လံာ်စီၤနဃ့မယၤ 13:17 - Sgaw Karen Common Bible

¹⁷ ယသိၣ်ဃီၣ်ပှၤယူဒၤဖိအခိၣ်အနၢ်တဖၣ်ဆါဆါကလဲာ်ဒီးတဲဘၣ်အဝဲ သ့ၣ်, “ကွၢ်တၢ်အၢတၢ်သီလၢသုမၤန့ၣ်တက့ၢ်. သုမၤဘၣ်အၢမုၢ်အိၣ်ဘှံးအနံၤန့ၣ်လီၤ.

လံာ်စီၤနဃ့မယၤ 13:17 Iomraidhean Croise

လံာ်စီၤနဃ့မယၤ 13:11

ဒီးယသိၣ်က့ၤသီက့ၤပဒိၣ်ပပှၢ်တဖၣ်ဆါဆါကလဲာ်မ့ၢ်လၢအပျဲ ယွၤအတၢ်လုၢ်ဟံၣ်ဘၣ်တၢ်လဲၤကပာ်ကွံာ်အီၤအဃိန့ၣ်လီၤ. ဒီးယကိးကဒါက့ၤပှၤလ့ၤဝံဖိတဖၣ်ဒီးပှၤသးဝံၣ်တၢ်ဖိသ့ၣ် တဖၣ်ဆူယွၤအတၢ်လုၢ်ဟံၣ်ဒီးပာ်ကဒီးအီၤလၢကမၤက့ၤတၢ်န့ၣ်လီၤ.

လံာ်စီၤနဃ့မယၤ 13:16

ပှၤဝ့ၢ်ထါယၢၣ်ဖိတနီၤအိၣ်ဝဲလၢဝ့ၢ်ယရူၤရှလ့ၣ်အပူၤဒီးအဝဲ သ့ၣ်ဟဲစိာ်ဝဲညၣ်ဒီးကယဲၢ်တၢ်ဖိတၢ်လံၤအကလုာ်ကလုာ်ဆူဝ့ၢ်ပူၤ လၢကဆါန့ၢ်ပပှၤဂီၢ်မုၢ်လၢမုၢ်အိၣ်ဘှံးအနံၤန့ၣ်လီၤ.

လံာ်စီၤနဃ့မယၤ 13:25

ယသိၣ်ဃီၣ်ပှၤပိာ်ခွါတဖၣ်န့ၣ်ဆါဆါကလဲာ်, ဒီးဆိၣ်အၢအဝဲသ့ၣ်, တီၢ်အဝဲသ့ၣ်ဒီးထဲးကွံာ်အဝဲသ့ၣ်အခိၣ်သူန့ၣ်လီၤ. ဝံၤဒီးယမၢအဝဲသ့ၣ်မၤတၢ်ဆိၣ်တမံၤလၢကစၢ်ယွၤအမံၤအပူၤလၢ အဝဲသ့ၣ်မ့ၢ်ဂ့ၤ, အဖိတဖၣ်မ့ၢ်ဂ့ၤ, တဒိးတ့ဃုာ်ဖျီဃုာ်ကဒီးအသးဒီးပှၤတခီဘီမုၢ်ဖိတဖၣ်ဘၣ်န့ၣ်လီၤ.

လံာ်စီၤနဃ့မယၤ 5:7

ဒီးယပာ်လီၤယသးလၢယကမၤတၢ်န့ၣ်လီၤ. ယသိၣ်ဃီၣ်ပှၤခိၣ်ပှၤနၢ်တဖၣ်ဒီးပှၤကလုာ်အပဒိၣ်တဖၣ်ဒီးတဲဘၣ် အဝဲသ့ၣ်, “သုဆီၣ်ဘံၣ်ဆီၣ်ဘၢသုဒီပုၢ်ဝဲၢ်တဖၣ်န့ၣ်လီၤ.” ယကိးဖှိၣ်ပှၤဂီၢ်မုၢ်လၢတၢ်ဂ့ၢ်အံၤအဂီၢ်လီၤ.

တၢ်ကတိၤဒိ. 28:4

နမ့ၢ်တပာ်ကဲတၢ်သိၣ်တၢ်သီဘၣ်ဒီး, နအိၣ်တကပၤဃီဒီးပှၤတတီ တလိၤတဖၣ်လီၤ. ဘၣ်ဆၣ်နမ့ၢ်ဒိကနၣ်တၢ်သိၣ်တၢ်သီဒီး, နမ့ၢ်ပှၤထီဒါအဝဲသ့ၣ်န့ၣ်လီၤ.

