လံာ်စီၤနဃ့မယၤ 13:13 - Sgaw Karen Common Bible

¹³ ယပာ်လီၤပှၤလၢလာ်တဖၣ်အံၤဒ်ပှၤကကွၢ်ထွဲတၢ်ပာ်ဖှိၣ်အဒၢးတဖၣ် န့ၣ်လီၤ. အဝဲသ့ၣ်တဖၣ်န့ၣ်မ့ၢ်ဝဲပှၤလုၢ်တၢ်အခိၣ်စီၤၡလ့မယၤ, ပှၤတဂၤလၢအသ့ဝဲဘၣ်ဝဲလၢယူဒၤအတၢ်သိၣ်တၢ်သီစီၤစၤဒိး, ဒီးပှၤလ့ၤဝံဖိစီၤပဒါယၤန့ၣ်လီၤ. စီၤဃၤနၣ်လၢအမ့ၢ်စီၤစးကူၢ်အဖိခွါဒီးစီၤမးတၤနယၤအလံၤ ခွါမ့ၢ်ပှၤမၤစၢၤအဝဲသ့ၣ်န့ၣ်လီၤ. ယသ့ၣ်ညါလၢယနာ်န့ၢ်ပှၤတဖၣ်အံၤသ့လၢတၢ်ဟ့ၣ်နီၤလီၤတၢ်တဖၣ်ဆူ ပှၤမၤသကိးတၢ်ဒီးအဝဲသ့ၣ်ကဒဲကဒဲအဂီၢ်န့ၣ်လီၤ.

လံာ်စီၤနဃ့မယၤ 13:13 Iomraidhean Croise

လံာ်စီၤပၤခံဘ့ၣ်တဘ့ၣ် 12:15

ပှၤအခိၣ်တဖၣ်လၢအကွၢ်ထွဲတၢ်ဖံးတၢ်မၤန့ၣ်, မ့ၢ်ပှၤအတီအလိၤလၢာ်လၢာ်ဆ့ဆ့အဃိ, အလီၢ်တအိၣ်ဘၣ်လၢတၢ်ကဃ့အဝဲသ့ၣ်စ့ အတၢ်ကွဲးနီၣ်အတၢ်ပာ်ဖျါဘၣ်.

လံာ်စီၤပၤခံဘ့ၣ်တဘ့ၣ် 12:16

စ့လၢအဘၣ်တၢ်ဟ့ၣ်အီၤလၢတၢ်မၤကမၣ်တၢ်အဂီၢ်ဒီးလၢတၢ်မၤတၢ် ဒဲးဘးအဂီၢ်န့ၣ်တဘၣ်တၢ်ဒၢနုာ်လီၤအီၤဆူတလါအပူၤဘၣ်. တၢ်န့ၣ်မ့ၢ်ပှၤလုၢ်တၢ်အခိၣ်တဖၣ်အတၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 22:7

ပှၤအခိၣ်တဖၣ်လၢအကွၢ်ထွဲပၢဆှၢတၢ်ဖံးတၢ်မၤမ့ၢ်ပှၤအတီအလိၤ လၢာ်လၢာ်ဆ့ဆ့အဃိဒီးအလီၢ်တအိၣ်ဘၣ်လၢတၢ်ကဃ့အဝဲသ့ၣ်စ့အတၢ် ကွဲးနီၣ်အတၢ်ပာ်ဖျါဘၣ်.”

လံာ်စီၤနဃ့မယၤ 10:12

စီၤစးကူၢ်, စီၤၡ့ရ့ဘယၤ, စီၤၡဘၤန့ယၤ, စီၤဟိၤဒံယၤ, စီၤဘၤနံ, စီၤဘနံနူၤန့ၣ်လီၤ.

