လံာ်စီၤနဃ့မယၤ 12:27 - Sgaw Karen Common Bible

²⁷ တုၤဝ့ၢ်ယရူၤၡလ့ၣ်အဝ့ၢ်ခိၣ်ဒူဘၣ်တၢ်ပာ်စီဆှံထီၣ်အီၤန့ၣ်ပှၤ လ့ၤဝံဖိတဖၣ်အံၤဘၣ်တၢ်ဟဲကိးအီၤလၢအအိၣ်ဝဲဆိးဝဲ အလီၢ်ဒ်သိးအဝဲသ့ၣ်ကမၤဃုာ်တၢ်လၢတၢ်ပာ်စီဆှံတၢ်လုၢ်ဟံၣ် အပူၤခီဖျိတၢ်သးဝံၣ်စံးဘျုးစံးဖှိၣ်တဖၣ်, လၢအအိၣ်ဒီးစှၢၣ်စှံးဒီးသီတူၢ်န့ၣ်လီၤ.

လံာ်စီၤနဃ့မယၤ 12:27 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 6:12

စီၤပၤစီၤဒၤဝံးနၢ်ဟူဘၣ်ဝဲလၢ, မ့ၢ်လၢယွၤအတၢ်အၢၣ်လီၤအီ လီၤအတလါစီဆှံအဃိ, ယွၤဆိၣ်ဂ့ၤစီၤဧိၤဘ့းအ့ဒိၣ်အဟံၣ်ဖိဃီဖိဒီး ကယဲၢ်တၢ်အိၣ်ဒီးအီၤခဲလၢာ်န့ၣ်လီၤ. လၢတၢ်န့ၣ်အဃိအဝဲစိာ်ထီၣ်ယွၤအတၢ်အၢၣ်လီၤအီလီၤအတလါစီဆှံ လၢစီၤဧိၤဘ့းအ့ဒိၣ်အဟံၣ်ဒီးက့ၤစိာ်အီၤဆူ ဝ့ၢ်ယရူၤရှလ့ၣ်အိၣ်ဒီးတၢ်မၤမူးဖးဒိၣ်တမူးန့ၣ်လီၤ.

လံာ်စီၤပၤအခီၣ်ထံးတဘ့ၣ် 8:63

အဝဲလုၢ်ထီၣ်ဂီၤဖံးအဒုခံကလးခံကထိ, ဒီးသိအဒုတကလီၢ်ခံ ကလးဒ်တၢ်လုၢ်မၤဃူမၤဖိးအသိးန့ၣ်လီၤ. လၢတၢ်န့ၣ်အဃိ, စီၤပၤဒီးကယဲၢ်ပှၤဂီၢ်မုၢ်ခဲလၢာ်ပာ်စီဆှံ ယွၤအတၢ်လုၢ်ဟံၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 13:8

စီၤဧူးစးဒီးစီၤအဃံယိၤဆှၢလ့ၣ်ကဟၣ်ဖဲစီၤဒၤဝံးဒီး ကယဲၢ်အံၣ်စရ့လးအပှၤဂီၢ်မုၢ်ခဲလၢာ်, ဂဲၤကလံာ်လၢအဂံၢ်အဘါခဲလၢာ်လၢကမၤလၤကပီၤကစၢ်ယွၤန့ၣ်လီၤ. အဝဲသ့ၣ်သးဝံၣ်တၢ်အိၣ်ဒီးတၢ်ဒ့တၢ်အူအပီးအလီတဖၣ်လၢအမ့ၢ်, သီတူၢ်တဖၣ်, ဒၢတဖၣ်, စှၢၢ်စှံးတဖၣ်ဒီးကွဲၤတဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 15:12

အဝဲစံးဘၣ်ပှၤလ့ၤဝံဖိသ့ၣ်တဖၣ်, “သုမ့ၢ်ခိၣ်နၢ်တဖၣ်လၢပှၤလ့ၤဝံဖိအဒူၣ်ထၢတဖၣ်အပူၤန့ၣ် လီၤ. မၤကဆှီသုသးဒီးမၤကဆှီသုပှၤလ့ၤဝံဖိကဒဲကဒဲတဖၣ်ဒ်သိး သုဟဲစိာ်ယွၤ, အံၣ်စရ့လးအကစၢ်ယွၤအတၢ်အၢၣ်လီၤအီလီၤအတလါဆူတၢ်လီၢ်လၢ ယကတဲာ်ကတီၤပာ်လၢအဂီၢ်န့ၣ်ကသ့ဝဲတက့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 15:16

