လံာ်စီၤနဃ့မယၤ 11:3 - Sgaw Karen Common Bible

³ လၢဝ့ၢ်အဂၤတဖၣ်အပူၤန့ၣ်ကီၢ်အံၣ်စရ့လးအပှၤဂီၢ်မုၢ်, ပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်, ပှၤမၤတၢ်လၢတၢ်လုၢ် ဟံၣ်တဖၣ်, ဒီးပှၤလီၤစၢၤလီၤသွဲၣ်လၢစီၤၡလိၤမိၤအခ့အပှၤတဖၣ်အိၣ်ဝဲ ဆိးဝဲဖဲဝ့ၢ်တဖၣ်လၢအဝဲသ့ၣ်အတၢ်စုလီၢ်ခီၣ်ခိၣ်ဒၣ်ဝဲအိၣ်, အပူၤန့ၣ်လီၤ. အအံၤမ့ၢ်လီၢ်ကဝီၤလၢကီၢ်ယူဒၤပူၤအထံ ဖိကီၢ်ဖိခိၣ်နၢ်တဖၣ်လၢအအိၣ်ဝဲဆိးဝဲလၢဝ့ၢ်ယရူၤရှလ့ၣ်အပူၤ အမံၤအသၣ်န့ၣ်လီၤ.

လံာ်စီၤနဃ့မယၤ 11:3 Iomraidhean Croise

လံာ်စီၤဧ့စြၤ 2:1

ပှၤအါဂၤလၢပှၤဘၣ်စိာ်မၢကဲကုၢ်အကျါဟးထီၣ်ကွံာ်လၢဘၤဘူၤ လိၣ်အကီၢ်ပူၤဒီးက့ၤကဒါက့ၤဆူဝ့ၢ်ယရူၤၡလ့ၣ်ဒီးကီၢ်ယူဒၤ, ဆူအဝ့ၢ်ဒၣ်ဝဲစုာ်စုာ်န့ၣ်လီၤ. အဝဲသ့ၣ်အဟံၣ်ဖိဃီဖိတဖၣ် အိၣ်ဆိးတ့ၢ်လံလၢတၢ်ကဲကုၢ်အပူၤလၢကီၢ်ဘၤဘူၤလိၣ် စးထီၣ်လၢစီၤပၤနဘူၤကးန့စၢ်စိာ်ထီၣ်ကွံာ်အဝဲသ့ၣ်ဖဲန့ၣ်ဒ် ပှၤဘၣ်တၢ်စၢဃာ်တဖၣ်အသိးန့ၣ်လီၤ.

လံာ်စီၤဧ့စြၤ 2:43

တၢ်လုၢ်ဟံၣ်အပှၤမၤတၢ်ဖိအဒူၣ်ဖိထၢဖိလၢအဟဲက့ၤကဒါက့ၤလၢ တၢ်စိာ်မၢကဲကုၢ်တဖၣ်,

လံာ်စီၤဧ့စြၤ 2:70

ပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်ဒီးပှၤဂီၢ်မုၢ်တနီၤဆီ လီၤအတၢ်အိၣ်တၢ်ဆိးအလီၢ်လၢဝ့ၢ်ယရူၤၡလ့ၣ်အပူၤ, မ့တမ့ၢ်ဘူးဒီးဝ့ၢ်ယရူၤၡလ့ၣ်န့ၣ်လီၤ. ပှၤသးဝံၣ်တၢ်ဖိတဖၣ်, ပှၤပၢၤတၢ်လုၢ်ဟံၣ်တဖၣ်ဒီးတၢ်လုၢ်ဟံၣ်အပှၤမၤတၢ်ဖိတဖၣ်ဆီလီၤ အတၢ်အိၣ်တၢ်ဆိးအလီၢ်လၢဝ့ၢ်အဘူးအတံၢ်တဖၣ်အပူၤဒီးပှၤအံၣ်စရ့ လးဖိအိၣ်လီၤတဲာ်တ့ၢ်အဂၤတဖၣ်ဆီလီၤအတၢ်အိၣ်တၢ်ဆိးအလီၢ်လၢ ဝ့ၢ်တဖၣ်ဖဲအမိၢ်ပၢ်ဖံဖုလၢပျၢၤတဖၣ်အိၣ်ဆိးတ့ၢ်လၢအပူၤန့ၣ်လီၤ.

လံာ်စီၤနဃ့မယၤ 11:20

ကီၢ်အံၣ်စရ့လးအပှၤဂီၢ်မုၢ်အဂၤဒီး, ပှၤလုၢ်တၢ်အခိၣ်ဒီးပှၤ လ့ၤဝံဖိလၢအအိၣ်လီၤတဲာ်တဖၣ်န့ၣ်အိၣ်ဝဲဆိးဝဲဖဲအဝဲသ့ၣ် အတၢ်စုလီၢ်ခီၣ်ခိၣ်အိၣ်ဝဲလၢကီၢ်ယူဒၤအဝ့ၢ်အဂၤတဖၣ်အပူၤန့ၣ် လီၤ.

