လံာ်စီၤနဃ့မယၤ 13:19 - Sgaw Karen Common Bible

¹⁹ လၢတၢ်န့ၣ်အဃိယဟ့ၣ်လီၤယကလုၢ်လၢဝ့ၢ်တြဲၤတဖၣ်ကဘၣ်တၢ်ကးတံၢ် အီၤလၢမုၢ်အိၣ်ဘှံးနံၤကိးနံၤဒဲးစးထီၣ်တကီၢ်ခါဖဲဟါခီ တုၤလီၤလၢမုၢ်အိၣ်ဘှံးနံၤပူၤကွံာ်ဝဲန့ၣ်လီၤ. ယပာ်လီၤယပှၤအကျါတနီၤလၢကအိၣ်ဝဲဖဲတြဲၤတဖၣ်လၢ ကမၤဝဲလီၤတံၢ်လီၤဆဲးဒ်သိးတၢ်နီတမံၤသုတဘၣ်တၢ်ဟဲစိာ်နုာ် အီၤဆူဝ့ၢ်ပူၤလၢအိၣ်ဘှံးအနံၤတဂ့ၤန့ၣ်လီၤ.

လံာ်စီၤနဃ့မယၤ 13:19 Iomraidhean Croise

လံာ်စီၤနဃ့မယၤ 13:20

ပှၤကၤတၢ်ဖိတဖၣ်လၢအဆါကယဲၢ်တၢ်ပီးတၢ်လီတဖၣ်န့ၣ်မံဝဲ လၢဝ့ၢ်အခိၣ်ဒူအချၢတဘျီခံဘျီဖဲမုၢ်ယဲၢ်နံၤမုၢ်နၤခီလံန့ၣ်လီၤ.

လံာ်စီၤနဃ့မယၤ 7:3

ဒီးယတဲဘၣ်အဝဲသ့ၣ်လၢအသုတအိးထီၣ်ဝ့ၢ်ယရူၤၡလ့ၣ်အတြဲၤလၢ မုၢ်ဂီၤတချုးလၢမုၢ်ဟဲထီၣ်ဂ့ၤဂ့ၤဒီးကကးတံၢ်က့ၤတချုးပှၤ ခိးတၢ်ဖိအတၢ်မၤဝံၤဖဲမုၢ်ဟါလီၤအကတီၢ်န့ၣ်လီၤ. ဒီးယတဲဘၣ်စ့ၢ်ကီးအဝဲသ့ၣ်လၢကပာ်လီၤပှၤကွၢ်ထွဲတၢ်ဖိလၢ အအိၣ်လၢဝ့ၢ်ယရူၤၡလ့ၣ်အပူၤဒီးကဟ့ၣ်အီၤတၢ်မၤလၢအက ဘၣ်မၤဝဲဒီးတနီၤကခိးတၢ်လၢအဟံၣ်ဒၣ်ဝဲအကပိာ်ကပၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:22

ဖဲသုကူးဘုအကတီၢ်န့ၣ်ကူးအီၤတုၤလၢသုစံၣ်အသနၢၣ်တဖၣ် န့ၣ်တဂ့ၤ. ဒီးက့ၤကဒါက့ၤလၢတၢ်ကူးက့ၤဘုစဲၤအိၣ်လီၤတဲာ်တဖၣ်အဂီၢ်န့ၣ်တဂ့ၤ. ပာ်လီၤတဲာ်အီၤလၢပှၤဖှီၣ်ဖိယာ်ဖိဒီးပှၤတခီဘီမုၢ်ဖိတဖၣ်အဂီၢ်တက့ၢ်. ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:32

စးထီၣ်လၢခွံနံၤတနံၤမုၢ်ဟါလီၤတုၤလီၤလၢတဆံနံၤတနံၤ မုၢ်ဟါလီၤန့ၣ်သုကဘၣ်တိၢ်န့ၢ်အီၤဒ်မုၢ်နံၤလီၤဆီတနံၤလၢတၢ်အိၣ်ဘှံး အဂီၢ်ဒီးသုတဘၣ်အီၣ်တၢ်နီတမံၤဘၣ်.”

လံာ်ယိၤဟၣ် 5:10

တၢ်မၤအသးအံၤဘၣ်ဝဲလၢပှၤယူဒၤဖိအမုၢ်အိၣ်ဘှံးနံၤ အဃိ, ပှၤယူဒၤဖိအခိၣ်အနၢ်တဖၣ်စံးဘၣ်ပှၤလၢအဘျါက့ၤ တဂၤန့ၣ်, “တနံၤအံၤမ့ၢ်မုၢ်အိၣ်ဘှံးနံၤအဃိ, နဟးစိာ်နလီၢ် မံအံၤန့ၣ်ထီဒါပတၢ်သိၣ်တၢ်သီလီၤ.”