စီၤဒၤဝံးမၤလိာ်ပှၤလ့ၤဝံဖိအခိၣ်အနၢ်တဖၣ်လၢကဟ့ၣ်မူဟ့ၣ် ဒါပှၤလ့ၤဝံဖိတဖၣ်ဒ်သိးကသးဝံၣ်တၢ်အိၣ်ဒီးတၢ်ဒ့တၢ်အူ အပီးအလီ အကလုာ်ကလုာ်လၢအမ့ၢ်သီတူၢ်တဖၣ်တနၢ်တဖၣ်ဒီးစှၢၢ်စှံး တဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 15:28

အန့ၣ်ဒီးကယဲၢ်ပှၤအံၣ်စရ့လးဖိခဲလၢာ်ပိာ်ထီၣ်တၢ်အၢၣ်လီၤအီ လီၤတလါစီဆှံအခံဆူဝ့ၢ်ယရူၤၡလ့ၣ်အိၣ်ဃုာ်ဒီးတၢ်သူၣ်ခု သးခုအကိးပသူအသီၣ်တဖၣ်, ကွဲၤတဖၣ်, တနွဲတဖၣ်, ဒီးစှၢၢ်စှံးတဖၣ်အသီၣ်ဒီးသီတူၢ်တဖၣ်အတၢ်သးဝံၣ်အသီၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 15:4

မၤကဒီး, အဝဲမၤလိာ်စီၤအၤဟရိၣ်အစၢၤအသွဲၣ်တဖၣ်ဒီးပှၤလ့ၤ ဝံဖိသ့ၣ်တဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:42

စီၤဟ့မၣ်ဒီးစီၤယဒူသူၣ်မ့ၢ်စ့ၢ်ကီးပှၤအခိၣ်တဖၣ်လၢကွဲၤတ ဖၣ်, စှၢၢ်စှံးတဖၣ်, ဒီးတၢ်ဒ့တၢ်အူအပီးအလီအဂၤအဂီၢ်လၢအဘၣ်တၢ် ဒ့အီၤဖဲတၢ်သးဝံၣ်စံးထီၣ်ပတြၢၤဘၣ်တၢ်သးဝံၣ်အီၤအခါန့ၣ်လီၤ. စီၤယဒူသူၣ်အဒူၣ်ထၢဖိတဖၣ်န့ၣ်မ့ၢ်ပှၤအခိၣ်လၢတၢ်ပၢၤတြဲၤ တဖၣ်အဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:5

စီၤအၤစာ်မ့ၢ်ပှၤလၢအဘၣ်တၢ်ဃုထၢပာ်လီၤအီၤလၢပှၤအခိၣ်အိၣ် ဒီးစီၤစကၤရယၤဒ်ပှၤလၢကမၤစၢၤအီၤအသိးန့ၣ်လီၤ. စီၤယံၤအ့လး, စီၤၡမံၤရမိး, စီၤယဃံအ့လး, စီၤမးတံးသယၤ, စီၤအလံအာ်, စီၤဧိၤဘ့းအ့ဒိၣ်ဒီးစီၤယံၤအ့လးတဖၣ်မ့ၢ်ပှၤ ဘၣ်ဒ့သီတူၢ်တဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 23:5

ပှၤ လွံၢ်ကထိ ဂၤလၢကပၢၤပဲတြီ, ဒီးပှၤလွံၢ်ကထိ ဂၤလၢကစံးထီၣ်ပတြၢၤယွၤအိၣ်ဒီးတၢ်သူၣ်ဝံၣ်သးဆၢအပီးအလီ တဖၣ်လၢအဘၣ်တၢ်ဟ့ၣ်အီၤလၢစီၤပၤ, လၢတၢ်ကွၢ်စိအံၤအဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 26:31

