လံာ်စီၤနဃ့မယၤ 12:36 - Sgaw Karen Common Bible

³⁶ အဝဲဘၣ်တၢ်ပိာ်ထွဲထီၣ်အခံလၢပှၤအဂၤလၢအဝဲအဒူၣ်ထၢ အကျါလၢအမ့ၢ်, စီၤၡမါယၤ, စီၤဧစၤရ့လး, စီၤမံလလဲၤ, စီၤကံလလဲၤ, စီၤမၤဧၤ, စီၤနၤသန့လး, စီၤယူဒၤဒီးစီၤ ဃနၤနံတဖၣ်န့ၣ်လီၤ. အဝဲသ့ၣ်ခဲလၢာ်စိာ်ဝဲတၢ်ဒ့တၢ်အူ အပီးအလီအကလုာ်တဖၣ်လၢကစၢ်ယွၤအခ့အပှၤစီၤဒၤဝံးဒ့တ့ၢ်ဝဲ တဖၣ်န့ၣ်လီၤ. ပှၤကူၣ်သ့ကူၣ်ဘၣ်စီၤဧ့စြၤဆှၢကရူၢ်အံၤလၢတၢ် ဟးထီၣ်အပူၤန့ၣ်လီၤ.

လံာ်စီၤနဃ့မယၤ 12:36 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 23:5

ပှၤ လွံၢ်ကထိ ဂၤလၢကပၢၤပဲတြီ, ဒီးပှၤလွံၢ်ကထိ ဂၤလၢကစံးထီၣ်ပတြၢၤယွၤအိၣ်ဒီးတၢ်သူၣ်ဝံၣ်သးဆၢအပီးအလီ တဖၣ်လၢအဘၣ်တၢ်ဟ့ၣ်အီၤလၢစီၤပၤ, လၢတၢ်ကွၢ်စိအံၤအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 8:14

ပိာ်ထွဲထီၣ်တၢ်သိၣ်တၢ်ဘျၢတဖၣ်လၢအဘၣ်တၢ်ပာ်လီၤတ့ၢ်အီၤလၢ အပၢ်စီၤဒၤဝံးအခံန့ၣ်, အဝဲကရၢကရိထီၣ်တနံၤဘၣ်တနံၤအတၢ်မၤလၢပှၤလုၢ်တၢ်အခိၣ်တဖၣ်အ ဂီၢ်, ဒီးလၢပှၤလ့ၤဝံဖိတဖၣ်လၢအမၤစၢၤပှၤလုၢ်တၢ်အခိၣ်တဖၣ်လၢတၢ် သးဝံၣ်ထါသးဝံၣ်တဖၣ်ဒီးလၢတၢ်မၤအဝဲသ့ၣ်အတၢ်မၤအပူၤအဂီၢ် န့ၣ်လီၤ. အဝဲကရၢကရိထီၣ်စ့ၢ်ကီးပှၤပၢၤတၢ်လုၢ်ဟံၣ်တဖၣ်တဖုဘၣ်တဖု လၢအကမၤအဝဲသ့ၣ်အမူအဒါတနံၤဘၣ်တနံၤဖဲတြဲၤဖးဒိၣ်တဘ့ၣ်စုာ် စုာ်, လီၤပလိာ်ဝဲဒီးကစၢ်ယွၤအပှၤကညီစီၤဒၤဝံးအတၢ်မၤလိာ်တဖၣ် န့ၣ်လီၤ.

လံာ်စီၤဧ့စြၤ 7:1

တဘျုးနံၣ်ဝံၤအလီၢ်ခံ, ဖဲကီၢ်ပၤရၣ်အစီၤပၤဖးဒိၣ်စီၤအၢ်တၤ ၡါၡတၤကဲစီၤပၤအကတီၢ်န့ၣ်, ပှၤအမံၤစီၤဧ့စြၤအိၣ်ဝဲတဂၤန့ၣ်လီၤ. အဝဲဒွးကဒါက့ၤအမိၢ်ပၢ်ဖံဖုလၢပျၢၤအတၢ်လီၤစၢၤစးထီၣ်လၢ ပှၤလုၢ်တၢ်အခိၣ်အဒိၣ်ကတၢၢ်စီၤအၤဟရိၣ်ဒ်လာ်အံၤလီၤ. စီၤဧ့စြၤမ့ၢ်စီၤစရါယၤအဖိခွါ, စီၤဧစၤရယၤအဖိခွါ, စီၤဃံးစကံယၤအဖိခွါ,

လံာ်စီၤဧ့စြၤ 8:1

အအံၤမ့ၢ်တၢ်ကွဲးနီၣ်ဘၣ်ထွဲဒီးပှၤခိၣ်ပှၤနၢ်တဖၣ်လၢဒူၣ်ထၢ တဖၣ်အပူၤ, ပှၤအိၣ်လၢကီၢ်ဘၤဘူၤလိၣ်အတၢ်မၢကဲကုၢ်အပူၤဒီးပှၤ တဖၣ်လၢအဟဲက့ၤကဒါက့ၤဃုာ်ဒီးစီၤဧ့စြၤဆူဝ့ၢ်ယရူၤၡလ့ၣ်ဖဲစီၤ အၢ်တၤၡါၡတၤမ့ၢ်စီၤပၤဖးဒိၣ်အခါန့ၣ်လီၤ.

လံာ်စီၤနဃ့မယၤ 12:24

လၢစီၤဃၡၤဘယၤ, စီၤၡ့ရ့ဘယၤ, စီၤယ့ၤၡူ, စီၤဘံနူၤ, ဒီးစီၤကးမံၤအ့လးအတၢ်နဲၣ်ကျဲအပူၤန့ၣ်ပှၤလ့ၤဝံ ဖိတဖၣ်ဘၣ်တၢ်နီၤလီၤအီၤလၢအကရူၢ်တဖၣ်န့ၣ်လီၤ. ဒ်အလီၤပလိာ်ဝဲဒီးယွၤအပှၤကညီစီၤပၤဒၤဝံးအတၢ်သိၣ်လိနဲၣ် ယုၤတဖၣ်အသိး, တဘျီန့ၣ်ပှၤအိၣ်ဝဲခံဖုလၢကသးဝံၣ်ခီဆၢတၢ်စံးထီၣ်ပတြၢၤ ကစၢ်ယွၤဒီးတၢ်ဟ့ၣ်အီၤတၢ်စံးဘျုးအဂီၢ်န့ၣ်လီၤ.

လံာ်စီၤနဃ့မယၤ 12:35

ပှၤလၢခံလၢအပိာ်ထီၣ်အခံန့ၣ်မ့ၢ်ဝဲစီၤစကၤရယၤလၢအမ့ၢ်စီၤ ယိနၤသၣ်အဖိခွါဒီးစီၤၡမါယၤအလံၤခွါန့ၣ်လီၤ. (အမိၢ်ပၢ်ဖံဖုလၢပျၢၤတဖၣ်အိၣ်ဝဲဃုာ်စ့ၢ်ကီးဒီးစီၤမးတၤနယၤ, စီၤမံၤကါယၤ, ဒီးစီၤစးကူၢ်လၢစီၤအၤစာ်အဒူၣ်ထၢန့ၣ်လီၤ).

လံာ်ဧၤမိၣ် 6:5

ဒ်စီၤဒၤဝံးမၤတ့ၢ်ဝဲအသိးသုအဲၣ်ဒိးကွဲးကဲထီၣ်တၢ်သးဝံၣ် တဖၣ်ဒီးဒ့အီၤလၢတနၢ်တဖၣ်န့ၣ်လီၤ.