လံာ်စီၤနဃ့မယၤ 12:43 - Sgaw Karen Common Bible

⁴³ လၢမုၢ်တနံၤန့ၣ်တၢ်လုၢ်တၢ်ပာ်အါမးဘၣ်တၢ်လုၢ်ထီၣ်အီၤဒီးပှၤ ဂီၢ်မုၢ်ပှဲၤဝဲဒီးတၢ်သူၣ်ခုသးခုမ့ၢ်လၢကစၢ်ယွၤဒုးသးခုအဝဲသ့ၣ် ဒိၣ်မးအဃိန့ၣ်လီၤ. ပှၤပိာ်မုၣ်တဖၣ်, ပှၤဖိဒံဖိသၣ်တဖၣ်ပာ်ဖှိၣ်အသးလၢတၢ်မၤမူးအပူၤဒီးအဝဲသ့ၣ် ခဲလၢာ်အကလုၢ်အသီၣ်န့ၣ်ဘၣ်တၢ်နၢ်ဟူအီၤသ့ဝဲဖးယံၤဖးသံန့ၣ် လီၤ.

လံာ်စီၤနဃ့မယၤ 12:43 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 20:13

ကယဲၢ်ပှၤပိာ်ခွါလၢကီၢ်ယူဒၤအပူၤခဲလၢာ်ဃုာ်ဒီးအမါတဖၣ်ဒီး အဖိတဖၣ်န့ၣ်, ဆၢထၢၣ်ဝဲဖဲန့ၣ်, လၢယွၤအတၢ်လုၢ်ဟံၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:27

စီၤယဟိၡၤဖးက့ၤဆှၢက့ၤအပှၤသုးဖိတဖၣ်ဆူဝ့ၢ်ယရူၤၡလ့ၣ် အပူၤအိၣ်ဒီးတၢ်မၤနၢၤ, မ့ၢ်လၢယွၤမၤနၢၤကွံာ်အဝဲသ့ၣ်အဒုၣ်အဒါတဖၣ်အဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:10

ဒီးပိာ်ထွဲထီၣ်အခံတနံၤလၢအမ့ၢ်, လါနွံလါတလါထီၣ်ခံဆံ သၢသီတသီန့ၣ်, စီၤၡလိၤမိၤပျၢ်က့ၤပှၤဂီၢ်မုၢ်ဆူအဟံၣ်ဒၣ်ဝဲန့ၣ်လီၤ. အဝဲသ့ၣ်သူၣ်ဖှံသးညီဝဲလၢတၢ်ဆိၣ်ဂ့ၤတဖၣ်လၢယွၤဟ့ၣ်လီၤ တ့ၢ်အီၤဆူအပှၤဂီၢ်မုၢ်အံၣ်စရ့လး, ဆူစီၤဒၤဝံး, ဒီးဆူစီၤၡလိၤမိၤအဃိန့ၣ်လီၤ.

လံာ်စီၤဧ့စြၤ 3:13

ပှၤနီၤဖးတၢ်သူၣ်ခုသးခုအတၢ်ကိးပသူထီၣ်ဒီးတၢ်ဟီၣ်တၢ်ယၢၤ အဆၢတသ့နီတဂၤဘၣ်. အဂ့ၢ်ဒ်အံၤ, တၢ်သီၣ်လၢအဝဲသ့ၣ်ဒုးအိၣ်ထီၣ်န့ၣ်သီၣ်ဒိၣ်ဝဲတုၤ ဒၣ်လဲာ်ဘၣ်တၢ်နၢ်ဟူအီၤလၢတၢ်ဖးယံၤဖးကွ့ၤသ့ဝဲန့ၣ်လီၤ.

လံာ်စီၤနဃ့မယၤ 12:27

တုၤဝ့ၢ်ယရူၤၡလ့ၣ်အဝ့ၢ်ခိၣ်ဒူဘၣ်တၢ်ပာ်စီဆှံထီၣ်အီၤန့ၣ်ပှၤ လ့ၤဝံဖိတဖၣ်အံၤဘၣ်တၢ်ဟဲကိးအီၤလၢအအိၣ်ဝဲဆိးဝဲ အလီၢ်ဒ်သိးအဝဲသ့ၣ်ကမၤဃုာ်တၢ်လၢတၢ်ပာ်စီဆှံတၢ်လုၢ်ဟံၣ် အပူၤခီဖျိတၢ်သးဝံၣ်စံးဘျုးစံးဖှိၣ်တဖၣ်, လၢအအိၣ်ဒီးစှၢၣ်စှံးဒီးသီတူၢ်န့ၣ်လီၤ.

