လံာ်စီၤနဃ့မယၤ 11:17 - Sgaw Karen Common Bible

¹⁷ ဒီးစီၤမးတၤနယၤလၢအမ့ၢ်စီၤမံၤတါအဖိခွါဒီးစီၤစးဘဒံၤ အလံၤခွါမ့ၢ်ပှၤတဂၤလၢအဟဲလီၤစၢၤလီၤသွဲၣ်လၢစီၤအၤစာ်န့ၣ်လီၤ. အဝဲမ့ၢ်ပှၤဆှၢတၢ်လုၢ်ဟံၣ်အတၢ်သးဝံၣ်ရိဖဲပှၤသးဝံၣ်တၢ်စံး ဘျုးစံးဖှိၣ်အတၢ်ထုကဖၣ်န့ၣ်လီၤ. စီၤဘးကဘူကယၤမ့ၢ်ပှၤမၤစၢၤစီၤမးတၤနယၤန့ၣ်လီၤ. ဒီးစီၤဧၤဘဒါလၢအမ့ၢ်စီၤၡံမူၤအဖိခွါဒီးစီၤကၤလလး အလံၤခွါမ့ၢ်ပှၤတဂၤလၢအဟဲလီၤစၢၤလီၤသွဲၣ်လၢစီၤယဒူသူၣ် န့ၣ်လီၤ.

လံာ်စီၤနဃ့မယၤ 11:17 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 9:12

စီၤမဖံဘိၤၡ့းအိၣ်ဒီးအဖိခွါသးစၢ်တဂၤလၢအမံၤမ့ၢ်ဝဲ စီၤမံၤကါန့ၣ်လီၤ. ကယဲၢ်စီၤစံဘၤအဒူၣ်ဖိထၢဖိခဲလၢာ်ကဲထီၣ်စီၤမဖံဘိၤၡ့း အခ့အပှၤတဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:4

စီၤဒၤဝံးဃုထၢပာ်ပှၤလ့ၤဝံဖိတနီၤလၢကဆှၢတၢ်ဘူၣ်ထီၣ်ဘါ ထီၣ်ယွၤ, အံၣ်စရ့လးအကစၢ်ယွၤလၢတၢ်အၢၣ်လီၤအီလီၤအတလါစီဆှံအမဲာ် ညါ, ခီဖျိတၢ်သးဝံၣ်ဒီးတၢ်စံးထီၣ်ပတြၢၤအီၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:41

ဖဲန့ၣ်စီၤဟ့မၣ်ဒီးစီၤယဒူသူၣ်ဒီးပှၤအဂၤတဖၣ်လၢအဘၣ်တၢ်ဃု ထၢလီၤဆီအီၤလၢကသးဝံၣ်တၢ်စံးထီၣ်ပတြၢၤယွၤလၢအတၢ်အဲၣ် လီၤထူလီၤယိာ်အဃိန့ၣ်, အိၣ်ဝဲဒၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:15

စီၤဘးကဘးကၢ်, စီၤဃ့ရ့ၣ်ဒီးစီၤကၤလလး, စီၤမးတၤနယၤလၢအမ့ၢ်စီၤမံၤကါအဖိခွါ, လၢအပၢ်ဖးဒိၣ်လၢပျၢၤတဖၣ်အကျါအိၣ်ဃုာ်ဒီးစီၤစံးကရံဒီး စီၤအၤစာ်န့ၣ်လီၤ.

လံာ်စီၤနဃ့မယၤ 10:12

စီၤစးကူၢ်, စီၤၡ့ရ့ဘယၤ, စီၤၡဘၤန့ယၤ, စီၤဟိၤဒံယၤ, စီၤဘၤနံ, စီၤဘနံနူၤန့ၣ်လီၤ.

လံာ်စီၤနဃ့မယၤ 11:16

စီၤၡၤဘသဲၤဒီးစီၤယိစဘး, မ့ၢ်ပှၤလ့ၤဝံဖိခိၣ်နၢ်တဖၣ်လၢ တၢ်သ့ၣ်ညါအီၤဒိၣ်ဒၣ်တၢ်တက့ၢ်ဒ်ပှၤကွၢ်ထွဲတၢ်ဖံးတၢ်မၤလၢ ယွၤအတၢ်လုၢ်ဟံၣ်အချၢန့ၣ်လီၤ.

