လံာ်စီၤနဃ့မယၤ 12:44 - Sgaw Karen Common Bible

⁴⁴ ဖဲအကတီၢ်န့ၣ်, ပှၤပိာ်ခွါတဖၣ်ဘၣ်တၢ်ပာ်လီၤအီၤလၢပှၤကွၢ်ထွဲ တၢ်ပာ်ဖှိၣ်အဒၢးတဖၣ်လၢတၢ်ဟ့ၣ်မၤဘူၣ်တဖၣ်လၢအဘၣ် တၢ်ဟ့ၣ်အီၤဆူယွၤအတၢ်လုၢ်ဟံၣ်, ဘၣ်တၢ်ပာ်အီၤအိၣ်ဒီးတၢ်မၤဘူၣ်ဆံဆဲၣ်ပူတပူတဖၣ်ဒီးဘုခ့ လၢတၢ်ကူးအီၤအဆိကတၢၢ်ဒီးတၤသူတၤသၣ်လၢတၢ်ဒဲးအီၤအဆိ ကတၢၢ်ကိးနံၣ်ဒဲးန့ၣ်လီၤ. ပှၤတဖၣ်အံၤအိၣ်မူအိၣ်ဒါလၢတၢ်ထၢဖှိၣ်တၢ်လၢပှၤလုၢ်တၢ်အခိၣ် တဖၣ်ဒီးပှၤလ့ၤဝံဖိတဖၣ်အဂီၢ်ဒ်ယူဒၤတၢ်သိၣ်တၢ်သီဃ့ဝဲ အသိးဖဲစံာ်ပျီတဖၣ်လၢအအိၣ်ဘူးဒီးဝ့ၢ်တဖၣ်န့ၣ်လီၤ. ကယဲၢ်ကီၢ်ယူဒၤအပှၤဂီၢ်မုၢ်ခဲလၢာ်ဘၣ်သူၣ်ဘၣ်သးပှၤလုၢ်တၢ် အခိၣ်တဖၣ်ဒီးပှၤလ့ၤဝံဖိတဖၣ်န့ၣ်လီၤ.

လံာ်စီၤနဃ့မယၤ 12:44 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 23:28

ဒီးဘၣ်တၢ်ဟ့ၣ်မူဟ့ၣ်ဒါအီၤ, မူဒါဒ်လၢလာ်တဖၣ်အံၤ, လၢကမၤစၢၤပှၤလုၢ်တၢ်အခိၣ်တဖၣ်လၢအဟဲလီၤစၢၤလီၤသွဲၣ်လၢစီၤ အၤဟရိၣ်လၢတၢ်ဘူၣ်ထီၣ်ဘါထီၣ်လၢယွၤအတၢ်လုၢ်ဟံၣ်အပူၤအဂီၢ်, လၢကကွၢ်ထွဲအဂၢၤတဖၣ်ဒီးအဒၢးသ့ၣ်တဖၣ်, ဒီးကပၢၤဃာ်ကယဲၢ်တၢ်တမံၤလၢ်လၢ်လၢအစီဆှံန့ၣ်ဒ်သိးသု တဘၣ်တၢ်မၤတကဆှီအီၤတဂ့ၤ,

လံာ်ကွဲးနီၣ်တၢ်အခီၣ်ထံးတဘ့ၣ် 26:20

အဝဲသ့ၣ်အပှၤလ့ၤဝံဖိကဒဲကဒဲအဂၤတဖၣ်ဘၣ်ကဲခိၣ်ကဲနၢ်လၢတၢ် လုၢ်ဟံၣ်အစ့ပာ်ဖှိၣ်အလီၢ်အဂီၢ်ဒီးလၢတၢ်ပာ်ဖှိၣ်အဒၢးတဖၣ်ဖဲ တၢ်ဟ့ၣ်တဖၣ်လၢဘၣ်တၢ်ပာ်စီဆှံတ့ၢ်အီၤလၢကစၢ်ယွၤအဂီၢ် အိၣ်ဝဲအလီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:26

ပှၤပၢၤတၢ်ဖိအခိၣ်အဒိၣ်ကတၢၢ်လွံၢ်ဂၤ, မ့ၢ်ပှၤလ့ၤဝံဖိတဖၣ် ဒီးမ့ၢ်ပှၤအိၣ်ဒီးမူဒါအဒိၣ်လၢခံကတၢၢ်န့ၣ်လီၤ. အဝဲသ့ၣ်အိၣ်မူအိၣ်ဒါစ့ၢ်ကီးလၢဒၢးတဖၣ်လၢတၢ်လုၢ်ဟံၣ်အပူၤ ဒီးလၢတၢ်လုၢ်ဟံၣ်အတၢ်ပာ်ဖှိၣ်လၢတၢ်ပာ်အီၤဖဲန့ၣ်တဖၣ်အဂီၢ်လီၤ.

