လံာ်စီၤနဃ့မယၤ 13:10 - Sgaw Karen Common Bible

¹⁰ ယသ့ၣ်ညါဘၣ်စ့ၢ်ကီးလၢတၢ်လုၢ်ဟံၣ်အပှၤသးဝံၣ်တၢ်ဖိတဖၣ်, ဒီးပှၤလ့ၤဝံဖိအဂၤတဖၣ်ဟးထီၣ်ကွံာ်လံလၢဝ့ၢ်ယရူၤၡလ့ၣ်ဒီး က့ၤကဒါက့ၤဆူအဝဲသ့ၣ်အစံာ်အပျီမ့ၢ်လၢပှၤဂီၢ်မုၢ်တဟ့ၣ်အဝဲ သ့ၣ်တၢ်လၢလၢလီၣ်လီၣ်လၢကအိၣ်မူဝဲအဂီၢ်ဘၣ်အဃိန့ၣ်လီၤ.

လံာ်စီၤနဃ့မယၤ 13:10 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 31:4

အါန့ၢ်အန့ၣ်စီၤပၤစံးဘၣ်ပှၤဂီၢ်မုၢ်လၢဝ့ၢ်ယရူၤၡလ့ၣ်တဖၣ်ဒ် သိးကဟဲစိာ်တၢ်မၤဘူၣ်တဖၣ်လၢပှၤလုၢ်တၢ်အခိၣ်တဖၣ်ဒီးပှၤလ့ၤ ဝံဖိသ့ၣ်တဖၣ်ကြၢးဒိးန့ၢ်ဘၣ်ဝဲ, ဒ်သိးအဝဲသ့ၣ်ဟ့ၣ်အတၢ်ဆၢကတီၢ် ခဲလၢာ်ကသ့ဝဲဒ်ယူဒၤအတၢ်သိၣ်တၢ်သီလၢယွၤဟ့ၣ်ဝဲ, အတၢ်လိၣ်ဘၣ်အိၣ်ဝဲန့ၣ်လီၤ.

လံာ်စီၤနဃ့မယၤ 10:37

ကိၣ်လၢပမၤအီၤအဆိကတၢၢ်ခီဖျိဘုခ့လၢပကူးဘၣ်အီၤကိးနံၣ် ဒဲး, ဒီးပတၢ်မၤဘူၣ်အဂၤလၢအမ့ၢ်စပံးထံ, သ့ၣ်စၤယံးအသိ, ဒီးကယဲၢ်သ့ၣ်သၣ်အကလုာ်ကလုာ်န့ၣ်, ပကလဲၤစိာ်အီၤဆူပှၤလုၢ်တၢ်အခိၣ်တဖၣ်အအိၣ်လၢယွၤအတၢ်လုၢ်ဟံၣ် အပူၤန့ၣ်လီၤ. တၢ်မုၢ်တၢ်ဘိလၢပသူၣ်အီၤလၢပဟီၣ်ခိၣ်အပူၤဆံဆဲၣ်ပူတပူ တဖၣ်န့ၣ်, ပကလဲၤစိာ်အီၤဆူပှၤလ့ၤဝံဖိတဖၣ်လၢအထၢဖှိၣ်တၢ်ဆံ ဆဲၣ်ပူတပူတဖၣ်လၢပဒူသဝီတဖၣ်အစံာ်ပျီပူၤအအိၣ်န့ၣ်လီၤ.

လံာ်စီၤနဃ့မယၤ 10:39

ကီၢ်အံၣ်စရ့လးအပှၤဂီၢ်မုၢ်ဒီးပှၤလ့ၤဝံဖိတဖၣ်ကဘၣ်လဲၤစိာ် တၢ်မၤဘူၣ်တဖၣ်လၢဘုဧိၤဟုဧိၤ, စပံးထံဒီးသ့ၣ်စၤယံးအသိ ဆူတၢ်ပာ်ဖှိၣ်အလီၢ်တဖၣ်ဖဲယွၤအတၢ်လုၢ်ဟံၣ်အပီးအလီ တဖၣ်ဘၣ်တၢ်ပာ်အီၤဒီး, ဖဲပှၤလုၢ်တၢ်အခိၣ်တဖၣ်လၢအအိၣ်မူအိၣ်ဒါ, ပှၤခိးတၢ်လုၢ်ဟံၣ်တဖၣ်ဒီးပှၤသးဝံၣ်တၢ်လၢတၢ်လုၢ်ဟံၣ်ပူၤတဖၣ် အတၢ်အိၣ်တၢ်ဆိးအလီၢ်တဖၣ်အိၣ်ဝဲန့ၣ်လီၤ. ပတလဲၤသဒၣ်ဘၣ်ပကစၢ်ယွၤအဟံၣ်ဘၣ်.