လံာ်စီၤနဃ့မယၤ 11:18

ပှၤလ့ၤဝံဖိခဲလၢာ်လၢအအိၣ်ဝဲဆိးဝဲလၢဝ့ၢ်စီဆှံဝ့ၢ်ယရူၤ လ့ၣ်အပူၤန့ၣ်မ့ၢ်ဝဲပှၤခံကယၤဃိးဆံလွံၢ်ဂၤန့ၣ်လီၤ.

လံာ်စီၤနဃ့မယၤ 12:24

လၢစီၤဃၡၤဘယၤ, စီၤၡ့ရ့ဘယၤ, စီၤယ့ၤၡူ, စီၤဘံနူၤ, ဒီးစီၤကးမံၤအ့လးအတၢ်နဲၣ်ကျဲအပူၤန့ၣ်ပှၤလ့ၤဝံ ဖိတဖၣ်ဘၣ်တၢ်နီၤလီၤအီၤလၢအကရူၢ်တဖၣ်န့ၣ်လီၤ. ဒ်အလီၤပလိာ်ဝဲဒီးယွၤအပှၤကညီစီၤပၤဒၤဝံးအတၢ်သိၣ်လိနဲၣ် ယုၤတဖၣ်အသိး, တဘျီန့ၣ်ပှၤအိၣ်ဝဲခံဖုလၢကသးဝံၣ်ခီဆၢတၢ်စံးထီၣ်ပတြၢၤ ကစၢ်ယွၤဒီးတၢ်ဟ့ၣ်အီၤတၢ်စံးဘျုးအဂီၢ်န့ၣ်လီၤ.

လံာ်စီၤနဃ့မယၤ 12:25

ပှၤခိးတၢ်လုၢ်ဟံၣ်လၢလာ်တဖၣ်အံၤမ့ၢ်ပှၤအခိၣ်လၢအပၢၤတၢ်ပာ် ဖှိၣ်အဒၢးတဖၣ်ဖဲယွၤအတၢ်လုၢ်ဟံၣ်အတြဲၤတဖၣ်န့ၣ်လီၤ. အဝဲသ့ၣ်မ့ၢ်ဝဲ, စီၤမးတၤနယၤ, စီၤဘးကဘူကယၤ, စီၤဧိၤဘါဒယၤ, စီၤမၡူလၣ်, စီၤတၤလမိၣ်ဒီးစီၤဧးကူာ်န့ၣ်လီၤ.

လံာ်စီၤနဃ့မယၤ 12:31

ယကိးဖှိၣ်ကီၢ်ယူဒၤအခိၣ်အနၢ်တဖၣ်လၢဝ့ၢ်ခိၣ်ဒူအလိၤ, ဒီးပာ်လီၤအဝဲသ့ၣ်လၢပှၤကွၢ်ထွဲပှၤကမျၢၢ်ဖးဒိၣ်ခံဖုလၢ ကဟးဝးတရံးဝ့ၢ်ဒီးစံးဘျုးစံးဖှိၣ်ကစၢ်ယွၤန့ၣ်လီၤ. ပှၤအခီၣ်ထံးတဖုလဲၤဝဲဆူစုထွဲတခီလၢဝ့ၢ်ခိၣ်ဒူအဖီခိၣ် ဆူတၢ်အ့ၣ်အတြဲၤန့ၣ်လီၤ.

လံာ်စီၤနဃ့မယၤ 12:46

စးထီၣ်လၢစီၤပၤဒၤဝံးဒီးအပှၤသးဝံၣ်တၢ်သ့စီၤအၤစာ်အစိၤ လၢပျၢၤန့ၣ်ပှၤသးဝံၣ်တၢ်ဖိတဖၣ်ဆှၢတၢ်စံးထီၣ်ပတြၢၤဒီးတၢ် စံးဘျုးစံးဖှိၣ်ကစၢ်ယွၤအတၢ်သးဝံၣ်တဖၣ်န့ၣ်လီၤ.

ဖံလံးပံၤ 4:6

တဘၣ်သူၣ်ကိၢ်သးဂီၤလၢတၢ်နီတမံၤအဂ့ၢ်တဂ့ၤ. မ့မ့ၢ်, လၢသုတၢ်ထုကဖၣ်ခဲလၢာ်အပူၤန့ၣ်ဃ့ကစၢ်ယွၤတၢ်လၢသု လိၣ်ဘၣ်အီၤ, ဒီးဃ့အီၤလၢတၢ်စံးဘျုးစံးဖှိၣ်အသးအပူၤန့ၣ် တက့ၢ်.