လံာ်စီၤနဃ့မယၤ 10:38

ပှၤလုၢ်တၢ်အခိၣ်လၢအဟဲလီၤစၢၤလီၤသွဲၣ်လၢစီၤအၤဟရိၣ်တဖၣ် ကဘၣ်အိၣ်ဒီးပှၤလ့ၤဝံဖိတဖၣ်ဖဲတၢ်ဟ့ၣ်မၤဘူၣ်ဆံဆဲၣ်ပူတပူ တဖၣ်ဘၣ်တၢ်ပာ်ဖှိၣ်အီၤဒီးပှၤလ့ၤဝံဖိတဖၣ်ဘၣ်လဲၤစိာ်ဝဲ ကယဲၢ်တၢ်ဆံဆဲၣ်ပူတပူလၢတၢ်ထၢဖှိၣ်အီၤအကျါဆံဆဲၣ်ပူတပူ ဆူတၢ်လုၢ်ဟံၣ်အတၢ်ပာ်ဖှိၣ်အလီၢ်လၢတၢ်ကသူအီၤလၢယွၤအတၢ်လုၢ် ဟံၣ်အပူၤန့ၣ်လီၤ.

လံာ်စီၤနဃ့မယၤ 11:22

ပှၤလ့ၤဝံဖိလၢအကွၢ်ထွဲတၢ်လၢအအိၣ်ဆိးလၢဝ့ၢ်ယရူၤၡလ့ၣ် အပူၤန့ၣ်မ့ၢ်စီၤဧူၤစံလၢအမ့ၢ်ဝဲစီၤဘၤနံအဖိခွါဒီးစီၤဃၡၤ ဘယၤအလံၤခွါန့ၣ်လီၤ. အဝဲအမိၢ်ပၢ်ဖံဖုလၢပျၢၤတဖၣ်ပၣ်ဃုာ်ဒီးစီၤမးတၤနယၤဒီး စီၤမံၤကါ, လၢအဘၣ်ထွဲဒီးစီၤအၤစာ်အဒူၣ်ထၢဒီးမ့ၢ်ဒူၣ်ထၢလၢ အအိၣ်ဒီးမူဒါလၢတၢ်သူၣ်ဝံၣ်သးဆၢအဂီၢ်လၢတၢ်လုၢ်ဟံၣ် အတၢ်ဖံးတၢ်မၤတဖၣ်အပူၤန့ၣ်လီၤ.

လံာ်စီၤနဃ့မယၤ 12:35

ပှၤလၢခံလၢအပိာ်ထီၣ်အခံန့ၣ်မ့ၢ်ဝဲစီၤစကၤရယၤလၢအမ့ၢ်စီၤ ယိနၤသၣ်အဖိခွါဒီးစီၤၡမါယၤအလံၤခွါန့ၣ်လီၤ. (အမိၢ်ပၢ်ဖံဖုလၢပျၢၤတဖၣ်အိၣ်ဝဲဃုာ်စ့ၢ်ကီးဒီးစီၤမးတၤနယၤ, စီၤမံၤကါယၤ, ဒီးစီၤစးကူၢ်လၢစီၤအၤစာ်အဒူၣ်ထၢန့ၣ်လီၤ).

လံာ်စီၤနဃ့မယၤ 12:44

ဖဲအကတီၢ်န့ၣ်, ပှၤပိာ်ခွါတဖၣ်ဘၣ်တၢ်ပာ်လီၤအီၤလၢပှၤကွၢ်ထွဲ တၢ်ပာ်ဖှိၣ်အဒၢးတဖၣ်လၢတၢ်ဟ့ၣ်မၤဘူၣ်တဖၣ်လၢအဘၣ် တၢ်ဟ့ၣ်အီၤဆူယွၤအတၢ်လုၢ်ဟံၣ်, ဘၣ်တၢ်ပာ်အီၤအိၣ်ဒီးတၢ်မၤဘူၣ်ဆံဆဲၣ်ပူတပူတဖၣ်ဒီးဘုခ့ လၢတၢ်ကူးအီၤအဆိကတၢၢ်ဒီးတၤသူတၤသၣ်လၢတၢ်ဒဲးအီၤအဆိ ကတၢၢ်ကိးနံၣ်ဒဲးန့ၣ်လီၤ. ပှၤတဖၣ်အံၤအိၣ်မူအိၣ်ဒါလၢတၢ်ထၢဖှိၣ်တၢ်လၢပှၤလုၢ်တၢ်အခိၣ် တဖၣ်ဒီးပှၤလ့ၤဝံဖိတဖၣ်အဂီၢ်ဒ်ယူဒၤတၢ်သိၣ်တၢ်သီဃ့ဝဲ အသိးဖဲစံာ်ပျီတဖၣ်လၢအအိၣ်ဘူးဒီးဝ့ၢ်တဖၣ်န့ၣ်လီၤ. ကယဲၢ်ကီၢ်ယူဒၤအပှၤဂီၢ်မုၢ်ခဲလၢာ်ဘၣ်သူၣ်ဘၣ်သးပှၤလုၢ်တၢ် အခိၣ်တဖၣ်ဒီးပှၤလ့ၤဝံဖိတဖၣ်န့ၣ်လီၤ.

