လံာ်စီၤနဃ့မယၤ 13:22 - Sgaw Karen Common Bible

²² ယမၤလိာ်ပှၤလ့ၤဝံဖိတဖၣ်လၢကမၤကဆှီထီၣ်အသးဒၣ်ဝဲဒီးလဲၤ ဒီးခိးတြဲၤတဖၣ်လၢကမၤလီၤတံၢ်တၢ်ဒ်သိးမုၢ်အိၣ်ဘှံးနံၤ ကဘၣ်တၢ်ပာ်စီဆှံအီၤအဂီၢ်န့ၣ်လီၤ. ကစၢ်ယွၤဧၢ, သ့ၣ်နီၣ်ထီၣ်က့ၤလၢ်ယၤလၢတၢ်အံၤအဃိစ့ၢ်ကီးဒီး မၤပူၤဖျဲးလၢ်ယၤလၢနတၢ်အဲၣ်လၢအဒိၣ်ဝဲအဃိန့ၣ်တက့ၢ်.

လံာ်စီၤနဃ့မယၤ 13:22 Iomraidhean Croise

လံာ်စီၤပၤခံဘ့ၣ်တဘ့ၣ် 20:3

“ယွၤဧၢ, သ့ၣ်နီၣ်ထီၣ်က့ၤလၢ, ယမၤတ့ၢ်နတၢ်မၤလၢတၢ်သးတီ ဒီးတၢ်ကလုၢ်တီအပူၤ, ဒီးလၢထီဘိယကျဲးစၢးမၤတၢ်လၢနအဲၣ်ဒိးယမၤန့ၣ်တက့ၢ်.” ဒီးအဝဲစးထီၣ်ဟီၣ်ဝဲနးနးကလဲာ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 23:4

ဝံၤဒီး, စီၤယိၤၡံယၤဟ့ၣ်လီၤအကလုၢ်ဆူပှၤလုၢ်တၢ်အခိၣ်အဒိၣ် ကတၢၢ်စီၤဃံးလကံယၤ, အဝဲအပှၤလုၢ်တၢ်အခိၣ်စၢၤတဖၣ်, ဒီးပှၤခိးတၢ်အိၣ်မူအိၣ်ဒါဖဲယွၤအတၢ်လုၢ်ဟံၣ်အကျဲစၢၤတဖၣ်လၢ အကဟဲစိာ်ထီၣ်ကယဲၢ်တၢ်ပီးတၢ်လီခဲလၢာ်လၢအဘၣ်တၢ်သူ အီၤလၢတၢ်ဘူၣ်ထီၣ်ဘါထီၣ်ဘဧၤလးအဂီၢ်, ကစၢ်မုၣ်အၡ့ရၤအဂီၢ်ဒီးဆၣ်ဧိၤဖီဧိၤအဂီၢ်, ဆူယွၤအတၢ်လုၢ်ဟံၣ်အချၢန့ၣ်လီၤ. စီၤပၤဒွဲၣ်အူထီၣ်ကွံာ်တၢ်သ့ၣ်တဖၣ်အံၤခဲလၢာ်လၢဝ့ၢ်အချၢ ဘူးဒီးကံဒြိၣ်အတၢ်တြီၤပူၤ, ဝံၤဒီးမၢပှၤစိာ်ထီၣ်ကွံာ်အချါတဖၣ်ဆူဝ့ၢ်ဘ့ၤသ့လးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:24

ဝံၤဒီးပှၤလုၢ်တၢ်အခိၣ်တဖၣ်မၤသံကွံာ်မဲာ်တဲးလဲးတဖၣ်ဒီးလူ လီၤအသွံၣ်, လၢတၢ်လုၢ်လီၢ်အလိၤဒ်တၢ်လုၢ်တၢ်ပာ်တမံၤအသိးလၢကစိာ်ထီၣ်ကွံာ် ပှၤဂီၢ်မုၢ်အတၢ်ဒဲးဘးအဂီၢ်န့ၣ်လီၤ. အဂ့ၢ်ဒ်အံၤ, စီၤပၤမၤလိာ်တ့ၢ်ဝဲလၢတၢ်လုၢ်မ့ၣ်အူတဖၣ်ဒီးတၢ် လုၢ်တၢ်ဒဲးဘးတဖၣ်န့ၣ်ကဘၣ်တၢ်မၤအီၤလၢပှၤအံၣ်စရ့လးဖိခဲ လၢာ်အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:27

စီၤဃံးစကံယၤဟ့ၣ်လီၤကလုၢ်လၢတၢ်ကဆူးကဲၤထီၣ်တၢ်လၢတၢ်လုၢ် မ့ၣ်အူကဘၣ်တၢ်မၤအီၤ, ဒီးဖဲတၢ်လုၢ်တၢ်ပာ်ဘၣ်တၢ်စးထီၣ်မၤအီၤန့ၣ်, ပှၤဂီၢ်မုၢ်သးဝံၣ်စံးထီၣ်ပတြၢၤယွၤ, ဒီးပှၤဒ့တၢ်အူတၢ်ဖိ တဖၣ်စးထီၣ်အူထီၣ်ကွဲၤတဖၣ်ဒီးကယဲၢ်တၢ်အပီးအလီ အဂၤတဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:30

