လံာ်စီၤနဃ့မယၤ 10:34 - Sgaw Karen Common Bible

³⁴ ပဝဲဒၣ်ပှၤဂီၢ်မုၢ်, ပှၤလုၢ်တၢ်အခိၣ်တဖၣ်, ဒီးပှၤလ့ၤဝံဖိတဖၣ် ပကဖီၣ်တၢ်ဖးကိးနံၣ်ဒဲးလၢတၢ်စံၣ်ညီၣ်တဲာ်ဘၣ်ထွဲဒီးဒူၣ်ထၢမ တၤတဖၣ်ကဘၣ်ဟ့ၣ်ထီၣ်သ့ၣ်လၢတၢ်ကဆိၣ်ကဲၤတၢ်လုၢ်တၢ်ပာ်တဖၣ်လၢ အဘၣ်တၢ်လုၢ်ထီၣ်အီၤဆူယွၤပကစၢ်ယွၤဒ်ယူဒၤအတၢ်သိၣ်တၢ်သီပာ် ဖျါအသိးန့ၣ်လီၤ.

လံာ်စီၤနဃ့မယၤ 10:34 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 24:5

မ့ၢ်လၢယွၤအတၢ်လုၢ်ဟံၣ်အပဒိၣ်ပပှၢ်တဖၣ်ဒီးသူၣ်ဂ့ၢ်သးကျိၤ အခိၣ်အနၢ်တဖၣ်, အိၣ်ဝဲလၢစီၤအလၤဧစၢ်မ့ၢ်ဂ့ၤ, စီၤအံသမၢ်မ့ၢ်ဂ့ၤအစၢၤအသွဲၣ်တဖၣ်အကျါအဃိ, မူဒါတဖၣ်ဘၣ်တၢ်ဟ့ၣ်လီၤအီၤခီဖျိတၢ်ဖီၣ်တၢ်ဖးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 24:7

အအံၤမ့ၢ်, တၢ်မၤအတၢ်ရဲၣ်တၢ်ကျဲၤလၢဟံၣ်ဖိဃီဖိ ခံဆံလွံၢ်ကရူၢ်ဘၣ်တၢ်ဟ့ၣ်လီၤအီၤန့ၣ်လီၤ. တၢ်ဖးအခီၣ်ထံးတမံၤလီၤဘၣ်လၢစီၤယဟိယၤရံာ်အဂီၢ်, ခံမံၤတမံၤလၢစီၤယဒါယၤအဂီၢ်,

လံာ်ကွဲးနီၣ်တၢ်ခံဘ့ၣ်တဘ့ၣ် 2:3

စီၤၡလိၤမိၤဆှၢလီၤတၢ်ကစီၣ်တမံၤဆူဝ့ၢ်ထါယၢၣ်အစီၤပၤဃံ ရၣ်အအိၣ်ဒီးစံးဝဲဒၣ်, “မၤသကိးတၢ်ဒီးယၤဒ်နမၤတ့ၢ်ဒီးယပၢ်, စီၤပၤဒၤဝံးအသိး, ဖဲနဆါန့ၢ်တ့ၢ်အီၤသ့ၣ်ဆှိးအ့ရ့းအကျီၣ်တဖၣ်လၢတၢ်ကသူၣ်ထီၣ် အနီအဂီၢ်န့ၣ်တက့ၢ်.

လံာ်စီၤဧ့စြၤ 3:5

ဒီးလၢန့ၣ်အမဲာ်ညါ, အဝဲသ့ၣ်လုၢ်ထီၣ်တၢ်လုၢ်တၢ်ပာ်တဖၣ်ဒ် အညီနူၢ်အသိးလၢကဘၣ်တၢ်ဆူးကဲၤအီၤဒီဒုဒီးအဂၤတဖၣ်လၢ ကဘၣ်တၢ်လုၢ်ထီၣ်အီၤလၢလါထီၣ်သီအဘူၣ်ဒီးလၢတၢ်အိၣ်ဖှိၣ်ရိဖှိၣ်ညီ နူၢ်အဂၤတဖၣ်ဖဲတၢ်ဘူၣ်ထီၣ်ဘါထီၣ်ယွၤအကတီၢ်ဒီးလုၢ်ထီၣ်စ့ၢ် ကီးတၢ်သူၣ်အိၣ်သးအိၣ်အတၢ်လုၢ်တၢ်ပာ်တဖၣ်ဆူယွၤန့ၣ်လီၤ.

လံာ်စီၤနဃ့မယၤ 11:1

ပှၤခိၣ်ပှၤနၢ်တဖၣ်သူၣ်လီၤဆီလီၤအသးလၢဝ့ၢ်ယရူၤၡလ့ၣ်အပူၤ, ဒီးပှၤဂီၢ်မုၢ်အိၣ်လီၤတဲာ်တဖၣ်ဖီၣ်တၢ်ဖးတဖၣ်လၢကဃုထၢဒူၣ် ဖိထၢဖိတဒူၣ်လၢကယဲၢ်ဒူၣ်ဖိထၢဖိတဆံဒူၣ်စုာ်စုာ်အပူၤဒ်သိး ကလဲၤဒီးအိၣ်ဝဲဆိးဝဲလၢဝ့ၢ်ယရူၤရှလ့ၣ်ဝ့ၢ်စီဆှံအပူၤ, ဖဲပှၤအိၣ်လီၤတဲာ်အဂၤတဖၣ်ကဘၣ်လဲၤအိၣ်လၢဝ့ၢ်အဂၤတဖၣ်အပူၤ အခါန့ၣ်လီၤ.