လံာ်စီၤနဃ့မယၤ 3:30

ဒီးစီၤၡလ့မယၤအဖိခွါစီၤဃနၤနယၤ, စီၤစၤလာ်အဖိခွါဃု ဂၤတဂၤလၢအမ့ၢ်စီၤဃၤနူၣ်ဘှီဝဲလၢခံတပတီၢ်, ဒီးမ့ၢ်ခံပတီၢ်တပတီၢ်လၢအဝဲသ့ၣ်အဂီၢ်န့ၣ်လီၤ. ဒီးစီၤဘရ့ကံယၤအဖိခွါစီၤမၡူလၣ်ဘှီဝဲလၢခံတပတီၢ်အိၣ် သဃဲၤဒီးအဟံၣ်န့ၣ်လီၤ.

လံာ်စီၤနဃ့မယၤ 7:2

ဒီးယပာ်လီၤပှၤခံဂၤလၢကပၢဆှၢဝ့ၢ်ယရူၤၡလ့ၣ်လၢအမ့ၢ်, ယဒီပုၢ်ဝဲၢ်ခွါစီၤဃနၤနံဒီးတိာ်အပဒိၣ်ဖးဒိၣ်စီၤဃနၤနံ ယၤန့ၣ်လီၤ. စီၤဃနၤနံယၤမ့ၢ်ပှၤလၢပှၤနာ်န့ၢ်အီၤသ့ ဒီးမ့ၢ်ပှၤပျံၤယွၤဒိၣ်န့ၢ်ပှၤအဂၤန့ၣ်လီၤ.

လံာ်စီၤနဃ့မယၤ 8:4

စီၤဧ့စြၤဆၢထၢၣ်ဝဲလၢစိၤမိၤသ့ၣ်အလိၤ, လၢအဘၣ်တၢ်မၤအီၤလၢမူးလီၤဆီအဂီၢ်န့ၣ်လီၤ. ဒီးစီၤမၤတံးသယၤ, စီၤၡမၤ, စီၤဧနၤယၤ, စီၤအူၤရံယၤ, စီၤဃံးလကံယၤ, စီၤမၤစ့ယၤတဖၣ်ဆၢထၢၣ်လၢအစုထွဲ, ဒီးစီၤပဒါယၤ, စီၤမံၤၡအ့လး, စီၤမၤလကံယၤ, စီၤဃၤၡူာ်, စီၤဃၤၡဘးဒနၤ, စီၤစကၤရယၤဒီးစီၤမၡူလၣ်တဖၣ် ဆၢထၢၣ်လၢအစုစ့ၣ်န့ၣ်လီၤ.

လံာ်လူၤကၣ် 12:42

ကစၢ်စံးဆၢဝဲ, “မ့မ့ၢ်ဒ်န့ၣ်ဒီး, မ့ၢ်မတၤမ့ၢ်တၢ်ခ့တၢ်ပှၤလၢအသးတီဒီး အကူၣ်ဘၣ်ကူၣ်သ့တဂၤလဲၣ်. အဝဲဒၣ်မ့ၢ်ပှၤတဂၤလၢအကစၢ်ကဟ့ၣ်စိဟ့ၣ်ကမီၤအီၤလၢ အကကွၢ်ထွဲဟံၣ်ဃီဒီးဒုးအီၣ်ဒုးအီတၢ်ခ့တၢ်ပှၤအဂၤတဖၣ် ဖဲအဆၢကတီၢ်ဘၣ်တဘျီဘၣ်တဘျီန့ၣ်လီၤ.