စီၤပၤဒီးပှၤကလုာ်အခိၣ်အနၢ်တဖၣ်တဲဘၣ်ပှၤလ့ၤဝံဖိတဖၣ်လၢ ကသးဝံၣ်စံးထီၣ်ပတြၢၤယွၤလၢတၢ်သးဝံၣ်စံးထီၣ်ပတြၢၤလၢ အဘၣ်တၢ်ကွဲးအီၤလၢစီၤဒၤဝံးဒီးဝံအၤစာ်န့ၣ်လီၤ. လၢတၢ်န့ၣ်အဃိပှၤကိးဂၤဒဲးသးဝံၣ်ထီၣ်တၢ်လၢတၢ်သးခု ဖးဒိၣ်အပူၤဖဲအဝဲသ့ၣ်တီၤလီၤကဒွံကျိာ်ဒီးဘူၣ်ထီၣ်ဘါထီၣ် ကစၢ်ယွၤအခါန့ၣ်လီၤ.

လံာ်စီၤနဃ့မယၤ 12:10

ဒီးစီၤယိၤၡူထီၣ်ဖိစီၤယိယၤကံၣ်, စီၤယိယၤကံၣ်ထီၣ်ဖိ စီၤအ့လယၤၡံာ်, စီၤအ့လယၤၡံာ်ထီၣ်ဖိစီၤယိယဒၤန့ၣ်လီၤ.

လံာ်စီၤနဃ့မယၤ 12:30

ပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိသ့ၣ်တဖၣ်မၤကဆှီထီၣ်အသး ဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးလၢအဂီၢ်ဒၣ်ဝဲ, လၢပှၤဂီၢ်မုၢ်အဂီၢ်, လၢတြဲၤတဖၣ်ဒီးဝ့ၢ်ခိၣ်ဒူအဂီၢ်န့ၣ်လီၤ.

လံာ်စီၤနဃ့မယၤ 13:14

ယကစၢ်ယွၤဧၢ, သ့ၣ်နီၣ်ထီၣ်က့ၤကယဲၢ်တၢ်ခဲလၢာ်လၢယမၤတ့ၢ်ယဲလၢ နတၢ်လုၢ်ဟံၣ်ဒီးအတၢ်ဘူၣ်ထီၣ်ဘါထီၣ်နၤအဂီၢ်န့ၣ်တက့ၢ်.

လံာ်စီၤနဃ့မယၤ 13:31

ယကတဲာ်ကတီၤသ့ၣ်လၢတၢ်ကသူအီၤလၢတၢ်ဆိၣ်ကဲၤတၢ်လုၢ်တၢ်ပာ်တဖၣ် အဂီၢ်လၢတၢ်ဟဲကစိာ်အီၤဘၣ်ဆၢဘၣ်ကတီၢ်, ဒီးပှၤဂီၢ်မုၢ်လၢကဟဲစိာ်အတၢ်လုၢ်တၢ်ပာ်တဖၣ်လၢအမ့ၢ်ဘုခ့အ ဆိကတၢၢ်ဒီးအတၤသၣ်တဖၣ်လၢအမံထီၣ်အဆိကတၢၢ်န့ၣ်လီၤ. ကစၢ်ယွၤဧၢ, သ့ၣ်နီၣ်ထီၣ်တၢ်တဖၣ်အံၤခဲလၢာ်ဒီးမၤဘျုးလၢ်ဘၣ် ယၤလၢအဃိန့ၣ်တက့ၢ်.

လံာ်စီၤနဃ့မယၤ 5:19

ကစၢ်ယွၤဧၢ, ယဃ့ထီၣ်နၤလၢနကသ့ၣ်နီၣ်ယတၢ်ဂ့ၤခဲလၢာ်လၢယမၤဘၣ် အီၤလၢပှၤဂီၢ်မုၢ်အဂီၢ်န့ၣ်လီၤ.

စံးထီၣ်ပတြၢၤ 130:7

အံၣ်စရ့လးဖိသ့ၣ်ဧၢ, မုၢ်လၢ်တၢ်လၢယွၤတက့ၢ်. အဂ့ၢ်ဒ်အံၤ, တၢ်အဲၣ်ဂၢၢ်ကျၢၤအိၣ်ဒီးယွၤ ဒီးတၢ်အုၣ်က့ၤခီၣ်က့ၤအလၢအပှဲၤအိၣ်ဒီးအီၤလီၤ.

စံးထီၣ်ပတြၢၤ 5:7

မ့မ့ၢ်ယဲဒၣ်အံၤ, ခီဖျိနတၢ်အဲၣ်ဂၢၢ်ကျၢၤလၢအဒိၣ်ဝဲအါဝဲန့ၣ်, ယကဟဲနုာ်ဘၣ်ဆူနဟံၣ်ပူၤ, ယကဘူၣ်ထီၣ်ဘါထီၣ်ဘၣ်နၤလၢ နတၢ်လုၢ်ဟံၣ်စီဆှံအပူၤ လၢတၢ်ပျံၤဒီးတၢ်ယူးယီၣ်ပာ်ကဲနၤအပူၤန့ၣ်လီၤ.

