လံာ်စီၤနဃ့မယၤ 12:39 - Sgaw Karen Common Bible

³⁹ ဒီးဖဲန့ၣ်ပလဲၤခီဂာ်တြဲၤအ့ဖရဲၣ်, တြဲၤယၡၤနၤ, တြဲၤညၣ်တၢးထီဃနၤန့လးဒီးတၢးထီတကယၤဆူတြဲၤသိန့ၣ်လီၤ. ပတၢ်လဲၤန့ၣ်ကတၢၢ်ဝဲဖဲတြဲၤလၢအလဲၤဆူယွၤအတၢ်လုၢ်ဟံၣ် အကပၤန့ၣ်လီၤ.

လံာ်စီၤနဃ့မယၤ 12:39 Iomraidhean Croise

လံာ်စီၤပၤခံဘ့ၣ်တဘ့ၣ် 14:13

စီၤယိၤအၣ်ဖီၣ်န့ၢ်စီၤအမၤစယါ, ဒီးလဲၤထီၣ်ဆူဝ့ၢ်ယရူၤ ၡလ့ၣ်ဒီးမၤလီၤပှီၢ်ကွံာ်ဝ့ၢ်အခိၣ်ဒူစးထီၣ်လၢတြဲၤအ့ဖရဲၣ် တုၤလၢတၢ်အသနၢၣ်အတြဲၤလၢအဒ့ၣ်စၢၤယံၤဝဲအပျၢ်လွံၢ်ကယၤန့ၣ် လီၤ.

လံာ်စီၤနဃ့မယၤ 12:40

လၢတၢ်န့ၣ်အဃိပှၤခံဖုလၢာ်လၢအစံးဘျုးစံးဖှိၣ်ကစၢ်ယွၤလဲၤ ဝဲတုၤလၢတၢ်လုၢ်ဟံၣ်အလီၢ်ကဝီၤန့ၣ်လီၤ. ပာ်ဖှိၣ်ဃုာ်ဒီးခိၣ်နၢ်လၢအအိၣ်ဒီးယၤန့ၣ်

လံာ်စီၤနဃ့မယၤ 3:1

ဒီးအအံၤမ့ၢ်ဝဲဝ့ၢ်အခိၣ်ဒူဘၣ်တၢ်ဘှီထီၣ်က့ၤအီၤဒ်လဲၣ်အဂ့ၢ် န့ၣ်လီၤ. ပှၤလုၢ်တၢ်အခိၣ်အဒိၣ်ကတၢၢ်စီၤအ့လယၤၡံာ်ဒီးပှၤမၤသကိးတၢ် ဒီးအီၤပှၤလုၢ်တၢ်အခိၣ်တဖၣ်ဘှီထီၣ်ကဒါက့ၤပဲတရီသိဒီးပာ် စီဆှံဝဲ, ဒီးပာ်ဝဲပဲတရီလၢအလီၢ်ဒၣ်ဝဲန့ၣ်လီၤ. အဝဲသ့ၣ်ပာ်စီဆှံတ့ၢ်တၢ်ဒူၣ်စးထီၣ်ဆူတၢးထီမ့ၤအၤဒီးတုၤ လၢတၢးထီဃနၤန့လးန့ၣ်လီၤ.

လံာ်စီၤနဃ့မယၤ 3:25

ဒီးစီၤဧူၤစံအဖိခွါစီၤပလါလးဘှီဝဲလၢခံတပတီၢ်စးထီၣ် လၢဝ့ၢ်ခိၣ်ဒူအသနၢၣ်ဒီးနီလၢထးခီတတီၤအပျိာ်ဖးထီဘူးဒီး ပှၤခိးတၢ်အဂၢၤန့ၣ်လီၤ. ဒီးစီၤပၤရိာ်အဖိခွါစီၤပဒါယၤဘှီထီၣ်ဝဲလၢခံတပတီၢ်ဆူ မုၢ်ထီၣ်ဘူးဒီးပဲတရီထံဒီးပျိာ်ဖးထီလၢအဒီဒၣ်တၢ်လုၢ် ဟံၣ်န့ၣ်လီၤ.

လံာ်စီၤနဃ့မယၤ 3:3

ဒီးစီၤဟးစနုၤအၤအဒူၣ်ထၢတဖၣ်ဘှီထီၣ်ဝဲပဲတရီညၣ်န့ၣ်လီၤ. အဝဲသ့ၣ်ပာ်လီၤကျိၤဒီးမၤထီၣ်တြဲၤလၢအလီၢ်ဒၣ်ဝဲ, ဒီးမၤဝဲနီၣ်ဝံာ်စဲတဖၣ်ဒီးနီၣ်ဘိတဖၣ်လၢကကးတံၢ်တြဲၤအဂီၢ် န့ၣ်လီၤ.