စီၤယရံယၤမ့ၢ်ပှၤအခိၣ်လၢစီၤဃ့ဘြိၣ်အစၢၤအသွဲၣ်တဖၣ်အကျါ န့ၣ်လီၤ. ဖဲစီၤပၤစီၤဒၤဝံးပၢတၢ်လွံၢ်ဆံနံၣ်တနံၣ်န့ၣ်တၢ်ဃုသ့ၣ်ညါ တမံၤဘၣ်တၢ်မၤအီၤလၢပှၤဟဲလီၤစၢၤလီၤသွဲၣ်တဖၣ်လၢစီၤဃ့ ဘြိၣ်အဟံၣ်ဖိဃီဖိအကျါ, ဒီးပှၤသုးဖိအသ့အဘၣ်လီၤဆီဘၣ်ထွဲဒီးဟံၣ်ဖိဃီဖိအံၤဘၣ် တၢ်ထံၣ်န့ၢ်အီၤလၢအအိၣ်ဝဲဆိးဝဲဖဲဝ့ၢ်ယၤစ့ၢ်လၢကီၢ်ကံး လဧးအလီၢ်ကဝီၤအပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:25

စီၤပၤမၤထွဲတၢ်သိၣ်လိနဲၣ်ယုၤတဖၣ်လၢယွၤဟ့ၣ်လီၤတ့ၢ်စီၤ ပၤဒၤဝံးခီဖျိစီၤပၤအဝံစီၤကးဒီးဝံနၤသၣ်တဖၣ်န့ၣ်လီၤ. အဝဲပာ်လီၤပှၤလ့ၤဝံဖိတဖၣ်လၢယွၤအတၢ်လုၢ်ဟံၣ်အပူၤအိၣ်ဒီး သီတူၢ်တဖၣ်ဒီးစှၢၢ်စှံးတဖၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 29:30

စီၤပၤဒီးပှၤကလုာ်အခိၣ်အနၢ်တဖၣ်တဲဘၣ်ပှၤလ့ၤဝံဖိတဖၣ်လၢ ကသးဝံၣ်စံးထီၣ်ပတြၢၤယွၤလၢတၢ်သးဝံၣ်စံးထီၣ်ပတြၢၤလၢ အဘၣ်တၢ်ကွဲးအီၤလၢစီၤဒၤဝံးဒီးဝံအၤစာ်န့ၣ်လီၤ. လၢတၢ်န့ၣ်အဃိပှၤကိးဂၤဒဲးသးဝံၣ်ထီၣ်တၢ်လၢတၢ်သးခု ဖးဒိၣ်အပူၤဖဲအဝဲသ့ၣ်တီၤလီၤကဒွံကျိာ်ဒီးဘူၣ်ထီၣ်ဘါထီၣ် ကစၢ်ယွၤအခါန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 5:13

ပှၤသးဝံၣ်တၢ်ဖိတဖၣ်သးဝံၣ်တၢ်အိၣ်ဒီးတၢ်ဃူဃီၣ်လီၤပလိာ်အလၢ အပှဲၤလၢအမုာ်မးဘၣ်လိာ်ဖိးဒ့လိာ်အသးဒီးကွဲၤတဖၣ်, စှၢၣ်စှံးတဖၣ်ဒီးတၢ်ဒ့တၢ်အူအပိးအလီအဂၤတဖၣ်အသီၣ်, ဖဲအဝဲသ့ၣ်သးဝံၣ်စံးထီၣ်ပတြၢၤယွၤဒီးစံး, “စံးထီၣ်ပတြၢၤယွၤတက့ၢ်. အဂ့ၢ်ဒ်အံၤ, အဝဲဒၣ်န့ၣ်ဂ့ၤဝဲလီၤ. ဒီးအဝဲအတၢ်အဲၣ်န့ၣ်မ့ၢ်တၢ်အဲၣ်အထူ အယိာ်လီၤ.” သတူၢ်ကလာ်တၢ်လုၢ်ဟံၣ်န့ၣ်ဘၣ်တၢ်မၤပှဲၤအီၤဒီးတၢ် အၢၣ်လၢအကပီၤဝဲဒီးယွၤအတၢ်အိၣ်ဝဲအတၢ်ကပြုၢ်ကပြီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:6

