လံာ်စီၤနဃ့မယၤ 12:24 - Sgaw Karen Common Bible

²⁴ လၢစီၤဃၡၤဘယၤ, စီၤၡ့ရ့ဘယၤ, စီၤယ့ၤၡူ, စီၤဘံနူၤ, ဒီးစီၤကးမံၤအ့လးအတၢ်နဲၣ်ကျဲအပူၤန့ၣ်ပှၤလ့ၤဝံ ဖိတဖၣ်ဘၣ်တၢ်နီၤလီၤအီၤလၢအကရူၢ်တဖၣ်န့ၣ်လီၤ. ဒ်အလီၤပလိာ်ဝဲဒီးယွၤအပှၤကညီစီၤပၤဒၤဝံးအတၢ်သိၣ်လိနဲၣ် ယုၤတဖၣ်အသိး, တဘျီန့ၣ်ပှၤအိၣ်ဝဲခံဖုလၢကသးဝံၣ်ခီဆၢတၢ်စံးထီၣ်ပတြၢၤ ကစၢ်ယွၤဒီးတၢ်ဟ့ၣ်အီၤတၢ်စံးဘျုးအဂီၢ်န့ၣ်လီၤ.

လံာ်စီၤနဃ့မယၤ 12:24 Iomraidhean Croise

လံာ်စီၤပၤအခီၣ်ထံးတဘ့ၣ် 17:24

မုၣ်ကမဲစံးဆၢအီၤ, “ဒီးခဲကနံၣ်အံၤ, ယသ့ၣ်ညါလၢနမ့ၢ်ကစၢ် ယွၤအပှၤကညီတဂၤဒီးလၢယွၤကတိၤတၢ်နီၢ်နီၢ်ခီဖျိနၤလီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 16:4

စီၤဒၤဝံးဃုထၢပာ်ပှၤလ့ၤဝံဖိတနီၤလၢကဆှၢတၢ်ဘူၣ်ထီၣ်ဘါ ထီၣ်ယွၤ, အံၣ်စရ့လးအကစၢ်ယွၤလၢတၢ်အၢၣ်လီၤအီလီၤအတလါစီဆှံအမဲာ် ညါ, ခီဖျိတၢ်သးဝံၣ်ဒီးတၢ်စံးထီၣ်ပတြၢၤအီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 8:14

ပိာ်ထွဲထီၣ်တၢ်သိၣ်တၢ်ဘျၢတဖၣ်လၢအဘၣ်တၢ်ပာ်လီၤတ့ၢ်အီၤလၢ အပၢ်စီၤဒၤဝံးအခံန့ၣ်, အဝဲကရၢကရိထီၣ်တနံၤဘၣ်တနံၤအတၢ်မၤလၢပှၤလုၢ်တၢ်အခိၣ်တဖၣ်အ ဂီၢ်, ဒီးလၢပှၤလ့ၤဝံဖိတဖၣ်လၢအမၤစၢၤပှၤလုၢ်တၢ်အခိၣ်တဖၣ်လၢတၢ် သးဝံၣ်ထါသးဝံၣ်တဖၣ်ဒီးလၢတၢ်မၤအဝဲသ့ၣ်အတၢ်မၤအပူၤအဂီၢ် န့ၣ်လီၤ. အဝဲကရၢကရိထီၣ်စ့ၢ်ကီးပှၤပၢၤတၢ်လုၢ်ဟံၣ်တဖၣ်တဖုဘၣ်တဖု လၢအကမၤအဝဲသ့ၣ်အမူအဒါတနံၤဘၣ်တနံၤဖဲတြဲၤဖးဒိၣ်တဘ့ၣ်စုာ် စုာ်, လီၤပလိာ်ဝဲဒီးကစၢ်ယွၤအပှၤကညီစီၤဒၤဝံးအတၢ်မၤလိာ်တဖၣ် န့ၣ်လီၤ.

