လံာ်စီၤနဃ့မယၤ 13:1 - Sgaw Karen Common Bible

¹ တုၤစီၤမိၤၡ့အတၢ်သိၣ်တၢ်သီဘၣ်တၢ်ဖးဖျါထီၣ်အီၤသီၣ်ဒိၣ် ဒိၣ်ဆူပှၤဂီၢ်မုၢ်အအိၣ်ဒီးတုၤဖဲတၢ်ကွဲးအသးတတီၤလၢအမ့ၢ် ဝဲပှၤဧၣ်မိၣ်ဖိမ့ၢ်ဂ့ၤ, ပှၤမိၤအးဖိမ့ၢ်ဂ့ၤတၢ်တဟ့ၣ်ဘၣ်အခွဲး လၢကပာ်ဖှိၣ်အသးဒီးကစၢ်ယွၤအပှၤဂီၢ်မုၢ်ဘၣ်န့ၣ်လီၤ.

လံာ်စီၤနဃ့မယၤ 13:1 Iomraidhean Croise

လံာ်စီၤပၤခံဘ့ၣ်တဘ့ၣ် 23:2

ဒီးအဝဲသ့ၣ်လဲၤသကိးဝဲတပူၤဃီဆူယွၤအတၢ်လုၢ်ဟံၣ်, ဃုာ်ဒီးပှၤလုၢ်တၢ်အခိၣ်တဖၣ်, ဝံတဖၣ်, ဒီးကယဲၢ်ပှၤဂီၢ်မုၢ်ခဲ လၢာ်, ပှၤထူးပှၤတီၤမ့ၢ်ဂ့ၤ, ပှၤဖှီၣ်ဖိယာ်ဖိမ့ၢ်ဂ့ၤန့ၣ်လီၤ. လၢအဝဲသ့ၣ်ခဲလၢာ်အမဲာ်ညါန့ၣ်, စီၤပၤဖးထီၣ်ဝဲလံာ်တၢ်အၢၣ် လီၤအီလီၤဒီဘ့ၣ်ညါ, လၢအဘၣ်တၢ်ထံၣ်န့ၢ်အီၤလၢယွၤအတၢ်လုၢ်ဟံၣ်အပူၤ, လၢအကလုၢ်ဖးဒိၣ်န့ၣ်လီၤ.

လံာ်စီၤနဃ့မယၤ 13:23

လၢအကတီၢ်အဝဲန့ၣ်ယထံၣ်ဘၣ်စ့ၢ်ကီးပှၤယူဒၤဖိပိာ်ခွါအါဂၤ ဟံးန့ၢ်အမါလၢပိာ်မုၣ်တဖၣ်လၢကီၢ်အၤစဒိး, ကီၢ်ဧၣ်မိၣ်ဒီးကီၢ်မိၤအးန့ၣ်လီၤ.

လံာ်စီၤနဃ့မယၤ 2:10

ဒီးတုၤပှၤဃိရၣ်ဖိစီၤစၤနဘၤလး, ပှၤဧၣ်မိၣ်ဖိအပဒိၣ်စီၤ တိၤဘံယၤနၢ်ဟူဝဲဒၣ်လၢပှၤတဂၤဟဲဝဲဒၣ်လၢပှၤအံၣ်စရ့လးဖိ အတၢ်ဂ့ၤအဂီၢ်န့ၣ်အဝဲသ့ၣ်အသူၣ်ဒိၣ်အသးဖျိးဒိၣ်မးန့ၣ်လီၤ.

လံာ်စီၤနဃ့မယၤ 2:19

ဒီးတုၤစီၤစၤနဘၤလး, စီၤတိၤဘံယၤဒီးပှၤဧ့ရ့းဖိစီၤ က့ၤၡ့ၣ်နၢ်ဟူဝဲတၢ်လၢပသုးကျဲၤလၢပကမၤအီၤန့ၣ်အဝဲသ့ၣ်နံၤ ဘၣ်ပှၤဒီးစံးဝဲ, “တၢ်လၢသုကမၤန့ၣ်သုဆိကမိၣ်လၢအမ့ၢ်တၢ်မနုၤလဲၣ်. မ့ၢ်သုကပူထီၣ်ထီဒါစီၤပၤဖးဒိၣ်န့ၣ်ဧါ.”

