လံာ်စီၤနဃ့မယၤ 10:32 - Sgaw Karen Common Bible

³² ကိးနံၣ်ဒဲး, ပဝဲတဂၤစုာ်စုာ်ပကမၤဘူၣ်စ့လီၤတယၢၢ်ၡက့လး သၢပူတပူလၢတၢ်ဟ့ၣ်စၢၤယွၤအတၢ်လုၢ်ဟံၣ်အတၢ်လၢာ်တၢ်စ့ၤအဂီၢ် န့ၣ်လီၤ.

လံာ်စီၤနဃ့မယၤ 10:32 Iomraidhean Croise

လံာ်တၢ်ကဲထီၣ်အခီၣ်ထံး 28:22

တၢ်သ့ၣ်နီၣ်ထီၣ်အလၢၢ်လၢယပာ်လီၤအီၤအံၤကမ့ၢ်တၢ်လီၢ်လၢနဘၣ်တၢ်ဘူၣ်ထီၣ်ဘါထီၣ်နၤဒီးယကဟ့ၣ်နၤကယဲၢ်တၢ်လၢနဟ့ၣ်ယၤအကျါဆံဆဲၣ်ပူတပူန့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 26:27

အဝဲသ့ၣ်ဟံးထီၣ်တ့ၢ်တၢ်ဘၣ်ဂုာ်န့ၢ်တနီၤလၢအမၤန့ၢ်တ့ၢ်ဝဲ လၢတၢ်ဒုးအပူၤဒီးပာ်စီဆှံတ့ၢ်ဝဲဒ်သိးတၢ်ကသူအီၤလၢယွၤ အတၢ်လုၢ်ဟံၣ်အပူၤအဂီၢ်န့ၣ်လီၤ.

လံာ်စီၤနဃ့မယၤ 13:15

လၢအကတီၢ်ဖဲန့ၣ်ယထံၣ်တ့ၢ်ပှၤကီၢ်ယူဒၤဖိယီၢ်စပံးသၣ်လၢမုၢ် အိၣ်ဘှံးအနံၤန့ၣ်လီၤ. ပှၤအဂၤတနီၤပဒၢးထီၣ်ဘုဧိၤဟုဧိၤ, စပံးထံ, စပံးသၣ်, ချၢၣ်ဒၢသၣ်ဒီးတၢ်အဂၤတဖၣ်ဆူကသ့ၣ်ယီၤအလိၤ, ဒီးလဲၤစိာ်ဝဲဆူဝ့ၢ်ယရူၤရှလ့ၣ်န့ၣ်လီၤ. ယဟ့ၣ်ပလီၢ်အဝဲသ့ၣ်လၢအသုတဆါတၢ်နီတမံၤလၢမုၢ်အိၣ်ဘှံးအနံၤ တဂ့ၤန့ၣ်လီၤ.

လံာ်စီၤနဃ့မယၤ 13:18

ကစၢ်ယွၤစံၣ်ညီၣ်တ့ၢ်သုမိၢ်ပၢ်ဖံဖုလၢပျၢၤတဖၣ်, ဖဲအဝဲဒုးလီၤဘၣ်တၢ်ဟးဂီၤလၢဝ့ၢ်အံၤအဖီခိၣ်, မ့ၢ်ဒၣ်လၢတၢ်တမံၤဃီဒ်သိးအံၤမၤတ့ၢ်အသးအဃိန့ၣ်လီၤ. အန့ၣ်ဒၣ်လဲာ်, သုပာ်ဒံးသုသးကျၢၤမုဆှု လၢသုကဟဲစိာ်အါထီၣ် ကစၢ်ယွၤအတၢ်သးဒိၣ်ဘၣ်ကီၢ်အံၣ်စရ့လးခီဖျိ တၢ်မၤဘၣ်အၢမုၢ်အိၣ်ဘှံးနံၤန့ၣ်လီၤ.”