လံာ်စီၤဧ့စြၤ 2:40

ပှၤလ့ၤဝံအဒူၣ်ဖိထၢဖိလၢအဟဲက့ၤကဒါက့ၤလၢတၢ်စိာ်မၢကဲ ကုၢ်အလီၢ်န့ၣ်မ့ၢ်ဝဲ, ပှၤယ့ၤၡူဖိဒီးပှၤကးမံၤအ့လးဖိ (စီၤဟိဒၤဝယၤအစၢၤအသွဲၣ် တဖၣ်), နွံဆံလွံၢ် ဂၤ,

လံာ်စီၤနဃ့မယၤ 11:17

ဒီးစီၤမးတၤနယၤလၢအမ့ၢ်စီၤမံၤတါအဖိခွါဒီးစီၤစးဘဒံၤ အလံၤခွါမ့ၢ်ပှၤတဂၤလၢအဟဲလီၤစၢၤလီၤသွဲၣ်လၢစီၤအၤစာ်န့ၣ်လီၤ. အဝဲမ့ၢ်ပှၤဆှၢတၢ်လုၢ်ဟံၣ်အတၢ်သးဝံၣ်ရိဖဲပှၤသးဝံၣ်တၢ်စံး ဘျုးစံးဖှိၣ်အတၢ်ထုကဖၣ်န့ၣ်လီၤ. စီၤဘးကဘူကယၤမ့ၢ်ပှၤမၤစၢၤစီၤမးတၤနယၤန့ၣ်လီၤ. ဒီးစီၤဧၤဘဒါလၢအမ့ၢ်စီၤၡံမူၤအဖိခွါဒီးစီၤကၤလလး အလံၤခွါမ့ၢ်ပှၤတဂၤလၢအဟဲလီၤစၢၤလီၤသွဲၣ်လၢစီၤယဒူသူၣ် န့ၣ်လီၤ.

လံာ်စီၤနဃ့မယၤ 12:23

ဘၣ်ဆၣ်ဒီးလ့ၤဝံအဟံၣ်ဖိဃီဖိအခိၣ်အနၢ်တဖၣ်ဘၣ်တၢ်ကွဲးနီၣ် ပာ်အီၤလၢပဒိၣ်ပပှၢ်အတၢ်ကွဲးနီၣ်အပူၤတုၤဒၣ်ဖဲစီၤအ့လယၤ ၡံာ်အလံၤခွါစီၤယိနၤသၣ်အစိၤန့ၣ်လီၤ.

လံာ်စီၤနဃ့မယၤ 12:36

အဝဲဘၣ်တၢ်ပိာ်ထွဲထီၣ်အခံလၢပှၤအဂၤလၢအဝဲအဒူၣ်ထၢ အကျါလၢအမ့ၢ်, စီၤၡမါယၤ, စီၤဧစၤရ့လး, စီၤမံလလဲၤ, စီၤကံလလဲၤ, စီၤမၤဧၤ, စီၤနၤသန့လး, စီၤယူဒၤဒီးစီၤ ဃနၤနံတဖၣ်န့ၣ်လီၤ. အဝဲသ့ၣ်ခဲလၢာ်စိာ်ဝဲတၢ်ဒ့တၢ်အူ အပီးအလီအကလုာ်တဖၣ်လၢကစၢ်ယွၤအခ့အပှၤစီၤဒၤဝံးဒ့တ့ၢ်ဝဲ တဖၣ်န့ၣ်လီၤ. ပှၤကူၣ်သ့ကူၣ်ဘၣ်စီၤဧ့စြၤဆှၢကရူၢ်အံၤလၢတၢ် ဟးထီၣ်အပူၤန့ၣ်လီၤ.

လံာ်စီၤနဃ့မယၤ 8:7

အန့ၣ်ဝံၤဒီးအဝဲသ့ၣ်ဆၢထၢၣ်လၢအလီၢ်တဖၣ်, ဒီးပှၤလ့ၤဝံဖိ လၢလာ်တဖၣ်အံၤတဲနၢ်ပၢၢ်အဝဲသ့ၣ်လၢယူဒၤအတၢ်သိၣ်တၢ်သီန့ၣ် လီၤ. စီၤယ့ၤၡူ, စီၤဘၤနံ, စီၤၡ့ရ့ဘယၤ, စီၤယၤမံၣ်, စီၤဧးကူာ်, စီၤၡံၤဘသဲၤ, စီၤဟိၤဒံယၤ, စီၤမၤစ့ယၤ, စီၤက့လံတၤ, စီၤဧစၤရယၤ, စီၤယိစဘး, စီၤဃၤနၣ်, စီၤပလါယၤသ့ၣ်တဖၣ်န့ၣ်လီၤ.