လံာ်စီၤနဃ့မယၤ 12:47

လၢစီၤစရူၤဘၤဘ့လးဒီးစီၤနဃ့မယၤအမုၢ်နံၤတဖၣ်အပူၤန့ၣ် ကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ်ဟ့ၣ်မၤဘူၣ်တၢ်လၢတၢ် မၤစၢၤပှၤသးဝံၣ်တၢ်ဖိတဖၣ်ဒီးပှၤခိးတၢ်လုၢ်ဟံၣ်ဖိတဖၣ်အဂီၢ် ကိးနံၤဒဲးန့ၣ်လီၤ. ပှၤဂီၢ်မုၢ်ဟ့ၣ်တၢ်မၤဘူၣ်စီဆှံဆူပှၤလ့ၤဝံဖိတဖၣ် အအိၣ်, ဒီးပှၤလ့ၤဝံဖိသ့ၣ်တဖၣ်ဟ့ၣ်နီၤတၢ်ဆူပှၤလုၢ်တၢ်အခိၣ်သ့ၣ် တဖၣ်ဒ်အကြၢးဝဲလၢကဘၣ်ဟ့ၣ်ဝဲအသိးန့ၣ်လီၤ.

လံာ်ယၡါယၤ 43:23

နတဟဲစိာ်န့ၢ်ယၤသိဖိတဖၣ်လၢနတၢ်လုၢ်မ့ၣ်အူတဖၣ်အဂီၢ်န့ၣ်ဘၣ်. နတမၤလၤကပီၤယၤလၢနတၢ်လုၢ်တၢ်ပာ် တဖၣ်န့ၣ်ဘၣ်. ယတပာ်တၢ်ဝံတၢ်ယိးလၢနဖီခိၣ်ဒီးဃ့ဆူၣ်နၤ တၢ်မၤဘူၣ်တဖၣ်မ့ၢ်ဂ့ၤ, ယတမၤလီၤဘှံးလီၤတီၤကွံာ်နၤဒီးဃ့တၢ်ဆိၣ်ကဲၤနၢမူ မ့ၢ်ဂ့ၤန့ၣ်ဘၣ်.

လံာ်မၤလကံ 3:8

ဒီးယသံကွၢ်သု, ပှၤတဂၤကလီကစၢ်ယွၤန့ၣ်, မ့ၢ်အဘၣ်ကစီဒီဧါ. တဘၣ်ဘၣ်. ဒီးအန့ၣ်ဒၣ်လဲာ်သုလီယၤလီၤ. ဒီးသုသံကွၢ်, ‘ပလီနၤဒ်လဲၣ်.’ လၢတၢ်ဆံဆဲၣ်ပူတပူဒီးတၢ်မၤဘူၣ်မၤတီၢ်တဖၣ်န့ၣ်လီၤ.

လံာ်တၢ်ဂံၢ် 35:2

“တဲပှၤအံၣ်စရ့လးဖိတဖၣ်လၢ, တၢ်စုလီၢ်ခီၣ်ခိၣ်လၢအဝဲသ့ၣ် ဒိးန့ၢ်ဘၣ်ဝဲတဖၣ်အကျါန့ၣ်ကဘၣ်ဟ့ၣ်ပှၤလ့ၤဝံဖိတဖၣ်လၢဝ့ၢ် တနီၤဒ်သိးကအိၣ်ကဆိးဝဲလၢအပူၤဒီးတၢ်အီၣ်ဆၣ်အလီၢ်လၢဝ့ၢ် တဖၣ်အခိၣ်အဃၢၤန့ၣ်လီၤ.

လံာ်သိၣ်လီၤသီလီၤတၢ် 12:19

မၤလီၤတံၢ်စ့ၢ်ကီးလၢသုတလဲၤကပာ်ဒီးသးပ့ၤနီၣ်ကွံာ်ဘၣ်ပှၤ လ့ၤဝံဖိတဖၣ်ဖဲသုအိၣ်သုဆိးလၢသုကီၢ်အပူၤအဆၢကတီၢ်ဘၣ် န့ၣ်, တက့ၢ်.