လံာ်စီၤနဃ့မယၤ 4:3

ဒီးပှၤဧၣ်မိၣ်ဖိစီၤတိၤဘံယၤဆၢထၢၣ်ဖဲန့ၣ်လၢအကပၤဒီးစံး ဝဲဒၣ် “ဝ့ၢ်ခိၣ်ဒူလၢအမၤဝဲန့ၣ်မ့ၢ်မနုၤလဲၣ်. ထွံၣ်ဟီၣ်ခိၣ်တဒုဒၣ်လဲာ်မၤလီၤပှီၢ်ကွံာ်သ့ဝဲဒၣ်န့ၣ်လီၤ.”

လံာ်စီၤနဃ့မယၤ 8:2

ဒီးလၢတၢ်န့ၣ်အဃိစီၤဧ့စြၤဟဲစိာ်ယူဒၤတၢ်သိၣ်တၢ်သီအလံာ် ဆူတၢ်လီၢ်ဖဲပှၤဂီၢ်မုၢ်လၢအမ့ၢ်, ပှၤပိာ်ခွါတဖၣ်, ပှၤပိာ်မုၣ်တဖၣ်ဒီးဖိသၣ်တဖၣ်လၢအနၢ်ပၢၢ်တၢ်သ့လံဝဲပာ်ဖှိၣ် အသးန့ၣ်လီၤ.

လံာ်စီၤနဃ့မယၤ 9:3

ယွၤ, အဝဲသ့ၣ်အကစၢ်ယွၤအတၢ်သိၣ်တၢ်သီလၢပှၤယူဒၤဖိ အဂီၢ်ဘၣ်တၢ်ဖးန့ၢ်အဝဲသ့ၣ်သၢနၣ်ရံၣ်ဝံၤဒီးလၢခံသၢနၣ်ရံၣ် န့ၣ်အဝဲသ့ၣ်တဲလီၤကျဲၤလီၤက့ၤအတၢ်ဒဲးဘးတဖၣ်ဒီးဘူၣ်ထီၣ် ဘါထီၣ်ယွၤ, အဝဲသ့ၣ်အကစၢ်ယွၤန့ၣ်လီၤ.

လံာ်ယၡါယၤ 34:16

ဃုကွၢ်တၢ်လၢယွၤအလံာ်ပူၤဘၣ်ဃးဆၣ်ဖိကီၢ်ဖိ, တၢ်ဘၣ်တ့လၢအမူတဖၣ်ဒီးဖးတၢ်လၢအစံးဘၣ်သုန့ၣ်တက့ၢ်. ဆၣ်ဖိကီၢ်ဖိတဖၣ်အံၤတလီၤမၢ်ကွံာ်ဝဲဘၣ်, ကအိၣ်ဘၣ်ဒ်ဒီမိၢ်ဖါ အသိးစ့ၢ်ကီး, တအိၣ်ဝဲဘၣ်. ယွၤမၤလိာ်တ့ၢ်ဝဲဒ်န့ၣ်အသိး, ဒီးအကစၢ်ဒၣ်ဝဲကပာ်ဖှိၣ်အဝဲသ့ၣ်တပူၤဃီလီၤ.

လံာ်ယံးရမံယၤ 48:1

အအံၤမ့ၢ်တၢ်လၢ ယွၤသ့တၢ်လၢာ် စံးကတိၤတၢ်ဘၣ်ဃး ကီၢ်မိၤအးအဂ့ၢ် န့ၣ်လီၤ. “သးကညီၤဘၣ် ဝ့ၢ်နဘိအပှၤဂီၢ်မုၢ်တက့ၢ်. အဝဲသ့ၣ်အဝ့ၢ်ဘၣ် တၢ်မၤဟးဂီၤကွံာ်အီၤလံ. ဝ့ၢ်ကံးရယးသံၣ်ဘၣ် တၢ်ဒုးန့ၢ်ကွံာ်အီၤလံ. အတိာ်ဖးဒိၣ်ဘၣ်တၢ်မၤလီၤပှီၢ်အီၤ ဒီးအပှၤဂီၢ်မုၢ်ဘၣ်တၢ်မၤမဲာ်ဆှးအီၤလံ.

