လံာ်စီၤနဃ့မယၤ 11:14 - Sgaw Karen Common Bible

¹⁴ ပှၤအိၣ်ဝဲတကယၤခံဆံဃိးဂၤလၢဒူၣ်ထၢအံၤအပူၤလၢအမ့ၢ်ပှၤ သုးဖိစဲၣ်နီၤတဖၣ်န့ၣ်လီၤ. စီၤစးဘဒ့ၤအ့လးလၢအမ့ၢ်ဒူၣ်ဖိထၢဖိလၢအကဲခိၣ်ကဲနၢ်လၢ ဟံၣ်ဒူၣ်ဃီထၢအပူၤတဂၤလၢအမ့ၢ်စီၤဟးကဒိလံၣ်အဖိခွါ, မ့ၢ်အဝဲသ့ၣ်အပှၤအခိၣ်န့ၣ်လီၤ.

လံာ်စီၤနဃ့မယၤ 11:14 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 26:6

စီၤဧိၤဘ့းအ့ဒိၣ်အဖိခွါဝဲၢ်ကိစီၤၡမါယၤအိၣ်ဒီးအဖိ ခွါဃုဂၤလၢအမ့ၢ်ပှၤမံၤဟူသၣ်ဖျါတဖၣ်လၢအဒူၣ်ထၢတဖၣ်အပူၤ, မ့ၢ်လၢအဝဲသ့ၣ်အတၢ်သ့တၢ်ဘၣ်ဖးဒိၣ်အဃိန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:13

ပှၤလုၢ်တၢ်အခိၣ်တဖၣ်လၢအမ့ၢ်ဟံၣ်ဒူၣ်ဃီထၢတဖၣ်အခိၣ်ခဲလၢာ်အိၣ် ဝဲတကထိနွံကယၤဃုဆံဂၤန့ၣ်လီၤ. အဝဲသ့ၣ်မ့ၢ်ပှၤသ့ဂ့ၤဂ့ၤဘၣ်ဘၣ်တဖၣ်လၢတၢ်ဖံးတၢ်မၤခဲလၢာ် လၢအဘၣ်တၢ်မၤအီၤလၢတၢ်လုၢ်ဟံၣ်အပူၤန့ၣ်လီၤ.

လံာ်စီၤနဃ့မယၤ 11:13

ပှၤခဲလၢာ်ခံကယၤလွံၢ်ဆံခံဂၤလၢဒူၣ်ထၢအံၤအပူၤမ့ၢ်ဒူၣ်ဖိ ထၢဖိအခိၣ်အနၢ်တဖၣ်န့ၣ်လီၤ. ဒီးစီၤဧမၤၡဲလၢအမ့ၢ်စီၤဧစၤရ့အဖိခွါဒီးစီၤအၤဃစဲၤအလံၤခွါန့ၣ်လီၤ. အဝဲအမိၢ်ပၢ်ဖံဖုလၢပျၢၤတဖၣ်အိၣ်ဝဲဃုာ်ဒီးစီၤမၡံးလ့မိး ဒီးစီၤအံးမ့ၢ်န့ၣ်လီၤ.

လံာ်စီၤနဃ့မယၤ 11:15

လၢပှၤလ့ၤဝံဖိတဖၣ်အကျါန့ၣ်မ့ၢ်ဝဲ, စီၤၡမါယၤလၢအမ့ၢ်စီၤဃၤၡူၣ်အဖိခွါဒီးစီၤဧးစရံကၣ်အလံၤ ခွါန့ၣ်လီၤ. အဝဲအမိၢ်ပၢ်ဖံဖုလၢပျၢၤတဖၣ်အိၣ်ဝဲဃုာ်ဒီးစီၤဃၡၤဘယၤဒီး စီၤဘူနံၤန့ၣ်လီၤ.

လံာ်စီၤနဃ့မယၤ 11:22

ပှၤလ့ၤဝံဖိလၢအကွၢ်ထွဲတၢ်လၢအအိၣ်ဆိးလၢဝ့ၢ်ယရူၤၡလ့ၣ် အပူၤန့ၣ်မ့ၢ်စီၤဧူၤစံလၢအမ့ၢ်ဝဲစီၤဘၤနံအဖိခွါဒီးစီၤဃၡၤ ဘယၤအလံၤခွါန့ၣ်လီၤ. အဝဲအမိၢ်ပၢ်ဖံဖုလၢပျၢၤတဖၣ်ပၣ်ဃုာ်ဒီးစီၤမးတၤနယၤဒီး စီၤမံၤကါ, လၢအဘၣ်ထွဲဒီးစီၤအၤစာ်အဒူၣ်ထၢဒီးမ့ၢ်ဒူၣ်ထၢလၢ အအိၣ်ဒီးမူဒါလၢတၢ်သူၣ်ဝံၣ်သးဆၢအဂီၢ်လၢတၢ်လုၢ်ဟံၣ် အတၢ်ဖံးတၢ်မၤတဖၣ်အပူၤန့ၣ်လီၤ.

လံာ်စီၤနဃ့မယၤ 12:42

ဒီးပှၤလၢအပိာ်ထီၣ်အဝဲသ့ၣ်အခံမ့ၢ်ဝဲစီၤမၤစ့ယၤ, စီၤၡမါယၤ, စီၤအလၤဧစၢ်, စီၤဧူၤစံ, စီၤယိဃၤနၣ်, စီၤမၤလကံယၤ, စီၤဧ့ၤလၣ်ဒီးစီၤဧ့စ့ၢ်န့ၣ်လီၤ. ပှၤသးဝံၣ်တၢ်ဖိတဖၣ်လၢ အဘၣ်တၢ်ဆှၢအီၤလၢစီၤယံးစရၤဃယၤန့ၣ်သးဝံၣ်တၢ်လၢအကလုၢ်ဖး ဒိၣ်န့ၣ်လီၤ.