လံာ်စီၤနဃ့မယၤ 12:47 - Sgaw Karen Common Bible

⁴⁷ လၢစီၤစရူၤဘၤဘ့လးဒီးစီၤနဃ့မယၤအမုၢ်နံၤတဖၣ်အပူၤန့ၣ် ကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ်ဟ့ၣ်မၤဘူၣ်တၢ်လၢတၢ် မၤစၢၤပှၤသးဝံၣ်တၢ်ဖိတဖၣ်ဒီးပှၤခိးတၢ်လုၢ်ဟံၣ်ဖိတဖၣ်အဂီၢ် ကိးနံၤဒဲးန့ၣ်လီၤ. ပှၤဂီၢ်မုၢ်ဟ့ၣ်တၢ်မၤဘူၣ်စီဆှံဆူပှၤလ့ၤဝံဖိတဖၣ် အအိၣ်, ဒီးပှၤလ့ၤဝံဖိသ့ၣ်တဖၣ်ဟ့ၣ်နီၤတၢ်ဆူပှၤလုၢ်တၢ်အခိၣ်သ့ၣ် တဖၣ်ဒ်အကြၢးဝဲလၢကဘၣ်ဟ့ၣ်ဝဲအသိးန့ၣ်လီၤ.

လံာ်စီၤနဃ့မယၤ 12:47 Iomraidhean Croise

လံာ်စီၤပၤခံဘ့ၣ်တဘ့ၣ် 25:30

ဖဲအဝဲအိၣ်မူဒံးဝဲအခါန့ၣ်ကိးနံၤဒဲး, အဝဲဘၣ်တၢ်ဟ့ၣ်အီၤတၢ်မၤစၢၤဘၣ်ဆၢဘၣ်ကတီၢ်လၢတနံၤဘၣ်တနံၤ အဂီၢ်, လၢအဝဲအတၢ်လိၣ်တဖၣ်အဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 7:10

လၢတၢ်န့ၣ်အဃိ, အဝဲသ့ၣ်ဟးထီၣ်ကွံာ်လၢပှၤစူၤရံဖိတဖၣ်သူၣ် ဒဲအလီၢ်, ဒီးက့ၤကဒါက့ၤဝဲဆူဝ့ၢ်ၡၤမရံဒီးကိးထီၣ်ဆူပှၤပၢၤတၢ် တဖၣ်လၢဝ့ၢ်အတြဲၤန့ၣ်, “ပလဲၤတၢ်ဆူပှၤစူၤရံဖိသူၣ်ဒဲအလီၢ်, ဒီးပတထံၣ်ဘၣ်ပှၤနီတဂၤမ့ၢ်ဂ့ၤနၢ်ဟူဘၣ်အကလုၢ်နီတမံၤမ့ၢ် ဂ့ၤဘၣ်. ကသ့ၣ်တဖၣ်ဒီးကသ့ၣ်ယီၤတဖၣ်အိၣ်စၢဃာ်အသးဒီးဒဲတဖၣ်အိၣ်ဒၣ်ဒ် ပှၤစူၤရံဖိတဖၣ်ပာ်တီၢ်တ့ၢ်ဝဲအသိးန့ၣ်လီၤ.”

လံာ်စီၤဧ့စြၤ 2:2

အဝဲသ့ၣ်အခိၣ်အနၢ်တဖၣ်မ့ၢ်ဝဲစီၤစရူၤဘၤဘ့လး, စီၤယိၤရူ, စီၤနဃ့မယၤ, စီၤစရါယၤ, စီၤရ့လယၤ, စီၤမၢ်ဒကဲၤ, စီၤဘံးလၡၣ်, စီၤမံးစပၢ်, စီၤဘံးကဝဲၤ, စီၤရဃူၣ်ဒီးစီၤဘၤနါလီၤ. အအံၤမ့ၢ်ပှၤအံၣ်စရ့လးဖိအဒူၣ်အထၢအတၢ်ကွဲးနီၣ်ဃုာ်ဒီးအနီၣ်ဂံၢ် လၢဒူၣ်ထၢတဒူၣ်စုာ်စုာ်လၢအဟဲက့ၤကဒါက့ၤလၢတၢ်စိာ်မၢကဲကုၢ် န့ၣ်လီၤ.

