လံာ်စီၤနဃ့မယၤ 1:2 - Sgaw Karen Common Bible

² ဒီးစီၤဃနၤနံလၢအမ့ၢ်ယဒီပုၢ်ဝဲၢ်ခွါတဂၤဟဲလၢကီၢ်ယူဒၤ ဃုာ်ဒီးပှၤအဂၤတဖၣ်န့ၣ်, ဒီးယသံကွၢ်အီၤဘၣ်ဃးဒီးဝ့ၢ်ယရူၤၡလ့ၣ်ဒီးပပှၤယူဒၤဖိလၢ အဟဲက့ၤလၢတၢ်စိာ်မၢကဲကုၢ်လၢကီၢ်ဘၤဘူၤလိၣ်တဖၣ်အဂ့ၢ် အကျိၤန့ၣ်လီၤ.

လံာ်စီၤနဃ့မယၤ 1:2 Iomraidhean Croise

လံာ်တၢ်ကဲထီၣ်အခီၣ်ထံး 14:10

ဒီးစံးဒံၣ်အတၢ်တြီၤပူၤန့ၣ်ပှဲၤဒီးကျဲတံးအပူၤတဖၣ်ဒီးဖဲ စဒိၣ်ဒီးဂမိၤရၤအစီၤပၤတဖၣ်ဃ့ၢ်ကွံာ်လၢတၢ်ဒုးဒီးလီၤတဲာ် လၢတၢ်ပူၤန့ၣ်လီၤ. ဘၣ်ဆၣ်ဒီးစီၤပၤအဂၤတဖၣ်ဃ့ၢ်ပူၤဖျဲးဝဲဆူကစၢၢ်ကလိန့ၣ် လီၤ.

လံာ်စီၤပၤခံဘ့ၣ်တဘ့ၣ် 24:14

စီၤနဘူၤကးန့စၢ်စိာ်ထီၣ်ကွံာ်ဝ့ၢ်ယရူၤၡလ့ၣ်အပှၤဂီၢ်မုၢ်ဒ် ပှၤဘၣ်တၢ်စၢဃာ်တဖၣ်အသိး, ကယဲၢ်စီၤပၤအဖိခွါခဲလၢာ်, ဒီးကယဲၢ်ပှၤတူၢ်ဒိၣ်ကီၤဒိၣ်တဖၣ်, ခဲလၢာ်ပှၤအဂၤတကလးန့ၣ် လီၤ. အဝဲက့ၤကိးဃုာ်စ့ၢ်ကီးဝဲပှၤမၤတၢ်သ့ဂ့ၤဂ့ၤတဖၣ်, အိၣ်ဃုာ်ဒီးပှၤပိာ်ထးဖိတဖၣ်, ပာ်တ့ၢ်ဝဲထဲပှၤဂီၢ်မုၢ်လၢ အဖှီၣ်ကတၢၢ်တဖၣ်လၢကီၢ်ယူဒၤအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 25:12

ဘၣ်ဆၣ်လၢကီၢ်ယူဒၤအပူၤန့ၣ်, အဝဲပာ်တ့ၢ်ပှၤအဖှီၣ်ကတၢၢ်အကျါ တနီၤလၢအတၢ်စုလီၢ်ခီၣ်ခိၣ်တအိၣ်နီတမံၤ, ဒီးမၢအဝဲသ့ၣ်မၤတၢ်လၢစပံးလီၢ်တဖၣ်ဒီးစံာ်ပျီတဖၣ်အပူၤန့ၣ်လီၤ.

လံာ်စီၤဧ့စြၤ 9:14

လၢတၢ်န့ၣ်အဃိ, ပတပာ်ကဲကဒီးနတၢ်မၤလိာ်တဖၣ်ဒီးဆီဟံၣ်ဆီဃီ ဒီးပှၤဂီၢ်မုၢ်အအၢအသီတဖၣ်အံၤကသ့ဝဲဒ်လဲၣ်. ပမ့ၢ်မၤဒ်န့ၣ်ဒီးနကသးဒိၣ်ထီၣ်ဒိၣ်မးတုၤဒၣ်လဲာ်နကမၤဟးဂီၤ ကွံာ်ပှၤလၢာ်လၢာ်ဆ့ဆ့ဒီးတပျဲအိၣ်မူလီၤတဲာ်ပှၤနီတဂၤဘၣ် န့ၣ်လီၤ.

