လံာ်စီၤနဃ့မယၤ 11:11 - Sgaw Karen Common Bible

¹¹ ဒီးစီၤစရါယၤလၢအမ့ၢ်စီၤဃံးလကံယၤအဖိခွါဒီးစီၤမၡူလၣ် အလံၤခွါန့ၣ်လီၤ. အဝဲအမိၢ်ပၢ်ဖံဖုလၢပျၢၤတဖၣ်အိၣ်ဝဲဃုာ်ဒီးစီၤစၤဒိး, စီၤမရၤယိး, ဒီးစီၤအဃံးတူာ်လၢအမ့ၢ်ပှၤလုၢ်တၢ်အခိၣ်အဒိၣ် ကတၢၢ်န့ၣ်လီၤ.

လံာ်စီၤနဃ့မယၤ 11:11 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 9:1

ကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ်ဘၣ်တၢ်ကွဲးနီၣ်အမံၤဒ် အဝဲသ့ၣ်အဟံၣ်ဒူၣ်ဃီထၢတဖၣ်အိၣ်ဝဲအသိး, ဒီးတၢ်ဂ့ၢ်ကြၢးသ့ၣ်ညါအံၤဘၣ်တၢ်ကွဲးနီၣ်အီၤလၢကီၢ်အံၣ်စရ့ လးအစီၤပၤတဖၣ်အလံာ်အပူၤန့ၣ်လီၤ. ကီၢ်ယူဒၤအပှၤဂီၢ်မုၢ်တဖၣ်ဘၣ်တၢ်ဆှၢဖျိးကွံာ်အီၤဆူ ကီၢ်ဘၤဘူၤလိၣ်ဒ်တၢ်စံၣ်ညီၣ်လၢအဝဲသ့ၣ်အတၢ်ကမၣ်တဖၣ်အဃိန့ၣ် လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:11

စီၤဧစၤရယၤလၢအမ့ၢ်စီၤဃံးလကံယၤအဖိခွါ (ပဒိၣ်အဒိၣ်ကတၢၢ်လၢ တၢ်လုၢ်ဟံၣ်အပူၤ), လၢအပၢ်ဖးဒိၣ်လၢပျၢၤတဖၣ်အကျါအိၣ်ဃုာ်ဒီးစီၤမၡူလၣ်, စီၤမရၤယိးဒီးစီၤအဃံးတူာ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 19:11

ပှၤလုၢ်တၢ်အခိၣ်အဒိၣ်ကတၢၢ်စီၤအမၤရယၤကအိၣ်ဒီးတၢ်စိ တၢ်ကမီၤလၢခံကတၢၢ်တပတီၢ်လၢကယဲၢ်တၢ်ဘူၣ်တၢ်ဘါအကွီၢ်တဖၣ်အ ဂီၢ်, ဒီးကီၢ်ယူဒၤအပဒိၣ်ဖးဒိၣ်အဒိၣ်ကတၢၢ်စီၤယံးၡမၤဧ့လးအဖိ ခွါစီၤစဘၤဒယၤကအိၣ်ဒီးတၢ်စိတၢ်ကမီၤလၢခံကတၢၢ်တပတီၢ်လၢ ကယဲၢ်ထံဖိကီၢ်ဖိအကွီၢ်တဖၣ်အဂီၢ်န့ၣ်လီၤ. ပှၤလ့ၤဝံဖိတဖၣ်အိၣ်မူအိၣ်ဒါလၢတၢ်ကွၢ်ထွဲကွီၢ်ဘျီၣ်အတၢ် စံၣ်ညီၣ်တဖၣ်မ့ၢ်အဘၣ်တၢ်မၤထွဲအီၤဧါ, တဘၣ်တၢ်မၤထွဲအီၤဘၣ်လဲၣ်အဂ့ၢ်န့ၣ်လီၤ. အိၣ်ဒီးတၢ်သူၣ်ဒူသးဒူဒီးစိာ်ထီၣ်မၤထွဲတၢ်သိၣ်လိနဲၣ်ယုၤ တဖၣ်အံၤအခံ, ဒီးမ်ယွၤအိၣ်လၢတၢ်အဘၣ်တကပၤန့ၣ်တက့ၢ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 31:13

