လံာ်စီၤနဃ့မယၤ 10:30 - Sgaw Karen Common Bible

³⁰ ပတဒိးတ့ဃုာ်ဖျီဃုာ်ပသးဒီးပှၤတခီဘီမုၢ်ဖိလၢအအိၣ်လၢပထံ ကီၢ်အပူၤန့ၣ်ဘၣ်.

လံာ်စီၤနဃ့မယၤ 10:30 Iomraidhean Croise

လံာ်စီၤပၤခံဘ့ၣ်တဘ့ၣ် 23:25

လၢအဝဲအမဲာ်ညါန့ၣ်, စီၤပၤဒ်သိးအီၤတဂၤလၢအမၤတ့ၢ်ယွၤအတၢ် လၢသူၣ်ကံၢ်သးလဲလၢသးဒီဖျၢၣ်ဒီးလၢာ်ဂံၢ်လၢာ်ဘါ, စူၢ်ကယဲၢ်ယူဒၤအတၢ်သိၣ်တၢ်သီလၢစီၤမိၤၡ့ဟ့ၣ်လီၤတ့ၢ်ဝဲ န့ၣ်တအိၣ်နီတဂၤဘၣ်. လၢအဝဲအလီၢ်ခံစ့ၢ်ကီး, ပှၤဒ်သိးအီၤတအိၣ်ထီၣ်ဘၣ်နီတဂၤဘၣ်.

လံာ်စီၤပၤခံဘ့ၣ်တဘ့ၣ် 23:3

အဝဲဆၢထၢၣ်လၢစီၤပၤအတၢ်ဆၢထၢၣ်အလီၢ်, ဒီးမၤတၢ်အၢၣ်လီၤအီလီၤတမံၤဒီးယွၤလၢအကစူၢ်အီၤ, လၢအကတိၢ်န့ၢ်ဖံးဃာ်အဝဲအတၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီး အတၢ်မၤလိာ်တဖၣ်လၢအသူၣ်ကံၢ်သးလဲဒီးအသးဒီဖျၢၣ်, ဒီးတၢ်တဖၣ်လၢကဘၣ်မၤဝဲလၢအအိၣ်ဘျးစဲအသး ဒီးတၢ်အၢၣ်လီၤအီလီၤဒ်အအိၣ်ကွဲးအသးလၢလံာ်အပူၤအသိးန့ၣ်, အဝဲကအိၣ်မူမၤထွဲဝဲန့ၣ်လီၤ. ဒီးကယဲၢ်ပှၤဂီၢ်မုၢ်ခဲလၢာ်အၢၣ်လီၤလၢကတိၢ်န့ၢ်ဖံးဃာ်တၢ်အၢၣ် လီၤအီလီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:31

အဝဲဂဲၤဆၢထၢၣ်လၢတၢ်လီၢ်ဖဲတၢ်ပာ်လီၤဆီအီၤလၢစီၤပၤအဂီၢ် န့ၣ်, ဒီးမၤတၢ်အၢၣ်လီၤအီလီၤတမံၤဒီးယွၤ, လၢကစူၢ်အီၤ, ကတိၢ်န့ၢ်ဖံးဃာ်အဝဲအတၢ်သိၣ်တၢ်သီတဖၣ်ဒီးအတၢ် မၤလိာ်တဖၣ်လၢအသူၣ်ကံၢ်သးလဲဒီးအသးဒီဖျၢၣ်ညါ, ဒီးမၤထွဲအဝဲအတၢ်အဲၣ်ဒိးလၢအဃ့ဝဲတဖၣ်လၢအအိၣ်စဲဃုာ်အသး ဒီးတၢ်အၢၣ်လီၤအီလီၤန့ၣ်, ဒ်တၢ်ကွဲးလီၤအီၤလၢလံာ်န့ၣ်အပူၤ, အသိးန့ၣ်လီၤ.

လံာ်စီၤနဃ့မယၤ 10:1

ပှၤအဆိကတၢၢ်လၢအဘၣ်ဆဲးလီၤအမံၤန့ၣ်မ့ၢ်ဝဲပဒိၣ်ဖးဒိၣ်စီၤ နဃ့မယၤလၢအမ့ၢ်စီၤဃကါလယၤအဖိခွါန့ၣ်လီၤ. အန့ၣ်ဝံၤဒီးစီၤစံးဒကံယၤဆဲးလီၤအမံၤန့ၣ်လီၤ. ဒီးပှၤအဂၤတဖၣ်လၢအဆဲးလီၤအမံၤန့ၣ်မ့ၢ်ဝဲဒ်အဖီလာ်အသိးလီၤ.