လံာ်စီၤနဃ့မယၤ 13:31

ယကတဲာ်ကတီၤသ့ၣ်လၢတၢ်ကသူအီၤလၢတၢ်ဆိၣ်ကဲၤတၢ်လုၢ်တၢ်ပာ်တဖၣ် အဂီၢ်လၢတၢ်ဟဲကစိာ်အီၤဘၣ်ဆၢဘၣ်ကတီၢ်, ဒီးပှၤဂီၢ်မုၢ်လၢကဟဲစိာ်အတၢ်လုၢ်တၢ်ပာ်တဖၣ်လၢအမ့ၢ်ဘုခ့အ ဆိကတၢၢ်ဒီးအတၤသၣ်တဖၣ်လၢအမံထီၣ်အဆိကတၢၢ်န့ၣ်လီၤ. ကစၢ်ယွၤဧၢ, သ့ၣ်နီၣ်ထီၣ်တၢ်တဖၣ်အံၤခဲလၢာ်ဒီးမၤဘျုးလၢ်ဘၣ် ယၤလၢအဃိန့ၣ်တက့ၢ်.

တၢ်ကတိၤဒိ. 18:18

ပှၤစိကမီၤဒိၣ်ခံဂၤမ့ၢ်ထီဒါလိာ်အသးတဂၤဒီးတဂၤလၢကွီၢ် ဘျီၣ်အပူၤဒီး, တၢ်ဖီၣ်တၢ်ဖးတဖၣ်မၤဝံၤတၢ်ဂ့ၢ်သ့ဝဲလီၤ.

လံာ်ယၡါယၤ 40:16

ကယဲၢ်ဆၣ်ဖိကီၢ်ဖိခဲလၢာ်လၢလဘၤနိၣ်အသ့ၣ်ဒိၣ်ပှၢ်တီၢ်တဖၣ်အ ပူၤ တလၢတလီၣ်ဝဲလၢတၢ်ကလုၢ်ထီၣ်တၢ်ဆူပကစၢ်ယွၤအ အိၣ်အဂီၢ်ဘၣ် ဒီးအသ့ၣ်တဖၣ်စှၤကဲၣ်ဆိးလၢတၢ်ဆိၣ်ကဲၤထီၣ်မ့ၣ်အူအဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 24:5

ဒီးနဘၣ်ဟံးန့ၢ်ကိၣ်ကမူၣ်အဂ့ၤအဃၢလီၤတယၢၢ်ခံအ့စရိၣ်ဒီးကုၢ်ကိၣ်တဆံခံလိၣ်လီၤ.

လံာ်တၢ်ဘူၣ်ထီၣ်ဘါထီၣ် 24:6

ဒီးနကဘၣ်ရဲၣ်လီၤကိၣ်ခံဂ့ၢ်, တဂ့ၢ်န့ၣ်ကိၣ်ဃုဖျၢၣ်စုာ်စုာ်, လၢစီၢ်နီၤခိၣ်စီဆှံအဖီခိၣ်လၢယွၤအမဲာ်ညါန့ၣ်လီၤ.

မၤတၢ် 1:26

အန့ၣ်ဒီးအဝဲသ့ၣ်ဖီၣ်တၢ်ဖး ဒ်သိးကဃုထၢထီၣ်ပှၤတဂၤလၢပှၤခံဂၤ အကျါလီၤ. ဒီးပှၤလၢအဘၣ်တၢ်ဃုထၢထီၣ်အီၤမ့ၢ်စီၤမးသံ, ဒီးအဝဲဒၣ်အံၤဘၣ်တၢ်ပာ်ဖှိၣ်ဃုာ်အီၤလၢပှၤတၢ်မၢဖိတဆံတဂၤ အကရူၢ်ပူၤန့ၣ်လီၤ.

လံာ်စီၤယိၤၡူ 9:27

ဘၣ်ဆၣ်ဒီး, တကတီၢ်ဃီန့ၣ်အဝဲဒုးကဲထီၣ်အဝဲသ့ၣ်လၢကုၢ်တဖၣ် လၢအကျီသ့ၣ်မုၣ်ဒီးဒၢၣ်ထံလၢပှၤအံၣ်စရ့လးဖိတဖၣ်အဂီၢ်ဒီး လၢယွၤအတၢ်လုၢ်လီၢ်အဂီၢ်န့ၣ်လီၤ. အဝဲသ့ၣ်မၤတၢ်မၤအံၤတုၤလီၤလၢမုၢ်မဆါတနံၤအံၤလၢတၢ်လီၢ် ဖဲယွၤဃုထၢလၢပှၤကဘူၣ်ထီၣ်ဘါထီၣ်အီၤအဂီၢ်န့ၣ်လီၤ.