လံာ်စီၤနဃ့မယၤ 1:7 - Sgaw Karen Common Bible

⁷ ပမၤတ့ၢ်တၢ်အၢတၢ်သီထီဒါနၤဒီးတမၤတၢ်လၢနမၤလိာ်ပှၤန့ၣ် ဘၣ်. ပတတိၢ်န့ၢ်တၢ်သိၣ်တၢ်သီလၢနဟ့ၣ်လီၤခီဖျိနခ့နပှၤစီၤမိၤၡ့ န့ၣ်ဘၣ်.

လံာ်စီၤနဃ့မယၤ 1:7 Iomraidhean Croise

လံာ်စီၤပၤအခီၣ်ထံးတဘ့ၣ် 2:3

ဒီးမၤတၢ်လၢယွၤ, နကစၢ်ယွၤမၤလိာ်နၤလၢနကဘၣ်မၤန့ၣ်တက့ၢ်. စူၢ်ကယဲၢ်အဝဲအတၢ်ဘူၣ်ထီၣ်ဘါထီၣ်အတၢ်သိၣ်တၢ်သီဒီးအတၢ်မၤလိာ် တဖၣ်လၢအအိၣ်ကွဲးအသးလၢစီၤမိၤၡ့အတၢ်သိၣ်တၢ်သီအလံာ်ပူၤဒ် သိးဖဲနလဲၤတၢ်တပူၤလၢ်လၢ်န့ၣ်, နကဘီၣ်ထီၣ်ညီထီၣ်လၢကယဲၢ်တၢ်လၢနမၤခဲလၢာ်အပူၤန့ၣ်တက့ၢ်.

လံာ်ကွဲးနီၣ်တၢ်ခံဘ့ၣ်တဘ့ၣ် 25:4

ဘၣ်ဆၣ်ဒီးအဝဲတမၤသံကွံာ်ဘၣ်အဝဲသ့ၣ်အဖိတဖၣ်န့ၣ်ဘၣ်. မ့မ့ၢ်ပိာ်ထွဲဝဲတၢ်လၢယွၤမၤလိာ်တ့ၢ်လၢစီၤမိၤၡ့အယူဒၤ တၢ်သိၣ်တၢ်သီအလံာ်ပူၤလၢအစံးဝဲ, “မိၢ်ပၢ်တဖၣ်တကြၢးဘၣ်တၢ်မၤသံအီၤလၢတၢ်ကမၣ်တဖၣ်လၢအဖိ တဖၣ်မၤတ့ၢ်ဝဲအဃိဘၣ်, ဒီးဖိတဖၣ်တကြၢးဘၣ်တၢ်မၤသံအီၤလၢတၢ်ကမၣ်တဖၣ်လၢအဝဲသ့ၣ် အမိၢ်ပၢ်တဖၣ်မၤတ့ၢ်ဝဲအဃိဘၣ်. ပှၤတဂၤကဘၣ်တၢ်မၤသံဒၣ်အီၤထဲဒၣ်လၢတၢ်ကမၣ်တမံၤလၢအဝဲအကစၢ် ဒၣ်ဝဲမၤတ့ၢ်အဃိန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 27:2

အဝဲမၤတ့ၢ်တၢ်လၢအဘၣ်ယွၤအသးဒ်အပၢ်မၤတ့ၢ်ဝဲအသိး, ဘၣ်ဆၣ်တၢ်ဒဲးဘးလၢအပၢ်မၤတ့ၢ်ဝဲလၢအမ့ၢ်တၢ်ဆူးကဲၤတၢ်နၢမူ လၢယွၤအတၢ်လုၢ်ဟံၣ်အပူၤန့ၣ်, အဝဲတမၤဝဲဘၣ်. မ့မ့ၢ်ပှၤဂီၢ်မုၢ်န့ၣ်, မၤဒံးဒၣ်တၢ်ဒဲးဘးအဖၢမုၢ်န့ၣ်လီၤ.

လံာ်စီၤဧ့စြၤ 7:6

စီၤဧ့စြၤမ့ၢ်ပှၤကူၣ်သ့ကူၣ်ဘၣ်တဂၤလၢအအိၣ်ဒီးတၢ်သ့ၣ်ညါနၢ် ပၢၢ်ဂ့ၤဂ့ၤကလဲာ်ဖဲအဘၣ်ထွဲဒီးပှၤယူဒၤဖိအတၢ်သိၣ်တၢ်သီ လၢယွၤ, အံၣ်စရ့လးအကစၢ်ယွၤဟ့ၣ်တ့ၢ်စီၤမိၤၡ့န့ၣ်လီၤ. မ့ၢ်လၢစီၤဧ့စြၤဒိးန့ၢ်ကစၢ်, အဝဲအကစၢ်ယွၤအတၢ်ဆိၣ်ဂ့ၤအဃိ, စီၤပၤဖးဒိၣ်ဟ့ၣ်အီၤတၢ်လၢအဃ့ဝဲတမံၤလၢ်လၢ်န့ၣ်လီၤ. လၢစီၤအၢ်တၤၡါၡတၤပၢတၢ်နွံနံၣ်တနံၣ်န့ၣ်စီၤဧ့စြၤဟးထီၣ် လၢကီၢ်ဘၤဘူၤလိၣ်ဒ်သိးကလဲၤဆူဝ့ၢ်ယရူၤၡလ့ၣ်ဃုာ်ဒီးပှၤအံၣ် စရ့လးဖိတဖုလၢအအိၣ်ဝဲဒီးပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်, တၢ်လုၢ်ဟံၣ်အပှၤသးဝံၣ်တၢ်ဖိတဖၣ်, တၢ်လုၢ်ဟံၣ်အပှၤပၢၤတၢ်တဖၣ် ဒီးပှၤမၤတၢ်လၢတၢ်လုၢ်ဟံၣ်အပူၤတဖၣ်န့ၣ်လီၤ.