လံာ်ဧၤမိၣ် 1:13

ဒီးယွၤစံးဝဲဒၣ်, “ပှၤကီၢ်ဧၤမိၣ်ဖိတဖၣ်မၤတ့ၢ်လံတၢ်ဒဲးဘး တဘျီဝံၤတဘျီလံ. ဒီးလၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်န့ၣ်လီၤ. လၢအဝဲသ့ၣ်တၢ်ဒုးတၢ်ယၤတဖၣ်ဒ်သိးကမၤလဲၢ်ထီၣ်အကီၢ်အဃၢၤအဂီၢ် အပူၤန့ၣ်, ကွဲးသ့ၣ်ဖးဒၣ်လဲာ်ကီၢ်ကံးလဧးအပိာ်မုၣ်လၢအဒၢတဖၣ် အဟၢဖၢန့ၣ်လီၤ.

လံာ်တၢ်ဂံၢ် 22:5

မၤသးဒ်န့ၣ်ဒီးစီၤပၤဘၤလးဆှၢလီၤပှၤစိာ်တၢ်ကစီၣ်ဖိတဖၣ်လၢ ကဟဲက့ၤကိးစီၤဘဧိၢ်အဖိခွါစီၤဘံးလၣ်, လၢအအိၣ်ဝဲဖဲ ဝ့ၢ်ပသူၣ်လၢထံကျိဖရၤသးအကပၤလၢကီၢ်အမိၢ်အပူၤန့ၣ်လီၤ. အဝဲသ့ၣ်လဲၤစိာ်န့ၢ်အီၤစီၤဘၤလးအတၢ်ကစီၣ်လၢအစံးဝဲ, “ယအဲၣ်ဒိး, နသ့ၣ်ညါလၢပှၤဒီတကလုာ်ဟဲဟးထီၣ်လၢကီၢ်အဲၤကူပတူးလီၤ. အပှၤဂီၢ်မုၢ်ရၤလီၤအသးသကုၤတၢ်လီၢ်ကိးပူၤဒဲးဒီးမၤပျံၤ မၤဖုးတၢ်လၢကဟံးန့ၢ်ပကီၢ်န့ၣ်လီၤ.

လံာ်လူၤကၣ် 10:26

ယ့ၣ်ၡူးစံးဆၢအီၤ, “တၢ်ကွဲးအသးစီဆှံတဖၣ်စံးဝဲဒ်လဲၣ်. နထုးထီၣ်နဲအခီပညီဒ်လဲၣ်.”

မၤတၢ် 13:15

လံာ်တၢ်သိၣ်တၢ်သီလၢအဘၣ်တၢ်ဟ့ၣ်လီၤအီၤခီဖျိစီၤမိၤ ၡ့ဒီးဝံလံာ်အတၢ်ကွဲးတဖၣ်ဘၣ်တၢ်ဖးထီၣ်အီၤဝံၤအလီၢ်ခံန့ၣ်, ဘူၣ်ဘျီၣ်အခိၣ်အနၢ်တဖၣ်ဆှၢလီၤတၢ်ကစီၣ်ဆူအဝဲသ့ၣ်အအိၣ်ဒီး စံးဝဲ, “ဒီပုၢ်ဝဲၢ်သ့ၣ်ဧၢ, သုမ့ၢ်အိၣ်ဒီးတၢ်ကစီၣ်လၢအကဟ့ၣ်ဂံၢ်ဟ့ၣ်ဘါပှၤဂီၢ်မုၢ်တဖၣ် န့ၣ်, ပသးအိၣ်လၢသုကကတိၤတၢ်န့ၣ်လီၤ.”

မၤတၢ် 15:21

အဂ့ၢ်ဒ်အံၤ, စီၤမိၤၡ့အတၢ်သိၣ်တၢ်သီဘၣ်တၢ်ဖးတ့ၢ်အီၤယံာ် တ့ၢ်မးလၢဘူၣ်ဘျီၣ်လၢအမ့ၢ်တၢ်ဘါလီၢ်အပူၤကိးယူဒၤဖိ အမုၢ်အိၣ်ဘှံးနံၤဒဲး, ဒီးအဝဲအကလုၢ်ကထါတဖၣ်ဘၣ်တၢ်စံၣ်တဲၤတဲလီၤအီၤလၢဝ့ၢ်ကိး ဖျၢၣ်ဒဲးအပူၤန့ၣ်လီၤ.”