စံးထီၣ်ပတြၢၤ 51:1

ကစၢ်ယွၤဧၢ, သူၣ်ကညီၤသးကညီၤလၢ်ယၤ, ဒ်နတၢ်အဲၣ်ဂၢၢ်ကျၢၤအိၣ်ဝဲအသိး, ဒီးဒ်နတၢ်သးကညီၤအိၣ်အါအါကလဲာ်အသိးန့ၣ် တြူာ်ကွံာ်ယတၢ်မၤကမၣ်တၢ်တဖၣ်န့ၣ်တက့ၢ်.

လံာ်ယၡါယၤ 38:3

“ယွၤဧၢ, သ့ၣ်နီၣ်ထီၣ်က့ၤလၢယမၤတ့ၢ်နတၢ်မၤလၢတၢ်ကလုၢ်တီ ဒီးတၢ်သူၣ်တီသးရၤအပူၤ, ဒီးထီဘိန့ၣ်ယကျဲးစၢးမၤတ့ၢ်တၢ်လၢနသးအိၣ်လၢယကမၤအီၤန့ၣ် တက့ၢ်.” ဝံၤဒီးအဝဲဟီၣ်နးနးကလဲာ်န့ၣ်လီၤ.

လံာ်ယၡါယၤ 49:23

စီၤပၤတဖၣ်ကလီၤဂာ်ဒီးပၢ်တဖၣ်လၢသုဂီၢ်ဒီးနီၢ်ပၤမုၣ်တဖၣ် ကလီၤဂာ်ဒီးမိၢ်တဖၣ်လီၤ. အဝဲသ့ၣ်ကသကူးလီၤအသးလၢသုမဲာ်ညါဒီး မၤလၤကပီၤသုလီၤ. အဝဲသ့ၣ်ကပာ်ဖျါအတၢ်ယူးယီၣ်ပာ်ကဲသုလၢ တၢ်ဆီၣ်လီၤသးအပူၤလီၤ. အန့ၣ်ဒီးသုကသ့ၣ်ညါလၢယမ့ၢ်ယွၤလီၤ. ပှၤလၢအမုၢ်လၢ်ယတၢ်မၤစၢၤန့ၣ်, တသးဟးဂီၤဘၣ်နီတဂၤန့ၣ်ဘၣ်.”

လံာ်ယၡါယၤ 55:7

မ်ပှၤတတီတလိၤတဖၣ်ပာ်တ့ၢ်ကွံာ်အတၢ်အိၣ်မူအကျဲ ဒီးမ်အလဲလိာ်ကွံာ်အတၢ်ဆိကမိၣ်အကျဲတက့ၢ်. မ်အဝဲသ့ၣ်ဃၣ်အသးဆူယွၤ, ပကစၢ်ယွၤအအိၣ်တက့ၢ်. အဝဲဒၣ်လၢပှဲၤဒီးတၢ်သူၣ်ကညီၤသးကညီၤဒီး ပျၢ်တၢ်ကမၣ်အါအါကလဲာ်လီၤ.

၂ ကရံၣ်သူး 1:12

ပပာ်ကဖၢလၢပသးမ့ၢ်လၢပသးလၢပသ့ၣ်ညါဒၣ်တၢ်, သးလၢအနီၤဖးတၢ်ဂ့ၤဒီးတၢ်အၢအဆၢဒုးနာ်နီၢ်နီၢ် ပှၤလၢပတၢ်အိၣ်မူလၢဟီၣ်ခိၣ်တဘ့ၣ်အံၤအချၢဒီးလီၤဆီ ဒၣ်တၢ်ပတၢ်ဘၣ်ထွဲဒီးသုတဖၣ်, ဘၣ်တၢ်ပၢဆှၢအီၤလၢကစၢ်ယွၤအတၢ်ဟ့ၣ်လၢအမ့ၢ် ဝဲတၢ်ကတိၤတၢ်လိၤလိၤပျီပျီဒီးတၢ်ပာ်သးသပှၢ်ပှၢ်, လၢတၢ်စိကမီၤဘၣ်ဃးယွၤအဘျုး, ဒီးတဘၣ်တၢ်ပၢဆှၢ အီၤလၢပှၤကညီအတၢ်ကူၣ်ဘၣ်ကူၣ်သ့ဘၣ်အဃိန့ၣ်လီၤ.

လံာ်သိၣ်လီၤသီလီၤတၢ် 5:12

တိၢ်န့ၢ်ဖံးဃာ်မုၢ်အိၣ်ဘှံးအနံၤဒီးပာ်စီဆှံအီၤဒ်ယၤယွၤ, သုကစၢ်ယွၤမၤလိာ်တ့ၢ်သုအသိးန့ၣ်တက့ၢ်.