လံာ်စီၤနဃ့မယၤ 12:42

ဒီးပှၤလၢအပိာ်ထီၣ်အဝဲသ့ၣ်အခံမ့ၢ်ဝဲစီၤမၤစ့ယၤ, စီၤၡမါယၤ, စီၤအလၤဧစၢ်, စီၤဧူၤစံ, စီၤယိဃၤနၣ်, စီၤမၤလကံယၤ, စီၤဧ့ၤလၣ်ဒီးစီၤဧ့စ့ၢ်န့ၣ်လီၤ. ပှၤသးဝံၣ်တၢ်ဖိတဖၣ်လၢ အဘၣ်တၢ်ဆှၢအီၤလၢစီၤယံးစရၤဃယၤန့ၣ်သးဝံၣ်တၢ်လၢအကလုၢ်ဖး ဒိၣ်န့ၣ်လီၤ.

လံာ်စီၤယိၤဘး 34:29

တုၤမ့ၢ်ကစၢ်ယွၤပာ်လီၤအသးလၢကအိၣ်ဘှ့ၣ်အိၣ်ဘှီၣ်ဒီး မတၤပာ်တၢ်ကမၣ်လၢအလိၤသ့တဂၤလဲၣ်. တုၤအပာ် သဒၢအမဲာ်ဒီးမတၤထံၣ်အီၤကသ့တဂၤလဲၣ်.

စံးထီၣ်ပတြၢၤ 27:6

ယကမၤနၢၤယဒုၣ်ယဒါတဖၣ်လၢ အအိၣ်ဝးတရံးယၤလီၤ. လၢတၢ်ကိးပသူထီၣ်လၢတၢ်သးခုအပူၤ ယကလုၢ်ထီၣ်ပာ်ထီၣ်တၢ်လၢ အတၢ်လုၢ်ဟံၣ်အပူၤန့ၣ်လီၤ. ယကသးဝံၣ်တၢ်, ယကစံးထီၣ်ပတြၢၤယွၤန့ၣ်လီၤ.

စံးထီၣ်ပတြၢၤ 28:7

ယွၤမ့ၢ်ယဂံၢ်ယဘါ, ဒီးယကတီၤတဘ့ၣ်လီၤ. ယသးသန့ၤအသးလၢအီၤ, သတးဒီးယဘၣ်တၢ်မၤစၢၤယၤ, ဒီးယသူၣ်ခုယသးခု, ဒီးယစံးထီၣ်ပတြၢၤအီၤလၢယတၢ်သးဝံၣ်န့ၣ်လီၤ.

စံးထီၣ်ပတြၢၤ 9:2

ယကသူၣ်ခုသးခုဒီးသူၣ်ဖှံသးညီလၢနပူၤ, ယကသးဝံၣ်စံးထီၣ်ပတြၢၤနမံၤ, တၢ်ထီကတၢၢ်ကစၢ်ယွၤဧၢ.

စံးထီၣ်ပတြၢၤ 92:4

ယွၤဧၢ, အဂ့ၢ်ဒ်အံၤ နဒုးသးခုတ့ၢ်လံယၤလၢနတၢ်မၤဖးဒိၣ်တဖၣ်အဃိ, ဒီးနစုအတၢ်ဖံးတၢ်မၤတဖၣ်န့ၣ် ယကသးဝံၣ်ထီၣ်အီၤလၢတၢ်သူၣ်ဖှံသးညီလီၤ.

