လံာ်စီၤနဃ့မယၤ 11:16 - Sgaw Karen Common Bible

¹⁶ စီၤၡၤဘသဲၤဒီးစီၤယိစဘး, မ့ၢ်ပှၤလ့ၤဝံဖိခိၣ်နၢ်တဖၣ်လၢ တၢ်သ့ၣ်ညါအီၤဒိၣ်ဒၣ်တၢ်တက့ၢ်ဒ်ပှၤကွၢ်ထွဲတၢ်ဖံးတၢ်မၤလၢ ယွၤအတၢ်လုၢ်ဟံၣ်အချၢန့ၣ်လီၤ.

လံာ်စီၤနဃ့မယၤ 11:16 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 26:20

အဝဲသ့ၣ်အပှၤလ့ၤဝံဖိကဒဲကဒဲအဂၤတဖၣ်ဘၣ်ကဲခိၣ်ကဲနၢ်လၢတၢ် လုၢ်ဟံၣ်အစ့ပာ်ဖှိၣ်အလီၢ်အဂီၢ်ဒီးလၢတၢ်ပာ်ဖှိၣ်အဒၢးတဖၣ်ဖဲ တၢ်ဟ့ၣ်တဖၣ်လၢဘၣ်တၢ်ပာ်စီဆှံတ့ၢ်အီၤလၢကစၢ်ယွၤအဂီၢ် အိၣ်ဝဲအလီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 26:29

လၢစီၤယံးစဟၢ်အစၢၤအသွဲၣ်တဖၣ်အကျါစီၤကနၤနယၤဒီးအဖိခွါ တဖၣ်ဘၣ်တၢ်ဟ့ၣ်မူဟ့ၣ်ဒါအီၤလၢတၢ်ပၢတၢ်ပြးအမူ အဒါတဖၣ်, ဒ်ပှၤအခိၣ်လၢတၢ်ပာ်ဒီးပၢၤတၢ်ကွဲးနီၣ်တဖၣ်ဒီးဒ် စံၣ်ညီၣ်ကွီၢ်တဖၣ်အသိးန့ၣ်လီၤ.

လံာ်စီၤဧ့စြၤ 10:15

မ့တမ့ၢ်ဘၣ်လၢစီၤဧစၤအ့လးအဖိခွါစီၤယိနၤသၣ်, ဒီးစီၤတံးကဝၤအဖိခွါစီၤဃၤစယၤလၢအဘၣ်တၢ်မၤစၢၤအီၤလၢ စီၤမၡူလၣ်ဒီးပှၤလ့ၤဝံဖိစီၤၡၤဘသဲၤဘၣ်န့ၣ်, ပှၤတထီဒါဘၣ်တၢ်ကူၣ်ကျဲၤအံၤနီတဂၤဘၣ်န့ၣ်လီၤ.

လံာ်စီၤဧ့စြၤ 8:33

ဒီးလၢလွံၢ်သီတသီန့ၣ်ပလဲၤဆူတၢ်လုၢ်ဟံၣ်, စီၤန့ၢ်စ့, ထူဒီးတၢ်အဃၢၤအဃိၢ်တဖၣ်ဒီးဟ့ၣ်လီၤဆူစီၤဧူၤ ရံယၤအဖိခွါပှၤလုၢ်တၢ်အခိၣ်စီၤမရ့မိးအစုပူၤန့ၣ်လီၤ. ဒီးပှၤလၢအအိၣ်ဒီးအီၤတဖၣ်န့ၣ်မ့ၢ်ဝဲစီၤဖံၤနဃၣ်အဖိခွါ စီၤအလၤဧစၢ်ဒီးပှၤလ့ၤဝံဖိခံဂၤလၢအမ့ၢ်စီၤယ့ၤၡူအဖိ ခွါစီၤယိၤစဘးဒီးစီၤဘံနူၤအဖိခွါစီၤနိဒယၤသ့ၣ်တဖၣ် န့ၣ်လီၤ.

လံာ်စီၤနဃ့မယၤ 11:15

လၢပှၤလ့ၤဝံဖိတဖၣ်အကျါန့ၣ်မ့ၢ်ဝဲ, စီၤၡမါယၤလၢအမ့ၢ်စီၤဃၤၡူၣ်အဖိခွါဒီးစီၤဧးစရံကၣ်အလံၤ ခွါန့ၣ်လီၤ. အဝဲအမိၢ်ပၢ်ဖံဖုလၢပျၢၤတဖၣ်အိၣ်ဝဲဃုာ်ဒီးစီၤဃၡၤဘယၤဒီး စီၤဘူနံၤန့ၣ်လီၤ.

လံာ်စီၤနဃ့မယၤ 11:17

ဒီးစီၤမးတၤနယၤလၢအမ့ၢ်စီၤမံၤတါအဖိခွါဒီးစီၤစးဘဒံၤ အလံၤခွါမ့ၢ်ပှၤတဂၤလၢအဟဲလီၤစၢၤလီၤသွဲၣ်လၢစီၤအၤစာ်န့ၣ်လီၤ. အဝဲမ့ၢ်ပှၤဆှၢတၢ်လုၢ်ဟံၣ်အတၢ်သးဝံၣ်ရိဖဲပှၤသးဝံၣ်တၢ်စံး ဘျုးစံးဖှိၣ်အတၢ်ထုကဖၣ်န့ၣ်လီၤ. စီၤဘးကဘူကယၤမ့ၢ်ပှၤမၤစၢၤစီၤမးတၤနယၤန့ၣ်လီၤ. ဒီးစီၤဧၤဘဒါလၢအမ့ၢ်စီၤၡံမူၤအဖိခွါဒီးစီၤကၤလလး အလံၤခွါမ့ၢ်ပှၤတဂၤလၢအဟဲလီၤစၢၤလီၤသွဲၣ်လၢစီၤယဒူသူၣ် န့ၣ်လီၤ.

လံာ်စီၤနဃ့မယၤ 8:7

အန့ၣ်ဝံၤဒီးအဝဲသ့ၣ်ဆၢထၢၣ်လၢအလီၢ်တဖၣ်, ဒီးပှၤလ့ၤဝံဖိ လၢလာ်တဖၣ်အံၤတဲနၢ်ပၢၢ်အဝဲသ့ၣ်လၢယူဒၤအတၢ်သိၣ်တၢ်သီန့ၣ် လီၤ. စီၤယ့ၤၡူ, စီၤဘၤနံ, စီၤၡ့ရ့ဘယၤ, စီၤယၤမံၣ်, စီၤဧးကူာ်, စီၤၡံၤဘသဲၤ, စီၤဟိၤဒံယၤ, စီၤမၤစ့ယၤ, စီၤက့လံတၤ, စီၤဧစၤရယၤ, စီၤယိစဘး, စီၤဃၤနၣ်, စီၤပလါယၤသ့ၣ်တဖၣ်န့ၣ်လီၤ.