လံာ်စီၤနဃ့မယၤ 12:25 - Sgaw Karen Common Bible

²⁵ ပှၤခိးတၢ်လုၢ်ဟံၣ်လၢလာ်တဖၣ်အံၤမ့ၢ်ပှၤအခိၣ်လၢအပၢၤတၢ်ပာ် ဖှိၣ်အဒၢးတဖၣ်ဖဲယွၤအတၢ်လုၢ်ဟံၣ်အတြဲၤတဖၣ်န့ၣ်လီၤ. အဝဲသ့ၣ်မ့ၢ်ဝဲ, စီၤမးတၤနယၤ, စီၤဘးကဘူကယၤ, စီၤဧိၤဘါဒယၤ, စီၤမၡူလၣ်, စီၤတၤလမိၣ်ဒီးစီၤဧးကူာ်န့ၣ်လီၤ.

လံာ်စီၤနဃ့မယၤ 12:25 Iomraidhean Croise

လံာ်စီၤပၤခံဘ့ၣ်တဘ့ၣ် 7:10

လၢတၢ်န့ၣ်အဃိ, အဝဲသ့ၣ်ဟးထီၣ်ကွံာ်လၢပှၤစူၤရံဖိတဖၣ်သူၣ် ဒဲအလီၢ်, ဒီးက့ၤကဒါက့ၤဝဲဆူဝ့ၢ်ၡၤမရံဒီးကိးထီၣ်ဆူပှၤပၢၤတၢ် တဖၣ်လၢဝ့ၢ်အတြဲၤန့ၣ်, “ပလဲၤတၢ်ဆူပှၤစူၤရံဖိသူၣ်ဒဲအလီၢ်, ဒီးပတထံၣ်ဘၣ်ပှၤနီတဂၤမ့ၢ်ဂ့ၤနၢ်ဟူဘၣ်အကလုၢ်နီတမံၤမ့ၢ် ဂ့ၤဘၣ်. ကသ့ၣ်တဖၣ်ဒီးကသ့ၣ်ယီၤတဖၣ်အိၣ်စၢဃာ်အသးဒီးဒဲတဖၣ်အိၣ်ဒၣ်ဒ် ပှၤစူၤရံဖိတဖၣ်ပာ်တီၢ်တ့ၢ်ဝဲအသိးန့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 23:32

အဝဲသ့ၣ်ဘၣ်တၢ်ဟ့ၣ်မူဟ့ၣ်ဒါအီၤလၢကအံးထွဲကွၢ်ထွဲယွၤအဒဲ စီဆှံလၢယွၤအိၣ်ဝဲ, ဒီးယွၤအတၢ်လုၢ်ဟံၣ်, ဒီးကဘၣ်မၤစၢၤအဝဲသ့ၣ်အဘူးအတံၢ်တဖၣ်, ပှၤလုၢ်တၢ်အခိၣ်တဖၣ်လၢအဟဲလီၤစၢၤလီၤသွဲၣ်လၢစီၤအၤဟရိၣ်လၢ တၢ်ဘူၣ်တၢ်ဘါလၢတၢ်လုၢ်ဟံၣ်ပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 26:12

ပှၤခိးပၢၤတၢ်လုၢ်ဟံၣ်ဖိတဖၣ်, ဘၣ်တၢ်နီၤဖးလီၤအီၤဆူ ကရူၢ်သ့ၣ်တဖၣ်, ဒ်အဟံၣ်ဖိဃီဖိဒၣ်ဝဲအသိး, ဒီးဘၣ်တၢ်ဟ့ၣ်မူဟ့ၣ်ဒါအီၤတၢ်မၤတဖၣ်လၢတၢ်လုၢ်ဟံၣ်အပူၤဒ် ပှၤလ့ၤဝံဖိအဂၤတဖၣ်ဘၣ်မၤဝဲအသိးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 26:15

စီၤဧိၤဘ့းအ့ဒိၣ်ဖီၣ်တၢ်ဖးလီၤလၢကလံၤထံးတြဲၤဒီးအဝဲ အဖိခွါတဖၣ်ဖီၣ်တၢ်ဖးလီၤလၢကဘၣ်ပၢၤတၢ်ပာ်ဖှိၣ်အဒၢးတဖၣ်န့ၣ် လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 26:17

လၢမုၢ်ထီၣ်န့ၣ်ပှၤပၢၤတၢ်ဖိဃုဂၤဘၣ်ခိးတၢ်ကိးမုၢ်နံၤဒဲး, လၢကလံၤစိးန့ၣ်ပှၤလွံၢ်ဂၤ, ဒီးလၢကလံၤထံးန့ၣ်ပှၤလွံၢ်ဂၤ န့ၣ်လီၤ. ပှၤပၢၤတၢ်ဖိလွံၢ်ဂၤဘၣ်တၢ်ပာ်လီၤအီၤဖဲတၢ်ပာ်ဖှိၣ်အဒၢးတဖၣ် ကိးမုၢ်နံၤဒဲး, ခံဂၤ, ခံဂၤလၢတၢ်ပာ်ဖှိၣ်အဒၢးတဖျၢၣ်စုာ်စုာ်အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 8:14

ပိာ်ထွဲထီၣ်တၢ်သိၣ်တၢ်ဘျၢတဖၣ်လၢအဘၣ်တၢ်ပာ်လီၤတ့ၢ်အီၤလၢ အပၢ်စီၤဒၤဝံးအခံန့ၣ်, အဝဲကရၢကရိထီၣ်တနံၤဘၣ်တနံၤအတၢ်မၤလၢပှၤလုၢ်တၢ်အခိၣ်တဖၣ်အ ဂီၢ်, ဒီးလၢပှၤလ့ၤဝံဖိတဖၣ်လၢအမၤစၢၤပှၤလုၢ်တၢ်အခိၣ်တဖၣ်လၢတၢ် သးဝံၣ်ထါသးဝံၣ်တဖၣ်ဒီးလၢတၢ်မၤအဝဲသ့ၣ်အတၢ်မၤအပူၤအဂီၢ် န့ၣ်လီၤ. အဝဲကရၢကရိထီၣ်စ့ၢ်ကီးပှၤပၢၤတၢ်လုၢ်ဟံၣ်တဖၣ်တဖုဘၣ်တဖု လၢအကမၤအဝဲသ့ၣ်အမူအဒါတနံၤဘၣ်တနံၤဖဲတြဲၤဖးဒိၣ်တဘ့ၣ်စုာ် စုာ်, လီၤပလိာ်ဝဲဒီးကစၢ်ယွၤအပှၤကညီစီၤဒၤဝံးအတၢ်မၤလိာ်တဖၣ် န့ၣ်လီၤ.

လံာ်ယၡါယၤ 21:8

ပှၤခိးတၢ်ဖိကိးထီၣ်ဝဲ, “တၢ်ဒိၣ်ဧၢ, ယဆၢထၢၣ်ခိးတ့ၢ်တၢ် လၢယလီၢ်မနၤနၤမဆါဆါလီၤ.”