လံာ်စီၤနဃ့မယၤ 7:2

ဒီးယပာ်လီၤပှၤခံဂၤလၢကပၢဆှၢဝ့ၢ်ယရူၤၡလ့ၣ်လၢအမ့ၢ်, ယဒီပုၢ်ဝဲၢ်ခွါစီၤဃနၤနံဒီးတိာ်အပဒိၣ်ဖးဒိၣ်စီၤဃနၤနံ ယၤန့ၣ်လီၤ. စီၤဃနၤနံယၤမ့ၢ်ပှၤလၢပှၤနာ်န့ၢ်အီၤသ့ ဒီးမ့ၢ်ပှၤပျံၤယွၤဒိၣ်န့ၢ်ပှၤအဂၤန့ၣ်လီၤ.

လံာ်ယံးရမံယၤ 44:14

ကီၢ်ယူဒၤအပှၤဂီၢ်မုၢ်လၢ အအိၣ်လီၤတဲာ်ဒီးဟဲဆူကီၢ် အဲၤကူပတူးလၢ ကအိၣ်ကဆိးဝဲအဂီၢ်တဖၣ်, တထူၣ်ဖျဲး ဘၣ်မ့ၢ်ဂ့ၤ, တအိၣ်မူလီၤတဲာ်ဘၣ်မ့ၢ်ဂ့ၤ, နီတဂၤဘၣ်. အဝဲသ့ၣ်တက့ၤကဒါက့ၤဘၣ် ဆူကီၢ်ယူဒၤ, ဖဲအဝဲသ့ၣ်သးအိၣ် အိၣ်ဆိးကဒီၤဘၣ်ဝဲန့ၣ်, နီတဂၤဘၣ်. မ့တမ့ၢ်ဘၣ်လၢ ပှၤဃ့ၢ်ပူၤဖျဲးအသးစှၤဂၤဘၣ်ဒီး, ပှၤတက့ၤကဒါက့ၤဘၣ် နီတဂၤဘၣ်.”

လံာ်ယဃ့းစက့လး 6:9

ဆူတၢ်လီၢ်ဖဲအဝဲသ့ၣ်ကအိၣ်ဆိးဝဲလၢတၢ်မၢကဲကုၢ်အပူၤန့ၣ် လီၤ. ဖဲန့ၣ်, အဝဲသ့ၣ်ကသ့ၣ်နီၣ်ယၤဒီးသ့ၣ်ညါဝဲလၢယစံၣ်ညီၣ်တ့ၢ် အဝဲသ့ၣ်မၤမဲာ်ဆှးအဝဲသ့ၣ်, မ့ၢ်လၢအဝဲသ့ၣ်လဲၤသဒၣ်ကွံာ်ယၤလၢအတၢ်သးတတီအဃိဒီးအဝဲသ့ၣ် ဘၣ်သူၣ်ဘၣ်သးလၢတၢ်ဂီၤတၢ်ဖီၣ်တဖၣ်ဒိၣ်န့ၢ်အါန့ၢ်ဒံးယၤအဃိ န့ၣ်လီၤ. ဒီးအဝဲသ့ၣ်ကသးဘၣ်အၢလီၤက့ၤအသးဒၣ်ဝဲ, မ့ၢ်လၢတၢ်အၢတၢ်သီ ဒီးတၢ်လီၤရၢၢ်လီၤစၢၢ်တဖၣ်လၢအဝဲသ့ၣ်မၤတ့ၢ်ဝဲအဃိန့ၣ်လီၤ.

လံာ်ယဃ့းစက့လး 7:16

ပှၤတနီၤနီၤကဃ့ၢ်ပူၤဖျဲးဆူကစၢၢ်ကလိတဖၣ်, ဒ်ထိၣ်လွံၢ်တဖၣ်ဘၣ်တၢ်မၤပျံၤမၤဖုးထီၣ်ကွံာ်အီၤလၢတၢ်တြီၤ တဖၣ်အပူၤအသိးန့ၣ်လီၤ. အဝဲသ့ၣ်ခဲလၢာ်ကဟီၣ်ကယၢၤဝဲလၢအတၢ်ဒဲးဘးတဖၣ်အဃိန့ၣ်လီၤ.