လံာ်နၤဃူၣ် 3:16 - Sgaw Karen Common Bible

¹⁶ နဒုးအါထီၣ်တ့ၢ်ပှၤကၤတၢ်ဖိအါန့ၢ်ဒံးဆၣ် ဧိၤဖီဧိၤအိၣ်လၢမူခိၣ်တက့ၢ်လီၤ. ဘၣ်ဆၣ်ဒီးခဲကနံၣ်အံၤ, အဝဲသ့ၣ်ဟါမၢ်ကွံာ်ဝဲဒ်ဒွဲၣ်ဧိၤတြၤဧိၤသလၣ်ထီၣ်အဒံးတဖၣ်ဒီး ယူၤထီၣ်ကွံာ်အသိးန့ၣ်လီၤ.

လံာ်နၤဃူၣ် 3:16 Iomraidhean Croise

လံာ်တၢ်ကဲထီၣ်အခီၣ်ထံး 15:5

ယွၤကိးထီၣ်အီၤဆူတၢ်ချၢဒီးစံးဝဲဒၣ်, “ကွၢ်ထီၣ်ဆူမူခိၣ် ဒီးဂံၢ်ကွၢ်ဆၣ်ဧိၤဖီဧိၤန့ၣ်တက့ၢ်. နကအိၣ်ဒီးနစၢၤနသွဲၣ်အါအါဂီၢ်ဂီၢ်ဒ်န့ၣ်အသိးလီၤ.”

လံာ်တၢ်ကဲထီၣ်အခီၣ်ထံး 22:17

ယအၢၣ်လီၤလၢယကဟ့ၣ်လီၤနၤလၢနစၢၤနသွဲၣ်တဖၣ်အါဝဲဂီၢ်ဝဲဒ်ဆၣ် ဧိၤဖီဧိၤလၢမူခိၣ်အသိးမ့ၢ်ဂ့ၤ, ဒ်မဲးဧိၤဟီၣ်ဧိၤလၢပီၣ်လဲၣ်နံၤအသိးမ့ၢ်ဂ့ၤန့ၣ်လီၤ. နစၢၤနသွဲၣ်တဖၣ်ကမၤနၢၤအဒုၣ်အဒါတဖၣ်န့ၣ်လီၤ.

လံာ်စီၤနဃ့မယၤ 9:23

နဟ့ၣ်အီၤအဖိတဖၣ်အါအါဂီၢ်ဂီၢ်ဒ်ဆၣ်လၢမူကပိာ်လိၤအသိး ဒီးပျဲအမၤနၢၤကွံာ်ဒီးအိၣ်ဝဲဆိးဝဲလၢထံဧိၤကီၢ်ဧိၤ လၢနအၢၣ်လီၤတ့ၢ်အမိၢ်ပၢ်ဖံဖုလၢပျၢၤတဖၣ်လၢနကဟ့ၣ် အဝဲသ့ၣ်အပူၤန့ၣ်လီၤ.

စံးထီၣ်ပတြၢၤ 105:34

အဝဲဟ့ၣ်လီၤအကလုၢ်ဒီးဒွဲၣ်တဖၣ်ဟဲထီၣ်ဝဲ, အိၣ်အကကွဲၢ်တဖၣ်လၢ တၢ်ဂံၢ်တသ့ဘၣ်,

လံာ်ယၡါယၤ 23:8

ပှၤတဂၤလၢအကူၣ်ကျဲၤတၢ်ဒ်သိးတၢ်ခဲလၢာ်အံၤကလီၤဘၣ် လၢဝ့ၢ်ထါယၢၣ်, ဝ့ၢ်စိဒိၣ်ကမီၤထီလၢအပှၤပနံာ်တၢ်ကၤတၢ် တဖၣ်မ့ၢ်ပှၤဒိးဘၣ်တၢ်လၤတၢ်ကပီၤအဒိၣ်ကတၢၢ်လၢဟီၣ်ခိၣ် ချၢအံၤန့ၣ်မ့ၢ်မတၤတဂၤလဲၣ်.

လံာ်ယံးရမံယၤ 33:22

ယကမၤအါထီၣ်ယခ့ယပှၤ စီၤဒၤဝံးအစၢၤအသွဲၣ် တဖၣ်အနီၣ်ဂံၢ်, တုၤဒၣ်လဲာ် ပှၤဂံၢ်အဝဲသ့ၣ်တသ့ လၢၤဘၣ်. ဒ်ပှၤဂံၢ်ဆၣ်တဖၣ်လၢ မူကပိာ်လိၤ မ့ၢ်ဂ့ၤ, မဲးဧိၤဟီၣ်ဧိၤလၢ ပီၣ်လဲၣ်ကၢၢ်နံၤမ့ၢ်ဂ့ၤ, တသ့ဝဲဘၣ် အသိးန့ၣ်လီၤ.”

လံာ်ယိၤအ့လး 1:4

ဒွဲၣ်ဧိၤတြၤဧိၤတဖုဝံၤတဖုဟဲထီၣ်ဒီးမၤဟးဂီၤကွံာ်တၢ်မုၢ်တၢ်ဘိတဖၣ်လီၤ. တၢ်လၢဒွဲၣ်တဖုပာ်လီၤတဲာ်တ့ၢ်ဝဲန့ၣ်, အဂၤတဖုမၤဟးဂီၤကွံာ်ဝဲလီၤ.