လံာ်စီၤနဃ့မယၤ 11:4

ပှၤလၢယူဒၤအဒူၣ်အကျါန့ၣ်မ့ၢ်ဝဲ စီၤဧသါယၤလၢအမ့ၢ်စီၤဧူးစံယါအဖိခွါဒီးစီၤစကၤရယၤ အလံၤခွါန့ၣ်လီၤ. အဝဲအမိၢ်ပၢ်ဖံဖုလၢပျၢၤအဂုၤအဂၤတဖၣ်န့ၣ်အိၣ်ဝဲဃုာ်ဒီးစီၤ အမၤရယါ, စီၤၡဖးတယၤဒီးစီၤမၤဟလၤလ့လးလၢအဟဲ လီၤစၢၤလီၤသွဲၣ်လၢစီၤယူဒၤအဖိခွါစီၤဖ့ၤရ့းန့ၣ်လီၤ.

လံာ်စီၤနဃ့မယၤ 7:39

ဒီးပှၤလုၢ်တၢ်အခိၣ်တဖၣ်အဒူၣ်ဖိထၢဖိလၢအဟဲက့ၤလၢတၢ်စိာ်မၢ ကဲကုၢ်န့ၣ်မ့ၢ်ဝဲဒၣ်, စီၤယဒါယၤ (ပှၤဟဲလီၤစၢၤလၢစီၤယ့ၤၡူအဒူၣ်ဖိထၢဖိ) ခွံကယၤနွံဆံသၢ ဂၤ

လံာ်စီၤနဃ့မယၤ 7:43

ပှၤလ့ၤဝံဖိအဒူၣ်ထၢလၢအဟဲက့ၤလၢတၢ်စိာ်မၢကဲကုၢ်အလီၢ်မ့ၢ် ဝဲ စီၤယ့ၤၡူအဒူၣ်ဖိထၢဖိဒီးစီၤကးမံၤအ့လးအဒူၣ်ဖိထၢဖိ (လၢအဟဲလီၤစၢၤလၢစီၤဟိၤဒၤဝယၤ), နွံဆံလွံၢ် ဂၤ

လံာ်စီၤနဃ့မယၤ 7:46

ပှၤမၤတၢ်လၢတၢ်လုၢ်ဟံၣ်လၢအမ့ၢ်ပှၤနသံနးဖိလၢအဟဲ က့ၤလၢတၢ်စိာ်မၢကဲကုၢ်အလီၢ်မ့ၢ်ဝဲ, စီၤစံဃၤအဒူၣ်ဖိထၢဖိ,

လံာ်စီၤနဃ့မယၤ 7:6

ပှၤလၢအဘၣ်တၢ်စိာ်မၢကဲကုၢ်အီၤအါဂၤဟးထီၣ်ကွံာ်လၢကီၢ်ဘၤ ဘူၤလိၣ်အလီၢ်ကဝီၤဒီးဟဲက့ၤဆူဝ့ၢ်ယရူၤၡလ့ၣ်ဒီးကီၢ်ယူဒၤ ဆူအဝဲသ့ၣ်အဝ့ၢ်ဒၣ်ဝဲစုာ်စုာ်န့ၣ်လီၤ. ဒီးအဒူၣ်ဖိထၢဖိသ့ၣ်တဖၣ်အိၣ်ဆိးတ့ၢ်ဝဲလၢကီၢ်ဘၤဘူၤလိၣ် အပူၤလၢတၢ်စိာ်မၢကဲကုၢ်အလီၢ်ဖဲစီၤပၤနဘူၤကးန့စၢ်စိာ် ကွံာ်အီၤဒ်ပှၤဘၣ်တၢ်စၢဃာ်အသိးန့ၣ်လီၤ.

လံာ်စီၤနဃ့မယၤ 7:7

ဒီးအဝဲသ့ၣ်အခိၣ်အနၢ်တဖၣ်န့ၣ်မ့ၢ်ဝဲစီၤစရူၤဘၤဘ့လး, စီၤယိၤၡူ, စီၤနဃ့မယၤ, စီၤဧစၤရယၤ, စီၤရၤမယၤ, စီၤနဃၤမနံ, စီၤမၢ်ဒကဲၤ, စီၤဘံးလၡၣ်, စီၤမံးစပ့ရ့း, စီၤဘံးကဝဲၤ, စီၤရဃူၣ်ဒီးစီၤဘၤနါသ့ၣ်တဖၣ်န့ၣ်လီၤ. အအံၤမ့ၢ်ပှၤအံၣ်စရ့လးဖိအနီၣ်ဂံၢ်တဖၣ်,

လံာ်စီၤနဃ့မယၤ 7:73

ဒီးပှၤလုၢ်တၢ်အခိၣ်, ပှၤလ့ၤဝံဖိ, ပှၤပၢၤပဲတရီဖိ, ပှၤသးဝံၣ်တၢ်ဖိ, ပှၤပတီၢ်မုၢ်ဖိ, ပှၤမၤတၢ်လၢတၢ်လုၢ်ဟံၣ်, ဒီးကယဲၢ်ပှၤအံၣ်စရ့လးဖိခဲလၢာ်သူၣ်လီၤဆီလီၤအတၢ်အိၣ်တၢ် ဆိးအလီၢ်လၢဝ့ၢ်တဖၣ်လၢကီၢ်ယူဒၤအပူၤန့ၣ်လီၤ.