လံာ်စီၤနဃ့မယၤ 10:36

ပဝဲတဂၤဘၣ်တဂၤစုာ်စုာ်, ပကဟဲစိာ်ပဖိဝဲၢ်ကိပိာ်ခွါလၢအအိၣ် ဖျဲၣ်ထီၣ်ဆူပှၤလုၢ်တၢ်အခိၣ်တဖၣ်အအိၣ်လၢယွၤအတၢ်လုၢ်ဟံၣ်အပူၤ ဒီးလုၢ်ထီၣ်အီၤဆူကစၢ်ယွၤအအိၣ်, ဒ်ယူဒၤအတၢ်သိၣ်တၢ်သီဃ့ဝဲအသိးန့ၣ်လီၤ. ဂီၤဖံးဖိအဆိကတၢၢ်လၢပဝဲတဂၤစုာ်စုာ်ပဂီၤဖံးမိၢ်တဖၣ်ဖှံလီၤဝဲ, ဒီးပသိဖိမ့ၢ်ဂ့ၤ, မဲာ်တဲးလဲးဖိမ့ၢ်ဂ့ၤလၢအဖှံလီၤအဆိက တၢၢ်န့ၣ်, ပကပာ်စီဆှံစ့ၢ်ကီးအီၤန့ၣ်လီၤ.

တၢ်ကတိၤဒိ. 8:34

ပှၤလၢအဒိကနၣ်ယၤ, ပှၤလၢအအိၣ်လၢယတြဲၤကိးနံၤဒဲး ဒီးခိးတၢ်လၢယဟံၣ်အကျဲစၢၤန့ၣ်ဘၣ်ဆိၣ်ဂ့ၤဝဲလီၤ.

လံာ်ယၡါယၤ 40:31

မ့မ့ၢ်ပှၤလၢအနာ်ယွၤ, လၢတၢ်မၤစၢၤအဂီၢ်တဖၣ်န့ၣ်ကထံၣ်ဝဲလၢ အတၢ်ဂံၢ်တၢ်ဘါဘၣ်တၢ်မၤသီထီၣ်က့ၤအီၤန့ၣ်လီၤ. ကယူာ်ထီၣ်အဒံးဆ့တဖၣ်ဒ်လံာ်ဧိၤတြၤဧိၤအသိးလီၤ. ကဃ့ၢ်ဝဲဒီးအသးတလီၤစၢ်လီၤဘှါဘၣ်. အဝဲသ့ၣ်ကလဲၤတၢ်ဒီးအဂံၢ်အဘါတလီၤစၢ်ဝဲဘၣ်.

လံာ်တၢ်ဂံၢ် 3:10

နကဘၣ်ဃုထၢပာ်လီၤစီၤအၤဟရိၣ်ဒီးအဖိခွါတဖၣ်လၢကမၤပှၤလုၢ် တၢ်အခိၣ်အတၢ်မၤတဖၣ်အဂီၢ်န့ၣ်လီၤ. ဒီးပှၤအဂၤတဂၤလၢ်လၢ်လၢအဂုာ်မၤအဝဲသ့ၣ်အတၢ်မၤန့ၣ် ကဘၣ်တၢ်မၤသံကွံာ်အီၤန့ၣ်လီၤ.”

ရိမ့ၤ 12:7

မ့မ့ၢ်တၢ်မၤတၢ်ခ့တၢ်ပှၤအတၢ်မၤဒီး, ပကဘၣ်မၤတၢ်ခ့တၢ် ပှၤအတၢ်မၤလီၤ. မ့မ့ၢ်တၢ်သိၣ်လိတၢ်ဒီး, ပကဘၣ်သိၣ်လိ တၢ်လီၤ.

လံာ်သိၣ်လီၤသီလီၤတၢ် 18:8

အဝဲကဘၣ်ဒိးန့ၢ်တၢ်အီၣ်ပှဲၤသိးသိးဒၣ်ဒီးပှၤလုၢ်တၢ်အခိၣ်အဂၤ တဖၣ်, ဒီးအဝဲပာ်ဃးတၢ်တမံၤဂ့ၤတမံၤလၢအဟံၣ်ဖိဃီဖိ ဆှၢလီၤန့ၢ်အီၤန့ၣ်သ့ဝဲလီၤ.