လံာ်စီၤနဃ့မယၤ 12:45 - Sgaw Karen Common Bible

⁴⁵ အဂ့ၢ်ဒ်အံၤအဝဲသ့ၣ်မၤဝဲတၢ်မၤကဆှီထီၣ်တၢ်အမူးတဖၣ်ဒီးတၢ် တၢ်ဘူၣ်တၢ်ဘါအလုၢ်အလၢ်အဂၤတဖၣ်လၢကစၢ်ယွၤမၤလိာ်တ့ၢ်ဝဲန့ၣ် လီၤ. ပှၤသးဝံၣ်တၢ်ဖိလၢတၢ်လုၢ်ဟံၣ်အပူၤတဖၣ်, ပှၤခိးတၢ်လုၢ်ဟံၣ်သ့ၣ်တဖၣ်စ့ၢ်ကီးမၤအမူအဒါတဖၣ်ဒ်အကြၢးဝဲ ဒီးတၢ်သိၣ်တၢ်ဘျၢတဖၣ်လၢအဘၣ်တၢ်ပာ်လီၤလၢစီၤပၤဒၤဝံးဒီး အဖိခွါစီၤၡလိၤမိၤန့ၣ်လီၤ.

လံာ်စီၤနဃ့မယၤ 12:45 Iomraidhean Croise

လံာ်စီၤပၤခံဘ့ၣ်တဘ့ၣ် 7:10

လၢတၢ်န့ၣ်အဃိ, အဝဲသ့ၣ်ဟးထီၣ်ကွံာ်လၢပှၤစူၤရံဖိတဖၣ်သူၣ် ဒဲအလီၢ်, ဒီးက့ၤကဒါက့ၤဝဲဆူဝ့ၢ်ၡၤမရံဒီးကိးထီၣ်ဆူပှၤပၢၤတၢ် တဖၣ်လၢဝ့ၢ်အတြဲၤန့ၣ်, “ပလဲၤတၢ်ဆူပှၤစူၤရံဖိသူၣ်ဒဲအလီၢ်, ဒီးပတထံၣ်ဘၣ်ပှၤနီတဂၤမ့ၢ်ဂ့ၤနၢ်ဟူဘၣ်အကလုၢ်နီတမံၤမ့ၢ် ဂ့ၤဘၣ်. ကသ့ၣ်တဖၣ်ဒီးကသ့ၣ်ယီၤတဖၣ်အိၣ်စၢဃာ်အသးဒီးဒဲတဖၣ်အိၣ်ဒၣ်ဒ် ပှၤစူၤရံဖိတဖၣ်ပာ်တီၢ်တ့ၢ်ဝဲအသိးန့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 23:28

ဒီးဘၣ်တၢ်ဟ့ၣ်မူဟ့ၣ်ဒါအီၤ, မူဒါဒ်လၢလာ်တဖၣ်အံၤ, လၢကမၤစၢၤပှၤလုၢ်တၢ်အခိၣ်တဖၣ်လၢအဟဲလီၤစၢၤလီၤသွဲၣ်လၢစီၤ အၤဟရိၣ်လၢတၢ်ဘူၣ်ထီၣ်ဘါထီၣ်လၢယွၤအတၢ်လုၢ်ဟံၣ်အပူၤအဂီၢ်, လၢကကွၢ်ထွဲအဂၢၤတဖၣ်ဒီးအဒၢးသ့ၣ်တဖၣ်, ဒီးကပၢၤဃာ်ကယဲၢ်တၢ်တမံၤလၢ်လၢ်လၢအစီဆှံန့ၣ်ဒ်သိးသု တဘၣ်တၢ်မၤတကဆှီအီၤတဂ့ၤ,

လံာ်ကွဲးနီၣ်တၢ်အခီၣ်ထံးတဘ့ၣ် 26:26

စီၤၡလိမံးအဘူးအတံၢ်တဖၣ်မ့ၢ်ပှၤဘၣ်ကဲခိၣ်ကဲနၢ်လၢတၢ်ပၢၤ ဃာ်တၢ်ဟ့ၣ်တဖၣ်လၢဘၣ်တၢ်ပာ်စီဆှံတ့ၢ်အီၤဆူကစၢ်ယွၤလၢစီၤ ပၤဒၤဝံး, ဒ်ဟံၣ်ဖိဃီဖိတဖၣ်အခိၣ်, ဒူၣ်ထၢကရူၢ်တဖၣ်အခိၣ်ဒီးသုးခိၣ် သုးနၢ်တဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 23:6

တ့မ့ၢ်လၢပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိတဖၣ်လၢအအိၣ်မူ အိၣ်ဒါဘၣ်န့ၣ်ဒီး, ပှၤတဘၣ်လဲၤနုာ်ဆူယွၤအတၢ်လုၢ်ဟံၣ်အတၢ်သူၣ်ထီၣ်တဖၣ်အပူၤနီ တဂၤဘၣ်. အဝဲသ့ၣ်လဲၤနုာ်ဘၣ်ဝဲမ့ၢ်လၢအဝဲသ့ၣ်ဘၣ်တၢ်ပာ်စီဆှံတ့ၢ်အီၤ အဃိလီၤ. မ့မ့ၢ်ပှၤဂီၢ်မုၢ်လၢအိၣ်လီၤတဲာ်တဖၣ်န့ၣ်ကဘၣ်စူၢ်ယွၤအတၢ်သိၣ် လိနဲၣ်ယုၤတဖၣ်ဒီးကဘၣ်အိၣ်ဒၣ်လၢတၢ်ချၢန့ၣ်လီၤ.