စံးထီၣ်ပတြၢၤ 106:6

ပမၤလံတၢ်ဒဲးဘးဒ်ပပၢ်တဖၣ် မၤတ့ၢ်ဝဲအသိး ပမၤကမၣ်တ့ၢ်တၢ်ဒီး အိၣ်မူအၢအၢသီသီန့ၣ်လီၤ.

စံးထီၣ်ပတြၢၤ 89:31

မ့ၢ်လုၣ်သ့ၣ်ခါပတာ်ယတၢ်သိၣ်တၢ်သီဒီး မ့ၢ်တတိၢ်န့ၢ်ယတၢ်မၤလိာ်ဘၣ်န့ၣ်ဒီး

စံးထီၣ်ပတြၢၤ 89:32

ယကသိၣ်ဃီၣ်အဝဲသ့ၣ်လၢနီၣ်တီၢ် လၢအတၢ်ကမၣ်အဃိ ဒီးအတၢ်အၢလၢတၢ်တီၢ်န့ၣ်လီၤ

လံာ်ယၡါယၤ 1:4

ပှၤတၢ်ဒဲးဘးဖိတကလုာ်, ပှၤဟးဂီၤဒီးပှၤအၢပှၤသီသ့ၣ်ဧၢ, သုဘၣ်တၢ်စံၣ်ညီၣ်ဃါမနၤလီၤ. သုတၢ်ဒဲးဘးတဖၣ်ထုး လီၤသုဒီးသုတတူၢ်လိာ်ကစၢ်, အံၣ်စရ့လးအကစၢ်ယွၤစီဆှံ ဘၣ်, ဒီးသုဒီသုချၢလၢအီၤလီၤ.

လံာ်ဒၤနံးယ့လး 9:11

ပှၤအံၣ်စရ့လးဖိခဲလၢာ်လုၣ်သ့ၣ်ခါပတာ်လံနတၢ်သိၣ်တၢ် သီတဖၣ်ဒီးဂ့ၢ်လိာ်ဝဲဒ်သိးအသုတဒိကနၣ်ဘၣ်တၢ်လၢနကတိၤတ့ၢ် တဖၣ်တဂ့ၤန့ၣ်လီၤ. ပမၤတ့ၢ်တၢ်ဒဲးဘးထီဒါနၤလီၤ. မၤသးဒ်န့ၣ်ဒီးနဒုးလီၤဘၣ်ပှၤလၢတၢ်ဆိၣ်အၢဒ်အဘၣ်တၢ်ကွဲး တ့ၢ်အသးလၢနခ့နပှၤစီၤမိၤၡ့အတၢ်သိၣ်တၢ်သီအပူၤအသိးန့ၣ်လီၤ.

လံာ်ဒၤနံးယ့လး 9:13

ဒီးဟ့ၣ်လီၤပှၤကယဲၢ်တၢ်စံၣ်ညီၣ်ဒ်တၢ်ကွဲးဖျါတ့ၢ်လၢစီၤမိၤၡ့ အတၢ်သိၣ်တၢ်သီအပူၤလီၤ. အိယွၤ, ပကစၢ်ယွၤဧၢ, ခဲကနံၣ်အံၤဒၣ်လဲာ်ပတကျဲးစၢးမၤမုာ်နသးခီဖျိတၢ်ဃၣ်ကွံာ် ပသးလၢပတၢ်ဒဲးဘးတဖၣ်မ့ၢ်ဂ့ၤ, ခီဖျိတၢ်မၤထွဲနတၢ်မ့ၢ်တၢ်တီမ့ၢ်ဂ့ၤဒံးဘၣ်.

လံာ်ဟိၤၡ့ 9:9

တၢ်လၢအဝဲသ့ၣ်မၤဝဲန့ၣ်မ့ၢ်ဒၣ်တၢ်အၢတၢ်သီလၢအတၢ်မုၢ်လၢ် တအိၣ်ဘၣ်ဒ်သိးဒၣ်လၢအဝဲသ့ၣ်အိၣ်တ့ၢ်လၢဝ့ၢ်ကံးဘဧးအခါန့ၣ် လီၤ. ကစၢ်ယွၤကသ့ၣ်နီၣ်ထီၣ်အဝဲသ့ၣ်အတၢ်ဒဲးဘးတဖၣ်ဒီးစံၣ်ညီၣ် အဝဲသ့ၣ်လၢတၢ်အံၤအဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 27:34

တၢ်မၤလိာ်တဖၣ်အံၤမ့ၢ်တၢ်မၤလိာ်တဖၣ်လၢယွၤဟ့ၣ်လီၤစီၤမိၤၡ့ လၢပှၤအံၣ်စရ့လးဖိအဂီၢ်လၢကစၢၢ်စံၤနါအလိၤန့ၣ်လီၤ.