ပှၤလုၢ်တၢ်အခိၣ်တဖၣ်ဆၢထၢၣ်ဝဲဖဲတၢ်လီၢ်တဖၣ်လၢအဘၣ်တၢ်ပာ်လီၤ အီၤဒီးလၢအဝဲသ့ၣ်အမဲာ်ညါလိၤလိၤန့ၣ်, ပှၤလ့ၤဝံဖိတဖၣ်ဆၢထၢၣ်ဝဲစံးထီၣ်ပတြၢၤယွၤလၢတၢ်ဒ့တၢ်အူ အပီးအလီတဖၣ်လၢစီၤပၤဒၤဝံးမၤပာ်စၢၤတ့ၢ်ဝဲ, ဒီးသးဝံၣ်ထါသးဝံၣ်, “အဝဲအတၢ်အဲၣ်မ့ၢ်တၢ်အထူအယိာ်” ဒ်အဝဲသ့ၣ်ဘၣ်တၢ်မၢတ့ၢ်ဒီးဟ့ၣ်စိဟ့ၣ်ကမီၤအီၤလၢစီၤဒၤဝံး အသိးန့ၣ်လီၤ. ဖဲပှၤဂီၢ်မုၢ်ခဲလၢာ်ဆၢထၢၣ်ဝဲန့ၣ်, ပှၤလုၢ်တၢ်အခိၣ်တဖၣ်အူထီၣ်ကွဲၤတဖၣ်န့ၣ်လီၤ.

လံာ်စီၤဧ့စြၤ 6:16

အန့ၣ်ဒီးပှၤအံၣ်စရ့လးဖိလၢအမ့ၢ်, ပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်, ဒီးကယဲၢ်ပှၤအဂၤလၢအဟဲက့ၤလၢတၢ်စိာ်မၢ ကဲကုၢ်အလီၢ်န့ၣ်, ပာ်စီဆှံတၢ်လုၢ်ဟံၣ်လၢတၢ်သူၣ်ခု သးခုအပူၤန့ၣ်လီၤ.

လံာ်စီၤနဃ့မယၤ 11:20

ကီၢ်အံၣ်စရ့လးအပှၤဂီၢ်မုၢ်အဂၤဒီး, ပှၤလုၢ်တၢ်အခိၣ်ဒီးပှၤ လ့ၤဝံဖိလၢအအိၣ်လီၤတဲာ်တဖၣ်န့ၣ်အိၣ်ဝဲဆိးဝဲဖဲအဝဲသ့ၣ် အတၢ်စုလီၢ်ခီၣ်ခိၣ်အိၣ်ဝဲလၢကီၢ်ယူဒၤအဝ့ၢ်အဂၤတဖၣ်အပူၤန့ၣ် လီၤ.

လံာ်စီၤနဃ့မယၤ 12:43

လၢမုၢ်တနံၤန့ၣ်တၢ်လုၢ်တၢ်ပာ်အါမးဘၣ်တၢ်လုၢ်ထီၣ်အီၤဒီးပှၤ ဂီၢ်မုၢ်ပှဲၤဝဲဒီးတၢ်သူၣ်ခုသးခုမ့ၢ်လၢကစၢ်ယွၤဒုးသးခုအဝဲသ့ၣ် ဒိၣ်မးအဃိန့ၣ်လီၤ. ပှၤပိာ်မုၣ်တဖၣ်, ပှၤဖိဒံဖိသၣ်တဖၣ်ပာ်ဖှိၣ်အသးလၢတၢ်မၤမူးအပူၤဒီးအဝဲသ့ၣ် ခဲလၢာ်အကလုၢ်အသီၣ်န့ၣ်ဘၣ်တၢ်နၢ်ဟူအီၤသ့ဝဲဖးယံၤဖးသံန့ၣ် လီၤ.

လံာ်စီၤနဃ့မယၤ 8:17

ကယဲၢ်ပှၤဂီၢ်မုၢ်လၢအဟဲက့ၤလၢတၢ်စိာ်မၢကဲကုၢ်အလီၢ်တဖၣ်န့ၣ် ဘှီထီၣ်ဒဲတဖၣ်ဒီးအိၣ်ဝဲလၢအပူၤန့ၣ်လီၤ. တၢ်အံၤမ့ၢ်အဆိကတၢၢ်တဘျီလၢတၢ်မၤအီၤစးထီၣ်ဖဲ စီၤနိၣ်အဖိခွါစီၤယိၤၡူအမုၢ်နံၤတဖၣ်ဝံၤအလီၢ်ခံန့ၣ်လီၤ. ကယဲၢ်ပှၤခဲလၢာ်အသူၣ်ပိၢ်အသးဝးဒီးသူၣ်ဖှံသးညီဝဲဒၣ်န့ၣ်လီၤ.