လံာ်ယၡါယၤ 1:10

ယရူၤၡလ့ၣ်ဧၢ, နပှၤပၢတၢ်တဖၣ်ဒီး နပှၤဂီၢ်မုၢ်တဖၣ်လီၤဂာ်ဒၣ်ဒီးပှၤအိၣ်လၢဝ့ၢ်စဒိၣ်ဒီးဂမိရၤတဖၣ်လီၤ. ကနၣ်တၢ်လၢယွၤစံးဘၣ်နၤန့ၣ်တက့ၢ်. ပာ်သူၣ်ပာ်သးလၢတၢ်လၢ ပကစၢ်ယွၤသိၣ်လိသီလိနၤန့ၣ်တက့ၢ်.

လံာ်ယံးရမံယၤ 13:18

ယွၤစံးဘၣ်ယၤ, “တဲဘၣ်စီၤပၤဒီးအမိၢ်လၢအကစံၣ်လီၤလၢ အလီၢ်ပစိာ်တဖၣ်အဖီခိၣ်တက့ၢ်. အဂ့ၢ်ဒ်အံၤအတၢ်လၤကပီၤ အခိၣ်သလုးဃံလၤတဖၣ်လီၤတဲာ်ကွံာ်လၢအဝဲသ့ၣ်အခိၣ်တဖၣ် အလိၤလံန့ၣ်လီၤ.

လံာ်ယံးရမံယၤ 5:5

ယကလဲၤဆူပှၤတဖၣ်လၢအအိၣ်စိအိၣ်ကမီၤအအိၣ် ဒီးကတိၤတၢ်ဒီးအဝဲသ့ၣ်လီၤ. သပှၢ်ကတၢၢ်, အဝဲသ့ၣ်, သ့ၣ်ညါအကစၢ်ယွၤလိၣ်ဘၣ်တၢ်မနုၤလဲၣ်, ဒီးယွၤသးအိၣ်လၢအဝဲသ့ၣ်ကမၤတၢ်မနုၤလဲၣ်န့ၣ်လီၤ.” ဘၣ်ဆၣ်ဒီး, အဝဲသ့ၣ်ခဲလၢာ်ညိကွံာ်ယွၤအတၢ်န့ၢ်စိန့ၢ်ကမီၤ ဒီးဂ့ၢ်လိာ်လၢကစူၢ်အီၤန့ၣ်လီၤ.

လံာ်ယဃ့းစက့လး 20:13

ဘၣ်ဆၣ်လၢပှၢ်မုၢ်ကနၢအပူၤဒၣ်လဲာ်န့ၣ်အဝဲသ့ၣ်ခီၣ်ဆၢယၤလီၤ. အဝဲသ့ၣ်လုၣ်သ့ၣ်ခါပတာ်ကွံာ်ယတၢ်ဘူၣ်တၢ်ဘါအတၢ်သိၣ်တၢ် သီတဖၣ်ဒီးစူးကွံာ်ညိကွံာ်ယတၢ်မၤလိာ်တဖၣ်လၢအဟဲစိာ် တၢ်မူဆူပှၤတဂၤလၢ်လၢ်လၢအစူၢ်အီၤအအိၣ်န့ၣ်လီၤ. အဝဲသ့ၣ်မၤဘၣ်အၢဘၣ်သီမုၢ်အိၣ်ဘှံးအနံၤလၢာ်လၢာ်ဆ့ဆ့ န့ၣ်လီၤ. ယအိၣ်ကတဲာ်ကတီၤယသးလၢယကဒုးကလၢၢ်ဘၣ် အဝဲသ့ၣ်လၢယတၢ်သးဒိၣ်ထီၣ်အသဟီၣ်ဆူၣ်ဖဲန့ၣ်, လၢပှၢ်မုၢ်ကနၢအပူၤဒီးမၤဟးဂီၤကွံာ်အဝဲသ့ၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:17

သးဟ့သုဒီပုၢ်ဝဲၢ်လၢသုသးကံၢ်ပူၤတဂ့ၤ. မ့မ့ၢ်မၤလိၤမၤဘၣ်က့ၤသုသးဒီးအီၤဒ်သိးသုသု တမၤဘၣ်တၢ်ဒဲးဘးလၢအဃိတဂ့ၤန့ၣ်တက့ၢ်.

လံာ်မံကၤ 3:1

ကနၣ်တက့ၢ်. ပှၤလၢအပၢဘၣ်ကီၢ်အံၣ်စရ့လးသ့ၣ်ဧၢ, အအံၤမ့ၢ်သုမူသုဒါလၢသုကြၢးကွၢ်ထွဲပှၤ ဂီၢ်မုၢ်တဖၣ်ဒ်သိးအကမၤတၢ်မ့ၢ်တၢ်တီလီၤ.

လံာ်မံကၤ 3:9

ပှၤလၢအပၢဘၣ်ကီၢ်အံၣ်စရ့လးတဖၣ်, ပှၤလၢအသးဟ့တၢ်စံၣ်ညီၣ်တီဒီးဘိးကဒါကွံာ်တၢ် အဘၣ်ဆူတၢ်ကမၣ်သ့ၣ်ဧၢ, ဒိကနၣ်တက့ၢ်.