လံာ်စဖါနယၤ 3:7

ယဆိကမိၣ်တ့ၢ်လၢတုၤတၢ်မၤအသးဒ်န့ၣ်ဒီးယပှၤဂီၢ်မုၢ် ကပာ်ကဲယၤဒီးတူၢ်လိာ်ယတၢ်သိၣ်တၢ်ဘျၢဒ်သိးအသု တသးပ့ၤနီၣ်တၢ်မၤလိလၢယသိၣ်လိအဝဲသ့ၣ်လ့ၤတက့ၤန့ၣ်လီၤ. ဘၣ်ဆၣ်ဒီးလၢတၢ်စွံကတုၤအပူၤမၤဒံးတၢ်ဒဲးဘးဒ်လၢညါ အသိးန့ၣ်လီၤ.”

လံာ်မၤလကံ 4:4

“သ့ၣ်နီၣ်ထီၣ်က့ၤယခ့ယပှၤစီၤမိၤၡ့အတၢ်သိၣ်လိ, တၢ်သိၣ်တၢ်သီဒီးတၢ်မၤလိာ်လၢယဟ့ၣ်တ့ၢ်အီၤလၢကစၢၢ်စံၤနါလၢ ပှၤအံၣ်စရ့လးဖိခဲလၢာ်ကစူၢ်ဝဲအဂီၢ်န့ၣ်တက့ၢ်.

လံာ်သိၣ်လီၤသီလီၤတၢ် 4:1

အန့ၣ်ဝံၤဒီးစီၤမိၤၡ့စံးဘၣ်ပှၤဂီၢ်မုၢ်, “စူၢ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီခဲလၢာ်လၢယသိၣ်လိတ့ၢ် သုန့ၣ်တက့ၢ်. ဒီးသုကမူဒီးမၤန့ၢ်ကီၢ်လၢယွၤ, သုမိၢ်ပၢ်ဖံဖုလၢပျၢၤတဖၣ်အကစၢ်ယွၤဟ့ၣ်လီၤသုန့ၣ်လီၤ.

လံာ်သိၣ်လီၤသီလီၤတၢ် 4:5

ယသိၣ်လိတ့ၢ်သုလၢကယဲၢ်တၢ်ဘူၣ်တၢ်ဘါအတၢ်သိၣ်တၢ်သီ ခဲလၢာ်, ဒ်ယွၤ, ပကစၢ်ယွၤတဲဘၣ်ယၤလၢယကဘၣ်မၤအီၤအသိးန့ၣ် လီၤ. စူၢ်အီၤလၢကီၢ်တဘ့ၣ်လၢသုကလဲၤနုာ်ဒုးဒီးမၤန့ၢ်အီၤအပူၤ န့ၣ်တက့ၢ်.

လံာ်သိၣ်လီၤသီလီၤတၢ် 5:1

စီၤမိၤၡ့ကိးဖှိၣ်ကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ် ဒီးစံးဘၣ်အဝဲသ့ၣ်, ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဒိကနၣ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီခဲလၢာ်လၢယဟ့ၣ်လီၤသု တနံၤအံၤန့ၣ်တက့ၢ်. မၤလိအီၤဒီးစူၢ်အီၤသပှၢ်ကတၢၢ်တက့ၢ်.

လံာ်သိၣ်လီၤသီလီၤတၢ် 6:1

တၢ်တဖၣ်အံၤမ့ၢ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢယွၤ, သုကစၢ်ယွၤမၤလိာ်ယၤဒ်သိးယကသိၣ်လိသီလိန့ၣ်လီၤ. စူၢ်အီၤလၢကီၢ်တဘ့ၣ်လၢသုကလဲၤနုာ်လီၤဒီး မၤန့ၢ်အီၤအပူၤန့ၣ်တက့ၢ်.

လံာ်လီၣ်ဖျါ 19:2

အဝဲအတၢ်စံၣ်ညီၣ်တဖၣ်မ့ၢ်ဝဲတီဝဲ, ဒီးတီဝဲလိၤဝဲလီၤ. အဝဲစံၣ်ညီၣ်ဃၣ်တ့ၢ်လံဃဲသဲမုၣ်လၢအမၤဟးဂီၤဟီၣ်ခိၣ်လၢ အလုၢ်အၢလၢ်သီန့ၣ်လီၤ. ကစၢ်ယွၤစံၣ်ညီၣ်တ့ၢ်လံအီၤမ့ၢ်လၢအဝဲဒၣ်မၤသံတ့ၢ် ကစၢ်ယွၤအခ့အပှၤတဖၣ်အဃိလီၤ.”