မၤတၢ် 4:35

ဒီးဟ့ၣ်လီၤဝဲလၢပှၤတၢ်မၢဖိတဖၣ်အစုပူၤ, ဒီးပှၤတၢ်မၢဖိတဖၣ်ဟ့ၣ်နီၤလီၤကျိၣ်စ့န့ၣ်လၢပှၤတဂၤဒီး တဂၤဒ်အလိၣ်ဘၣ်ဝဲအသိးန့ၣ်လီၤ.

မၤတၢ် 6:1

လၢခံက့ၤဖဲအပျဲၢ်အဘီၣ်တဖၣ်အနီၣ်ဂံၢ်အါထီၣ်ဝဲကွ့ၢ်ကွ့ၢ်န့ၣ်, ပှၤယူဒၤဖိလၢအကတိၤထဲကြံးခ်အကျိာ်တဖၣ်ကဒူးကဒ့ၣ်ထီဒါ ပှၤယူဒၤဖိလၢအကတိၤအကျိာ်ဒၣ်ဝဲတဖၣ်န့ၣ်လီၤ. အဝဲသ့ၣ်စံးဝဲလၢဖဲအဘၣ်ဃးဒီးတၢ်ဟ့ၣ်နီၤလီၤလၢတနံၤဂီၢ် တနံၤဂီၢ်န့ၣ်, ပှၤတကနၣ်ဃုာ်အဝဲသ့ၣ်အပှၤမုၣ်ကမဲတဖၣ်ဘၣ် န့ၣ်လီၤ.

မၤတၢ် 6:3

သတးဒီးဒီပုၢ်ဝဲၢ်သ့ၣ်ဧၢ, ဃုထၢထီၣ်ပှၤနွံဂၤလၢသုကျါ, လၢအဘၣ်တၢ်သ့ၣ်ညါအီၤဒ်အမ့ၢ်ပှၤတဖၣ်လၢအလၢပှဲၤဒီးသးစီ ဆှံဒီးတၢ်ကူၣ်သ့ဒီးပကပာ်လီၤမူဒါတခါအံၤလၢအဝဲသ့ၣ် အစုပူၤလီၤ.

1 ကရံၣ်သူး 4:2

တၢ်လၢအလီၢ်အိၣ်ဝဲတမံၤဘၣ်ဃးဒီးတၢ်ခ့တၢ်ပှၤဒ်န့ၣ်အသိး တဂၤန့ၣ်, မ့ၢ်အဝဲအသးကဘၣ်တီဒီးအကစၢ်န့ၣ်လီၤ.

၁ တံၤမသ့း 1:12

ယစံးဘျုးပကစၢ်ယ့ၣ်ၡူးခရံာ်, လၢအဟ့ၣ်တ့ၢ်လံယၤတၢ်ဂံၢ် တၢ်ဘါလၢယတၢ်မၤအဂီၢ်အဃိန့ၣ်လီၤ. ယစံးဘျုးအီၤလၢအပာ်ယၤလၢပှၤအကလုၢ် တီဒီးဃုထၢထီၣ်ယၤလၢယကမၤအတၢ်မၤအဂီၢ်,

၁ တံၤမသ့း 3:10

အဝဲသ့ၣ်ကြၢးဘၣ်တၢ်မၤကွၢ်ဆိအီၤလၢညါ, ဝံၤဒီးအဝဲသ့ၣ်မ့ၢ်ဖျိထီၣ်တၢ်မၤကွၢ်အံၤန့ၣ်, အဝဲသ့ၣ်ကဘၣ်တၢ်ပျဲမၤအီၤလၢတၢ်အိၣ်ဖှိၣ်အတၢ်မၤ န့ၣ်လီၤ.