လံာ်စီၤနဃ့မယၤ 13:23

လၢအကတီၢ်အဝဲန့ၣ်ယထံၣ်ဘၣ်စ့ၢ်ကီးပှၤယူဒၤဖိပိာ်ခွါအါဂၤ ဟံးန့ၢ်အမါလၢပိာ်မုၣ်တဖၣ်လၢကီၢ်အၤစဒိး, ကီၢ်ဧၣ်မိၣ်ဒီးကီၢ်မိၤအးန့ၣ်လီၤ.

လံာ်စီၤနဃ့မယၤ 13:25

ယသိၣ်ဃီၣ်ပှၤပိာ်ခွါတဖၣ်န့ၣ်ဆါဆါကလဲာ်, ဒီးဆိၣ်အၢအဝဲသ့ၣ်, တီၢ်အဝဲသ့ၣ်ဒီးထဲးကွံာ်အဝဲသ့ၣ်အခိၣ်သူန့ၣ်လီၤ. ဝံၤဒီးယမၢအဝဲသ့ၣ်မၤတၢ်ဆိၣ်တမံၤလၢကစၢ်ယွၤအမံၤအပူၤလၢ အဝဲသ့ၣ်မ့ၢ်ဂ့ၤ, အဖိတဖၣ်မ့ၢ်ဂ့ၤ, တဒိးတ့ဃုာ်ဖျီဃုာ်ကဒီးအသးဒီးပှၤတခီဘီမုၢ်ဖိတဖၣ်ဘၣ်န့ၣ်လီၤ.

လံာ်စီၤနဃ့မယၤ 13:30

ယမၤကဆှီထီၣ်က့ၤပှၤဂီၢ်မုၢ်လၢကယဲၢ်တၢ်လၢအဘၣ်ဃးဒီးပှၤတခီ ဘီမုၢ်ဖိ, ယကတဲာ်ကတီၤတၢ်သိၣ်တၢ်ဘျၢတဖၣ်လၢပှၤလုၢ်တၢ်အခိၣ်တဖၣ်ဒီးပှၤ လ့ၤဝံဖိတဖၣ်အဂီၢ်ဒ်သိးအဝဲသ့ၣ်တဂၤဘၣ်တဂၤကသ့ၣ်ညါအမူအဒါ,

လံာ်စီၤနဃ့မယၤ 5:12

ဒီးပှၤခိၣ်ပှၤနၢ်တဖၣ်စံးဆၢဝဲ “ပကမၤဒ်နစံးအသိးလီၤ. ပကဟ့ၣ်က့ၤအတၢ်ဖိတၢ်လံၤဒီးပတပာ်ဖှိၣ်က့ၤအဒ့ၣ်ကမၢ်တဖၣ်လၢၤ န့ၣ်ဘၣ်.” ဒီးယကိးပှၤလုၢ်တၢ်အခိၣ်တဖၣ်ဒီးမၢပှၤခိၣ်ပှၤနၢ်တဖၣ်ဆိၣ်လီၤ အသးလၢအဝဲသ့ၣ်အမဲာ်ညါလၢကပၢၤဃာ်တၢ်အၢၣ်လီၤလၢအဝဲသ့ၣ်မၤ တ့ၢ်ဝဲဒၣ်န့ၣ်လီၤ.

စံးထီၣ်ပတြၢၤ 119:106

ယမၤတၢ်ဆိၣ်တမံၤဒီး ပာ်ဂၢၢ်ပာ်ကျၢၤအီၤလၢယကပိာ်ထွဲနတၢ်သိၣ်တၢ် သီတဖၣ်လၢ အတီအလိၤန့ၣ်လီၤ.

လံာ်တၢ်ဟးထီၣ်ကွံာ် 34:16

ဒီးသုဖိခွါတဖၣ်ကဖျီဃုာ်အသးဒီးပှၤတခီဘီမုၢ်ဖိပိာ်မုၣ် တဖၣ်လၢအကမၢန့ၢ်ဆီၣ်ထွဲအဝဲသ့ၣ်ဆူတၢ်သူၣ်တတီသး တလိၤဒီးယၤဒီးဘူၣ်ထီၣ်ဘါထီၣ်အဝဲသ့ၣ်အပှၤတစူၢ် တနာ်တၢ်အယွၤတဖၣ်န့ၣ်လီၤ.

လံာ်သိၣ်လီၤသီလီၤတၢ် 29:11

ပိာ်မုၣ်တဖၣ်ဒီးဖိသၣ်တဖၣ်, ဒီးပှၤတခီဘီမုၢ်ဖိတဖၣ်လၢအအိၣ် ဆိးလၢသုကျါ, လၢအကူာ်သ့ၣ်ဒီးစိာ်ထံလၢသုဂီၢ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 7:3

ဒိးတ့ဒိးဖျီသုးသးဒီးအဝဲသ့ၣ်နီတဂၤတဂ့ၤ. ဒီးပျဲသုဖိတဖၣ်ဒိးတ့ဒိးဖျီအသးဒီးအဝဲသ့ၣ်နီတဂၤတဂ့ၤ.