ဒီးပှၤလ့ၤဝံဖိအဂၤတဆံဘၣ်တၢ်ဃုထၢပာ်လီၤဒ်သိးကမၤတၢ်လၢ အဝဲသ့ၣ်အဖီလာ်န့ၣ်လီၤ. အဝဲသ့ၣ်မ့ၢ်ဝဲစီၤယဃံအ့လး, စီၤဧၤစါစယၤ, စီၤနၤဃး, စီၤဧၤစၤအ့လး, စီၤယရံမိး, စီၤယိစဘး, စီၤအလံၤအ့လး, စီၤယံးစမၤကယၤ, စီၤမၤဃးဒီးစီၤဘနါယၤတဖၣ်န့ၣ်လီၤ. ကယဲၢ်တၢ်သ့ၣ်တဖၣ်အံၤခဲလၢာ်န့ၣ်ဘၣ်တၢ်မၤဝံၤအီၤလၢ စီၤပၤဃံးစကံယၤဒီးပှၤလုၢ်တၢ်အခိၣ်အဒိၣ်ကတၢၢ်စီၤဧစၤရယၤ အတၢ်ဟ့ၣ်စိဟ့ၣ်ကမီၤအပူၤန့ၣ်လီၤ.

လံာ်စီၤနဃ့မယၤ 10:3

စီၤပၤၡဃူၢ်, စီၤအမၤရယၤ, စီၤမၤလကံယၤ,

လံာ်စီၤနဃ့မယၤ 11:10

လၢပှၤလုၢ်တၢ်အခိၣ်တဖၣ်အကျါန့ၣ်မ့ၢ်ဝဲ စီၤယဒါယၤလၢအမ့ၢ်စီၤယိၤရံာ်အဖိခွါ, ဒီးစီၤယၤကံၣ်န့ၣ်လီၤ.

လံာ်စီၤနဃ့မယၤ 11:12

ပှၤခဲလၢာ်ဃိးကယၤခံဆံခံဂၤလၢဒူၣ်ထၢအံၤအပူၤမၤတၢ်လၢ ယွၤအတၢ်လုၢ်ဟံၣ်အပူၤန့ၣ်လီၤ. ဒီးစီၤဧၤဒါယၤလၢအမ့ၢ်စီၤယရိဃၣ်အဖိခွါဒီးစီၤပလၤလယၤ အလံၤခွါန့ၣ်လီၤ. အဝဲအမိၢ်ပၢ်ဖံဖုလၢပျၢၤတဖၣ်အိၣ်ဝဲဃုာ်ဒီးစီၤအးမစံ, စီၤစကၤရယၤ, စီၤပၤၡဃူၢ်ဒီးစီၤမၤလကံယၤန့ၣ်လီၤ.

လံာ်တၢ်ဂံၢ် 3:32

ပှၤလ့ၤဝံဖိတဖၣ်အခိၣ်မ့ၢ်ဝဲပှၤလုၢ်တၢ်အခိၣ်စီၤအၤဟရိၣ်အဖိ ခွါစီၤအလၤဧစၢ်န့ၣ်လီၤ. အဝဲမ့ၢ်ပှၤအခိၣ်လၢပှၤတဖၣ်လၢအမၤအမူအဒါလၢတၢ်အလီၢ်စီဆှံ အပူၤအဂီၢ်န့ၣ်လီၤ.

လံာ်လူၤကၣ် 22:4

လၢတၢ်န့ၣ်အဃိ, စီၤယူဒၤဟးထီၣ်ဒီးကတိၤတၢ်ဒီးပှၤလုၢ်တၢ် အခိၣ်အဒိၣ်တဖၣ်ဒီးတၢ်လုၢ်ဟံၣ်အပှၤခိးတၢ်ဖိအခိၣ်အနၢ်တဖၣ် ဘၣ်ဃးလၢအကဟ့ၣ်လီၤကွံာ်ယ့ၣ်ၡူးဒ်လဲၣ်ဒ်လဲၣ်အဂ့ၢ်န့ၣ်လီၤ.

မၤတၢ် 5:24

တုၤတၢ်လုၢ်ဟံၣ်အပှၤပၢၤတၢ်ဖိအခိၣ်တဂၤဒီးပှၤလုၢ်တၢ်အခိၣ် အဒိၣ်တဖၣ်နၢ်ဟူဘၣ်တၢ်ကစီၣ်အံၤဒီး, တၢ်မၤအသးဒီးတၢ်မၢဖိတဖၣ်ဒ်လဲၣ်ဒ်လဲၣ်န့ၣ်, ဆိကမိၣ်က့ၤဝဲလၢအဂ့ၢ်တသ့လၢၤဘၣ်လီၤ.