လံာ်နၤဃူၣ် 3:17 - Sgaw Karen Common Bible

¹⁷ နပှၤပၢၤတၢ်တဖၣ်န့ၣ်လီၤဂာ်ဒ်ဒွဲၣ် ဧိၤတြၤဧိၤတဖုတဂီၢ်အသိးလၢအအိၣ်လၢဝ့ၢ်ခိၣ်ဒူတဖၣ် အဖီခိၣ်ဖဲတၢ်ဂိၢ်အမုၢ်တနံၤန့ၣ်လီၤ. မ့မ့ၢ်တုၤမုၢ်ဟဲထီၣ်ဒီးအဝဲသ့ၣ်ယူၤထီၣ်ကွံာ်ဝဲ, ဒီးမ့ၢ်အလဲၤဆူလဲၣ်န့ၣ်, ပှၤတသ့ၣ်ညါဘၣ်နီတဂၤဘၣ်.

လံာ်နၤဃူၣ် 3:17 Iomraidhean Croise

လံာ်ယံးရမံယၤ 51:27

ဟ့ၣ်တၢ်ပနီၣ်လၢ တၢ်ကထီၣ်ဒုးတၢ်အဂီၢ်တက့ၢ်. အူထီၣ်ကွဲၤဒ်သိး ပှၤကလုာ်တဖၣ်နၢ်ဟူဝဲကသ့အဂီၢ်တက့ၢ်. ကတဲာ်ကတီၤပှၤကလုာ်တဖၣ်လၢ တၢ်ဒုးတၢ်ထီဒါ ကီၢ်ဘၤဘူၤလိၣ်အဂီၢ်တက့ၢ်. တဲဘၣ်ဘီဧိၤမုၢ်ဧိၤတဖၣ်လၢအမ့ၢ် ဝဲအရၤရး, မံးနံး, ဒီးအၤၡကံနးလၢ ကလဲၤထီၣ်ဒုးတၢ်အဂီၢ်တ က့ၢ်. ဃုထၢပာ်လီၤသုးခိၣ်တဂၤလၢ ကဆှၢတၢ်လၢတၢ်ဒုး အဂီၢ်တက့ၢ်. ဒုးဟဲထီၣ်ကသ့ၣ်တဖၣ်ဒ်ဒွဲၣ်အဖုအဂီၢ်အသိးန့ၣ်တက့ၢ်.

လံာ်ယဃ့းစက့လး 31:12

ပှၤတခီဘီမုၢ်ဖိတဖၣ်လၢတအိၣ်ဒီးတၢ်သးကညီၤဘၣ်န့ၣ်ကကျီလီၤ အီၤဒီးပာ်တ့ၢ်ကွံာ်အီၤန့ၣ်လီၤ. အဒ့တဖၣ်ဒီးအဒ့ဖးဒိၣ်တဖၣ်လၢ အကၢ်ကွံာ်န့ၣ်ကလီၤတဲာ်လၢကယဲၢ်ကစၢၢ်အလိၤဒီးဆူတၢ်တြီၤ ပူၤလၢထံကီၢ်အပူၤန့ၣ်လီၤ. ပှၤကလုာ်တဖၣ်လၢအအိၣ်ဆိးလၢ အဝဲအတၢ်ကဒုပူၤန့ၣ်ကဟးကွံာ်ဝဲဒၣ်န့ၣ်လီၤ.

လံာ်နၤဃူၣ် 2:9

ဂုာ်န့ၢ်စ့, ဂုာ်န့ၢ်ထူတက့ၢ်. ဝ့ၢ်အံၤပှဲၤဝဲဒီးတၢ်ထူးတၢ်တီၤလီၤ.

လံာ်လီၣ်ဖျါ 9:7

ဒွဲၣ်သ့ၣ်တဖၣ်န့ၣ်လီၤဂာ်ဒီးကသ့ၣ်တဖၣ်လၢအအိၣ်ကတဲာ် ကတီၤအသးလၢတၢ်ဒုးသုးအဂီၢ်လီၤ. လၢအဝဲသ့ၣ်တဖၣ်အခိၣ် လိၤန့ၣ်, အိၣ်ဒီးတၢ်လၢအလီၤဂာ်ဒီးခိၣ်သလုးထူတဖၣ်, ဒီးအဝဲသ့ၣ်အမဲာ်သၣ်တဖၣ်လီၤဂာ်လၢပှၤကညီအမဲာ်သၣ် န့ၣ်လီၤ.