လံာ်စီၤနဃ့မယၤ 3:6

ဒီးစီၤပၤစ့ၤအဖိခွါစီၤယဟိယဒါဒီးစီၤဘစိဒယၤအဖိခွါ စီၤမၡူလၣ်ဘှီက့ၤဝဲပဲတရီလီၢ်လံၤန့ၣ်လီၤ. ဒီးပာ်လီၤဝဲကျိၤတဖၣ်ဒီးပဲတရီ တဖၣ်လၢအလီၢ်ဒၣ်ဝဲ, ဒီးမၤဝဲတြဲၤအနီၣ်ဝံာ်စဲတဖၣ်ဒီးအနီၣ်ဘိတဖၣ်လၢတၢ် ကကးတံၢ်တြဲၤအဂီၢ်န့ၣ်လီၤ.

လံာ်စီၤနဃ့မယၤ 8:16

လၢတၢ်န့ၣ်အဃိပှၤဂီၢ်မုၢ်မၤန့ၢ်သ့ၣ်အဒ့တဖၣ်ဒီးမၤထီၣ်ဒဲ တဖၣ်လၢအဟံၣ်ခိၣ်တဖၣ်အခိၣ်ဒုးလိၤ, လၢအဂၢၤဒၣ်ဝဲအပူၤ, လၢတၢ်လုၢ်ဟံၣ်အဂၢၤပူၤဒီးလၢပဲတရီထံအဂၢၤဒီးအ့ဖရဲၣ်အပဲ တရီအဂၢၤပူၤတၢ်လီၢ်လီၤပျီန့ၣ်လီၤ.

လံာ်ယံးရမံယၤ 31:38

ယွၤစံးဝဲဒၣ်, “တၢ်ဆၢကတီၢ်ဟဲလံဝဲဖဲ ဝ့ၢ်ယရူၤၡလ့ၣ် ဒီတဝ့ၢ်ညါ ကဘၣ်တၢ်သူၣ်ထီၣ်ကဒါက့ၤအီၤဒ် ယဝ့ၢ်အသိး, စးထီၣ်လၢ မုၢ်နုာ်တၢးထီဃနၤန့လးပၢၢ်တုၤလၢတၢ်သနၢၣ်အတြဲၤန့ၣ်လီၤ.

လံာ်ယံးရမံယၤ 32:2

အကတီၢ်ဖဲန့ၣ်, ကီၢ်ဘၤဘူၤလိၣ် အစီၤပၤ အသုးမုၢ်လဲၤထီၣ်ဒုး ဝ့ၢ်ယရူၤရှလ့ၣ်ဒီး ယဘၣ်တၢ်စၢဃာ်ယၤလၢဃိာ်အဂၢၤ ပူၤလၢ အအိၣ်ဖဲ စီၤပၤအနူၢ်ပူၤန့ၣ်လီၤ.

လံာ်စဖါနယၤ 1:10

ဒီးယွၤစံးဝဲဒၣ်, “လၢမုၢ်နံၤအဝဲန့ၣ်တၢ်ကမၤအသးလၢတၢ်ကိးပသူထီၣ်ကသီၣ်ထီၣ် ဝဲလၢဝ့ၢ်ယရူၤၡလ့ၣ်အတြဲၤညၣ်န့ၣ်လီၤ. ဒီးသုကနၢ်ဟူတၢ်ဟီၣ်တၢ်ယၢၤလၢတၢ်လီၢ်အသီတတီၤလၢဝ့ၢ်အပူၤ ဒီးတၢ်လီၤပှီၢ်အသီၣ်ဖးဒိၣ်တမံၤလၢတၢ်လူၢ်ခိၣ်တဖၣ်အဒီခိၣ်န့ၣ်လီၤ.

လံာ်ယိၤဟၣ် 5:2

ဖဲတၢ်လီၢ်ကိးဝဲလၢသိတြဲၤအဃၢၤလၢဝ့ၢ်ယရူၤၡလ့ၣ် အပူၤန့ၣ်, နိၣ်အိၣ်ဝဲတနိၣ်အိၣ်ဒီးအတၢ်ဒုးခိၣ်ယဲၢ်ဖျၢၣ်ဒီး နိၣ်အံၤတၢ်ကိးအီၤလၢဧ့ၤဘြံၤအကျိာ်လၢဘ့ၤသ့းစဒါန့ၣ်လီၤ.