စံးထီၣ်ပတြၢၤ 149:3

မ်အဝဲသ့ၣ်စံးထီၣ်ပတြၢၤအမံၤလၢတၢ်ဂဲၤကလံၣ်, သးဝံၣ်ထီၣ်အီၤလၢဒၢဖိဒီးတနၢ်တက့ၢ်.

စံးထီၣ်ပတြၢၤ 30:1

ယွၤဧၢ, ယပာ်ထီၣ်ထီနၤ, မ့ၢ်လၢနမၤပူၤဖျဲးယၤ, ဒီးတပျဲယဒုၣ်ယဒါသးခုလၢ ယဖီခိၣ်အဃိန့ၣ်လီၤ.

လံာ်သိၣ်လီၤသီလီၤတၢ် 16:11

သူၣ်ခုသးခုလၢအမဲာ်ညါ, ဃုာ်ဒီးသုဖိတဖၣ်, သုကုၢ်သုပှၤတဖၣ်ဒီးပှၤလ့ၤဝံဖိတဖၣ်, ပှၤတခီဘီမုၢ်ဖိတ ဖၣ်, ပှၤဖိၣ်ဃဲတဖၣ်, ဒီးပှၤမုၣ်ကမဲတဖၣ်လၢအအိၣ်ဆိးလၢသုဝ့ၢ်တဖၣ်ပူၤန့ၣ်တက့ၢ်. မၤတၢ်အံၤဖဲတၢ်ဘူၣ်ထီၣ်ဘါထီၣ်အလီၢ်တတီၤန့ၣ်တက့ၢ်.

လံာ်သိၣ်လီၤသီလီၤတၢ် 20:5

ဝံၤဒီးသုးခိၣ်သုးနၢ်တဖၣ်ကကတိၤလီၤတၢ်ဆူပှၤတဖၣ်ဒီးစံး, ဖဲအံၤ, မ့ၢ်ပှၤအိၣ်တဂၤဂၤလၢအဘှီထီၣ်ဟံၣ်တဖျၢၣ်ဝံၤဒၣ်သီသီ ဖိဒီးတပာ်စီဆှံဘၣ်ဒံးအီၤန့ၣ်ဧါ. မ့ၢ်အိၣ်ဒီး, အဝဲသ့ၣ်ကဘၣ်က့ၤဆူဟံၣ်လီၤ. မ့တမ့ၢ်ဘၣ်န့ၣ်, အဝဲမ့ၢ်ဘၣ်တၢ်မၤသံအီၤလၢတၢ်ဒုးအပူၤဒီးပှၤအဂၤတဂၤကပာ်စီ ဆှံကွံာ်အဟံၣ်န့ၣ်လီၤ.

ဖံလံးပံၤ 4:4

မ်သုသးခုလၢကစၢ်အပူၤထီဘိတက့ၢ်. ယစံးကဒီးသးခုတက့ၢ်.

လံာ်လီၣ်ဖျါ 5:8

ဖဲအမၤဝဲဒ်န့ၣ်န့ၣ်, တၢ်အသးသမူအိၣ်လွံၢ်ဒုဒီးပှၤသူၣ်က့သး ပှၢ်ခံဆံလွံၢ်ဂၤထိၣ်လီၤပှီၤအသးလၢသိဖိအမဲာ်ညါလီၤ. အဝဲသ့ၣ်တဒုဘၣ်တဒု, တဂၤဘၣ်တဂၤအိၣ်ဒီးတနၢ်တဆိဒီးသလၢထူတဖၣ်လၢ အပှဲၤဒီးတၢ်နၢမူနၢဆှီ, လၢအမ့ၢ်ကစၢ်ယွၤအပှၤဂီၢ်မုၢ်အတၢ်ထုကဖၣ်တဖၣ်န့ၣ်လီၤ.