လံာ်စီၤနဃ့မယၤ 13:21

ယဟ့ၣ်ပလီၢ်အဝဲသ့ၣ်လၢ, “သုမံခိးတၢ်ဖဲန့ၣ်လၢမုၢ်ကဆ့ၣ်ထီၣ်အဂီၢ်န့ၣ်အဘျုးတအိၣ်ဘၣ်. သုမ့ၢ်မၤကဒီးတၢ်အံၤတဘျီန့ၣ်, ယကမၤဆူၣ်ထီၣ်ယစုထီဒါသုန့ၣ်လီၤ.” စးထီၣ်ဖဲန့ၣ်အဝဲသ့ၣ်တဟဲကဒီးဝဲလၢမုၢ်အိၣ်ဘှံးအနံၤလၢၤ ဘၣ်န့ၣ်လီၤ.

လံာ်စီၤနဃ့မယၤ 5:10

ယပျဲပှၤဂီၢ်မုၢ်လိၢ်ကျိၣ်ဧိၤစ့ဧိၤဒီးဘုဧိၤဟုဧိၤလၢ ယအိၣ်ဒီးလၢယတံၤသကိးတဖၣ်ဒီးပှၤလၢအမၤတၢ်လၢယဂီၢ် တဖၣ်အအိၣ်န့ၣ်လီၤ. ဒီးခဲကနံၣ်အံၤမ်ပကစံးလၢအဝဲသ့ၣ်သုတဟ့ၣ်က့ၤပှၤလၢၤတဂ့ၤ န့ၣ်တက့ၢ်.

လံာ်စီၤနဃ့မယၤ 9:14

နသိၣ်လိတ့ၢ်အဝဲသ့ၣ်လၢကတိၢ်န့ၢ်ဖံးဃာ်တၢ်ပာ်စီဆှံမုၢ်အိၣ် ဘှံးနံၤ, ဒီးနဟ့ၣ်လီၤအဝဲသ့ၣ်လၢနတၢ်သိၣ်တၢ်သီတဖၣ်ခီဖျိနခ့နပှၤစီၤမိၤၡ့န့ၣ်လီၤ.

လံာ်တၢ်ဟးထီၣ်ကွံာ် 23:11

မ့မ့ၢ်လၢနွံနံၣ်တနံၣ်အပူၤန့ၣ်ပာ်အိၣ်ဘှံးအီၤတက့ၢ်. ကူးက့ၤတၢ်လၢအမဲထီၣ်န့ၣ်နီတမံၤတဂ့ၤ. မ်ပှၤဖှီၣ်ပှၤယာ်တဖၣ်အီၣ်တၢ်လၢအမဲထီၣ်ဖဲန့ၣ်ဒီးဆၣ်ဖိကီၢ် ဖိအမံၤတဖၣ်ကအီၣ်တၢ်အီၣ်လီၤတဲာ်ဖဲန့ၣ်ကသ့ဝဲလီၤ. မၤသုစပံးအလီၢ်ဒီးသ့ၣ်စၤယံးအထံးတဖၣ်ဒ်န့ၣ်အသိးတက့ၢ်.

တၢ်ကတိၤဒိ. 3:9

မၤလၤကပီၤယွၤလၢနတၢ်လုၢ်ထီၣ်ပာ်ထီၣ်တမံၤ, လၢအမ့ၢ်တၢ်အဂ့ၤကတၢၢ်လၢတၢ်လၢနဟီၣ်ခိၣ်အတၤသၣ်အကျါတက့ၢ်.

၂ ကရံၣ်သူး 8:12

သုမ့ၢ်အိၣ်ဒီးတၢ်သးဆူၣ်ဟ့ၣ်တၢ်န့ၣ်, ကစၢ်ယွၤကတူၢ်လိာ် သုတၢ်ဟ့ၣ်, ဒ်အကြၢးဒီးတၢ်အိၣ်ဒီးသုလၢသုကဟ့ၣ်အဂီၢ်ဒီး တမ့ၢ်လၢတၢ်တအိၣ်ဒီးသုန့ၣ်ဘၣ်လီၤ.