လံာ်စီၤနဃ့မယၤ 12:26 - Sgaw Karen Common Bible

²⁶ ပှၤဂီၢ်မုၢ်တဖၣ်အံၤအိၣ်မူဝဲဖဲစီၤယိယၤကံၣ်လၢအမ့ၢ်စီၤယိၤၡူ အဖိခွါစီၤယိၤစါဒးအလံၤခွါအမုၢ်နံၤ, ဒီးပဒိၣ်ဖးဒိၣ်စီၤ နဃ့မယၤအမုၢ်နံၤဒီးပှၤလုၢ်တၢ်အခိၣ်ဒီးပှၤသ့ပှၤဘၣ်လၢယူဒၤ အတၢ်သိၣ်တၢ်သီအပူၤ, စီၤဧ့စြၤအမုၢ်နံၤန့ၣ်လီၤ.

လံာ်စီၤနဃ့မယၤ 12:26 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 9:26

အဝဲမ့ၢ်စီၤပၤလၢအစိကမီၤအိၣ်ဝဲအဒိၣ်ကတၢၢ်လၢကယဲၢ်စီၤပၤ ခဲလၢာ်အဖီခိၣ်လၢအအိၣ်ဝဲလၢလီၢ်ကဝီၤတဖၣ်စးထီၣ်လၢထံ မိၢ်ပှၢ်ဖရၤသးတုၤဆူကီၢ်ဖလ့ၡသးဒီးလၢကီၢ်အဲၤကူပတူးအကီၢ် ဆၢန့ၣ်လီၤ.

လံာ်စီၤဧ့စြၤ 7:11

စီၤပၤဖးဒိၣ်အၢ်တၤၡါၡတၤဟ့ၣ်ဃီၤလံာ်ကွဲးနီၣ်ဟ့ၣ်စိဟ့ၣ် ကမီၤဒ်လာ်အံၤဆူစီၤဧ့စြၤအစုပူၤ, ပှၤတဂၤလၢအမ့ၢ်ပှၤလုၢ်တၢ်အခိၣ်ဒီးပှၤကူၣ်ဘၣ်ဘၣ်ကူၣ်သ့, ပှၤလၢအအိၣ်ဒီးတၢ်သ့ၣ်ညါနၢ်ပၢၢ်ဂ့ၤဂ့ၤကလဲာ်ဘၣ်ထွဲဒီးတၢ် စူၢ်တၢ်နာ်အတၢ်သိၣ်တၢ်သီတဖၣ်ဒီးတၢ်မၤလိာ်တဖၣ်လၢယွၤဟ့ၣ်လီၤ တ့ၢ်ပှၤအံၣ်စရ့လးဖိတဖၣ်န့ၣ်လီၤ.

လံာ်စီၤဧ့စြၤ 7:6

စီၤဧ့စြၤမ့ၢ်ပှၤကူၣ်သ့ကူၣ်ဘၣ်တဂၤလၢအအိၣ်ဒီးတၢ်သ့ၣ်ညါနၢ် ပၢၢ်ဂ့ၤဂ့ၤကလဲာ်ဖဲအဘၣ်ထွဲဒီးပှၤယူဒၤဖိအတၢ်သိၣ်တၢ်သီ လၢယွၤ, အံၣ်စရ့လးအကစၢ်ယွၤဟ့ၣ်တ့ၢ်စီၤမိၤၡ့န့ၣ်လီၤ. မ့ၢ်လၢစီၤဧ့စြၤဒိးန့ၢ်ကစၢ်, အဝဲအကစၢ်ယွၤအတၢ်ဆိၣ်ဂ့ၤအဃိ, စီၤပၤဖးဒိၣ်ဟ့ၣ်အီၤတၢ်လၢအဃ့ဝဲတမံၤလၢ်လၢ်န့ၣ်လီၤ. လၢစီၤအၢ်တၤၡါၡတၤပၢတၢ်နွံနံၣ်တနံၣ်န့ၣ်စီၤဧ့စြၤဟးထီၣ် လၢကီၢ်ဘၤဘူၤလိၣ်ဒ်သိးကလဲၤဆူဝ့ၢ်ယရူၤၡလ့ၣ်ဃုာ်ဒီးပှၤအံၣ် စရ့လးဖိတဖုလၢအအိၣ်ဝဲဒီးပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်, တၢ်လုၢ်ဟံၣ်အပှၤသးဝံၣ်တၢ်ဖိတဖၣ်, တၢ်လုၢ်ဟံၣ်အပှၤပၢၤတၢ်တဖၣ် ဒီးပှၤမၤတၢ်လၢတၢ်လုၢ်ဟံၣ်အပူၤတဖၣ်န့ၣ်လီၤ.

လံာ်စီၤနဃ့မယၤ 8:1

ဒီးတုၤလီၤလၢလါနွံလါတလါန့ၣ်ကီၢ်အံၣ်စရ့လးအပှၤဂီၢ်မုၢ် တဖၣ်ခဲလၢာ်သူၣ်လီၤဆီလီၤအတၢ်အိၣ်တၢ်ဆိးအလီၢ်လၢအဝ့ၢ်ဒၣ်ဝဲ တဖၣ်အပူၤန့ၣ်လီၤ. ဒီးလၢလါန့ၣ်ထီၣ်တသီအနံၤန့ၣ်အဝဲသ့ၣ်ခဲလၢာ်အိၣ်ဖှိၣ်ရိ ဖှိၣ်လၢဝ့ၢ်ယရူၤၡလ့ၣ်အပူၤ, ဖဲပဲတြီထံအမဲာ်ညါတၢ်လီၢ်လီၤ ပျီန့ၣ်လီၤ. ဒီးအဝဲသ့ၣ်တဲဘၣ်ပှၤလုၢ်တၢ်အခိၣ်ဒီးပှၤသ့ယူဒၤအတၢ်သိၣ်တၢ် သီလၢယွၤဟ့ၣ်လီၤပှၤအံၣ်စရ့လးဖိခီဖျိစီၤမိၤၡ့, လၢအမ့ၢ်စီၤဧ့စြၤဒ်သိးအကဟဲစိာ်ယူဒၤအတၢ်သိၣ်တၢ်သီ အလံာ်န့ၣ်လီၤ.

လံာ်စီၤနဃ့မယၤ 8:9

တုၤပှၤဂီၢ်မုၢ်နၢ်ဟူဘၣ်တၢ်လၢယူဒၤအတၢ်သိၣ်တၢ်သီဃ့ဝဲန့ၣ်, အဝဲသ့ၣ်အသးဘၣ်ဒိတုၤအစးထီၣ်ဟီၣ်ဝဲလီၤ. လၢတၢ်န့ၣ်အဃိ, ပဒိၣ်ဖးဒိၣ်စီၤနဃ့မယၤ, ပှၤလုၢ်တၢ်အခိၣ်ဒီးပှၤသ့ပှၤဘၣ်လၢယူဒၤအတၢ်သိၣ်တၢ်သီအဂ့ၢ် စီၤဧ့စြၤ, ဒီးပှၤလ့ၤဝံဖိတဖၣ်လၢအတဲနၢ်ပၢၢ်တ့ၢ်ယူဒၤအတၢ်သိၣ်တၢ်သီ န့ၣ်စံးဘၣ်ပှၤဂီၢ်မုၢ်ခဲလၢာ် “မုၢ်တနံၤအံၤမ့ၢ်မုၢ်နံၤစီဆှံလၢယွၤသုကစၢ်ယွၤအဂီၢ်အဃိသူၣ် အုးသးအုးတဂ့ၤဒီးဟီၣ်တဂ့ၤ.