လံာ်စီၤနဃ့မယၤ 11:23

စီၤလိၣ်စီၤပၤအတၢ်သိၣ်တၢ်ဘျၢတဖၣ်အိၣ်ဝဲဒၣ်လၢအပာ်ဖျါထီၣ် ဒူၣ်ထၢတဖၣ်ကဘၣ်ဟံးန့ၢ်မူဒါဒ်လဲၣ်လၢကဆှၢတၢ်လုၢ်ဟံၣ်အတၢ်သး ဝံၣ်တနံၤဘၣ်တနံၤအဂီၢ်န့ၣ်လီၤ.

လံာ်စီၤနဃ့မယၤ 12:1

အအံၤမ့ၢ်ပှၤလုၢ်တၢ်အခိၣ်တဖၣ်, ဒီးပှၤလ့ၤဝံဖိတဖၣ်လၢအဟဲ က့ၤလၢတၢ်စိာ်မၢကဲကုၢ်အလီၢ်ဃုာ်ဒီးစီၤစရူၤဘၤဘ့လးလၢ အမ့ၢ်စီၤၡၤလတံၤအ့လးအဖိခွါဒီးပှၤလုၢ်တၢ်အခိၣ်အဒိၣ်ကတၢၢ် စီၤယိၤၡူန့ၣ်လီၤ.

လံာ်စီၤနဃ့မယၤ 12:12

ဖဲစီၤယိယၤကံၣ်မ့ၢ်ဝဲပှၤလုၢ်တၢ်အခိၣ်အဒိၣ်ကတၢၢ်အကတီၢ်န့ၣ် ပှၤလုၢ်တၢ်အခိၣ်လၢလာ်တဖၣ်အံၤမ့ၢ်ဝဲခိၣ်နၢ်တဖၣ်လၢပှၤလုၢ်တၢ် အခိၣ်အဒူၣ်ထၢတဖၣ်အကျါန့ၣ်လီၤ. စီၤမရါယၤလၢစီၤစရါယၤအဒူၣ်ထၢအကျါ, စီၤဃနၤနယၤလၢစီၤယံးရမံယၤအဒူၣ်ထၢအကျါ,

လံာ်စီၤနဃ့မယၤ 12:26

ပှၤဂီၢ်မုၢ်တဖၣ်အံၤအိၣ်မူဝဲဖဲစီၤယိယၤကံၣ်လၢအမ့ၢ်စီၤယိၤၡူ အဖိခွါစီၤယိၤစါဒးအလံၤခွါအမုၢ်နံၤ, ဒီးပဒိၣ်ဖးဒိၣ်စီၤ နဃ့မယၤအမုၢ်နံၤဒီးပှၤလုၢ်တၢ်အခိၣ်ဒီးပှၤသ့ပှၤဘၣ်လၢယူဒၤ အတၢ်သိၣ်တၢ်သီအပူၤ, စီၤဧ့စြၤအမုၢ်နံၤန့ၣ်လီၤ.

ကလၤတံ 6:6

ပှၤတဂၤလၢအဘၣ်တၢ်သိၣ်လိအီၤလၢတၢ်အကလုၢ်ကထါန့ၣ်, ကြၢးနီၤဟ့ၣ်လီၤကယဲၢ်တၢ်အဂ့ၤလၢအအိၣ်ဒီးအီၤခဲလၢာ်ဆူ အသရၣ်လၢအသိၣ်လိအီၤတဖၣ်အအိၣ်လီၤ.

လံာ်သိၣ်လီၤသီလီၤတၢ် 18:8

အဝဲကဘၣ်ဒိးန့ၢ်တၢ်အီၣ်ပှဲၤသိးသိးဒၣ်ဒီးပှၤလုၢ်တၢ်အခိၣ်အဂၤ တဖၣ်, ဒီးအဝဲပာ်ဃးတၢ်တမံၤဂ့ၤတမံၤလၢအဟံၣ်ဖိဃီဖိ ဆှၢလီၤန့ၢ်အီၤန့ၣ်သ့ဝဲလီၤ.