လံာ်စီၤနဃ့မယၤ 9:4

စိၤမိၤအိၣ်ဝဲတဖျၢၣ်လၢပှၤလ့ၤဝံဖိတဖၣ်အဂီၢ်, ဒီးစီၤယ့ၤၡူ, စီၤဘၤနံ, စီၤကးမံၤအ့လး, စီၤၡဘၤနယၤ, စီၤဘူနံၤ, စီၤၡ့ရ့ဘယၤ, စီၤဘၤနံ, စီၤကနၤနံသ့ၣ်တဖၣ်ဆၢထၢၣ်လၢအဖီခိၣ်န့ၣ်လီၤ. အဝဲသ့ၣ်ဘါထုကဖၣ်လၢအကလုၢ်ဖးဒိၣ်ဆူယွၤ, အဝဲသ့ၣ်အကစၢ်ယွၤအအိၣ်န့ၣ်လီၤ.

လံာ်သိၣ်လီၤသီလီၤတၢ် 33:1

တၢ်တဖၣ်အံၤမ့ၢ်တၢ်ဆိၣ်ဂ့ၤတဖၣ်လၢကစၢ်ယွၤအပှၤကညီ စီၤမိၤၡ့တဲဖျါထီၣ်ဝဲလၢကီၢ်အံၣ်စရ့လးအပှၤဂီၢ်မုၢ်အဂီၢ် တချုးလၢအဝဲသံဒံးဘၣ်န့ၣ်လီၤ.

၁ တံၤမသ့း 6:11

မ့မ့ၢ်နဲဒၣ်, ကစၢ်ယွၤအပှၤကညီဧၢ, ပဒ့ၣ်ဟးဆှဲးတၢ်သ့ၣ်တဖၣ်အံၤခဲလၢာ်တက့ၢ်. ဂုာ်ကျဲးစၢးဒ်သိးနကအိၣ်ဒီးတၢ်တီတၢ်လိၤ, တၢ်အဲၣ်ထူအဲၣ်ယွၤ, တၢ်စူၢ်တၢ်နာ်, တၢ်အဲၣ်တၢ်ကွံ, တၢ်သ့တူၢ်တၢ်, ဒီးတၢ်သူၣ်ကပုာ်သးကပုာ်သ့ၣ်တဖၣ်န့ၣ်တက့ၢ်.

၂ တံၤမသ့း 3:17

ဒ်သိးကစၢ်ယွၤအပှၤကညီကလၢထီၣ်ပှဲၤထီၣ်ဒီးကအိၣ် ကတဲာ်ကတီၤအသးလၢကမၤတၢ်အဂ့ၤတမံၤလၢ်လၢ် အဂီၢ်န့ၣ်လီၤ.

လံာ်စီၤယိၤၡူ 14:6

ဘၣ်တနံၤပှၤယူဒၤအဒူၣ်ဖိတနီၤဟဲဆူစီၤယိၤၡူအအိၣ်ဖဲဝ့ၢ်ကံး လကၤလးန့ၣ်လီၤ. အကျါတဂၤလၢအမ့ၢ်ပှၤကနးဖိစီၤယဖူန့ၤအဖိခွါစီၤကၤလ့းန့ၣ်စံးဘၣ်အီၤ, “နသ့ၣ်ညါတၢ်လၢယွၤစံးဘၣ်စီၤမိၤၡ့လၢယဂ့ၢ်ဒီးနဂ့ၢ် ဖဲဝ့ၢ်ကၤဒ့ၣ်ဘၢ်န့အပူၤကစီဒီလီၤ.