လံာ်စီၤနဃ့မယၤ 10:33 - Sgaw Karen Common Bible

³³ လၢတၢ်ဘူၣ်ထီၣ်ဘါထီၣ်ယွၤလၢတၢ်လုၢ်ဟံၣ်ပူၤအဂီၢ်န့ၣ်, ပကဟ့ၣ်ကိၣ်စီဆှံတၢ်လုၢ်ဘုဧိၤဟုဧိၤကိးနံၤဒဲး, ဆၣ်ဖိကီၢ်ဖိတဖၣ်လၢကဘၣ်တၢ်ဆိၣ်ကဲၤထီၣ်အီၤကိးနံၤဒဲးဒ်တၢ် လုၢ်တၢ်ပာ်တဖၣ်, တၢ်လုၢ်စီဆှံတဖၣ်လၢမုၢ်အိၣ်ဘှံးနံၤတဖၣ်, လါထီၣ်သီအမူးတဖၣ်, ဒီးမူးအဂၤတဖၣ်အဂီၢ်, တၢ်လုၢ်စီဆှံအဂၤတဖၣ်, တၢ်လုၢ်လၢကစိာ်ကွံာ်ပှၤအံၣ်စရ့လးဖိ တဖၣ်အတၢ်ဒဲးဘးအဂီၢ်ဒီးကယဲၢ်တၢ်လိၣ်အဂၤတဖၣ်လၢယွၤတၢ်လုၢ် ဟံၣ်အဂီၢ်န့ၣ်လီၤ.

လံာ်စီၤနဃ့မယၤ 10:33 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 2:4

ယသူၣ်ထီၣ်တၢ်လုၢ်ဟံၣ်တဖျၢၣ်လၢတၢ်မၤလၤကပီၤယွၤ, ကစၢ်ယွၤအဂီၢ်န့ၣ်လီၤ. တၢ်န့ၣ်ကမ့ၢ်တၢ်အလီၢ်စီဆှံတတီၤ, လၢယပှၤဂီၢ်မုၢ်ဒီးယၤ, ကဘူၣ်ထီၣ်ဘါထီၣ်အီၤခီဖျိ တၢ်ဆူးကဲၤတၢ်လုၢ်နၢမူတဖၣ်, ဖဲပကလုၢ်ထီၣ်ကိၣ်စီဆှံ အတၢ်လုၢ်တဖၣ်လၢအဂီၢ်တဘိယူာ်ဃီ, ဒီးဖဲပကလုၢ်ထီၣ်တၢ်လုၢ်မ့ၣ် အူတဖၣ်ကိးမုၢ်ဂီၤဒီးကိးမုၢ်ဟါ, ဒီးဒ်န့ၣ်အသိးလၢမုၢ်အိၣ်ဘှံးနံၤတဖၣ်, လါထီၣ်သီအမူးတဖၣ်ဒီးမုၢ်နံၤစီဆှံအဂၤတဖၣ်လၢတၢ်မၤလၤကပီၤယွၤ, ပကစၢ်ယွၤအဂီၢ်န့ၣ်လီၤ. အဝဲအံၤမ့ၢ်တၢ်အလုၢ်အလၢ်စီဆှံလၢ အံၣ်စရ့လးကဘၣ်မၤဝဲလီၤစိၤလီၤထီန့ၣ်လီၤ.

လံာ်တၢ်ဟးထီၣ်ကွံာ် 30:16

ထၢဖှိၣ်စ့တဖၣ်အံၤလၢကီၢ်အံၣ်စရ့လးအပှၤဂီၢ်မုၢ်အအိၣ်ဒီးသူ အီၤလၢတၢ်ကွၢ်ထွဲဒဲစီဆှံလၢယအိၣ်ယဆိးန့ၣ်အဂီၢ်တက့ၢ်. တၢ်အခိအသွဲအံၤကဘၣ်မ့ၢ်တၢ်ဟ့ၣ်တၢ်အပှ့ၤလၢအဝဲသ့ၣ်အသးသမူအဂီၢ်, ဒီးယကသ့ၣ်နီၣ်ထီၣ်လၢယကဒီဒၣ်အိၣ်ပှိၤအဝဲသ့ၣ်အဂီၢ်န့ၣ်လီၤ.”

ကလီးစဲ 2:16

လၢတၢ်န့ၣ်အဃိတဘၣ်ပျဲပှၤနီတဂၤစံၣ်ညီၣ်တဲာ်န့ၢ်တၢ်လၢ နဂီၢ်ဘၣ်ဃးဒီးတၢ်လၢနအီၣ်နအီမ့ၢ်ဂ့ၤ, မုၢ်နံၤလီၤဆီလၢနံၣ် တနံၣ်အပူၤမ့ၢ်ဂ့ၤ, လါထီၣ်သီအမူးသးဖှံတဖၣ်မ့ၢ်ဂ့ၤ, အိၣ်ဘှံးအနံၤမ့ၢ်ဂ့ၤန့ၣ်တဂ့ၤ.

ဧ့ၤဘြံၤ 10:11

ပှၤယူဒၤဖိအပှၤလုၢ်တၢ်အခိၣ်မၤအတၢ်မၤကိးနံၤဒဲးဒီးလုၢ်ထီၣ် တၢ်လုၢ်တၢ်ပာ်တမံၤဃီအဘျီတဖၣ်အဘျီဘၣ်ဆၣ်ဒီး တၢ်လုၢ်တၢ်ပာ်တဖၣ်အံၤဟံးထီၣ်ကွံာ်တၢ်ဒဲးဘးတဖၣ် တသ့ဘၣ်.