လံာ်ယၡါယၤ 61:3

ဒ်သိးယကဟ့ၣ်ပှၤလၢအဘၣ်ဟီၣ်ဘၣ်ယၢၤလၢ ဝ့ၢ်စံယိၣ်တဖၣ် လၢတၢ်သးခုဒီးတၢ်သူၣ်ဖှံသးညီ လၢတၢ်သူၣ်အုးသးအုးအလီၢ်, တၢ်သးဝံၣ်စံးထီၣ်ပတြၢၤတယုၢ် လၢတၢ်ဘၣ်မိၢ်ဘၣ်မးအလီၢ်န့ၣ်လီၤ. အဝဲသ့ၣ်ကလီၤဂာ်ဒီးသ့ၣ်တဖၣ်လၢ ယွၤအကစၢ်ဒၣ်ဝဲသူၣ်လီၤဖျးလီၤဝဲန့ၣ်လီၤ. အဝဲသ့ၣ်ခဲလၢာ်ကမၤတၢ်လၢအဘၣ်ဒီးကစၢ်ယွၤကဘၣ်တၢ် စံးထီၣ်ပတြၢၤအီၤလၢတၢ်လၢအဝဲမၤတ့ၢ်ဝဲအဃိလီၤ.

လံာ်ယံးရမံယၤ 31:13

အန့ၣ်ဒီး, မုၣ်လိၤဘိတဖၣ် ကဂဲၤကလံာ်ဝဲဒီးသးဖှံသးညီဝဲ, ဒီးပှၤပိာ်ခွါတဖၣ်, သးစၢ်ဂ့ၤသးပှၢ်ဂ့ၤ, ကသူၣ်ခုသးခုဝဲလီၤ. ယကမၤမုာ်မၤခုၣ်အဝဲသ့ၣ်, ဒီးဘိးဃၣ်အဝဲသ့ၣ် တၢ်ဟီၣ်တၢ်ယၢၤဆူ တၢ်သူၣ်ခုသးခု, အဝဲသ့ၣ်အတၢ်သူၣ်အုၣ်သးအုးဆူ တၢ်သူၣ်ဖှံသးညီန့ၣ်လီၤ.

လံာ်ယံးရမံယၤ 33:11

တၢ်သူၣ်ဖှံသးညီဒီး တၢ်သူၣ်ခုသးခုအတၢ်ကိး သီၣ်ထီၣ်တဖၣ်ဒီး တၢ်တ့တၢ်ဖျီအတၢ်သးဖှံ အတၢ်အီၣ်အမူးတဖၣ် အတၢ်ကလုၢ်သီၣ်ထီၣ်ဝဲ န့ၣ်လီၤ. နကနၢ်ဟူဘၣ်ပှၤဂီၢ်မုၢ်သးဝံၣ်တၢ်ဖဲ အဝဲသ့ၣ်ဟဲစိာ်ထီၣ်တၢ်လုၢ်စံးထီၣ်ပတြၢၤတဖၣ် ဆူယတၢ်လုၢ်ဟံၣ်အခါလီၤ. အဝဲသ့ၣ်ကစံးဝဲ, ‘စံးထီၣ်ပတြၢၤယွၤသ့တၢ်လၢာ်တက့ၢ်. အဂ့ၢ်ဒ်အံၤ, အဝဲဒၣ်ဂ့ၤဝဲလီၤ. ဒီးအတၢ်အဲၣ်မ့ၢ်တၢ်အထူအယိာ်လီၤ’ န့ၣ်လီၤ. ယကဒုးဘီၣ်ထီၣ်ညီထီၣ် ကီၢ်အံၤ ဒ်အအိၣ်ပာ် စၢၤတ့ၢ်လံဝဲ လၢညါအသိးန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်တၢ်ဂံၢ် 10:10

ဒ်န့ၣ်အသိးလၢတၢ်သူၣ်ခုသးခုအကတီၢ်တဖၣ်လၢအမ့ၢ်, သုလါထီၣ်သီအမူးတဖၣ်ဒီးသုတၢ်ဘူၣ်တၢ်ဘါအမူးအဂၤတဖၣ်အခါ န့ၣ်, သုကဘၣ်အူထီၣ်ကွဲၤတဖၣ်န့ၣ်ဖဲသုဟ့ၣ်ထီၣ်သုတၢ်လုၢ်မ့ၣ် အူတဖၣ်ဒီးတၢ်လုၢ်မၤဃူမၤဖိးတဖၣ်အကတီၢ်န့ၣ်လီၤ. အန့ၣ်တစု, ယကမၤစၢၤသုလီၤ. ယဲဒၣ်အံၤယမ့ၢ်ယွၤ, သုကစၢ်ယွၤလီၤ.”

