လံာ်စီၤနဃ့မယၤ 13:21 - Sgaw Karen Common Bible

²¹ ယဟ့ၣ်ပလီၢ်အဝဲသ့ၣ်လၢ, “သုမံခိးတၢ်ဖဲန့ၣ်လၢမုၢ်ကဆ့ၣ်ထီၣ်အဂီၢ်န့ၣ်အဘျုးတအိၣ်ဘၣ်. သုမ့ၢ်မၤကဒီးတၢ်အံၤတဘျီန့ၣ်, ယကမၤဆူၣ်ထီၣ်ယစုထီဒါသုန့ၣ်လီၤ.” စးထီၣ်ဖဲန့ၣ်အဝဲသ့ၣ်တဟဲကဒီးဝဲလၢမုၢ်အိၣ်ဘှံးအနံၤလၢၤ ဘၣ်န့ၣ်လီၤ.

လံာ်စီၤနဃ့မယၤ 13:21 Iomraidhean Croise

လံာ်စီၤဧ့စြၤ 7:26

ပှၤတဂၤလၢ်လၢ်မ့ၢ်တစူၢ်ဘၣ်နကစၢ်ယွၤအတၢ်ဘူၣ်တၢ်ဘါ အတၢ်သိၣ်တၢ်သီတဖၣ်မ့ၢ်ဂ့ၤ, ထံကီၢ်အတၢ်သိၣ်တၢ်သီတဖၣ်မ့ၢ်ဂ့ၤန့ၣ်, အဝဲကဘၣ်တၢ်စံၣ်ညီၣ်အီၤဘၣ်ဆၢဘၣ်ကတီၢ်ခီဖျိတၢ်မၤသံ, မ့တမ့ၢ်တၢ်နီၣ်ထီၣ်ဟီထီၣ်ကွံာ်အီၤ, မ့တမ့ၢ်ဟံးန့ၢ်ကွံာ်အတၢ်စုလီၢ်ခီၣ်ခိၣ်, မ့တမ့ၢ်တၢ်ဒၢနုာ်အီၤဆူဃိာ်ပူၤန့ၣ်လီၤ.”

လံာ်စီၤနဃ့မယၤ 10:32

ကိးနံၣ်ဒဲး, ပဝဲတဂၤစုာ်စုာ်ပကမၤဘူၣ်စ့လီၤတယၢၢ်ၡက့လး သၢပူတပူလၢတၢ်ဟ့ၣ်စၢၤယွၤအတၢ်လုၢ်ဟံၣ်အတၢ်လၢာ်တၢ်စ့ၤအဂီၢ် န့ၣ်လီၤ.

လံာ်စီၤနဃ့မယၤ 13:15

လၢအကတီၢ်ဖဲန့ၣ်ယထံၣ်တ့ၢ်ပှၤကီၢ်ယူဒၤဖိယီၢ်စပံးသၣ်လၢမုၢ် အိၣ်ဘှံးအနံၤန့ၣ်လီၤ. ပှၤအဂၤတနီၤပဒၢးထီၣ်ဘုဧိၤဟုဧိၤ, စပံးထံ, စပံးသၣ်, ချၢၣ်ဒၢသၣ်ဒီးတၢ်အဂၤတဖၣ်ဆူကသ့ၣ်ယီၤအလိၤ, ဒီးလဲၤစိာ်ဝဲဆူဝ့ၢ်ယရူၤရှလ့ၣ်န့ၣ်လီၤ. ယဟ့ၣ်ပလီၢ်အဝဲသ့ၣ်လၢအသုတဆါတၢ်နီတမံၤလၢမုၢ်အိၣ်ဘှံးအနံၤ တဂ့ၤန့ၣ်လီၤ.

လံာ်စီၤနဃ့မယၤ 13:20

ပှၤကၤတၢ်ဖိတဖၣ်လၢအဆါကယဲၢ်တၢ်ပီးတၢ်လီတဖၣ်န့ၣ်မံဝဲ လၢဝ့ၢ်အခိၣ်ဒူအချၢတဘျီခံဘျီဖဲမုၢ်ယဲၢ်နံၤမုၢ်နၤခီလံန့ၣ်လီၤ.

၁ ပ့းတရူး 2:14

ဒီးပဒိၣ်တဖၣ်, လၢအဘၣ်တၢ်ဃုထၢပာ်လီၤအီၤလၢစီၤပၤလၢကစံၣ်ညီၣ် ပှၤမၤအၢမၤသီတၢ်တဖၣ်ဒီးကစံးထီၣ်ပတြၢၤပှၤလၢ အမၤဂ့ၤတၢ်တဖၣ်, အဖီလာ်စ့ၢ်ကီးတက့ၢ်.