လံာ်စီၤနဃ့မယၤ 13:2 - Sgaw Karen Common Bible

² တၢ်အံၤမ့ၢ်လၢပှၤဧၣ်မိၣ်ဖိဒီးပှၤမိၤအးဖိတဖၣ်အံၤတဟ့ၣ်ဘၣ် ပှၤအံၣ်စရ့လးဖိတဖၣ်လၢထံဒီးကိၣ်ဖဲအဝဲသ့ၣ်ဟးထီၣ်လၢကီၢ် အဲၤကူပတူးပူၤအခါအဃိန့ၣ်လီၤ. အခိၣ်တလိာ်အဝဲသ့ၣ်ဟ့ၣ်တိၢ်စ့ဆူစီၤဘံးလၣ်ဒ်သိးအကဆိၣ်အၢပှၤ အံၣ်စရ့လးဖိတဖၣ်, ဘၣ်ဆၣ်ပကစၢ်ယွၤလဲလိာ်ကွံာ်တၢ်ဆိၣ်အၢန့ၣ်ဆူတၢ်ဆိၣ်ဂ့ၤတမံၤလီၤ.

လံာ်စီၤနဃ့မယၤ 13:2 Iomraidhean Croise

စံးထီၣ်ပတြၢၤ 109:28

အဝဲသ့ၣ်ကဆိၣ်အၢယၤ, ဘၣ်ဆၣ်နကဆိၣ်ဂ့ၤယၤလီၤ. မ်ပှၤမၤအၢမၤနးယၤတဖၣ် ဘၣ်တၢ်မၤနၢၤအီၤတက့ၢ်. ဒီးမ်ယၤ, နခ့နပှၤသးခုဘၣ်န့ၣ်တက့ၢ်.

လံာ်မံကၤ 6:5

ယပှၤဂီၢ်မုၢ်ဧၢ, သ့ၣ်နီၣ်ထီၣ်က့ၤကီၢ်မိၤအးအစီၤပၤစီၤဘၤလးကူၣ်ထီၣ်ဖးလီၤဝဲလၢ အကမၤသုဒ်လဲၣ်ဒီးစီၤဘဧိၢ်အဖိခွါစီၤဘံးလၣ်စံးဆၢအီၤဒ်လဲၣ်န့ၣ်တ က့ၢ်. သ့ၣ်နီၣ်ထီၣ်က့ၤတၢ်မၤအသးတဖၣ်လၢကျဲစးထီၣ်လၢသူၣ်ဒဲအလီၢ် ၡံးတံၣ်ပၢၢ်လၢဝ့ၢ်ကံးလကၤလးတက့ၢ်. သ့ၣ်နီၣ်တၢ်တဖၣ်အံၤဒီးသုကသ့ၣ်ညါနၢ်ပၢၢ်ယမၤတ့ၢ်တၢ်အံၤလၢ ယကအုၣ်က့ၤခီၣ်က့ၤသုအဂီၢ်လီၤ”.

လံာ်တၢ်ဂံၢ် 23:18

ဒီးစီၤဘံးလၣ်အဲးထီၣ်အထးခိၣ်လၢဝံအကျိာ်ဒ်အံၤလီၤ. “ဟဲ, စီၤစံးပိၢ်အဖိခွါစီၤဘၤလးဧၢ, ဒီးဒိကနၣ်တၢ်လၢ ယကဘၣ်စံးကတိၤန့ၣ်တက့ၢ်.

လံာ်မးသဲ 25:40

စီၤပၤကစံးဆၢက့ၤအဝဲသ့ၣ်, ‘ယစံးဘၣ်တဲဘၣ်သုတီတီ, တဘျီလၢ်လၢ်ဖဲသုမၤဘၣ်တၢ်အံၤလၢပှၤအဆံးကတၢၢ်လၢယဒီပုၢ် ဝဲၢ်တဖၣ်အံၤအကျါတဂၤဂၤဒီးမ့ၢ်သုမၤဘၣ်ယၤန့ၣ်လီၤ.’

လံာ်သိၣ်လီၤသီလီၤတၢ် 23:3

ပှၤဧၣ်မိၣ်ဖိမ့ၢ်ဂ့ၤ, ပှၤမိၤအးဖိမ့ၢ်ဂ့ၤ, ဒီးပှၤလၢအလီၤစၢၤလီၤသွဲၣ်လၢအဝဲသ့ၣ်တုၤလီၤလၢပှၤအစိၤ တဆံဒၣ်လဲာ်န့ၣ်, တနုာ်လီၤဘၣ်ဆူယွၤအပှၤဂီၢ်မုၢ်အကျါနီတဂၤဘၣ်.

လံာ်သိၣ်လီၤသီလီၤတၢ် 23:4

အဂ့ၢ်ဒ်အံၤ, ဖဲသုဟးထီၣ်လၢကီၢ်အဲၤကူပတူးအပူၤန့ၣ်, အဝဲသ့ၣ်ဂ့ၢ်လိာ်လၢကဟ့ၣ်သုတၢ်အီၣ်ဒီးထံလၢကျဲန့ၣ်လီၤ. ဒီးအဝဲသ့ၣ်ဒိးလဲစီၤဘဧိၢ်အဖိခွါစီၤဘံးလၣ်, လၢအမ့ၢ်ကီၢ်မ့းစပတၤမံ, ပှၤဝ့ၢ်ပသူၢ်ဖိတဂၤဒ်သိးကဆိၣ်အၢသု န့ၣ်လီၤ.

လံာ်သိၣ်လီၤသီလီၤတၢ် 23:5

ဘၣ်ဆၣ်ဒီးယွၤသုကစၢ်ယွၤတဒိကနၣ်ဘၣ်စီၤဘံးလၣ်ဘၣ်. အခိၣ်တလိာ်အဝဲလဲလိာ်ကွံာ်တၢ်ဆိၣ်အၢတမံၤဆူတၢ်ဆိၣ်ဂ့ၤတမံၤ မ့ၢ်လၢအဝဲအဲၣ်သုအဃိန့ၣ်လီၤ.

၂ ပ့းတရူး 2:15

အဝဲသ့ၣ်လဲၤသဒၣ်ကွံာ်ကျဲလၢအဘၣ်ဒီးဟးဖျိးကျဲလံလီၤ. အဝဲသ့ၣ်ပိာ်ထွဲကျဲလၢစီၤဘဧိၢ်အဖိခွါစီၤဘံးလၣ်ပိာ်တ့ၢ်ဝဲလၢ အမ့ၢ်တၢ်သးကွံစ့လၢအကမၤန့ၢ်ဝဲခီဖျိတၢ်မၤတၢ်လၢအတဘၣ်,