လံာ်စီၤနဃ့မယၤ 12:7 - Sgaw Karen Common Bible

⁷ စီၤစးလူၤ, စီၤဧၤမိး, စီၤဃံလကံယၤဒီးစီၤယဒံယၤတဖၣ်န့ၣ်လီၤ. ပှၤတဖၣ်အံၤမ့ၢ်ခိၣ်နၢ်တဖၣ်လၢကယဲၢ်အပှၤလုၢ်တၢ်အခိၣ်ကဒဲ ကဒဲအကျါလၢစီၤယိၤၡူအမုၢ်နံၤတဖၣ်န့ၣ်လီၤ.

လံာ်စီၤနဃ့မယၤ 12:7 Iomraidhean Croise

လံာ်စီၤပၤခံဘ့ၣ်တဘ့ၣ် 18:18

အန့ၣ်ဝံၤဒီးအဝဲသ့ၣ်မၤလိာ်စီၤပၤဃံးစကံယၤ, ဒီးစီၤပၤဃံးစကံယၤအပဖးဒိၣ်လၢလာ်သၢဂၤဟးထီၣ်လၢကသဂၢၢ် အဝဲသ့ၣ်အဂီၢ်လီၤ. အဝဲသ့ၣ်တဖၣ်မ့ၢ်ဝဲ, စီၤဃံးလကံယၤအဖိခွါစီၤအ့ၤလယါကံၣ်လၢ အမ့ၢ်ပှၤပၢၤစီၤပၤအနီ, စီၤၡ့ၤဘနၤလၢအမ့ၢ်ကွီၢ်ဘျီၣ်အပှၤကွဲးလံာ်ဒီးစီၤအၤစာ်အဖိ ခွါစီၤယိၤအၤလၢအမ့ၢ်ပှၤပၢၤတၢ်ကွဲးနီၣ်တဖၣ်အခိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 24:18

ခံဆံသၢမံၤတမံၤလၢစီၤဒလါယၤအဂီၢ်, ခံဆံလွံၢ်မံၤတမံၤ လၢစီၤမၤဧါစယၤအဂီၢ်န့ၣ်လီၤ.

လံာ်စီၤဧ့စြၤ 3:2

ဒီးစီၤယိၤစါဒးအဖိခွါစီၤယိၤၡူ, အပှၤလုၢ်တၢ်အခိၣ်သကိး သကိးဒီးအီၤတဖၣ်, ဒီးစီၤၡၤလတံၤအ့လးအဖိခွါစီၤစရူၤဘၤဘ့လး, ဃုာ်ဒီးအဝဲအဘူးအတံၢ်တဖၣ်, ဘှီထီၣ်ကဒါက့ၤပှၤအံၣ်စရ့လးဖိ အကစၢ်ယွၤအတၢ်လုၢ်လီၢ်, ဒ်သိးအဝဲသ့ၣ်ဆိၣ်ကဲၤထီၣ်တၢ်လုၢ်တၢ်ပာ် တဖၣ်လၢအဖီခိၣ်ဒ်တၢ်သိၣ်လိသီလိလၢအဘၣ်တၢ်ကွဲးလီၤအီၤလၢ ကစၢ်ယွၤအပှၤကညီစီၤမိၤၡ့အလံာ်တၢ်သိၣ်တၢ်သီအပူၤအသိးကသ့န့ၣ်လီၤ.

လံာ်စီၤနဃ့မယၤ 12:1

အအံၤမ့ၢ်ပှၤလုၢ်တၢ်အခိၣ်တဖၣ်, ဒီးပှၤလ့ၤဝံဖိတဖၣ်လၢအဟဲ က့ၤလၢတၢ်စိာ်မၢကဲကုၢ်အလီၢ်ဃုာ်ဒီးစီၤစရူၤဘၤဘ့လးလၢ အမ့ၢ်စီၤၡၤလတံၤအ့လးအဖိခွါဒီးပှၤလုၢ်တၢ်အခိၣ်အဒိၣ်ကတၢၢ် စီၤယိၤၡူန့ၣ်လီၤ.

လံာ်စီၤနဃ့မယၤ 12:8

ပှၤလ့ၤဝံဖိတဖၣ်န့ၣ်မ့ၢ်ဝဲစီၤယ့ၤၡူ, စီၤဘံနူၤ, စီၤကးမံၤအ့လး, စီၤၡ့ရ့ဘယၤ, စီၤယူဒၤ, ဒီးစီၤမးတၤနယၤတဖၣ်န့ၣ်လီၤ. အဝဲသ့ၣ်မ့ၢ်ပှၤကွၢ်ထွဲတၢ်သးဝံၣ်တၢ်စံးထီၣ်ပတြၢၤအထါသး ဝံၣ်တဖၣ်န့ၣ်လီၤ.

လံာ်ဃးကဲ 1:1

ဖဲစီၤဒၤရယါဝ့ၣ်ကဲကီၢ်ပၤရၣ်အစီၤပၤဖးဒိၣ်ခံနံၣ်တနံၣ်အပူၤအတ့ၤ, လၢလါဃုလါတလါထီၣ်တသီအနံၤန့ၣ်, ယွၤကတိၤတ့ၢ်တၢ်ခီဖျိဝံဃးကဲလီၤ. တၢ်ကစီၣ်န့ၣ်, မ့ၢ်လၢကီၢ်ယူဒၤအပဒိၣ်ဖးဒိၣ်စီၤၡၤလတံၤအ့လး အဖိခွါစီၤစရူၤဘၤဘ့လး, ဒီးလၢပှၤလုၢ်တၢ်အခိၣ်အဒိၣ်ကတၢၢ်, စီၤယိၤစါဒးအဖိခွါစီၤယိၤရူအဂီၢ်န့ၣ်လီၤ.

လံာ်စကၤရယၤ 3:1

လၢတၢ်ထံၣ်လၢညါခီအဂၤတမံၤအပူၤန့ၣ်, ယွၤဒုးနဲၣ်ယၤလၢပှၤလုၢ်တၢ်အခိၣ်အဒိၣ်ကတၢၢ်စီၤယိၤၡူဆၢထၢၣ် လၢယွၤအကလူးအမဲာ်ညါလီၤ. ဖဲန့ၣ်မုၣ်ကီၤလံၢ်ဆၢထၢၣ်ဖဲ စီၤယိၤၡူအကပၤ, ဒီးအိၣ်ကတဲာ်ကတီၤအသးဒ်သိးကလိာ်ကွီၢ်ထီဒါအီၤန့ၣ်လီၤ.