိၤပှၤအၤစဒိးအကျိာ်မ့တမ့ၢ်ကျိာ်အဂၤ ဒီးတသ့ၣ်ညါကတိၤက့ၤပကျိာ်လၢၤဘၣ်န့ၣ်လီၤ.

လံာ်စီၤနဃ့မယၤ 13:27

မ့ၢ်ပဝဲပကပိာ်ထွဲအဝဲအဒိအတဲာ်ဒီးတစူၢ်ဘၣ်ပကစၢ်ယွၤခီဖျိ တၢ်ဒိးတ့ဒိးဖျီသးဒီးပှၤတခီဘီမုၢ်ဖိပိာ်မုၣ်တဖၣ်န့ၣ်ဧါ.

လံာ်စီၤနဃ့မယၤ 4:7

ဒီးတုၤစီၤစၤနဘၤလး, စီၤတိၤဘံယၤ, ပှၤဧ့ရ့းဖိ, ဒီးပှၤအၤစဒိးဖိသ့ၣ်တဖၣ်နၢ်ဟူဝဲဒၣ်လၢပအိၣ်ဒီးပတၢ်မၤအတၢ် လဲၤထီၣ်လဲၤထီလၢတၢ်ဘှီထီၣ်ကဒါက့ၤဝ့ၢ်ယရူၤၡလ့ၣ်အခိၣ်ဒူ ဒီးတၢ်ဘၢၣ်ဖျိအိၣ်လၢဝ့ၢ်ခိၣ်ဒူဘၣ်တၢ်ကးတံၢ်အီၤန့ၣ်အဝဲ သ့ၣ်အသးထီၣ်ဝဲဒိၣ်ဒိၣ်ကလဲာ်န့ၣ်လီၤ.

လံာ်တၢ်ဟးထီၣ်ကွံာ် 34:11

စူၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢယကဟ့ၣ်လီၤသုတနံၤအံၤန့ၣ်တက့ၢ်. ယကဟီထီၣ်ကွံာ်ပှၤအမိၢ်ဖိတဖၣ်, ပှၤကနၤဧၣ်ဖိတဖၣ်, ပှၤဃ့ၤသးဖိတဖၣ်, ပှၤပရးစၤဖိတဖၣ်, ပှၤဃံၤဝံဖိတဖၣ်ဒီးပှၤယဘူၣ်ဖိတဖၣ်ဖဲသုလဲၤထီၣ်ဒုးတၢ်န့ၣ်လီၤ.

၂ ကရံၣ်သူး 6:14

တဘၣ်ဂုာ်ကျဲးစၢးမၤသကိးတၢ်ဒီးပှၤတစူၢ်တနာ်တၢ် တဖၣ်ဒ်သုမ့ၢ်ပှၤဒ်သိးသိးဒီးအဝဲသ့ၣ်တဂ့ၤ. အဂ့ၢ်ဒ်အံၤ, တၢ်မၤဒ်န့ၣ်တသ့ဘၣ်. တၢ်အဘၣ်ဒီးတၢ်ကမၣ်န့ၣ်, ဒီတံၤဒီသကိးကသ့ဝဲလၢကျဲဒ်လဲၣ်. တၢ်ကပီၤဒီးတၢ်ခံးန့ၣ်အိၣ်ဃုာ်တပူၤဃီကသ့ဝဲလၢကျဲဒ်လဲၣ်.

လံာ်သိၣ်လီၤသီလီၤတၢ် 7:1

ယွၤ, သုကစၢ်ယွၤကဆှၢနုာ်သုဆူကီၢ်လၢသုကလဲၤနုာ်မၤန့ၢ် အီၤအပူၤ, ဒီးအဝဲဒၣ်ကနီၣ်ထီၣ်ကွံာ်ပှၤအါကလုာ်လၢကီၢ်န့ၣ်အပူၤလီၤ. တုၤသုလဲၤထီၣ်ဒုးတၢ်န့ၣ်, အဝဲကနီၣ်ထီၣ်ကွံာ်ပှၤကလုာ်နွံ ကလုာ်လၢအဒိၣ်န့ၢ်သုဒီးအဂံၢ်အဘါဆူၣ်န့ၢ်သုလၢအမ့ၢ်ပှၤဃ့ၤ သးဖိတဖၣ်, ပှၤကံၣ်ကၣ်ဖိတဖၣ်, ပှၤအမိၢ်ဖိတဖၣ်, ပှၤကနၤဧၣ်ဖိတဖၣ်, ပှၤပရးစၤဖိတဖၣ်, ပှၤဃံၤဝံဖိတဖၣ်ဒီး ပှၤယဘူၣ်ဖိတဖၣ်န့ၣ်လီၤ.

လံာ်နီၢ်ရူၤသး 1:4

အဝဲသ့ၣ်ဟံးန့ၢ်အမါလၢပှၤမိၤအးမုၣ်, တဂၤန့ၣ်အမံၤလၢနီၢ် ဧိးရပၤဒီးအဂၤတဂၤမ့ၢ်နီၢ်ရူၤသးလီၤ. ဖဲအဝဲသ့ၣ်အိၣ်ဝဲဖဲန့ၣ်အနံၣ်တဆံဝံၤအလီၢ်ခံန့ၣ်,

လံာ်စီၤၡမူၤအ့လးအခီၣ်ထံးတဘ့ၣ် 5:1

ပှၤဖလ့ၡသးဖိတဖၣ်မၤန့ၢ်ယွၤအတၢ်အၢၣ်လီၤအီလီၤအတလါစီဆှံ ဝံၤအလီၢ်ခံန့ၣ်အဝဲသ့ၣ်စိာ်ကွံာ်အီၤလၢဝ့ၢ်အ့ဘ့ၣ်န့စၢ်ဆူ ဝ့ၢ်အၤစဒိးလီၤ.