လံာ်မးသဲ 21:15

ပှၤလုၢ်တၢ်အခိၣ်အဒိၣ်တဖၣ်, ဒီးပှၤသ့တၢ်ဘူၣ်တၢ်ဘါအတၢ်သိၣ် တၢ်သီတဖၣ်, အသးဒိၣ်ထီၣ်ဝဲဖဲအထံၣ်တၢ်လီၤလးတဖၣ်လၢအဝဲဒၣ်မၤဝဲ, ဒီးနၢ်ဟူဖိဒံဖိသၣ်တဖၣ်ကိးပသူထီၣ်လၢတၢ်လုၢ်ဟံၣ်အပူၤဒီး စံး, “တၢ်စံးထီၣ်ပတြၢၤမ်အဘၣ်စီၤဒၤဝံးအဖိခွါတက့ၢ်” အခါန့ၣ်လီၤ.

လံာ်မးသဲ 21:9

ဒီးပှၤဂီၢ်မုၢ်လၢအလဲၤလၢယ့ၣ်ၡူးအမဲာ်ညါဒီးပှၤလၢအပိာ်ထီၣ် အခံတဖၣ်ကိးပသူထီၣ်ဒီးစံး, “စီၤဒၤဝံးအဖိခွါဧၢ, အုၣ်က့ၤခီၣ်က့ၤပှၤတက့ၢ်. ပှၤလၢအဟဲလၢကစၢ်အမံၤတဂၤန့ၣ်မ်ယွၤဆိၣ်ဂ့ၤအီၤတက့ၢ်. မ်ကစၢ်ယွၤအမံၤဘၣ်တၢ်စံးထီၣ်ပတြၢၤအီၤတက့ၢ်” (စံး. ၁၁၈:၂၅-၂၆).

လံာ်ယိၤဟၣ် 16:22

သုတၢ်လဲၤခီဖျိမ့ၢ်တၢ်ဒ်သိးအံၤစ့ၢ်ကီးန့ၣ်လီၤ. အခဲအံၤသုသူၣ် အုးသးအုး, ဘၣ်ဆၣ်ယကထံၣ်ကဒီးသု, ဒီးသုသးတဖၣ်ကပှဲၤဒီးတၢ်သူၣ်ခုသးခု, တၢ်သူၣ်ခုသးခု တကလုာ်လၢပှၤဟံးထီၣ်ကွံာ်လၢသုအိၣ်တသ့နီတဂၤဘၣ် န့ၣ်လီၤ.

အ့းဖ့းစူး 5:19

ကတိၤလိာ်သုသးတဂၤဒီးတဂၤလၢထါစံးထီၣ်ပတြၢၤ, ထါသးဝံၣ်, ဒီးတၢ်ဘူၣ်တၢ်ဘါအတၢ်သးဝံၣ်တဖၣ်အတၢ်ကတိၤတက့ၢ်. သးဝံၣ်ထါသးဝံၣ်, ဒီးထါစံးထီၣ်ပတြၢၤတဖၣ်အိၣ်ဒီးတၢ်စံးထီၣ်ပတြၢၤကစၢ်လၢ သူၣ်ကံၢ်သးလဲအပူၤတက့ၢ်.

ယၤကိာ် 5:13

ပှၤလၢသုကျါတဂၤဂၤဘၣ်တၢ်ကီတၢ်ခဲဧါ. အဝဲကြၢးဃ့ဘါထုကဖၣ်တၢ်လီၤ. မ့ၢ်အသူၣ်ဖှံသးညီတဂၤဂၤဧါ. အဝဲကြၢးသးဝံၣ်စံးထီၣ်ပတြၢၤကစၢ်ယွၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:5

ဒီးတုၤယွၤအတၢ်အၢၣ်လီၤအီလီၤအတလါစီဆှံဟဲတုၤဝဲန့ၣ်ပှၤ အံၣ်စရ့လးဖိတဖၣ်ကိးထီၣ်လၢတၢ်သးခုဖးဒိၣ်အကလုၢ်တုၤဟီၣ် ခိၣ်သတြုးထီၣ်ဝဲလီၤ.